Sheikh Abubakar Muhammad Tudun-Wada

25/05/2026

🌙✨ FALALAR GOMAN FARKON ZUL-HIJJAH ✨🌙

🕋 Goman farko na watan Zul-Hijjah su ne mafi alherin kwanaki a duniya, kwanaki ne na rahama, gafara da yawaitar lada.

Daga cikin falalolinsu akwai:

1️⃣ Allah Ya fifita waɗannan kwanaki akan sauran kwanaki.

2️⃣ Ayyukan alheri a cikinsu sun fi soyuwa wajen Allah. 🤍

3️⃣ Yawaita zikiri kamar:
Subhanallah
Alhamdulillah
Allahu Akbar
La ilaha illallah

4️⃣ Azumin ranar Arfa yana kankare zunuban shekara biyu.

5️⃣ Addu’a a cikin waɗannan kwanaki tana da girman karɓuwa. 🤲

6️⃣ Karatun Alƙur’ani yana ƙara haske da nutsuwa ga zuciya. 📖✨

7️⃣ Sadaka tana jawo albarka da rahamar Allah.

8️⃣ Tuba da istigfari suna kawo gafara da tsarkake zuciya.

9️⃣ Layya tana daga cikin manyan sunnonin wannan wata mai albarka.

🔟 Ranar Arfa rana ce ta ‘yanta bayin Allah daga wuta. 🕋🤍

🤲 Allah Ya sa mu dace da ibada, Ya karɓi ayyukanmu, Ya gafarta mana baki ɗaya.

Ameen

24/05/2026

Wasu Daga Cikin Falalolin Goman Farkon Watan Dhul-Hijja

23/05/2026

Alhamdulillah.

A cikin ƙoƙarin ƙarfafa gwiwa da nuna kulawa ga neman ilimi, Sheikh Abubakar Muhammad Tudun-Wada ya kai ziyarar ƙarfafawa ga Ɗaliban Ƴan Ƙaramar Hukumar Tudun-Wada da ke karatu a Jami'ar Musulunci ta Madina.

Sheikh ya yi anfani da wannan ziyara wajen tunatar da ɗaliban muhimmancin ilimi, riƙo da tarbiyya ta gari, da kuma dagewa wajen neman ilimin addini da zai amfani al'umma da ƙasa baki ɗaya.

Haka kuma, Sheikh ya nuna farin ciki da irin ƙoƙarin da ɗaliban suke yi tare da yi musu addu'ar Allah Ya ƙara basira, fahimta da nasara a karatunsu.

Daga cikin ɗaliban har da ɗansa, Anas Abubakar Muhammad, wanda shi ma yake ci gaba da neman ilimi a wannan jami'a mai albarka.

Muna roƙon Allah Maɗaukakin Sarki Ya sanya wannan ziyara ta zama alheri, Ya albarkaci malamai da ɗalibai baki ɗaya, Ya kuma maida su fitilu masu amfani ga addini da al'umma.

23/05/2026

Goman Farkon Watan Dhul-Hijja

22/05/2026

FALALAR GOMAN DHUL-HIJJAH

22/05/2026

20/05/2026

Falalar Goman Farkon Watan Dhul-Hijjah

20/05/2026

Alhamdulillah

Malam sun isa ƙasa mai tsarki lafiya domin gudanar da ibadar aikin Hajjin bana.
Muna roƙon Allah Maɗaukakin Sarki ya sa ayi Hajji karɓaɓɓe, ya gafarta mana kura-kuranmu, ya kuma dawo da mu gida lafiya cikin rahama da albarka. 🤲

Ku ci gaba da saka mu a cikin addu’o’inku.