21/09/2026
Mataimakin Gwamnan Jihar Katsina, Malam Faruq Lawal Ya Jagoranci Tawagar Gwamnatin Jihar Zuwa Gidan Sheikh Yakub Yahya Katsina domin yimai Ta’aziyyar rasuwar Dan sa, Sheikh Ammar.
Tawagar ta ƙunshi kwamishinoni, masu ba da shawara na musamman ga gwamna Radda da sauran masu ruwa da tsaki.
A yayin ziyarar, tawagar ta isar da saƙon ta’aziyyar Gwamnan Jihar Katsina, Malam Dikko Umar Radda, da kuma na gwamnatin jihar baki ɗaya ga Sheikh Yakub da iyalansa.
A cewar tawagar, Gwamna Radda ne ya bayar da umarnin kafa tawagar ta musamman domin kai ta’aziyyar gwamnati ga Sheikh Yakub, tare da yi wa marigayin addu’ar Allah Ya jikansa da rahama.
Gwamnatin ta kuma roƙi Allah Ya bai wa iyalan marigayin haƙurin jure wannan babban rashi, Ya kuma gafarta masa kurakuransa.
