20/05/2026
श्रीवैकुण्ठमुपेत्यनित्यमजडं तस्मिन् पर: ब्रह्मण:।
सायुज्यं समवाप्यनन्दतिचिरं तेनैव धन्य:पुमान्
हार्दिक श्रद्धाञ्जली/ समवेदना
***********************
नेपालका ऐतिहासिक प्रथम जगद्गुरु योगिराज श्रीकमलनयनाचार्य स्वामीजी महाराजका अनन्य कृपापात्रहरू लक्ष्मी रामानुज श्रीवैष्णव दासी (२०८३ वैशाख २७गते), माधवी रामानुज श्रीवैष्णव दासी (२०८३ जेठ १ गते) र नारायण प्रपन्न रामानुज श्रीवैष्णव दास (२०८३ जेठ ५ गते ) को देहावसान भएको घटनाले उहाँहरूसँगको भौतिक सामीप्य ऐहलौकिक रूपमा समाप्त भएको यस घटनाले हामीलाई स्तब्ध एवं मर्माहत बनाएको छ । यस क्षणमा दिवङ्गत उहाँहरू सबै प्रति भावपूर्ण श्रद्धाञ्जलि अर्पण गर्दै उहाँहरूले आजीवन देखाउनुभएको आचार्यनिष्ठा एवं शरणागति मार्गको अवलम्बन हामी सबैका लागि समेत प्रेरक बन्न सकोस् भन्ने प्रार्थना गर्दछौँ । आफ्नो जीवनकालमा आफू मात्र नभई आफ्ना सन्तति र समाजलाई समेत आध्यात्मिक एवं आचरण सम्पन्न बनाउन विभिन्न प्रकारले भूमिका निर्वाह गर्नुभएका उहाँहरूप्रति सम्मानभाव प्रकट गर्दछौं।अहं स्मरामि मद्भक्तं नयामि परमं पदम् भन्ने शास्त्रीय वचनअनुसार दिवङ्गत उहाँहरूलाई आचार्य सम्बन्धले भगवद्धाम प्राप्त भएको विषयमा पूर्ण विश्वस्त हामी आफ्नो परिवारको शीतल अभिभावकीय छहरी गुमाउनुभएका शोकाकुल सम्पूर्ण परिवारजनमा हार्दिक समवेदना प्रकट गर्दै धैर्यधारण गर्ने सामर्थ्य श्री लक्ष्मीनारायण भगवान् बाट प्राप्त हुन सकोस् भन्ने प्रार्थना पनि गर्दछौं।
।। जय श्रीमन्नारायण ।।
