Rayuwar Musulunci

Rayuwar Musulunci Domin isar da sakon ALLAH (SWT) ga Al-Ummar Musulmi baki daya...

17/08/2025

Kullum ka dinga tuna cewa ba lallai ne kayi shekaru masu yawa a cikin wannan duniyar ba, it may be nan gaba kadan zaka koma ga mahaliccin ka, a cikin wadannan shekaru na kuruciya da samarta Allah zai iya kiran ka, kuma dole ka tafi ko ka shirya ko baka shirya ba.

Yin irin wannan tunani zai taimaka maka wajen rage aikata laifi ya kuma kara maka himma akan aikin alkhairi wanda ko yau ka koma ga Ubangiji zai kalla ya kawar da kai a wajen da kayi ba dai dai ba. Kayi kokari ka dinga yin irin wannan tunani a yanzu da kake da lafiya ba sai jinya ta kwantar da kai ba.

Wannan tunkiyar naira 70k na siyeta shekaran jiya watanni biyu da s**a wuce sai ta kusa 130k amma har yanzu yadda ake ya...
04/08/2025

Wannan tunkiyar naira 70k na siyeta shekaran jiya watanni biyu da s**a wuce sai ta kusa 130k amma har yanzu yadda ake yanka girman tsire a wanchan lokachin haka ake yankawa yanzu babu ragi

Wake a bara kwano ya kai 5k amma yanzu less than 3k yadda ake saida kosai a wanchan lokachin har yanzu bai chanza

Abubuwan masarufi suna ta saukowa amma masu saida abinchi yadda suke zubi a baya haka suke a yanzu

Bama son saukakawa junanmu amma da zarar an samu karin kudi ko yaya ne sai mu hau tsada muna fakewa da kaya suna tsada amma ko zasu sauko su rage kudi da 50% bazamu gaggauta yin sauki ba

Wannan irin abubuwan sune dalilin da yasa nace wani lokachin babu wani maganar azzaluman shugabanni mu kanmu mune azzaluman kanmu muke wa kanmu da kanmu zalunchi

22/07/2025

Gidan Television na "Scope 24 TV" dake Kuwait yayi hira da wani babban matsafi ada, wanda Allah ya shiryar dashi daga baya, mutumin yace:

"Na shafe shekaru 24 ina aikin sihiri, Bokanci da Maita, ana kawo mun aiki daga ko'ina a duniya, sai wata rana wasu yan siyasa s**a kawo min sunan wani mutum suna so a kashe mutumin ta hanyar tsafi, ayi amfani da Aljanu a kashe mutumin".

Tsohon matsafin yace:
"Nayi, nayi in kashe mutumin na gagara, na hada kai da duk wani masanin sihiri mun gagara kashe shi, kuma mun rasa dalilin haka, mun yi bincike irin na Bokaye amma mun rasa abinda ya hana sihirin yin tasiri akan sa, kuma kariyar da mutumin yake da ita ba kariyar Aljanu bace, domin babu wasu tawagar Aljanu ba zamu iya lalata aikin su ba a wancan lokaci".

Tsohon Bokan yace:

"Bayan na tuba, na koma hanyar gaskiya, nayi watsi da aiyukan Bokanci na roki Allah yafiya, sai na nemi ganawa da wancan mutum da aka bani kwangilar gamawa dashi shekarun baya, na hadu dashi, na bashi labarin duk abinda aka shirya akan sa, amma ba'a yi nasara ba, na tambaye shi ko akwai wata Ibada ko addu'a da kake yi ne haka?".

Sai mutumin yace:
"A'a bani da wata addu'a ta musamman da nake yi, sai dai ina tunawa mahaifiyata ta taba fada mun cewa sadaka tana maganin masifa ko sharri, hakan yasa na rike yin Sadaka".

Yace sai ya kaini Store din gidan sa ya nuna mun Buhun Dabino. Yace kullum yana daukan Guda 3 yana yin Sadaka dasu. Yace iya abinda yake yi kenan. Sai sallar Walaha da nake yawan yi idan na samu dama.

Sai tsohon Bokan yace (tabbas abu ne mai wahala a iya ganin bayan mutumin dake rike da wadannan abubuwa biyu, ko kokarin karya shi, ko kawo karshen sa).

