Samye monastery SMI

20/08/2026

རིན་པོ་ཆེ་མཆོག་གི་མཛད་ཕྲིན་གྱི་ཆ་ཤས།

11/08/2026

༸སྐྱབས་རྗེ་རིན་པོ་ཆེ་མཆོག་ནས་དོལ་པོ་ཀོ་མང་ཡུལ་དུ་མཁའ་འགྲོའི་ཐུགས་ཐིག་གི་ཚེ་དབང་བསྐུར་གྲུབ་རྗེས་གསུངས་པའི་བཀའ་སློབ།

Enjoy the videos and music you love, upload original content, and share it all with friends, family, and the world on YouTube.

08/08/2026

༄༅། །དེ་ཡང་ཆེད་དུ་བརྗོད་པའི་ཚོམས་ལས། གཟུང་བར་དཀའ་ཞིང་ཡང་བ་དང་། །གང་དུ་དགའ་བར་འགྲོ་བ་ཡི། །སེམས་འདུལ་བ་ནི་བདེ་བ་སྟེ། །སེམས་འདུལ་བ་ཡིས་བདེ་བ་འདྲེན། །ཞེས་གསུངས་པ་ལྟར་རྣམ་པར་རྟོག་པའི་དྲྭ་བས་འདས་མ་ད་གསུམ་གྱི་སྒྱུ་མའི་གྲོང་ཁྱེར་ལ་གཅིག་ཏུ་ཞེན་ནས་རབ་ཏུ་སྲེད་དེ་ལས་ཉོན་གྱི་འདུ་འགོད་ཆེན་མོས་རིང་མོ་ཉིད་ནས་ད་ལྟའི་བར་ཡང་གདུང་ཞིང་ཀུན་ནས་རབ་ཏུ་གདུངས་པར་གྱུར་ན། དེ་ལས་གྲོལ་བའི་ཐབས་ནི་རང་གི་སེམས་ལེགས་པར་བཏུལ་ནས་ཞི་བའམ་རང་བབས་ཀྱི་ངོ་བོར་བཅའ་དགོས་པ་ནི་སྨྲོས་མི་དགོས་པ་ལགས། དེར་བརྟེན་ད་ལན་འདི་གའི་རྒྱུན་ལས་ཐུན་མོང་ནས་ཡང་ནས་ཡང་དུ་གསོལ་བ་འདེབས་དོན་བཞིན། ༸སྐྱབས་རྗེ་སྨྱོ་ཤུལ་མཁན་ཆེན་རྡོ་རྗེ་འཆང་ཆེན་པོའི་ཡང་སྲིད་༸མཆོག་སྤྲུལ་འཇམ་དཔལ་ཡེ་ཤེས་རྡོ་རྗེ་རིན་པོ་ཆེ་མཆོག་ནས་ཐུགས་བརྩེ་བ་ཆེན་མོས། ཕྱི་ལོ་ ༢༠༢༦ ཟླ་བ་ ༨ ཚེས་ ༧ རེས་གཟའ་པ་སངས་ཉིན། འདི་གའི་སློབ་ཕྲུག་རྣམས་ལ་ཞི་གནས་ཀྱི་སྒོམ་ཁྲིད་ཟབ་མོ་ལེགས་པར་དབུ་འཛུགས་ཞུ་བའི་སྐལ་བཟང་བྱུང་།

28/07/2026

🪷🪷🪷

25/07/2026

༄༅།།ལོ་རྒྱུན་བོད་ཟླ་དྲུག་པའི་ཚེས་ ༨ ནས་ ༡༠ བར་ཉིན་གྲངས་གསུམ་རིང་༸གཏེར་ཆེན་འགྲོ་འདུལ་གླིང་པའི་གྲོལ་བ་བཞི་ལྡན་གྱི་སྐུ་གདུང་རིན་པོ་ཆེའི་མདུན་བླ་སྒྲུབ་གཏེར་ཁ་བདུན་འདུས་ཀྱི་སྒོ་ནས་སྤྲེལ་ཟླ་ཚེས་བཅུའི་སྒྲུབ་མཆོད་ཆེན་མོ་ཚོགས་སྲོལ་ཡོད་པ་བཞིན། ད་ལོ་ཡང་༸སྐྱབས་རྗེ་སྨྱོ་ཤུལ་མཁན་ཆེན་རྡོ་རྗེ་འཆང་ཆེན་པོའི་ཡང་སྲིད་༸མཆོག་སྤྲུལ་འཇམ་དཔལ་ཡེ་ཤེས་རྡོ་རྗེ་རིན་པོ་ཆེ་མཆོག་དང་༸མཚུངས་མེད་མཁའ་འགྲོ་པདྨ་ཆོས་སྒྲོན་རིན་པོ་ཆེ་ཟུང་གི་དབུ་བཞུགས་ཐོག མཁན་སྤྲུལ་བླ་སློབ་དགེ་འདུན་འདུས་པ་ཡོངས་ནས་སྒྲུབ་མཆོད་ཆེན་མོ་ལེགས་པར་འཚོགས་གནང་ཞིང་། དངོས་གཞི་ཚེས་བཅུའི་དུས་བཟང་ཁྱད་པར་ཅན་དང་འབྲེལ་སྐལ་ལྡན་རྣམས་ལ་མཐོང་གྲོལ་མཚན་བརྒྱད་དང་བཅས་པའི་གར་འཆམ་རྣམས་ཀྱི་མཇལ་ཁ་ཡང་སྩལ་གནང་མཛད།

