25/08/2026
*BIBA OLORUN PADE LOJOOJUMO (NBC YORUBA)*
*WEDNESDAY, AUGUST 26, 2026*
*OBINRIN OLOKOWO TO KAJUẸ*
*YBH 314: Igbagbọ Mi N WọỌ*
IGBAGBO mi nwo O
1. IGBAGBO mi nwo O,
Iwo Od’-agutan,
Olugbala
Jo gbo adua mi,
M’ ese mi gbogbo lo,
K’ emi lat’ oni lo
Si je Tire.
2. Ki ore-ofe Re
F’ ilera f’ okan mi,
Mu mi tara:
B’ Iwo ti ku fun mi,
A! k’ ife mi si O,
K’ o ma gbona t**i,
Ina iye
3. ‘Gba mo rin l’ okunkun,
T’ ibinu yi mi ka,
S’ amona mi,
M’ okunkun lo loni,
N’ omije anu nu,
Lai, ma je ki nsako
Li odo Re.
4. Gbati aiye ba pin,
T’ odo tutu iku,
Nsan lori mi;
Jesu, ninu ife,
Mu k’ ifoiya mi lo,
Gbe mi d’ oke orun
B’ okan t’ a ra.
*Ese Lati Ranti:* O kiyesi i pe ọja oun dara; fitila rẹ ko ku ni oru. Owe 31:18.
*Bibeli Kika: Owe 31:10-22*
[10] Tani yio ri obinrin oniwà rere? nitoriti iye rẹ̀ kọja iyùn.
[11] Aiya ọkọ rẹ̀ gbẹkẹle e laibẹ̀ru, bẹ̃ni on kì yio ṣe alaini ère iṣẹ.
[12] Rere li obinrin na yio ma ṣe fun u, kì iṣe buburu li ọjọ aiye rẹ̀ gbogbo.
[13] Obinrin na yio ma ṣafẹri kubusu ati ọ̀gbọ, o si fi ọwọ rẹ̀ ṣiṣẹ tinutinu.
[14] O dabi ọkọ̀ oniṣowo: o si mu onjẹ rẹ̀ lati ọ̀na jijin rére wá.
[15] On a si dide nigbati ilẹ kò ti imọ́, a si fi onjẹ fun enia ile rẹ̀, ati iṣẹ õjọ fun awọn ọmọbinrin rẹ̀.
[16] O kiyesi oko, o si mu u: ère ọwọ rẹ̀ li o fi gbin ọgbà-ajara.
[17] O fi agbara gbá ẹ̀gbẹ rẹ̀ li ọjá, o si mu apa rẹ̀ mejeji le.
[18] O kiyesi i pe ọjà on dara: fitila rẹ̀ kò kú li oru.
[19] O fi ọwọ rẹ̀ le kẹkẹ́-owú, ọwọ rẹ̀ si di ìranwu mu.
[20] O nà ọwọ rẹ̀ si talaka; nitõtọ, ọwọ rẹ̀ si kàn alaini.
[21] On kò si bẹ̀ru òjo-didì fun awọn ara ile rẹ̀; nitoripe gbogbo awọn ara ile rẹ̀ li a wọ̀ li aṣọ iṣẹpo meji.
[22] On si wun aṣọ titẹ́ fun ara rẹ̀; ẹ̀wu daradara ati elese aluko li aṣọ rẹ̀.
_______
Ọnkọwe kan ti o gbajugbaja sọ nigba kan pe, "Awon obinrin takuntakun ti won ṣe aṣeyọri n fihan pe ẹru ikuna wa lẹjẹ ọta wa ti o di ẹkọ ti o ṣe pataki julọ ninu aye wa (ẹkọ ti o le ran wa lọwọ lati ni aṣeyọri ti o ga lọjọ iwaju!)."
Iwe owe sọrọ pupọ nipa awọn obinrin. Ọna ti o dara ti iwe naa fi pari ni aworan obinrin oniwabajẹ, ọgbọn ti o lagbara, oniruru ọgbọn atinudá ati aamú ti o jinlẹ.
Abala ẹkọ ti oni n gba awa ọdọ ati awọn obinrin aṣeṣẹ gbeyawo nimọran lati jẹ akinkanju, ki wọn si gẹgẹ bi iya Lemueli Ọba ti gbẹ kọ kale.
O ṣe apejuwe rẹ gẹgẹ bi obinrin takuntakun ati onịṣowo ti o ni ọgbọn atinudá lati ṣedaa, lati ṣe eto, ati lati ṣe akoso okowo, o ma n fori la ewu lati mu erongba rẹ ṣe nigba ti o n ṣe akoso ile rẹ.
O maa n misi, o si maa n gbun awọn ara ile rẹ ni kẹsẹ inu, o maa n tan iṣẹ kara-kara fun igba pipẹ ni ọṣan ati ni oru ki o le ni aṣeyọri.
Obinrin ti a ṣe apejuwe ninu abala ẹkọ ti oni jẹ iwuri fun gbogbo onigbagbọ; a le kẹkọọ lara imura iṣẹ, iṣọtitọ, ati ọna ti o n gba pese fun idile rẹ.
Gẹgẹ bii onigbagbọ, ifẹ Ọlọrun ni pe ki o jere, yoo si dara fun ọ ninu gbogbo awọn idawọle rẹ, paapaa julọ fun imugbooro ijoba Rẹ.
Gẹgẹ bii onigbagbọ aṣeyọri, o gbọdọ ko ipa ti o dara lati maa nipa lori aye awọn eniyan ti o wa ni ayika rẹ.
Nje o si n gba Ọlọrun gbọ lati di nla? Kẹpẹ E fun itọni, ati iranlowọ. Olotiitọ ni lati ro ọ lagbara lati mu erongba rẹ ṣe.
*Ọrọ Ọgbọn:* Jẹ ki aṣeyọri rẹ ni gbogbo agbọn aye rẹ ṣe deede pẹlu bi o ṣe n ṣe daadaa ninu ile ati ninu ijọ rẹ.
*Ọrọ fun Ironu:* Bi o ba jẹ wi pe iwọ nikan ni o n jẹ anfaani aṣeyọri rẹ, o ko tii ṣe aṣeyọri niti ijoba naa.
*Iṣẹ Ṣịṣẹ:* Bi o ṣe n gbadura fun idanwo/ikọduro lati bẹrẹ idokowo lati bẹrẹ katakara kanni oṣu yii.
*Adura:* Oluwa, fun mi ni ikọra-ẹni-ni-ijanu ati ọgbọn atinudá lati wa ojutuu si awọn iṣoro, ni orukọ Jesu.
*Adura:* Oluwa, yọ wa ninu gbogbo ibi.
*Gbadura fun awọn Ẹni-Ọwọ wọnyi, idile ati awọn ọmọ Ijo Ọlọrun:* Ayuba Danlami, Dada; Samson Adejumo, Ogbomọṣọ; Kolawole A. Akinlade, Ibadan; Ojoogun O. Timothy, Ibadan; Abayomi A. Ogunkunle, Ibadan; James S. Sati, Mapejuku; Samuel O. Olabisi, Ilorin.
*KBJL: Ẹsikiẹli 9:12*