Abdul-Hadee Isah Ibraheem ✍️

21/07/2025

Idan ka zauna kana jin labaran yadda mutane suke rayuwa sai kaji wani yace:

A shekarun baya ko watannin baya yana samun kuɗi, amma yanzu abubuwan sun gagara duk abinda ya shiga sai matsala ke tasowa tare da hasara.

Wani sai kaji yace:
Bukatu ne s**a yi masa yawa gashi babu kudi, babu inda zai samu ko aro ne.

Da ace zaka iya jin abinda zuciyar wasu take tattaunawa zaka ji tana cewa "anya babu sihiri a cikin matsalolin nan da s**a dame Ni?".
Wani kuma zuciyarsa tana cewa "anya na rufe Ido zanyi in nemi kudi ko ta wane hali ba kuwa? in yaso daga baya in tuba?".

Ta kowane bangare sai kaga matsalolin rayuwa tana damun kaso 95 na mutane, kuma kaso 95 matsalar kudi ne a yau a Nigeria. Wadanda matsalar su ba kudi bane basu wuce kaso 2 cikin dari ba.

Idan ka duba sai kaga sama da kasa kana cikin matsaloli da damuwa tare da bukatun da samun ka ba zai iya kawar dasu ba, idan ka fahimci haka, to ka koma ka rike addu'ar Annabi Yunus Bin Mattah lokacin da ya fada cikin duhun ruwan kogin, da daddare cikin duhu, ga kuma duhun cikin Kifi data hadiye shi, sai yayi ta fadin kalmar:

(Laa ilaha illalla anta subhanaka inni kuntu minaz zalimiyn). Allah fitar dashi, kuma yayi masa gatan duk al-ummar sa s**a karbi gaskiya daga wajen sa.

Dare da rana, safe da yamma, musamman ace zaka iya yin Azumin Nafila na kwana uku akan matsalolin ka, a cikin kwanakin kuma sai ka wuni karatun Alqur'ani tare da maimaita fadin (Laa ilaha illalla anta subhanaka inni kuntu minaz zalimiyn).

Allah yace (ba domin ya kasance yana yin (wannan) Tasbihi ba, da ya zauna a cikin hanjin Kifi har zuwa ranar Kiyama).
Yawan fadin kalmar (Laa ilaha illalla anta subhanaka inni kuntu minaz zalimiyn) tana fitar da mutum daga matsala, kuma tana sa mutane su karbi Da'awar ka idan kai Malami ne ko wanda yake so mutane su fahimce shi.

Dauki matsalar da zaka shiga a yau bata kai matsalar da Annabi Yunusa ya shiga ba, to abu daya kawai ake nema daga gare ka, kayi trusting Allah har cikin zuciyar ka. Shi kuma zai yi maka.

Babbar matsalar mu a yau itace ba zamu iya daukan kwanaki masu yawa ko watanni muna yin wata addu'a ko zikiri ba. Sannan idan muna yi bamu da yakini akai, muna jefa shakka ko kokwanto a cikin lamarin rokon biyan buƙatun mu daga Ubangiji. Har wani zai yi tunanin ai yawan mutane shi ya jawo rashin kuɗi da karancin Abinci.

Yawan mutane basa daga cikin dalilan da yake kawo rashin kuɗi.
To amma ko ka taba tunanin cewa ba yawan mutane ne ya kawo rashin kudin ba? Abinda ya kawo kudin shine:

1. Rike dukiyar al-umma dake wajen masu mulki.

2. Rashin tausayi da hangen lahira daga masu wadata.

3. Rashin samar da sabbin mafita (solutions) da zai magance matsalolin da al-umma take fama dasu daga mutanen gari, unguwa, jiha da kasa baki daya, babu innovation koda local innovation ne, babu creativity.

Akwai ideas da yawa a wajen mutane su, sai dai practicalixing dinsu a zahiri shine ya gagara.

Abdul-Hadee Isah Ibraheem

20/07/2025

Yiwa Namiji girki da wanke-wanke da share-share duk ba aikina ba ne. Ƙwarai kuwa kina da gaskiya.

