04/10/2026
INNA LILLAHI WA INNA ILAIHI RAJI'UN
Shugaban JIBWIS na Ƙasa, Sheikh Dr. Abdullahi Bala Lau, ya sake miƙa saƙon ta'aziyyar Ƙungiyar ga Babban Sakataren JIBWIS na Ƙasa, Sheikh Dr. Muhammad Kabir Haruna Gombe, bisa rasuwar da Allah Ya yi wa ƙanwarsa, Hajiya Fatsuma Haruna Gombe, mai shekaru sama da arba'in, wadda ta rasu a daren Lahadi, kuma aka gudanar da sallar jana'izarta tare da binne ta a safiyar Lahadin nan da safe, kamar yadda addinin Musulunci ya tanada.
Haka kuma, Shugaban ya sake jajanta wa Sheikh Kabiru Gombe bisa rasuwar kawunsa da ta faru a wannan lokaci, lamarin da ya ƙara sanya alhini da jimami a cikin iyalai da masoya.
Muna roƙon Allah Maɗaukakin Sarki Ya gafarta mata, Ya jiƙanta da rahamarsa, Ya yalwata mata kabari, Ya sanya Aljannatul Firdausi ta zama makomarta. Haka kuma Ya bai wa iyalai, 'yan uwa da al'ummar Musulmi gaba ɗaya haƙurin jure wannan babban rashi.
Allah Ya jiƙan mamatan gaba ɗaya, Ya gafarta musu, Ya sa ƙarshenmu ya zama alheri. Ameen. 🤲🏻
— Jibwis Nigeria
