02/04/2023
Lahadi, Wer u sha Unyiin 2, 2023
HENEN AKAA A DEDOO
(Pasetô Chris)
"Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne." (Mbafilipi 4:8).
Môm ken igbenda i lun saan saan hanma iyange yô ka u henen sha akaa a dedoo a ken Mkaanem ma Aôndo man u henen akaa a dedoo sha ior mbagenev. Mayange de ne or môm ian u van a akaa a dang Ke Uma wou sha u va hôngor ishima you ga. Henen sha akaa a dedoo tseegh.
Dooshima u Aôndo tesen se akaa a dedoo a ken ior mbagenev la tseegh. Ior mbagenev nyôr ken uzaiyol kposo kposo sha ci u mbamhen vev mba henen sha akaa a dedoo ga a ve ungwa sha ior mbagenev la, kwagh ne na ve pav vea ior kpishi. De se tese ikav, alaghga ú fa akaa kpishi a ior mba ú ze Adua vea ve la, man tsombor wou kua hen ya wou je kpaa. Kpa mayange de veren ishima sha akaa a dedoo ga la ga.
Bibilo tese se akaa a se se ver ishima sha mi yô; shi Bibilo tese se er i doo ape mbamhen asev kpaa vea lu yô. Ka kwagh u se ôr ken ivur yase i hiin ityesen je la. De Henen sha akaa a dedoo ga a ú ungwa la ga. Aluer ú za hemen u henen sha akaa a se nenge a mi ken ivur yase i hiin ityesen la ga yô, akaa a dedoo ga la a gema mlu wou.
Kpa gema hen sha kwagh ne, aluer uma wou ngu zan sha gbenda u akaa a dedoo, kua akaa a mimi, man akaa a wang, man akaa a a doo u ungwan yô. Nenge imba Uma u Dedoo u ú lu a mi la! Ieren you i ze sha gbenda u mbamhen ou la. Aluer mbamhen ou ka mba dedoo yô, uma wou una iv a bem.
MSEN
Terem, er me zehemen u timen ken Mkaanem Ou yô, mbamhen av ve a iv a iengem, mdoom, kua mzehemen man mhembe kpaa. Uma wam iv a yôugh yôugh shi m ngu a mhembe sha hanma iaven cii, ken Iti i Yesu. Amen.
ITYESEN I HENEN SEER
1 Mbakorinte 13:7-8:
"Dooshima we ishima a akaa cii; un ne jighjigh sha akaa cii, luun a ishimaverenkeghen sha akaa cii, taver ishima sha akaa cii. Dooshima been mayange ga, kpa u ôron akaaôron a profeti yô, á va kar a mi kera, shin a lu ijô kpaa, ia bee, shin a lu mfe kpaa, á va kar a mi kera."
Mbafilipi 4:8:
"Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne."
A CALL FOR
Warm greetings esteemed! Can we put this "Mpase U Mimi" (Tiv Language Translation of Rhapsody of Realities) on the local radio stations that cover Tiv Nation; considering that our people really need to hear this message in the gospel of our man of God Pastor Chris? I believe this blessing should not elude us, knowing that the Holy Spirit is the Author, Pastor Chris is the writer, we the translators and you will be the publisher (Mbaromanu 10:13-15 - [13] Gadia hanma or u nan yer sha iti i Ter yô, nana war. [14] Nahan á er nan man ior vea yila sha iti i Un u ve ne Un jighjigh ga laa? Man shi á er nan man vea na Un jighjigh, Un u ve lu a ungwa kwagh Na ga laa? Man shi á er nan man vea ungwa aluer or u ôron kwaghaôndo nana lu ga yôô? [15] Man shi á er nan man vea ôr kwaghaôndo aluer a tindi ve ga yôô? Kape i nger la er: Angahar a mbayôôn loho u akaadoon la a doo tsô!
