Kirtipur Churches Fellowship,KTM Nepal

13/07/2025

मासिक संगती तथा सदस्यता प्रमाणपत्र बितरण।

२९असार,२०८२|कीर्तिपुर।

कीर्तिपुर चर्चेज फेलोशिपले आफ्नो नियमित मासिक संगती ढल्पास्थित कीर्तिपुर चर्चमा हिजो शनिबार सु-सम्पन्न गरेको छ। फेलोशिपको बार्षिक क्यालेन्डर अनुसार घुम्ती संगती गरिएको हो।संगतीमा कीर्तिपुर र आसपासका चर्चहरुबाट पास्टर तथा अगुवाज्युहरुको उपस्थिति रहेको थियो।
कार्यक्रममा संगतीको सन्चालन स्थानीय चर्चका अगुवा प्रदीप महर्जनले गर्नुभएको थियो भने प्रबचन फेलोशिपका अध्यक्ष पा.सुर्यनारायण श्रेष्ठज्युले प्रस्तुत गनुभएको थियो।त्यस्तै सुचना र प्रार्थनाका बिषयहरुमा अगुवाइ फा.मोहन शर्माले गर्नुभएको थियो।संगतीमा देश-बिदेश,स्थानीय चर्च तथा समसामयीक बिषयमा प्रार्थना गरिएको थियो।कार्यक्रममा नयाँ कार्यसमिति चयनपछि पहिलोपटक २१वटा सदस्य चर्चहरुलाई सदस्यता प्रमाणपत्र समेत बितरण गरिएको थियो।उपस्थिति जनाउनुहुने सबै गुरुजनहरुलाई हार्दिक धन्यवाद!

08/05/2025

Celebrating my 6th year on Facebook. Thank you for your continuing support. I could never have made it without you. 🙏🤗🎉

15/11/2024

फेलोशिपले रिट्रीट गर्यो।

३०कार्तिक २०८१,शुक्रबार।

कीर्तिपुरको इसाई समुदायको प्रतिनिधित्व गर्ने संस्था कीर्तिपुर चर्चेज फेलोशिपले पास्टर तथा अगुवाहरुबिच रिट्रीट कार्यक्रम गत कार्तिक २५ र २६गते अर्थात नोभेम्बर १० र ११ तारिख नगरकोटस्थित होटल चौतारीमा सम्पन्न गरेको छ।
पास्टर तथा अगुवाहरूबिच संगती,प्रेम,भातृत्व र सेवकाईमा उर्जाशिल बनाउने उदेश्यले आयोजित कार्यक्रममा २४ जना पास्टर तथा अगुवाहरूको उपस्थिति रहेको थियो।टेवरनेकल मिनिष्ट्रीज नेपालको पनि सहकार्य रहेको कार्यक्रममा `समय ब्यबस्थापन र जवाफदेहिता´बिषयमा सिकाइएको थियो।कार्यक्रमका मुख्य बक्ता रेभ.पा.प्रदिपकुमार झा ले एक अगुवाको रुपमा सेवा गर्दा समय ब्यबस्थापन र जवाफदेहिता महत्त्वपूर्ण हुने उल्लेख गर्दै समय ब्यबस्थापन र जवाफदेहिता `जीवनको अंग´बनाउनुपर्नेमा जोड दिनुभयो।कार्यक्रममा शान्त समय,समसामयिक बिषयमा प्रार्थना गर्न प्रार्थनाको समय,प्रबचन,आराधना,डांडाको प्रार्थना,छलफल लगायतका कुराहरू समाबेश गरिएको सचिव फादर मोहन शर्माले जानकारी दिनुभयो।कार्यक्रमबाट सहभागिहरुले निकै आशिष पाएको अनुभव सुनाउनु भएको थियो।सहभागी सबैप्रति फेलोशिप हार्दिक धन्यवाद ज्ञापन गर्दछ।

29/07/2024

यस कीर्तिपुर नगरीको सर्वोपरी विकाशमा आफ्नो तन,मन,धन दिएर लागि पर्नुभएका नगरका अभिभावक मेयर श्री राजकुमार नकर्मीज्युको असामयिक निधनले हामी स्तब्ध भएका छौँ।यस दुखको घडिमा परिवारलाई सान्त्वना मिलोस भनी प्रार्थना गर्दै उहाँप्रती भावपुर्ण श्रद्धाञ्जली अर्पण गर्दछौं।

29/12/2023

फेलोशिपले शुभकामना आदन प्रदान गर्यो।
२९, डिसेम्बर,शुक्रबार,कीर्तिपुर।

कीर्तिपुर ख्रीष्टियन समुदायको प्रतिनिधित्व गर्ने संस्था`कीर्तिपुर चर्चेज फेलोशिप´ले ख्रीष्टमसको उपलक्ष्यमा कीर्तिपुर भेगका पास्टर तथा अगुवाहरुका बिच शुभकामना आदनप्रदान कार्यक्रम सम्पन्न गरेको छ।कार्यक्रम गएको २२डिसेम्बर शुक्रवारका दिन कीर्तिपुर लोकतान्त्रिक चोकस्थित के.एन.एस किचेन एन्ड बैङ्केटमा सम्पन्न गरेको हो।

