02/08/2026
श्री वीतक कथा तथा श्रीकृष्ण कथा श्रवणका लागि हार्दिक निमन्त्रणा ||
श्रीराज्जिको असीम अनुकम्पाले पावन अवसरमा सम्पूर्ण धर्मप्रेमी, श्रद्धालु भक्तजन तथा सुन्दर्साथ महानुभावहरूमा सादर निमन्त्रणा।
नेपालको मधेश प्रदेश, रौतहट जिल्ला, चन्द्रपुर नगरपालिका–९ स्थित श्रीकृष्ण प्रणामी मन्दिर, निजानन्दधाम नजरपुर श्रीकृष्ण प्रणामी सम्प्रदायको एक पवित्र आध्यात्मिक केन्द्र तथा धार्मिक पर्यटनस्थल हो। शान्त, हरित र पूर्ण शाकाहारी वातावरणले सुशोभित यस धामले आत्मिक शान्ति, मानव सेवा, सद्भाव, प्रेम र विश्वबन्धुत्वको दिव्य सन्देश प्रवाह गर्दै आएको छ। यहाँ वर्षभरि धार्मिक अनुष्ठान, सत्सङ्ग, सेवा, साधना तथा आध्यात्मिक जागरणका कार्यक्रमहरू सञ्चालन हुँदै आएका छन्, जसले हजारौं श्रद्धालु भक्तजनलाई आध्यात्मिक ऊर्जा प्रदान गरिरहेको छ।
यसै पावन धाममा विक्रम संवत् २०८३ साल श्रावण १८ गतेदेखि भाद्र १९ गते (श्रीकृष्ण जन्माष्टमी) सम्म प्रतिदिन दिउँसो १२:३० बजेदेखि ३:०० बजेसम्म धर्मप्रचारिका श्री विदुषी मालती माताजीको श्रीमुखारविन्दबाट दिव्य श्रीमद् वीतक चर्चा कथा तथा श्रीकृष्ण कथामृत श्रवण गर्ने परम सौभाग्य प्राप्त हुँदैछ।
यस पावन कथामृत श्रवणबाट आत्मिक शान्ति, धर्मज्ञान, भक्ति, सदाचार तथा परमात्माप्रतिको प्रेम अभिवृद्धि हुने विश्वासका साथ सम्पूर्ण श्रद्धालु भक्तजन, धर्मानुरागी महानुभाव तथा परिवारजनलाई उपस्थित भई पुण्यलाभ गर्न सादर हार्दिक निमन्त्रणा गर्दछौं।
"आउनुहोस्, श्रीमद् वीतक एवं श्रीकृष्ण कथाको दिव्य अमृतरस श्रवण गरी आफ्नो जीवनलाई आध्यात्मिक प्रकाश, प्रेम, शान्ति र सेवाभावले आलोकित बनाऔँ।"
आयोजक:
श्रीकृष्ण प्रणामी मन्दिर
निजानन्दधाम, नजरपुर
चन्द्रपुर नगरपालिका–९, रौतहट, नेपाल
