Moraha RTN Church

27/09/2026

FB0२( परमेश्वरको जीवित वचन)
लुका १४:१३-१४
लुका १४:१३ पदमा “तर तिमीले भोज लगाउँदा गरीब, लुला, लङ्गड़ा, अन्धाहरूलाई बोलाऊ।”
यस पदले हामीलाई निम्न कुरा गर्न आग्रह गर्दछ:
१. आवश्यकतामा परेकाहरूलाई सम्झनु।
गरीब, असहाय र कमजोर मानिसहरूलाई बेवास्ता नगरी उनीहरूको आवश्यकता बुझ्नुपर्छ।
२. सबैलाई समान सम्मान दिनु।
मानिसको धन, पद, शारीरिक अवस्था वा सामाजिक हैसियत हेरेर भेदभाव गर्नु हुँदैन।
३. आफ्नो स्रोतबाट अरूलाई सहयोग गर्नु।
हामीसँग भएको पैसा, खाना, समय, ज्ञान, सीप वा अन्य स्रोत आवश्यकतामा परेकाहरूका लागि प्रयोग गर्नुपर्छ।
४. बदलामा केही पाउने अपेक्षा नगरी सेवा गर्नु।
“यसले मलाई के दिन सक्छ?” भन्दा “म यसलाई के सहयोग गर्न सक्छु?” भन्ने हृदय राख्नुपर्छ।
# यदि हामीले लूका १४:१३ को वचन पालन गर्‍यौँ भने...
त्यसपछि लूका १४:१४ मा येशूले दिनुभएको आशिष् र प्रतिफलको प्रतिज्ञालाई सम्झन सक्छौँ:
“तिमीले आशिष् पाउनेछौ, किनकि तिनीहरूले तिम्रो गुण फर्काउन सक्दैनन्।”
यसबाट हामी निम्न आशिष् सम्झन सक्छौँ:
१. परमेश्वरको दृष्टिमा हाम्रो सेवा मूल्यवान् हुन्छ।
मानिसले नदेखे पनि परमेश्वरले देख्नुहुन्छ।
२. निःस्वार्थ सेवा गर्ने हृदयमा आत्मिक आशिष् हुन्छ।
सेवा गर्दा हाम्रो हृदयमा प्रेम, दया र करुणा बढ्दै जान्छ।
३. हाम्रो जीवन अरूका लागि आशिष् बन्छ।
हामीमार्फत पीडित, गरीब र असहाय मानिसहरूले सहयोग र आशा पाउन सक्छन्।
४. परमेश्वरबाट आउने प्रतिफलको आशा गर्न सक्छौँ।
येशूले “धर्मीहरूको पुनरुत्थान हुँदा तिमीले प्रतिफल पाउनेछौ” भन्नुभएको छ। त्यसैले मानिसबाट तत्काल प्रतिफल नआए पनि हाम्रो निःस्वार्थ सेवा परमेश्वरको सामु व्यर्थ हुँदैन।
❤️ अन्त्यमा म भन्न चाहन्छु कि...
“हामीले सेवा गर्दा आफूलाई के प्राप्त हुन्छ भनेर होइन, हामीमार्फत अरूले के प्राप्त गर्न सक्छन् भनेर सोचौँ। जसले हाम्रो उपकार फर्काउन सक्दैन, त्यस्ता मानिसलाई पनि प्रेम, दया र सहयोग गर्नु नै येशूले सिकाउनुभएको निःस्वार्थ सेवाको बाटो हो। त्यसैले आउनुहोस्, गरीबलाई सम्झौँ, असहायलाई सहयोग गरौँ, कमजोरको पक्षमा उभिऔँ र हाम्रो जीवन अरूका लागि आशिष् बनाऔँ।” 🙏
( प्रार्थना : हे परमेश्वर, हामीलाई आफ्नो वचनअनुसार गरीब, असहाय, दुर्बल र आवश्यकतामा परेकाहरूलाई प्रेम गर्न र सेवा गर्न सक्ने हृदय दिनुहोस्। बदलामा केही पाउने आशा नगरी निःस्वार्थ सेवा गर्ने ज्ञान, बुद्धि, शक्ति र स्रोतहरू प्रदान गर्नुहोस्। हाम्रो सेवा र जीवनबाट तपाईंको नाउँ महिमित होस्।
येशू ख्रीष्टको नाउँमा माग्दछौँ। आमेन।)

