Drie
Zjwamer jonges Ron Engelen, Marcel
Engelen en Roger Kamphuis kwame op ‘t
idee om auch ein vastelaoves vereniging
op te richten. Nao ein paar spoed vergaderingen
in ’t Kesjot mit väöl lache, beer
en nieks op papier, ginge ze ’t halfvastenbal
organiseren in same werking mit ‘t
Kesjot. In ’t Kesjot toen nag achter de bar
Frans Sars en Mariëtte Sars. ‘t Waas de
bedoeling det op dae middig de Fobm
ötse
opgerich waerde. Sjra Puts waerde gevraog om
deze middig de presentatie veur zien
raekening te nimme. Ederein kreeg biej
binnekoms ein super grote oranje sjteek
van faom, die sjteeke ware zo groot det ’t
al gauw erg drök waas in ’t Kesjot. Roger
Kamphuis waerde dae middig al direk
toet Vors gebombardeerd. Veur ’t eerste
halfvaste bal waas ’t al gauw super gezellig. Gaste veur dae middig ware auch de
Marie Keukskes toen nag vertaengewaordigd
door Frans van Gemert en Jan
Polmans. Ze waore in vol ornaat. In de
aje pekskes van de Kwibusse oet Naer. ‘t
Waas dae middig det de Marie keukskes
auch veur good de sjteeke höbbe afgedaon. En de Marie keukskes gesjiedenis
waerde. Jan waerde gevraog om lid te
waere biej de Fobmötse. Frans haaj jaomer
genóg neet völ tied want Frans waas
toen, en is nag sjteeds auch ein zeer
actief lid van VV de Hopsjlokkers. Dae
middig krege de kersverse Fobmötse,
mer leefs 9 leje. Robbert, Dick, Hein,
Berland, Torsten en Frans Sars waerde
auch nag gesjrik. ’t Waas ein super gezellig
en gesjlaag feesje, en ein dink waas
zeker hiej motte veur mit door gaon. In
de waek daonao kreeg Jan telefoon van
Frans Sars, Roger haaj te kènne gegaeve
det der als Vors neet langer wooj doorgaon,
en de Fobmötse zote mit ein probleem. Jan kreeg de vraog of hae Vors
wooj waere. Nao ein bedink periode van
11 minute en alles ins op ein riejke gezat
te höbbe haet Jan toen jao gezag. De vastelaovindj van 2001 naderde en
dao mós toch eine prins komme. In
ein vergadering tösse Kers en nuuj jaor
waerde ’t telefoonbook gepak en Ron
belde André. Op oetneudiging van André
zin Ron en Jan en Robbert eine aovindj
bie André en Ger op bezeuk gewaes. De kogel waas al gauw door de kerk en
André zag jao. Mer de Fobmötse haje
eine Prins mer gein pékske. Financieel
haje de Fobmötse nieks, en geldj veur
ein duur prinse pak waas der den auch
neet. Frans Sars kwaam mit de oplossing
hae haaj nag waal eurges ein pekske
ligke. Onger in ein doos vonj hae nag ein
kompleet prinsepak, en ja jao, auch nag
ein mit ein witte majoo! Veur motte auch ein scepter
hubbe! Frans zaet: gin probleem, achter
op de kegelbaan sjteit nag eine aaje
sjtool, braek dao maar ein poot van
aaf, fobke drop en klaor. ’t Oetrope kós
beginne, André zo cool wie hae waas haaj
gein zenuwe. Mer ’t volgende probleem
kwaam om de hook wie gaon veur ’t
oetrope doon? Biej de Fobmötse waas
det toen, det ’t probleem altied ontsjtòng
op moment det aovindj al in volle gang
waas. Waat noe? Geine paniek dao loog
nag ein chips doos baove, en die waerde
Andrè oppe kop gezat. En dao kwoom
der ’t zaelke binne onger de hints van
Vors Jan waerde de eerste Prins van de
Fobmötse oetgeroope. Andrè de eerste
en waat eine kanjer! Onger ’t motto van:”
Veur häöke in” ging Andrè ’t avontuur taengemoot. De Optoch dao moos toch eine
wage gebouwd waere. En de Fobmötse
wie creatief det ze zin waerde de eerste
wage gebouwd. Biej Robbert achter in de
sjuur, en waat höbbe veur dao get aafgelache.
’t Resultaat ein draagbaar, mit ’t
opsjrif:” veur drage ôsse Prins op Henj”. Ger lag dit allemaol vas op de geveulige
plaat. En Ger is nag sjteeds de hof fotograaf
vanne Fobmötse. ’t Waas eins
super sjoon jaor. Biej de Hopslokkers
waerde dao indertied mit ein sjeif auch
nao gekeke, en sommige veursjpelde det
’t toch mer get waas veur ein jaor of
twee, langer haaje die det toch neet vol. Inmiddels 6 Prinse en zelfs 4 Prinssese
verder, gaon de Fobmötse dit jaor heure
elfde Prins of Prinses oetrope. De eerste Prinses ein unikuum in Zjwame
: Prinses Lotte. Eine Topper; ein Prinses
biej de Fobmötse. En Prinses Lotte veel
biej heel väöl miense good in de sjmaak. In
det jaor waerde auch de eerste Fobgezet
gemaakt. Prinses Lotte preikte achter
heel get rame mit de grote poster. De
Fobmötse krege leje daobiej en Mariëtte
Sars waerde de besjerm vrouwe vanne
Fobmötse. En Mariëtte is det nag sjteeds
en kump nag eerder jaor van Lesbos
euver, óm de Zjwamer vastelaovindj mit
te make.
