19/06/2014
श्रीमद्भगवत्-गीता समस्त बैदिक धर्म, दर्शन र संस्कृतिको सारतत्व हो | प्राचीनतम संस्कृत-महाकाब्य महाभारतको एउटा अंश भए तापनि यसले आफुमा वैश्विक मानव सभ्यतामा रहेको आध्यात्मिकता
लाई प्रतिविम्बित गर्छ | यसमा धर्महरूको पूर्वाग्रह, गुरुहरूको मताग्रह वा संस्कृतिप्रतिको दूराग्रह छैन | यसका प्रवक्ता भगवान् श्रीकृष्णले आफ्नु विचार नमान्नेलाई नर्कको अनन्तकालीन आगोमा जाक्ने धम्की प्रयोग गरेका छैनन् भने अधार्मिकहरूप्रति पनि उनको दृष्टिकोण ज्यादै स्वतन्त्र छ | यसमा जीवन-दर्शनका उच्चतम मूल्यहरूको ब्यबहारिक उपदेश प्रस्तुत गरिएको छ | यसमा ‘म को हुँ र संसारको द्वन्दात्मक परिवेशमा कसरी आनन्दमय जीवन विताउँन सकिन्छ ? जस्ता दूई अत्यन्त महत्वपूर्ण प्रश्नहरूको उत्तर छ | आधुनिकयुगमा महात्मा गांधी, थोरो, एमर्शन, आइन्स्टाइन र अन्य थुप्रै आधुनिक विद्वानहरूले यसबाट मार्ग दर्शन प्राप्त गरेका छन् |
एकलाख भन्दा बढी संस्कृतश्लोकहरु भएको ऐतिहासिक महाकाब्य ‘महाभारत’ ईसापूर्व ३१०० तिर महर्षि वेदव्यासले सम्पादन गरेको विश्वास गरिन्छ |
