23/04/2026
Topic" *The Prison Door Is Open — Why Are You Still Inside?"_ Acts 12:10*
_"My people, good morning! Make I ask una one question: If NEPA don bring light and your generator dey still dey on, no be you get problem? If cell door don open and prisoner still dey sleep inside, wetin dey do am?"_
*Point*: Na so many of us dey. Jesus don open prison, but we still dey inside.
*Verse*: *Acts 12:10* – _"the iron gate... opened to them of his own accord."_
*2. – Acts 12:6-10 Like
_"Peter dey inside maximum security prison. Two chains for hand, 16 soldiers guard am, iron gate lock am. Na death sentence Herod don write for am after Easter.
But for night, Angel enter. No break door. Angel say ‘Oga Peter, wake up! Wear your cloth, wear your shoe, follow me.’ As dem dey waka reach iron gate, gate open by itself. No key, no remote.
Why? Because heaven don cancel Herod warrant."_
*Point*: _That be wetin Jesus do for cross. He no come beg devil. He come break chain._
_"Today many of us dey prison but no be Kirikiri. Your own prison fit be:_
1. *_Prison of Sin* – You say ‘last time’ but you still dey do am. Lie, womanizing, yahoo, anger._
2. *_Prison of Shame* – Past wey dey choke you. ‘God no fit forgive me.’_
3. *_Prison of Poverty* – You dey work like jack, but nothing to show. Like you dey fetch water with basket._
4. *_Prison of Fear* – ‘Village people’, ‘I no fit make am’, ‘I go die like my papa.’_
_My brother, my sister, Jesus don already open that gate 2000 years ago for Calvary. *John 19:30* He say ‘It is finished.’ Chain don cut. Why you still dey inside?"_
*4. Destroy the Excuses*
_"I know wetin you wan talk:_
1. _‘I no feel free yet’ – Peter no feel free too. Angel flog am wake am. Stand up first! *Acts 12:7*_
2. _‘I dey wait for God time’ – God time na now! *2 Cor 6:2* ‘Now is the day of salvation.’_
3. _‘My case strong’ – Iron gate strong pass your case, but e open by itself._
_Prison no dey hold you again. Na your mind dey hold you. *Isaiah 52:2* ‘Loose thyself... O captive.’ God say ‘loose yourself’ because He don loose you already."_
* *_Altar Call_* .
_"If you know say you don tire to dey inside this prison, make we pray. No be long prayer.
Raise your hand make I see you. No shame. Na Jesus dey call you.
Say after me: ‘Lord Jesus, I hear say prison door don open. I no go sleep inside again. I believe You die for me. Forgive me. Wash me with Your blood. Today I waka comot from every chain. I follow You from today. Amen!’_
_If you pray that prayer, you don waka comot! Gate don open. No go back inside."_
* *John 8:36* – _"If the Son therefore shall make you free, ye shall be free indeed."_
"Jesus no come count your sin. He come cut your chain!"_
*_Evang Wisdom_*