26/09/2026

FB-01 (परमेश्वरको जीवित वचन )
भजनसंग्रह ८२:३-४
दुर्बल र अनाथहरूको रक्षा गर, गरीब र थिचोमिचोमा परेकाहरूको न्याय गर।
दुर्बल र दरिद्रहरूलाई छुटाओ, दुष्टहरूका हातबाट तिनीहरूलाई छुटकारा देओ।

पद ३
“दुर्बल र अनाथहरूको रक्षा गर, गरीब र थिचोमिचोमा परेकाहरूको न्याय गर।”
यसबाट तपाई हामीले निम्न कुरा बुझ्नुपर्छ ।
१) दुर्बलहरूको रक्षा गर : आफ्नो अधिकार वा शक्ति प्रयोग गरेर आफैंलाई बचाउन नसक्ने मानिसहरूलाई संरक्षण गर।
२) अनाथहरूको रक्षा गर : आमाबुबा वा सहारा नभएकाहरूलाई बेवास्ता नगर; उनीहरूको आवश्यकताको ख्याल गर।
३) गरीबहरूको न्याय गर : गरीब भएको कारण कसैलाई अन्याय वा भेदभाव नगर।
४) थिचोमिचोमा परेकाहरूको न्याय गर : शक्तिशालीले कमजोरमाथि अत्याचार गर्दा मौन नबस। सही कुरा र न्यायको पक्षमा उभिनु।
पद ४
“दुर्बल र दरिद्रहरूलाई छुटाओ, दुष्टहरूका हातबाट तिनीहरूलाई छुटकारा देओ।
यस पदबाट हामीले यो बुझ्नुपर्छ कि,
अन्यायमा परेकालाई उद्धार गर्नुपर्छ।
गरिब वा कमजोरलाई दुष्ट मानिसहरूको शोषणबाट जोगाउनुपर्छ।
केवल मनमा दया गर्नु पर्याप्त छैन; सम्भव भएसम्म व्यवहारमा सहयोग र संरक्षण गर्नुपर्छ।
मुख्य शिक्षा
यी दुई पदले एउटा महत्वपूर्ण कुरा सिकाउँछन्:
परमेश्वरको नजरमा मानिसको शक्ति, धन वा पदभन्दा न्याय र दया महत्वपूर्ण हुन्छ। हामी आफैं कमजोर अवस्थामा हुँदा मात्र परमेश्वरको सहायता खोज्ने होइन, हाम्रो वरिपरि कमजोर मानिसहरू हुँदा उनीहरूको पक्षमा उभिनु पनि परमेश्वरको इच्छा हो। यसको अर्थ हरेक अवस्थामा आफैंले कानुन हातमा लिनु होइन। बरु अन्याय नगर्ने, अन्याय देख्दा उचित तरिकाले आवाज उठाउने, पीडितलाई सहयोग गर्ने र सत्य–न्यायको पक्षमा रहने हो।
कोही गरिब छ भनेर हेप्नु, कमजोर छ भनेर दबाउनु, अनाथ वा असहायलाई बेवास्ता गर्नु ,यस्तो कुरा यो वचनको भावना विपरीत छन्। तर कसैलाई सहयोग गर्नु, उसको कुरा सुन्नु, अन्यायमा परेको बेला साथ दिनु, आफ्नो क्षमता अनुसार सहायता गर्नु भने यी पदहरूले सिकाएको जीवनशैली हो।

त्यसैले मित्रहरु तपाईलाई परमेश्वरले ज्ञान, बुद्धि,बल ,शक्ति, पद ,शिक्षा र धन दिनु भएको छ भन्ने अरुको सेवा गर्नु विशेष गरी तिनीहरुको जसले आफैंलाई बचाउन सक्दैन, उसको पक्षमा उभिनु; जसलाई न्याय दिइएको छैन, उसको न्याय खोज्नु; र दुष्टताको कारण थिचिएको मानिसलाई सकेसम्म उद्धार गर्नु।

( हे परमेश्वर, ती व्यक्तिहरूको जीवनमा तपाईंको ज्ञान, बुद्धि, शक्ति, बल, धन-सम्पत्ति र सुरक्षा प्रदान गर्नुहोस्, ताकि उनीहरूले भजनसंग्रह ८२:३–४ मा उल्लेख गरिएझैँ तपाईंको वचनअनुसार दुर्बल, अनाथ, गरीब र थिचोमिचोमा परेकाहरूको सेवा र सहायता गर्न सकून्। उनीहरूको जीवन र सेवाबाट तपाईंको नाउँ महिमित होस्। यी सबै विन्तीहरू येशू ख्रीष्टको पवित्र नाउँमा माग्दछौँ। आमेन। 🙏)
#भजनसंग्रह८२:३–४ #दुर्बलहरूकोरक्षा #गरीबहरूकोन्याय
#अनाथहरूकोसहयोग #अन्यायविरुद्धउभिऔं #परमेश्वरकोवचन
#सेवाअन्तिमुखी #येशूख्रीष्ट #परमेश्वरकोमहिमा #आमेन 🙏