Kai kuma, ba ta Shinkafa da Gero da Dawa... kar ka yadda ka saya mata Nama da Kifi da Kaza. Kar ka saya mata atamfa sai dai leda. Yari da sarƙa kuwa sai dai ta gani a maƙota. Waya mai danna-danna ta wadatar.

Kayan ƙwalan da maƙulashe sai dai ta ji sunansu ko ta saya da kuɗinta.

Kuna ganin in aka yi haka zaman aure zai daɗi...!?

Abin da kika ce ba zaki yi ba kyautatawa ce, shi ma wanda ya ce ba zai yi ba kyautatawa ce.

Duk sa'ar da kowa yace iya haƙƙinsa zai bayar lalle ba za a zauna lafiya ba...!

✍️ Sukairaj Hafiz Imam

21/06/2025

Wata rana Annabi Musa Bin Imraan (A.S) yana cikin damuwa yana so yayi addu'a yana cikin tsananin bukatan Allah ya amsa masa, sai yayi magana da Allah yace "Ya Allah ka bani wata kalma wacce duk lokacin da nake son yin addu'a zanyi amfani da ita in roke ka".

~ Sai Allah yace "Ya Musa kace Laa ilaha illal Lah, ka dinga amfani da wannan kalmar duk sadda za kayi addu'a, na baka ita", sai Annabi Musa yace "Ya Rabb, dukkan bayin ka (Muminai) suna fadin Laa ilaha illal Lah".
Yana so a bashi wata kalma ta musamman (Special) ba wannan da kowa yake fadin ta ba.

~ Sai Allah yace masa babu wata kalmar data kai wannan kalma a wajena, itace "Laa ilaha illal Lah" b***e a samu wacce tafi ta.
Allah yace Ya Musa bari kaji:

"Da ace za'a dauko sammai bakwai da abubuwan da suke cikin sammai (na Rana da Wata, Taurari, duniyoyi, Galaxies, Super Galaxies da Milky ways) banda ni, Allah".

~ A dauko 'kassai bakwai da duk abinda ke cikin su, a hade su a 'dora akan Ma'aunin a auna nauyin kasa gefe 'daya na Skeli, a dauko kalmar Laa ilaha illal Lah a 'dora ta a 'daya gefen, wallahi sai Laa ilaha illal Lah ta rinjaye su, wajen nauyi da girman ta, dan haka Ya Musa babu k**ar Laa ilaha illal Lah ga duk wanda yake so ya roke ni".

~ Tun daga lokacin Annabi Musa idan yana da bukata yakan zauna yayi ta ambaton Laa ilaha illal Lah, tare da kusanto da ma'anar ta a zuciyar sa, tare da girman Allah sai yayi addu'a, kuma sai a karba masa a bashi abinda yake so.

~ To kaima kaji, kema kin ji, indai kana da addu'a, ko wata bukata, ka aikata wata Ibada k**ar sallah ko karatun Al-Qur'ani, ka zauna a wajen kayi Laa ilaha illal Lah, sau adadi mai yawan gaske, sai ka fadi bukatun ka, in sha Allah idan kana yawan yin haka zaka ga canji akan bukatu da matsalolin da suke damun ka, da abubuwan da kake son cimma su a rayuwa.

Wannan tabbas ne, wallahi mun shaida wannan, kuma duk wanda yake yi ya shaida haka.

Allah ya karba mana, yasa mu dace....

10/05/2025

18 billion years:

Day of Qiyama - Ina zaton mutane za su tsaya a filin Qiyama na tsawon shekaru biliyan goma sha takwas da miliyan Dari biyu da Hamsin (18,250,000,000) kafin a fara yin Hisabi wa mutane abubuwan da s**a yi a lokacin da s**a rayu a duniya.
هَذَا يَوْمٌ عَسِرٌ
____________________________
Ranar tashin Qiyama rana ce me girma da kowa yake dakon zuwan ta. Za ayi doguwar tsayuwar da ba a taɓa yin irin ta ba, wannan tsayuwar tana daga cikin dalilan da yasa aka kira ranar da ranar Qiyama (Ranar Tsayuwa), mutane maza da mata, Yara da manya, Musulmi da waɗanda ba su ba, za su tsaya a filin Mahshar na sama da tsawon shekaru biliyan goma sha takwas, a lissafin shekaru irin na duniya.