कीर्तिपुर भेगमा भएका पास्टर तथा अगुवाहरुबिच भातृत्व,प्रेम तथा सद्भाव अभिबृद्दी गर्ने उदेश्यले बार्षिक कार्ययोजना अन्तर्गत कार्यक्रम आयोजना गरिएको फेलोशिपका सचिव तथा कार्यक्रम संयोजक फादर मोहन शर्माज्युले जानकारी दिनुभयो।
कार्यक्रममा प्रमुख अतिथिको रुपमा कीर्तिपुर नगरपालिकाका उपप्रमुख श्री शुभलक्षमी शाक्य `सुनिता´ज्यु हुनुहुन्थ्यो भने विशेष अतिथिको रुपमा पाटन क्वाइनोनिया ख्रीष्टिय मण्डलीका बरिष्ट पास्टर रेभ.डा.मंगलमान महर्जनज्यु हुनुहुन्थ्यो।प्रमुख अतिथी शाक्यले`ख्रीष्टियन समुदायको समस्याहरु आफुसंग जानकार रहेको र उक्त समस्या समाधानका लागि सक्दो प्रयास गर्ने बताउनुहुदै ख्रीष्टभक्तजनहरुलाई ख्रीष्टमसको शुभकामना ब्यक्त गर्नुभयो।कार्यक्रममा शुरुको प्रार्थना बिशप रामचन्द्र पौडेलज्यु, स्वागत मन्तब्य फादर मोहन शर्माज्यु,खादा तथा ब्याच बितरण श्रीमती जुनु लामा,प्रमिला श्रेष्ठ र कुन्ती तुलाधर, आराधनामा अगुवाइ यु.वाइ.एम टिम,नृत्य श्रीमती जुनु लामाको टिम,बाइबल पाठ सहसचिव एल्डर आमोस क्षेत्री,बचनको लागि प्रार्थना पा.उमाकान्त शर्मा,धन्यवाद ज्ञापन तथा सुचना पा.गणेशमान महर्जन र कार्यक्रम समापनको प्रार्थना अध्यक्ष पा.सुर्यकुमार श्रेष्ठज्युले गर्नुभएको थियो।फेलोशिपका सल्लाहकार तथा नेपाल बाइबल चर्चका रेभ.पा.रुपनारायण तिम्सिनाज्युले कुशलतापुर्वक सन्चालन गर्नुभएको कार्यक्रममा दक्षिण भेगिय इसाई समाजका अध्यक्ष पा.चन्डेराज तामाङ,पश्चिम भेगिय ख्रीष्टिय मण्डली एकताका अध्यक्ष पा.जगु बिशुङ्केज्यु लगायतले शुभकामना मन्तब्य राख्नुभएको थियो।सेवाको उच्च मुल्याङकन गर्दै पा.राजकुमार महर्जन र नेवा: लहना विश्व सरसफाइ अभियान्ता श्री राजमान मानवज्युलाई सम्मान समेत गरिएको छ।कार्यक्रमको सभापतित्व अध्यक्ष पा.सुर्यकुमार श्रेष्ठज्युले गर्नुभएको थियो।

19/12/2023

हार्दिक निमन्त्रणा!

आज सांझ ठिक ४ बजे कीर्तिपुर गेट तथा ढल्पा चौकमा आई.एफ.जीएफ चर्च थापागाउं,कीर्तिपुरको आयोजनामा संगितमय सु-समाचारीय ख्रीष्टमस क्यारोल कार्यक्रम आयोजना हुन लागेको हुनाले कीर्तिपुर वरपरका सबै पास्टर,अगुवा तथा बिश्वासीहरुलाई हर्षोलासका साथ उपस्थिति भइदिनुहुन हार्दिक निमन्त्रणा गरिएको छ।

मिति:आज मंगलबार
स्थान:कीर्तिपुर गेट
समय:अपरान्ह ४ बजे
थप जानकारीको लागि:
एल्डर राजकुमार तामाङ
मोबाइल नं.9840000510

-सचिवालय

04/04/2022

बैठक सम्पन्न।

२१ चैत्र,२०७८ कीर्तिपुर।

कीर्तिपुर चर्चेस फेलोशिपको बैठक सप्पन्न भएको छ।गत चैत्र १९ गते कीर्तिपुरस्थित मिलाप मण्डलीमा बिबिध निर्णयहरु गर्दै बैठक सम्पन्न भएको हो।

बैठकमा गिदोन इन्टरनेसनल नेपालका राष्ट्रीय प्रतिनिधि एल्डर राजु नेपाली रम्तेलले राख्नुभएको चर्चहरुसंगको सहकार्य,संगती र सदस्यताबारे स्थानीय चर्चलाई जानकारी गराउदै सकेसम्म सदस्यताका लागि प्रोत्साहन गर्ने निर्णय गरेको छ।त्यसैगरी आगामी बैशाख १० गते शनिबारका दिन फेलोशिपको साधारण सभा गर्ने र कीर्तिपुर भेगका सबै चर्चहरुलाई सहभागी गराउने निर्णय गरेको छ।

त्यसैगरी आसन्न इष्टर( पुनस्र्त्थान दिवस)का दिन ललितपुर वा काठमाडौमा हुने कार्यक्रममा स्व:स्फुर्त सहभागी हुन सक्ने तर संगठित रुपमा शान्ती र्यालीमा कार्यक्रमस्थल टाढा हुने भएकोले सहभागी नहुने निर्णय गरेको छ।यसका अलावा आ-आफ्नै चर्चमा कार्यक्रमहरु आयोजना गर्न सकिने जानकारी बैठकले दिएको छ।त्यस्तै बिगत बर्षहरुमा गर्दै आएको रिट्रीट यस बर्ष पनि गर्ने निर्णय गर्दै आगामी २९ जेष्ट २०७९ तदनुसार १२ जुन २०२२का दिन उपत्यका बाहिर मुलकोट सिन्धुली जाने निर्णय गरेको छ।

बैठकमा उपस्थिति जनाउने सबैप्रती फेलोशिप हार्दिक आभार प्रकट गर्दछ।

15/02/2022