04/10/2026
Mijina ya rasa aikinsa watanni shidda da s**a wuce, shi yasa na dubi yanayin da yake ciki, inda na yanke shawara tare da ba shi motata don ya dinga gudanar da sana'ar Uber wato daukar fasinjoji ko ya samu abin yi yayin da yake kokarin neman wani aikin tare da daidaita al'amuransa.
Yakan yi aiki na awoyi masu tsawon gaske. Wasu ranakun ma da kyar yake dawowa gida da wuri, sai can wajen tsakar dare... Haka gari zai waye ya qara k**a hanya ya fita
Na sani sarai cewa yana kokari sosai na ganin ya sauke nauyin mu
Rannan sai muka sami saɓani, muka danyi hayaniya tare mummunar muhawarar faɗa a tsakanin mu game da maganar kudi...
Na kasance a harziƙe ko haukace ganin yadda idona ya rufe, a gajiye sannan cike da fushi.
Na kalle shi na ce: "Aikin banza kawai, Sai kace wani wanda yafi karfin komi, alhalin ko aikin yi baka dashi. Ni ke rufa maka asirin ci da sha, tunda MOTATA kake tukawa."
Tohfa A daidai saɗarar da na faɗi hakan ne, ni kaina sai da naji nadama ta lullubeni.
Shi kam bai ma tsaya musu ko gardama ba. Kawai sai naga ya yi shiru gaba daya
Da safe gari na wayewa ya fita ya bar gidan
Na tsammaci fita ce irin wacce ya saba na ƴan sa'o'i kawai yai aiki ya dawo...
Amma bai sake dawowa ba.
Haka na shafe tsawon kwanaki ba nutsuwa, na dinga kiransa a waya, amma na gaza samun sa, ko alama.
Na tambayi Mahaifiyarsa ta ce ita ma bata gansa ba, bai je ba
Abin kurum da yake yi shine duk bayan kwana biyu ina ganin yana turon kudi domin ciyar da yaran mu
Toh, bayan sati biyu ne, sai naji wani na ƙwankwasa kofar gida
Ba kowa bane, Mijina ne.
Kai tsaye dana buɗe sai ya miƙo min mukullin motata.
Sannan ya ce:
"Bawai na tafi na barki bane don kin mun gorin bani da aiki.
"Na tafi ne saboda na fahimci kin dena ganin daraja tare da mutunta mutumin da k**e aure."
Daga nan sai ya juya yai tafiyarsa.
Nan na tsaya rike da waɗannan mukullai, ina tunani da nadamar yadda faɗin kalma ɗaya cikin fushi ta iya rushe abin da aka ɗauki shekaru ana ginawa. 💔
Nayi nadama ban kyauta ba, na rasa nagartaccen mutum.
_Duplicated
Me: wato Babu abinda ke saurin yiwa mutum illa k**ar harshe yayin fushi, sai a gama fushin amma kalmomin da aka faɗama juna sun lalata zamantakewar kawai ana kallon kallo ne da jiran wani abin ya sake tasowa ayi hukunci marar kyau.