~ Manzon Allah (S.A.W) ya tabbatar da za a tsaya na tsawon shekaru dubu Hamsin (50,000 years, irin shekarun da Allah yake lissafi dasu) irin shekarun lahira.

~ A cikin Al-Qur'ani Allah ya bamu Ma'aunin da yake lissafin shekaru dashi, a wajen sa shekaru dubu ɗaya na duniya sune kwana ɗaya a lissafin wajen Ubangiji. Sai anyi shekaru dubu 'daya anan duniya Allah yake rubuta shi a matsayin kwana ɗaya a wajen Sa, hakan yana nuna mutane za su tsaya a gaban Ubangiji sama da shekaru biliyan 18.

~ A cikin Suratul Hajji, Surah ta 22, a Ayah ta 47, Allah yace:
وإن يوما عند ربك كألف سنة مما تعدون

Meaning:

“Tabbas, haƙiƙa kwana ɗaya a wajen Ubangijinka k**ar shekaru dubu ne irin waɗanda kuke lissafawa (a nan duniya).”

~ Idan ka buga lissafi za ka ga cewa muna da kwanaki 365 a kowace shekara (at most), hakan yana nuna shekaru dubu ɗaya a wajenmu shi ne kwana ɗaya a wajen Allah, sai ka buga:

~ 1,000 × 365 = 365,000 years.
Wato sai mun shekara dubu 365,000 a nan duniya kafin Allah ya lissafa shekara ɗaya a wajenSa.

~ To sai kace 365,000 thousands years times 50,000 wato yawan shekarun da Bayi za suyi a tsaye a gaba Ubangiji irin shekarun lahira, ko a takaice:

365,000 × 50,000 = 18,250,000,000 yeears, irin na duniya.

~ Wannan tsayuwa ce kawai da mutane za suyi a gaban Allah, ba zaman gidan Aljannah ba ce da aka ce waɗanda s**a shiga za su zauna har abada, shekarun tsayuwa da Hisabi ne kawai wannan.

~ Allah da kansa a cikin Surah ta 25 a Ayah ta 26 yace:

الملك يومئذ الحق للرحمن وكان يوما على الكافرين عسيرا

Meaning:

“Mulki a wannan ranar ya koma ga Allah Mai Rahama gaba ɗaya, wannan ranar za ta yi wahala wa kafirai.”

~ A cikin Suratul Qamar, Ayah ta 8 Allah yace:
مُهْطِعِينَ إِلَى الدَّاعِ يَقُولُ الْكَافِرُونَ هَذَا يَوْمٌ عَسِرٌ

Sai dai duk da waɗannan wahalhalun su Muminai ba za su ji azabar tsayuwar ba, Manzon Allah (S.A.W) yace:

~ “Na rantse da wanda raina yake a hannunsa (Allah kenan) za a sassauta wa Muminai wannan ranar, za su ga tsayuwar k**ar ba ta wuce k**ar mutum ya yi Sallar Farilla ya sallame ba.”

~ Wato Muminai ba za su ji wahalar tsayuwar shekaru Biliyan 18 ɗin nan ba, za su ga k**ar sun tsaya ne na tazarar da ba ta wuce ka yi sallah ka yi sallama ba ko ƙasa da haka.

والذي نفسي بيده إنه ليخفف على المؤمن حتى يكون عليه أخف من صلاة مكتوبة

~ Wato mafi tsanani dai Muminai za su ga k**ar minti 15 s**a yi a tsaye, yayin da kafirai za su ga sun shafe shekaru Biliyan 18 a wajen.

A cikin "Al-Mustadrak" na Imamul Hakim, Manzon Allah yace:

"Tsawon ranar Qiyama a wajen Muminai bai wuce k**ar tazara ko (interval) ɗin dake tsakanin Sallar azahar da La'asar ba.”

~ Sheikh Muhammad Nasir yace wannan Hadisin Sahihi ne (8,193)....
يوم القيامة على المؤمنين كقدر ما بين الظهر والعصر

~ A wannan Hadisin, Allah zai sassauta wa Muminai za su ga k**ar tsayuwar awanni biyu ko biyu da rabi kawai s**a yi.
Amma a zahiri 50,000 thousands years irin na lahira s**a yi, wato 18 Billion 250 million years.