22/07/2026

࿑ ༸གཏེར་ཆེན་འགྲོ་འདུལ་གླིང་པའི་གྲོལ་བ་བཞི་ལྡན་གྱི་སྐུ་གདུང་རིན་པོ་ཆེའི་མདུན་རྒྱུན་ལྟར་ཚོགས་སྲོལ་ཡོད་པའི་སྤྲེལ་ཟླ་དྲུག་པའི་ཚེས་བཅུའི་སྒྲུབ་མཆོད་ཉིན་དང་པོ།

18/07/2026

༄༅། ། དེ་རིང་ཆུ་སྟོད་ཟླ་བའི་ཚེས་བཞི་སྟེ་རྣམ་འདྲེན་བཞི་པའི་བདག་ཅག་གི་སྟོན་པ་མཉམ་མེད་ཐུབ་པའི་དབང་པོས། ཡུལ་ཝཱ་ར་ཎ་སཱི་དྲང་སྲོང་ལྷུང་བ་རི་དྭགས་ཀྱི་གནས་སུ་བཀའ་དང་པོ་བདེན་བཞིའི་ཆོས་འཁོར་བསྐོར་པའི་དུས་ཆེན་བཟང་པོ་དང་འབྲེལ། བདག་ཅག་རྣམས་ཀྱི་མགོན་དཔུང་དམ་པ་༸སྐྱབས་རྗེ་༸མཆོག་སྤྲུལ་འཇམ་དཔལ་ཡེ་ཤེས་རྡོ་རྗེ་རིན་པོ་ཆེ་མཆོག་གི་ཞབས་རིམ་དུ། འདི་ག་དཔལ་སྔ་འགྱུར་བསམ་ཡས་རྗེས་དྲན་བཤད་སྒྲུབ་དགའ་ཚལ་གླིང་གི་མཁན་སློབ་དགེ་འདུན་འདུས་པ་ཡོངས་ནས་རྒྱལ་བའི་བཀའ་འགྱུར་རིན་པོ་ཆེ་དག་སྒྲོག་གནང་བཞིན་ཡོད་པའི་བརྙན་ཞིག་འབུལ་ལམ་ཞུ།

14/07/2026

ཕྱི་ལོ་ ༢༠༢༦ ཟླ་བ་ ༧ ཚེས་ ༡༤ རེས་གཟའ་མིག་དམར་ཉིན། ༸སྐྱབས་རྗེ་སྨྱོ་ཤུལ་མཁན་ཆེན་རྡོ་རྗེ་འཆང་ཆེན་པོའི་ཡང་སྲིད་༸མཆོག་སྤྲུལ་འཇམ་དཔལ་ཡེ་ཤེས་རྡོ་རྗེ་རིན་པོ་ཆེ་མཆོག་གི་གཙོ་བོར་གྱུར་པའི་མཁན་སློབ་དགེ་བའི་བཤེས་གཉེན་རྣམས་ཀྱིས་དབུ་བཞུགས་ཐོག ད་ལོའི་སྙན་རྩོམ་གྱེར་འདོན་གྱི་རྒྱུགས་ཐེངས་གཉིས་པ་ཡང་དེ་རིང་བཀྲ་ཤིས་པའི་ངང་ལེགས་གྲུབ་བྱུང་ངོ་།།

11/07/2026

༈ ཕྱི་ལོ་ ༢༠༢༦ ཟླ་བ་ ༧ ཚེས་ ༡༠-༡༡ སྟེ་རེས་གཟའ་པ་སངས་དང་སྤེན་པ་ཉིན་གཉིས་རིང་། འདི་ག་དཔལ་སྔ་འགྱུར་བསམ་ཡས་རྗེས་དྲན་བཤད་སྒྲུབ་དགའ་ཚལ་གླིང་གི་གཞི་རིམ་སློབ་ཕྲུག་རྣམས་ཀྱི་སློབ་ཚན་མཐོང་བ་བརྒྱུད་པའི་ཕྱག་བཞེས་ཀྱི་ཡ་གྱལ་གར་འཆམ་ཆེན་མོའི་ལོ་འཁོར་རྒྱུགས་སྤྲོད་ཆེན་མོ་དེ་ཉིད། འདི་གའི་གཞི་རིམ་སློབ་ཕྲུག་རྣམས་ནས་༸སྐྱབས་རྗེ་ཡང་སྲིད་རིན་པོ་ཆེ་མཆོག་གིས་གཙོ་བོར་གྱུར་པའི་མཁན་སློབ་དགེ་བའི་བཤེས་གཉེན་རྣམས་དང་འཆམ་དཔོན་འགན་འཛིན་དག་ལ་ཉིན་གཉིས་རིང་ལོ་འཁོར་འཆམ་རྒྱུགས་ཆེན་མོ་དེ་ལེགས་པར་ཕུལ་གནང་གྲུབ་པ་ལགས་སོ།།