Al jaore lang stut de carnaval ien Brokeze mit name bekend um ziene fameuze Tour De Brokeze. Ien Brokeze wurd d’r nameluk genne optocht gehalde dur ut dörp mit groëte wagus, már wurd d’r op carnavalsdinsdaag enne sensasjonele fietswedstrijd gehalde op un spesjaal parcours ien ut hartje vaan Brokeze. Dit Brokezer carnavalsevenement wurd georganiseerd dur De Tourkommissie vaan de Carnavalsveriënigin
g De Krey. Renners aan de start
Elluk jaor vurschiene d’r zo’n 40 diëlnemers oftewel ‘Renners’ aan de start um de longe uut ut lief te fietse vur de aoverwinning vaan d’n Tour De Brokeze. De Renners, gekliëd ien verrassende uutdossinge én mit uutzonderlijke fietscreaties mákt d’n Tour tot enne wedstrijd dae zich mit gèn andere ‘fietswedstrijd’ ken vergelieke. Ut Rennerskwarteer
’s Mergus al rond un eur of tien, verzamele alle renners zich ien ut rennerskwarteer op de ‘Rue Du Pont’ ien 't Café . Renners komme dao ni alliën um hun startnummer af te hale mar vural um zich mentaal vur te bereide op waat komme gut. Heer werre daan onder andere taktieke bespraoke, vitamiene genome, sporadies enne renner of fiets fieziek gekeurd en ien ernstige gevalle werd d’r op doping gecontroleerd? Vurstelle vaan de renners
De kolderieke Tour zelf begint ien de regel urst mit ut vurstelle vaan de Renners. Op daat moment komde d?r ás toeschouwer al gauw achter daat vural ut comentaar vaan de twieje verslaggaevers én vaan enkele renners, aan mekaar hungt vaan de schaele wazel. Ut Startschot
Vurdaat alle renners ‘m vaan jetje kunne gaeve zal d’r urst un startschot geklonke motte hebbe. Alliën dit startschot al, is elluk jaor al un hilariteit opzich te neume. Nemus wet namelijk vûraf wat vur startschot d’r zal klinke en hoe daat ut precies vur d’n daag wurd gebrocht. Allien de leeje vaan De Tourkommissie, (de kels die elluk jaor wer wat neejs bedenke) wiëte waat d’r gebeure gut, en ien de regel kumt ut uuteindelijke startscholt aalt onverwachs
De wedstrijd
Nao daat ut startschot hed geklonke springe de renners as enne’n dolle op hunne fiets en make ze zich op vur d’n urste bocht vaan de ‘Rue du pont’ nao de ‘Kol De Ekster’. Ien dit smale straötje is ni alliën ut platsgebrek mej un hindernis opzich, maar zurge ok de kasseije die ien de waeg ligge vur de nuëdige fietstechnieke op dit steile gediëlte. Duk uutgeput baovenaan gekomme op ‘De Himmel Hochstrasse’ gumme de renners wer flink oppe pedale um net vur de kerk links de ‘downhillstrecke’ nao onder te neme, um uuteindeluk op ut rechte stuk, net achter de inmiddels toegesméte ‘Gût vaan Mie’ vurbeej start en finisch te komme um de meist cruciale iendruk vur de presentatiewage en ut publiek achter te laote, um daomit meugeluk kans te make op de aoverwinning? Tijdes d’n tour is ut zeker ni alliën waat rundjes fietse mar d’r gebeurt aalt vaanalles wat aan onverwachte dinger die ut gebeure tot iën groët spektakel mukt. De Knoevel vaan Miss Krey
Daegene den uuteindelijk en wonderbaarluk as winaar aover de finisch kumpt kriegt as pries zoewiezoë ‘de ier en d’n Baeker? maar baovenaal kumpt ie ien aanmerking vur d’n onomstoëtelukke knoevel vaan Miss Krey. Miss Krey is mit de carnaval ni alliën ut mojste megje vaan Brokeze, maar hed ok de beste kwaliteite um de winnaar vaan d’n Tour enne onvurgaetelukke knoevel te gaeve. Vur Miss Krey is daat wat de ervaringe temiste uutwieze ut högtepunt vaan zowel de winnaar as Miss Krey zelluf. Wilde us enne kier wat anders zeen daan enne carnavalsoptocht? Kom daan op carnavalsdinsdaag nao Brokeze aan de maas. D’n Tour De Brokeze begint elluk jaor um 14:30 eur. (Ut Rennerskwarteer is ’s mergus al um 10:00u vur alle renners én fans of andere geïnterresseerde.)