~ Allah ya sanya mu cikin waɗanda za a sassauta musu wannan tsayuwar.
Tsayuwa ko na awanni 18 ne ba ƙaramin tashin hankali ne ba, b***e shekaru Biliyan 18 har ma da shekaru Miliyan 250.

Allah yace game da ranar tsayuwar, masu laifi da tauye mudu, da sabon Allah:
أَلَا يَظُنُّ أُولَئِكَ أَنَّهُمْ مَبْعُوثُونَ لِيَوْمٍ عَظِيمٍ يَوْمَ يَقُومُ النَّاسُ لِرَبِّ الْعَالَمِينَ

~ Cosmologists sun ce sun fahimci yanzu haka duniya ta kai shekaru Biliyan 17 zuwa 18 da halittar ta.

Nan gaba idan anje lahira za ayi tsayuwar da ya wuce shekarun da duniya ta yi a halicce, wannan duk ba a zo maganar shekarun da za a yi a Aljannah ko wuta ba da aka ce har abada.

~ Dukkan Aiyukan da muke yi, Sallah, Azumi da sauran su sune aiyukan da idan an karɓe su acikin records ɗin mu za a sassauta mana wannan doguwar tsayuwar.

~ Manyan abubuwan tsoro a wannan tsayuwar guda hudu ne:
1. Babu zama sai tsayuwa a kan babbar yatsar ƙafa guda ɗaya.
2. Babu cin abinci babu shan ruwa.
3. Babu inda mutum zai taka ya je b***e ya motsa ƙafar.
4. Sannan babu wanda yasan ina zai je idan an zo an yi Hisabin, wuta ko Aljannah...

~ Duk duniya babu wanda zai iya roƙon Allah ayi haƙuri a sassauta wannan tsayuwar sai Manzon Allah (S.A.W), mutane za su je wajen Annabi Adam, zai ce ba zan iya ba, sai a dunguma aje wajen Annabi Nuhu, Ibrahim, Musa da Isah (A.S) duk ba za su iya ba, sai Muhammad Bin Abdullah (S.A.W)...

~ Ya Allah ka yafe mu, ka sassauta mana a nan duniya da kuma wancan rana ta Hisabi.

Allah kayi mana Alfarma mu samu kanmu cikin waɗanda za a sassauta musu wannan Azaba.
✍️:

Repost:
April — 10th, 2023.

03/02/2025

Kalmar "La haula wala Quwwata illa billah".
Manzon Allah yace:
كنز من كنوز الجنة
"Taska ce daga cikin taskokin arzikin Aljannah".

Meaning: ka fade ta, kayi ta maimaita ta a bude maka kofofin arzikin duniya da lahira ta inda baka yi zato ko tsammani ba.

Kana cikin damuwa? abubuwa sun rikice maka? rike "La haula wala Quwwata illa Allah" kayi tayi dare da rana kaga ikon Allah.

In kana son testimony, shaida akan gaskiyar haka ka tambaye mu, wallahi mun gani ba sau daya ba ba biyu ba, adadin da ba zamu iya kiragawa ko lissafawa ba.
~ Wallahi mun gani a kasa a zahiri.

09/05/2024

YAUSHE ZAN FARA SADUWA DA AMARYAR DA NA AURETA TANA KARAMA ?

Tambaya:
Assalamu alaikum.
Ina fatar Allah ya kara ma malam Ikhlasi. Ya halatta idan mutum ya auri mace karama wadda bata fara jini ba ya sadu da ita? Kokuwa rainonta zai yi?

Amsa:
Wa alaikum assalam,Malamai sun cimma daidaito game da halaccin aurar 'yar karamar yarinya, saboda aya ta hudu a suratu Addalak ta bada labarin yadda karamar yarınya za ta yi idda,hakan sai ya nuna ingancin yi mata aure kafin ta balaga, sannan Annabi (s.a.w) ya auri nana Aisha tana 'yar shekara shida.

