05/03/2022
-‘के हो, तपाईंहरु बोल्नु हुन्न त ?!’
‘म बोलिरहेको छु त ।’
-‘तपाईं कसको पक्षमा त ?’
‘म न्यायको पक्षमा ।’
-‘अन्याय कसलाई परेको हो ?’
‘कुरो अदालतमा पुगिसक्यो, त्यो उसैले बताउला ।’
-‘तपाईंको विवेकले के भन्छ ?’
‘निर्दोष फंस्नु हुन्न, दोषी उम्कनु हुन्न ।’
-‘त्यसो भए दोषी को हो ?’
‘कसको नजरमा ! कानुन, समाज कि मेरो ?’
-‘कानुनको नजरमा ?’
‘म कानुनविद् हैन तर कानुनभन्दा माथी कोही पनि छैन ।’
-‘अनि समाज र तपाईंको नजरमा ?’
‘मेरो नजरमा म र समाजको नजरमा हामी सबै दोषी छौं ।’
-‘गल्ती अरुको अनि दोषचाहीं व्यक्ति र समाजको ?’
‘हो । किनभने, मैले सामाजिक दायीत्व पुरा गर्न जानिनँ होला ! सार्वजानीक ब्यक्तिहरुले सामाजिक मर्यादामा रहन सकेनन् होला ! त्यसको प्रत्यक्ष असर समाजमा पर्यो ।’
-‘यसरी घुमाएर उत्तर नदिनोस् । सिधा प्रश्नको सिधा उत्तर दिनोस्, तपाईं उनको पक्षमा कि तिनको पक्षमा ?’
‘भनें त, म सत्यको पक्षमा ।’
-‘त्यसोभए सत्य के हो ?’
‘तपाईंको नजरमा यो सत्य होला, मेरो नजरमा त्यो ! तर, तपाईं र मेरा यी बुझाई वास्तविक सत्य हैनन्, नीजी धारणामात्र हुन् ।’
-‘वास्तविक सत्य के हो त त्यसोभए ?’
‘दोषिलाई दण्ड र पीडितले न्याय कानुनले दिन्छ । कानुनले नदिए समाजले दिन्छ । र, समाजले पनि नदिए समयले दिन्छ, ढिलो वा चाँडो ।’
-‘यो त सैद्धान्तिक जवाफ भयो । व्यवहारिक उत्तर दिनोस्- गल्ती कसको होला ?
‘गल्तीमा क्षमा हुनसक्छ, अपराधमा दण्ड जरिमाना । तर, अपराध यही हो र गल्ति यसैको हो भन्ने ठोकुवा गरेर अनुसन्धानलाई प्रभावित पार्ने अधिकार हामी कसैलाई छैन ।’
-‘तपाईंको प्रष्ट जवाफ आएन, मैले अब के बुझौं ?’
‘मेरो जवाफ प्रष्ट छ- बिषय कानुनी प्रकृयामा प्रवेश गरिसकेको छ । र, यो न्यायसंगत हिसाबले टुंगिनुपर्छ, मेरो बिचार यही हो । आरोप प्रमाणित भए दोषीले मात्र सजाय पाउँछ । तर, हाम्रा नीजि धारणाहरु सामाजिक सञ्जालमा गिजोलिंदा पिडक र पीडित भनिएका ब्यक्तिहरु कस्तो मानसिक अवस्थाबाट गुज्रनु परेको होला ?! घटनासंग असम्बन्धित उनिहरुका आफन्तले कति पारिवारिक तनाव र सामाजिक अवहेलनाबाट व्यहोर्नु परिरहेको होला ?! अब यतातिर पनि संवेदनसिल हुने कि !!
https://www.gajureal.com/news/2022/03/04/9004.html
