12/09/2026
🙏 विपद् परेका परिवारहरूको साथमा नेपाल राष्ट्रिय तामाङ घेदुङ 🙏
नेपाल राष्ट्रिय तामाङ घेदुङ केन्द्रीय कार्यालय (याम्बु) र नेपाल राष्ट्रिय तामाङ घेदुङ साइप्रस शाखाको संयुक्त पहलमा नागार्जुन–३ स्थित यल्लो गुम्बा क्षेत्रमा बाढीबाट प्रभावित परिवारहरूलाई राहत वितरण कार्यक्रम सफलतापूर्वक गरिएको छ। 🙏❤️
विपद्को यस कठिन घडीमा पीडित परिवारहरूको दुःखमा साथ दिँदै राहत, सहयोग, सद्भाव र मानवताको भावना बाँड्न पाउनु हाम्रो लागि गौरवको विषय हो। 🤝
यस मानवीय अभियानका क्रममा नेपाल राष्ट्रिय तामाङ घेदुङका अध्यक्ष श्री वीरबहादुर योञ्जनज्यूले बाढीबाट प्रभावित परिवारका बालबालिकाको भविष्यप्रति समेत विशेष चासो र प्रतिबद्धता व्यक्त गर्नुभएको छ। उहाँले प्रभावित परिवारका १० जना बालबालिकालाई निःशुल्क अध्ययनको व्यवस्था गरिदिने प्रतिबद्धता व्यक्त गर्नुभएको छ। 📚❤️
त्यसैगरी, बाढीका कारण प्रभावित परिवारहरूलाई बसोबास गर्न असहज परिस्थिति सिर्जना भएमा घेदुङको भवनमा आवश्यकताअनुसार आश्रय तथा बसोबासको वातावरण मिलाउन सहयोग गर्ने प्रतिबद्धता समेत व्यक्त गर्नुभएको छ। 🏠🙏
यो केवल राहत वितरण मात्र होइन, विपद्मा परेका परिवारहरूको वर्तमानसँगै उनीहरूको भविष्यप्रति पनि जिम्मेवार बन्ने मानवीय प्रयास हो। शिक्षा, आश्रय र सहयोगमार्फत पीडित परिवारहरूलाई पुनः आफ्नो जीवन सामान्य बनाउन हौसला प्रदान गर्नु नै हाम्रो साझा उद्देश्य हो। ❤️
यस मानवीय कार्यलाई सफल बनाउन सहयोग, साथ, समर्पण तथा नैतिक सहयोग प्रदान गर्नुहुने नेपाल राष्ट्रिय तामाङ घेदुङ साइप्रस शाखाका सम्पूर्ण सहयोगी टिमप्रति हार्दिक आभार तथा विशेष धन्यवाद व्यक्त गर्दछौँ। साथै, पूर्व क्याप्टेन देवकुमार लामा (DK Buddhist) ज्यू लगायत यस मानवीय अभियानमा पुर्याउनुभएको महत्वपूर्ण सहयोग र योगदान पुराउनु हुने युवा ब्यवसायी तथा समाजसेवी जित बहादुर याेञ्जन ज्युप्रति विशेष सम्मानसहित हार्दिक धन्यवाद तथा आभार व्यक्त गर्दछौँ। उहाँको सहयोगले यस अभियानलाई थप बल, प्रेरणा र ऊर्जा प्रदान गरेको छ। 🙏❤️
तपाईंहरूको सहयोग, एकता र मानवताले बाढीपीडित परिवारहरूमा राहतसँगै आशा, भरोसा र नयाँ सम्भावनाको अनुभूति दिलाएको छ। 🤝
🙏 सम्पूर्ण सहयोगी हातहरूप्रति हार्दिक नमन तथा धन्यवाद। 🙏
विपद्मा साथ दिऔँ, मानवता बचाऔँ।
मानवता नै सबैभन्दा ठूलो धर्म हो।
नेपाल राष्ट्रिय तामाङ घेदुङ
केन्द्रीय कार्यालय, चापली हाइट, काठमाडौं
सम्पर्क नम्बर : 📲9851092593 ☎️ 015928054