Malamai sun yi sabani game da lokacin da za'a fara saduwa da ita, bayan an yi auren,akwai wadanda s**a tafi akan cewa dole sai ta balaga za'a mikata ga mijinta.
Wasu malaman sun kayyade shi da shekara (9) saboda Annabi (s.a.w) ya tare da nana A'isha ne bayan ta kai shekaru tara.

Zancen da ya fi zama daidai shi ne : za'a duba yanayin jikin yarinyar, in har za'a iya jima'i da ita ba ta cutu ba,za'a iya mikata ga mijinta, ko da shekarunta kadan ne, saboda mata suna bambanta wajan girman jiki gwargwadon wurin da suke rayuwa, da kuma irin abincin da suke ci, sannan sharia ba ta iyakance lokacin da ake fara jima'i da mace ba.
Don neman karin bayani duba: AlMugni 27/77 da kuma Alminhaj na Nawawy 9/206.
Allah ne mafi sani
Dr Jamilu Zarewa.
09\5\2016

07/05/2024

Yadda ake Sallar Shafa'i da Witri, sallah mai girma (Sallar da take kai mutum kusa da Allah cikin gaggawa), tare da bayani mai muhimmanci game da hukuncin sallar da tsarin ta, da kuma matsayin ta.
_____________________________________
~ Sallar Shafa'i da Witri salloli ne da manzon Allah (S.A.W) ya bayyana cewa gara kayi su, gara a baka damar yin Shafa'i da Witri akan a baka duniya da duk abinda yake cikin ta, shiyasa manzon Allah kullum yana yin Shafa'i da Witri koda yana halin tafiya yana yin su.
Karanta Sunanut Tirmiziy, Hadisi na 425.
Yaya ake yin sallar Shafa'i da Witri??.

~ Sallar Shafa'i raka'o'i ne guda biyu k**ar yadda Malamai da dama suke fahimtar haka, Nana Aisha tace manzon Allah ya kasance yana karanta suratul Fatiha da suratul A'alah (Sabbi hisma) a raka'ar farko, sannan Nana Aisha tace a raka'a ta biyu kuma ya kasance yana karanta suratul Fatiha da kuma suratul Kafiruwn (Qul ya ayyu Hal Kafiruwn), idan ya kammala raka'o'i biyun sai yayi Tahiya yayi sallama, wannan Shafa'i kenan.

~ Sai kuma Witri Malamai da dama sun tafi akan cewa raka'a daya ce Tak, tare da cewa wasu Malamai suna da sabanin haka, amma jumhuwr (majority) sun ce raka'a daya ce, yaya ake yin sallar Witri?
~ Nana Aisha (a hadisin Jabir Bin Abdallah, hadisin Imamut Tirmiziy) tace "Manzon Allah ya kasance yana karanta suratul Fatiha da kuma suratul Ikhlas (Qul huwallahu ahad) sai ya 'karasa yayi sallama.
Imamun Nasa'i ya ruwaito, a Hadisi na 1,729.

~ Sannan Imamut Tirmiziy ya ruwaito Hadisi Sahiyhi cewa wani lokacin manzon Allah yana karanta Qul huwa, Falaqi da Nasi a sallar witri, dan haka ya halatta a Witri ka karanta Qul huwal lahu kadai, idan kaso kuma zaka iya karanta duka, Qul huwal lahu, Falaqi da Nasi.

Yanda ake jeranta su:
Yanda ake yin sallar Shafa'i da Witri a jerance akwai hanyoyi guda biyu k**ar haka:

1. Ya halatta kayi su a jere duka ukun, amma baza ka zauna kayi Tahiya a raka'a ta biyu ba, saboda idan kayi haka tayi k**a da magriba kenan, idan ka kammala raka'a ta biyu sai ka mike kawai ba tare da Tahiya ba, idan ka kammala sai kayi sallama kawai.
Karanta Sunanun Nasa'i, Hadisin na 234, a mujalladi na uku.

2. Hanya ta biyu, ya halatta kayi su daban daban, raka'o'i biyun Shafa'i daban idan ka kammala su sai kayi Tahiya kayi sallama, sai ka sake tashi kayi kabbarar harama ka kawo witrin ka, raka'a daya Fatiha da Qul huwallahu ahad, sai ka sallame.
Karanta Sunanu Ibnu Hibban, hadisi na 2,435 zaka ga Hadisin.

