12/04/2026
ॐ श्री साईराम 🙏
मिति २०८२/१२/२८ गतेका दिन श्री सत्य साई केन्द्र बुटवलको शिक्षा फाँटबाट बालविकास कक्षाका नानीबाबुहरूको २०८२ सालको परीक्षा नतिजा प्रकाशन तथा पुरस्कार वितरण कार्यक्रम सम्पन्न भयो। सो कार्यक्रमका केही झलकहरू प्रस्तुत छन्।
कार्यक्रमको सुरुवात ३ पटक ॐकार तथा ब्रह्म गायत्रीबाट गरिएको थियो। कार्यक्रममा श्री सत्य साई केन्द्र बुटवलकी अध्यक्ष राधा शर्मा तथा श्री सत्य साई प्रदेश समिति ५ की शिक्षा उप–संयोजक लक्ष्मी गैरेद्वारा दीप प्रज्वलन गरिएको थियो। साथै बालविकासका नानीबाबुहरूले वेद तथा पञ्चस्तोत्र वाचन गरेका थिए।
कार्यक्रममा स्वागत मन्तव्य श्री सत्य साई केन्द्र बुटवलका शिक्षा उप–संयोजक संगीत श्रेष्ठद्वारा गरिएको थियो। त्यसपछि नानीबाबुहरूलाई पुरस्कार वितरण गरिएको थियो।
अभिभावकहरूबाट ललिता अधिकारी तथा मिना सारुले मन्तव्य व्यक्त गर्नुभएको थियो। कार्यक्रमको अन्त्यमा धन्यवाद ज्ञापन श्री सत्य साई केन्द्र बुटवलकी अध्यक्ष राधा शर्माद्वारा गरिएको थियो। अन्त्यमा भगवान् बाबाको कोमल चरणमा आरती अर्पण गरी कार्यक्रम सम्पन्न गरिएको थियो।
साईराम 🙏
