26/05/2026
Wat in moaie opkomst by it fiskjen yn Raard! En dat net allinnich: it waar wie ek nochris prachtich.
De FFFR eo (Fryske Fisk Federaasje Raard eo) hie dúdlik in wiis beslút naam troch de wedstriid in wike te ferpleatsen fanwege it minne waar.
Yn totaal dienen der 18 fiskers mei én wienen der ek nochris sa’n 18 supporters lâns de kant. Mei-inoar waarden der mar leafst 187 fisken fongen 🎣
💪Jeugd
By de jeugd oant en mei 13 jier waard Roan kampioen mei 15 fisken. Hy gie nei hûs mei in moaie hengel mei túchje. Dêrneist wienen der mar leafst trije fiskers op it twadde plak mei seis fisken:
Werner krige in nije hengel omdat syn eigen midden yn de striid stikken gie;
Marten Douwe krige in moai túchje omdat syn materiaal net hielendal yn oarder wie;
Renske krige in onthaakmatte.
🏆 Alderein
By de âlderein wie it lang spannend. Net allinnich foar it earste en twadde plak, mar seker ek foar it tredde plak. De bruorren Ruurd en Jan sieten neist elkoar te fiskjen en striiden der flink om. Diskear moast Jan it ôflizze. Ruurd einige mei 23 fisken en Jan krige, omdat it dochs wat sneu wie, de poedelpriis.
De echte striid om de winst gie tusken Jeroen en Rutmer Jan. Lange tiid stie Jeroen foar, mar stadichoan kaam Rutmer Jan tichterby. By 27 fisken stienen se gelyk, mar dêrnei wie Rutmer Jan net mear te hâlden. Hy wûn úteinlik mei 47 fisken tsjin 40 foar Jeroen.
👏 In earf***e fermelding wie der foar Jaap Postma, dy’t de grutste fisk fan de jûn fong.
Al mei al wie it in prachtige jûn fol gesellichheid, moaie ferhalen en fansels in soad fisk. Wat de FFFR betreft: oant takom jier!
Rick, Lars, Ytzen en Han
📸📷 Foto's
Alle foto's fynst yn it online fotoalbum fia 124501206@N04/sets/." rel="ugc" target="_blank">https://www.flickr.com/photos/124501206@N04/sets/.