Daga nan sai ka daga hannu kayi ta addu'a ka fadi duk abinda kake so tabbas Allah zai amsa maka.
~ Malamai sun yi ittifaqi cewa lokacin ta ita sallar Shafa'i da Witri yana farawa ne daga bayan sallar Isha har zuwa fitowar al-fijir, sai dai idan ta kubuce maka baka yi ta ba zaka iya yin ta washegari lokacin sallar walaha, k**ar yadda Hadisin Nana Aisha ta bayyana haka.

~ Sai dai anfi so ayi ta a 'karshen dare idan hakan zai yiwu, saboda manzon Allah yana cewa "Ku rinka sanya Witri ta kasance itace sallar ku ta 'karshe a dare".
Manzon Allah yace "Duk wanda yake da kyakkyawan zaton bacci bazai fi karfin sa ba, to ya bari sai a 'karshen dare yayi witrin sa, wanda kuma yake ganin bacci zai yi galaba akan sa to yayi sallar witrin sa a farkon dare".
Karanta Sahihu Muslim, Hadisi na 755, zaka ga Hadisin.

~ Sannan ya halatta kayi shafa'i raka'o'i goma, sai kayi raka'o'i goman a jere babu sallama, sai kazo raka'a ta goma sai kayi Tahiya amma ba zaka yi sallama ba, sai ka mike ka kawo raka'a 'daya witri kenan, sai ka sake zama kayi sallama, kaga shafa'in ka raka'o'i 10, witrin ka raka'a 'daya.

~ Idan kuma kayi sallar shafa'i da witrin ka a farkon dare, sai kuma ka farka cikin dare kana so ka sake yin sallolin Nafila domin neman lada, sai kayi sallolin ka amma ba zaka sake yin witri ba, saboda manzon Allah yace "Ba'a yin witri biyu a dare 'daya".
Abin nufi, idan ka tashi daga bacci cikin dare, sai ka kawo nafilfilin da kake so, amma ba zaka sake yin wata sallar Witrin ba, saboda manzon Allah yace ba'a yin Witri biyu a dare daya.

~ Sallah ce mai girman gaske wacce mutane da dama s**a gafala da ita basa yi, kada ka kasance daga cikin wanda basa yin sallar Shafa'i da Witri a dare, saboda Abu Hurairah yana cewa "Masoyina manzon Allah yayi mun wasiyya cewa kada na rinka yin bacci a dare ba tare da nayi wadannan sallolin ba".
✍️:
Abdul-Hadi Isah Ibrahim.
26 June 2018.

Duniya budurwar wawa.Kana Kallon anan kasan ya razana da Mutuwar abokin shi CEO na Access bank. Kwanan nan din y...
15/02/2024

Duniya budurwar wawa.

Kana Kallon anan kasan ya razana da Mutuwar abokin shi CEO na Access bank.

Kwanan nan din ya gayyace shi tare da zuwa sabon gidan da ya gina na wurin over 10 billion naira (Super Luxury and Smart house).

Gashi in less than 2 weeks ya tafi yabar duniyar.

Tabbas Ishara ce ga dukkan mu musamman, 'yan siyasa da 'yan kasuwa dama masu kirki da kuma masu gallazawa al'umma.

Mutuwa zata iya isko mutum ba shiri kuma ba notice.

Imagine ka gina gida worth 10 Billion naira baka wuce 1 month a ciki ba ka mutu kabar duniya. Kabar komi sai dai wasu su mora.

Ya rage namu mu da muke raye, kodai muyi aikin da zai bimu ko mu shuka tsiyar da zata bimu duka layi ne siriri a tsakanin mu dasu.

YaaAllah ka shiryar damu Amin.
Yaa Allah kasa muyi karshe mai kyau, Ameen..

Sallar Walaha (Salatud Dhuhaa) Manzon Allah (S.A.W) yace "Sallar mutanen kirki". ~ Idan kana so ka gwada kanka shin ka...
14/12/2023

Sallar Walaha (Salatud Dhuhaa) Manzon Allah (S.A.W) yace "Sallar mutanen kirki".
~ Idan kana so ka gwada kanka shin ka bin Sahun mutanen kirki musamman wajen neman Lada ta hanyar Nafilfili toh ka gwada kanka wajen yin Sallar Walaha ko rashin yin ta. Bari kaji wani abu, ita Sallar Walaha takan budewa mutum 'kofar Rahama, Arziki (Kudi) da warkewar rashin lafiya ne.

