31/03/2024
सन्दर्भ मास्लो कांक्राबारीमा चल्दै गरेको प्लानिङ्ग...
मलाई फेरि पनि कांक्राबारीको बजारमा चलिरहेको प्लानिङ्ग हुने भन्ने जल्दो बल्दो केहि विषयमा बोल्न र लेख्न मन लाग्यो। हुन त यो विषयमा मैले केहि दिन अगाडि पनि लेखेको थित यो बस्तिमा यसको विषय नेगेटिभ र पोजेटिभ कुराहरू पनि धेरै सुन्दै आए र मैले पनि के हो त भनेर गहिरियर यस्को विषयमा अध्ययन गरिरहेको छु र अझै अध्ययन गर्न बाकि पनि छ अहिलेसम्मको मेरो अध्ययन ले के देखिरहेको छु भने काठ्मान्डौ उपत्यका भित्रको कर्णाली वत्तीमुनिको अध्यारो जस्तो रहेको हाम्रो कांक्राबारीलाई सहरको परिकल्पना सहित "नेपाल सरकार सहरी विकास मंत्रालय" बाट प्राप्त इजाजत पत्रानुसार व्यवस्थित बस्ति विकास गर्ने रहेछ भन्ने कुरा हाल सम्मको मेरो अध्ययनले पत्ता लागेको छ।
उक्त प्लानिङ्ग गर्ने भन्ने कम्पनि कुन हो र यस्को इतिहांस के के छ भन्ने विषयमा बुझ्दै जाँदा हाम्रै नगरपालिकाका विभिन्न ठाउँमा जस्तै सुर्यविनायक नगरपालिका-८, दार्जिलिङ्ग हाइट, सुर्यविनायक नगरपालिका-८, नंखेल पिपलबोट, सुर्यविनायक नगरपालिका-९, पलाँसेमा गरिएको प्लानिङ्ग आयोजना संचालन गर्ने कम्पनिले नै गर्न लागेको हो भन्ने कुरा देखिएको छ ।
यदि यो कुरा सत्य नै हो भने त्यस्तै पिपल बोट र पलाँसेको जस्तै नै व्यवस्थित गरि बनाउने हो भने किन हामिले विरोध गर्ने यो कुरामा हामी कांक्राबारीका अगुवा समाजसेवी, विद्यालयका शिक्षक, यहा रहेका सम्पूर्ण गुठिका पधाअधिकारीहरु विभिन्न पार्टिका नेताज्यूहरू, वुद्धिजीवी वर्ग र सरोकारवाला सबै बसेर छलफल गरि सहि कुराको पहिचान गरि त्यसपछि मात्र विरोध या सहयोग गर्ने भन्ने विषय बनाउदा हुन्छ की? त्यो कम्पनि ले साच्चिकै अन्यत्र गरेको जस्तै यहा पनि बनाउने हो र यो भन्दा अगाडी सुचिकृत गरेका कुराहरु वमोजिमका सम्पूर्ण मागहरु पुरा हुने हो भने हाम्रो गाउको सामिजिक, भौतिक, धार्मिक, खानेपानी. खोलाखोल्सि, बाटो, शिक्षा र स्वास्थ्यका विषयमा व्यवस्थित विकासको अवधाराना गरि दिन भन्ने लगायतको विषयलाई लिएर प्लानिङ्ग कम्पनिसंग सम्बन्धित व्यक्तिहरुसंग छलफल गर्दा राम्रो होला कि?
मलाई लाग्छ त्यो आयोजना भित्र कम्पनिको मात्रै जग्गा छैन होला हाम्रा गाउलेको पनि होला यदि कसैको जग्गा त्यो आयोजना भित्र पर्दो हुन् भने जग्गा हुने कांक्राबारीका साथिहरू, आमाबुबाहरुको प्लानिङ्ग गरे पनि बड्ने जग्गाको मुल्यले नै जीवनस्तर माथि उठ्ने देखिन्छ। तसर्थ कुरा के हो भने जस्तो राम्रो हुन्छ कि हुन्न यो योजना आउनु सहि होकि हैन ठिक छ कि छैन भन्ने विषयमा बहस चलाउनु आवश्यक देखिन्छ। सम्बन्धित कम्पनिका संचाकलहरूसंग हामी सबै बसेर छलफल गर्ने काम गरौ र त्यसपछि मात्र सहयोग गर्ने कि विरोध गर्ने भन्ने निस्कर्षमा पुग्दा राम्रो होला।
मेरो विचारमा कहिले काही हामी सत्य कुरा र राम्रो हुने कुरालाई बुज्दै नबुझी विरोधमा संलग्न हुदा त्यो विरोध अभिसाप पनि बन्न सक्छ ।
कतै हामीलाई विकास हुनबाट यिनै कुराहरु र यिनै विरोधहरुले रोकिरहेको त छैन ?
यसकारण उपरोक्त योजना आउनु सहि हो कि हैन, ठिक छ कि छैन भन्ने विषयमा बहस चलाउनु आवश्यक देखिन्छ
