Rasulul A'azam Foundation-RAAF

04/10/2026

KHATAMA! KHATAMA!! KHATAMA!!!_

MAULIDIN KHATAMA NA MANZON ALLAH (SAWA)👇🏾_

"قال الله سبحانه و تعالى في القرآن الكريم: "وَمَا أَرْسَلْنَاكَ إِلَّا رَحْمَةً لِلْعَالَـمِينَ." الأنبياء- آية (107)_

MU'ASSASAR RASULUL A'AZAM (SAWA) KANO.

Na farin cikin gayyatar al'ummar musulmi maza da mata manya da yara musamman masoya Manzon Allah (sawa)._

Zuwa wajan maulidin _KHATAMA_ wanda ta saba gabatarwa duk shekara, za a gabatar da maulidin kamar haka:-

Ranar Asabari: 28-04-1448, dai-dai da 10-10-2026._

Guri: Farfajiyar Hauzatu Baqirul Ulum (a.s) dake Danbare layout opposite BUK New Site, Kano.

Lokaci: karfe 10:30 na safe, in sha Allah.

Duk a ƙarkashin jagorancin maulana_

Hujjatul Islam Wal Musulmi
Sheikh Muhammad Nur Dass (h)._

▪️Kuma Wakilin Shari'a Na Shahid Ãyatullahil Uzmã Sayyid Ali Al-khamene'i (r.t.a) a Nigeria.
➖➖➖➖➖➖➖

Domin musharaka da mu cikin wannan gagarumar hidima ta Manzon Allah (sawa).

Za ka iya saka taka gudummawar ta wannan acc’t din mai dauke da suna uku kamar haka:

Acc’t No: 3122271396
Banki: First Bank.
★ Names: Jamilu Yahuza Gadon Kaya, Muhammad Sani Hamza, Said Muhd.

Allah ya ba da ikon tallafawa da halartar maulidinsa (sawa).

*https://t.me/+V0PPxOBAoMgZ510J
RAAF_NURUN_ALA_NUR._

_✍🏾 WIS_DANBARE_KANO

04/10/2026

Manzan Allah (S) Yana Cewa: Da Ilimi Aka Aikoni.

Akan Hakan Rasulul A'azam (RAAF) Tadaukarwa Kanta Koyo Da Koyarwar Ilimi Asassan Kasarnan Wajaje Daban-daban.

Gani ya kuri Ji.

03/10/2026

RASULUL A’AZAM FOUNDATION (RAAF): FAHIMTAR SHI’A DA WAKILCIN TA A NAJERIYA

Akwai bukatar al’ummar Najeriya su kara fahimtar cewa Shi’a ma tana da makarantu, malamai, cibiyoyi da kungiyoyi daban-daban, kamar yadda sauran bangarorin Musulmi suke da kungiyoyi da cibiyoyi masu wakiltar fahimtarsu.

Daga cikin manyan kungiyoyin Shi’a da ke aiki a Najeriya akwai RASULUL A’AZAM FOUNDATION (RAAF), wadda aka assasa domin karantar da addinin Musulunci bisa koyarwar Ahlulbait (AS), da kuma fadakar da al’umma game da wannan fahimtar addini.

Manufar RAAF ita ce a samu damar koyar da Shi’a bisa fahimtarta da tushenta, cikin mutunci da lumana, kamar yadda kowace bangaren Musulunci take da damar koyar da fahimtarta ba tare da tsangwama ba.

Saboda haka, RAAF ta dauki matakin yin rajista a hukumance da Corporate Affairs Commission (CAC) a Najeriya, tare da mutunta dokokin kasa da kuma tsarin da hukumomin Najeriya s**a shimfida. CAC ita ce hukumar gwamnatin Najeriya da ke da alhakin rajista da kula da kungiyoyi da sauran abubuwan da doka ta tanada.

RAAF tana girmama hukumomin gwamnati, sarakuna, shugabannin al’umma da sauran masu ruwa da tsaki, kuma tana ganin cewa zaman lafiya, mutunta juna da bin doka su ne ginshikan zaman lafiya da ci gaban kasa.

Haka kuma, membobin RAAF ‘yan Najeriya ne, kuma suna da damar shiga harkokin kasa cikin lumana da bin doka, ciki har da amfani da hakkinsu na dan kasa wajen zaben shugabanni da suke ganin za su yi aiki domin ci gaban al’umma.

Wannan yana daga cikin abubuwan da ke nuna cewa kishin kasa, zaman lafiya, ci gaba da hadin kan al’umma muhimman abubuwa ne a fahimtar kungiyar.