Idan kana so ka gane ta a harshen zamani toh sai ince ko ka san Morning 🌅 Exercise? (Morning jogging)? da safe zaka ga wasu mutane musamman masu Kudi ko masu Kiba s**an fita da sassafe suje suyi gudu, su jijjige jikin su, su dawo suyi wanka.
~ Dadin da suke ji tun daga safe har dare daban ne da ranar da ba suyi wannan jogging din ba. Kwakwalwar takan bude, Basira da fikira a wannan ranar daban ce.

Toh Sallar Walaha ta zarce wannan morning jogging din, (spiritually), amma fa duk da haka ba ina s**an Morning jogging bane, domin yana da amfani ga lafiyar mutum, kada a fahimci bayanin a juye.
~ Sallar Walaha k**ar muce itace (spiritual morning jogging) alkhairin da zata jawo maka a wannan ranar ba kadan bane, wadanda s**a saba yi zaka basa dainawa, saboda sun san me suke samu sun san me suke ji a jikin su duk rana. Zaka ga ko ana sanyi sai sunyi, ko ana zafi ko Damina sai sun fita morning jogging, toh haka Sallar Walaha a wajen mutanen kirki.

Lamarin zai fi burgewa zai fi bayar da kala ace kana Morning jogging kuma kana yin Sallar Walaha, haske bisa haske kenan.
~ A Arewacin Nigeria anyi kuskuren bayanin Sallar Walaha ada, cewa wai Sallar Tsofi ne, kuma idan an fara ba'a dainawa, wannan ba daga karatun Annabi Muhammadu bane, gaskiya.

~ Hukuncin ta, Sunnah ce me karfi:

Idan ka samu dama kayi, idan baka samu ba babu laifi, maganar da ake cewa wai idan ka fara yin Sallar Walaha ba'a dainawa wannan ba gaskiya bane, ba Hadisin Annabi bane.
~ Saboda muhimmancin ta har a ranar Fatahu Makkah sai da Manzon Allah ya shiga wani Gida da sauri da gaggawa yaje yayi Sallar ya fito, wata Baiwar Allah ta shinfida masa Sallaya yayi Walaha.

Nana Aisha (R.A) tace:
Manzon Allah yakan yi Sallar Walaha Raka'a hudu, kuma yakan 'kara fiye da haka ma.
Karanta Sahihu Muslim, Hadisi na 1,176.

Ya halatta kayi ta raka'oi 2, ko 4, ko 6, amma ba'a wuce Raka'oi 8.

A yanzu (December 2023) musamman a nan yankin North Eastern Nigeria, muna fara yin ta daga karfe 7:30 na safe (a yadda nake fahimta) har zuwa karfe 11:30 na safe ko ma sama da haka kafin 12:00 Noon.

Yanayin lokutan s**an sha banban daga waje zuwa waje, sai ka lura da yankin da kake, ko wajen da k**e, Allah yasa mu dace....
Babu wadanda s**a fi ganin tasirin wannan Sallar k**ar matasa, yam mata, da masu karancin shekaru idan suna yi, daga 'yan shekaru 55 zuwa kasa.

~ Kada ka gafala 'dan uwa, sabgogin rayuwar nan suna da yawa, kuma ana cikin su tsamo tsamo ake wuce zuwa cikin Qabari.

Karanta Sahihul Bukhariy, Hadisi na 1,178.

Karanta Sahihu Muslim, Hadisi na 748.

Sunanut Tirmiziy, Hadisi na 437, Sheikh Muhammad Nasir Al-baniy yace Hadisin Sahihi ne.
Allah ya karba mana yasa mu dace....
✍️:
Abdul-Hadee Isah Ibraheem.

Address

Zaria

Website

Alerts

Be the first to know and let us send you an email when Rayuwar Musulunci posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Rayuwar Musulunci:

Shortcuts

Share

Category