16/11/2024

# विश्वासद्वारा हिडनु # short film lever #
# एक गाउँ राम्रो गाउँ बन्न सफल् #

22/07/2024

Do you know about God ? What God do for us ?
GOD creates
GOD loves
GOD helps
GOD hears
GOD heals
GOD saves
GOD speaks
GOD blesses
GOD teaches
GOD watches
GOD answers
GOD defends
GOD forgives
GOD provides
GOD remakes
GOD redeems
GOD responds
GOD supports
GOD sees and
GOD cares about you & me

Can I get an “AMEN” ???

08/07/2024

29/12/2023

Merry Christmas 2023

26/12/2023

ख्रीष्टमस डे तथा बडादिन वा शुभदिन पवित्र धर्मशास्त्र अनुसार,"आज दाऊदको सहरमा तिमीहरूका निम्ति एक जना मुक्तिदाताको जन्म भएको छ, जो ख्रीष्ट प्रभु हुनुहुन्छ। (लुका 2:11)
1.ख्रीष्टमस डे तथा बडादिन वा शुभदिन के हो ?
>उत्तर : ख्रीष्टमस डे तथा बडादिन वा शुभदिन सबै एउटै दिन हो जो ख्रीष्ट जन्मको खुसयालीमा मनाईन्छ।
2. को हुनुहुन्छ ख्रीष्ट प्रभु अथवा येशु ख्रीष्ट किन उहाँको जन्म भयो ?
उत्तर : उहाँ मानव जातिको पापबाट छुटकारा दिन र परमेश्वर संग सम्बन्ध स्थापित गर्नको लागि एक उद्धारकर्ता तथा मुक्तिदाताको रूपमा उहाँको जन्म यस संसारमा भयो ।
3. कसरी भयो येशु ख्रीष्टको जन्म ?
उत्तरमा : परमेश्वरले गब्रीएल स्वर्गदुतलाई गालीलको नासरत भन्ने सहरमा पठाउनु भयो । किन पठाउनु भयो भन्दा खेरी त्यहाँ कन्ये केटी मरियम नाउँ गरेकि थिइन जसको मगनी योसेफसँग भएको थियोे । मरियमलाई स्वर्गदुतले भन्नुभयो
"अब हेर, तिमीले गर्भधारण गर्नेछ्यौ, र एउटा छोरो जन्माउनेछ्यौ, र तिमीले उहाँको नाउँ येशू राख्नेछ्यौ। "
4.मसीह” र “ख्रीष्ट”-को अर्थ के हो?
उत्तरमा : हिब्रू शब्दबाट लिइएको “मसीह” र ग्रीक शब्दबाट लिइएको “ख्रीष्ट” दुवैको अर्थ “अभिषिक्त जन” हो। मानिसजातिलाई उद्धार गर्न ख्रीष्ट पठाउनेछु भनी परमेश्वरले प्रतिज्ञा गर्नुभएको थियो।
5. हामीले किन येशूलाई चिन्नुपर्छ?
उत्तरमा : हामीले मुक्ति तथा उद्धार पाउनलाई येशु ख्रीष्टलाई चिन्नुपर्छ ।
6.संसार भरी यो ख्रीष्टमस किन मनाइन्छ ?
उत्तरमा : येशु ख्रीष्टलाई धन्यवाद दिनलाई र येशु ख्रीष्ट मात्रै पापबाट छुटकारा दिन सक्छन भन्ने शुभ-सन्देश सुनाउनलाई यो ख्रीष्टमस मनाइन्छ।
[ अन्त्यमा : सबैमा आउँदै गरेको नयाँ वर्ष 2024को अवसरमा तपाईको जीवनमा, परिवारमा र मण्डलीमा परमेश्वर पिताको अनुग्रह, कृप्पा र सु:ख शान्ति रहिरहोस भन्नी शुभकामना व्यक्त गर्दछौँ । ]

15/12/2023

ख्रिष्टमसकाे तयारी, मुक्ति दाताकाे जन्मउत्सव मनाउनकाे लागि तयारी गर्दै ।