RAAF tana karkashin jagorancin Shugabanta na kasa, Hujjatul Islam Wal-Muslimin Sheikh Muhammad Nur Dass, tare da shugabannin rassanta a jihohi daban-daban.

Don haka, yana da muhimmanci al’umma su fahimci koyarwar Shi’a daga majiyoyinta da malamanta, ba tare da hada dukkan ayyukan wasu mutane ko kungiyoyi da RAAF ba.

A ‘yan shekarun nan, ana iya ganin wasu ayyuka, kalamai ko matsayi daga wasu kungiyoyi ko mutane da suke bayyana kansu a matsayin ‘yan Shi’a, amma ba lallai ne su wakilci matsayin Rasulul A’azam Foundation ba.

Saboda haka, muna kira ga al’ummar Najeriya da su kara bambance tsakanin kungiyoyi, shugabanni da tsarin koyarwarsu, domin kada a jingina wani aiki ko matsayi ga RAAF wanda ba nata ba.

RAAF tana son a fahimci Shi’a daga tushenta na ilimi da koyarwar Ahlulbait (AS), tare da mutunta sauran Musulmi da sauran al’ummomi.

MUNA NEMAN FAHIMTAR JUNA, BA RARRABUWA BA.

MUNA GIRMAMA DOKA, HUKUMOMI DA SHUGABANNIN AL’UMMA.

MUNA KIRA GA ZAMAN LAFIYA, HADIN KAI DA KISHIN KASA.

Marubuci:
Mahmoud Mai Kasida

27/09/2026

Ziyarar Ta'aziyyar rasuwar ɗan Sheikh Yakubu Yahaya Katsina yau Lahadi 27-09-2026 dai dai da 15-04-1448.

Wanda Maulana Sautush Shi'a Sheikh Bashir Lawal Kano (h) ya wakilci Mu'assasar Rasulul A'azam (sawa).

Ƙarkashin jagorancin mai gayya mai aiki Maulana Hujjatul Islam Wal Muslimin._

_Sheikh Muhammad Nur Dass (h), wakilin Shari'a Na Shahid Āyatullahil Uzma Sayyid Ali Al-khamna'i (rahmatullahi ta'ala alaihi)_

12/09/2026

RASULUL A’AZAM FOUNDATION (RAAF)

RESHEN JIHAR ADAMAWA

TAKAITACCEN RAHOTON TUNAWA DA MAULIDIN ANNABI (SAWA)

A ranar Asabar, 12 ga Satumba, 2026, Rasulul A’azam Foundation (RAAF), Reshen Jihar Adamawa, ta gudanar da taron tunawa da zagayowar ranar haihuwar Rasulul A’azam, Annabi Muhammad Mustafa (SAWA).

An fara taron da kasidun yabo ga Annabi (SAWA) da Ahlulbait (AS), sannan aka bude taron da addu’a.

Babban jawabin taron ya kasance daga Sheikh Tahir Zailani Numan, wanda ya mayar da hankali kan ayar:

“WAMA ARSALNĀKA ILLĀ RAHMATAN LIL-‘ĀLAMĪN”

Ma’ana: “Kuma ba Mu aiko ka ba face domin ka zama rahama ga talikai.”

Jawabin ya bayyana matsayi da girman Annabi Muhammad (SAWA), tare da jaddada cewa rahamarsa ta shafi talikai baki daya, kuma ya kamata Musulmi su yi koyi da rahama, tausayi, jinƙai da kyawawan dabi’unsa.

A yayin taron, Rasulul A’azam Foundation Reshen Jihar Adamawa ta isar da sakonta ga al’umma, inda ta yi kira da a karfafa zaman lafiya, kauna, fahimtar juna da hadin kai tsakanin al’umma, musamman a Najeriya mai dimbin kabilu da addinai.

An samu halartar Wakilan Kafafen tada labari wadanda s**a dauki rahotanni tare da gabatar da tambayoyi, inda shugabannin RAAF Reshen Jihar Adamawa s**a bayar da amsoshi.

An kuma samu kasidun yabo daga daliban Shehu Saminaka, sannan aka raba walima tare da rufe taron da addu’a.

RAASULUL A’AZAM FOUNDATION tana mika godiya ga dukkan mahalarta, baki, malamai, ‘yan jarida da duk wadanda s**a taimaka wajen ganin an gudanar da taron cikin nasara.

Alhamdulillah, an tashi lafiya, kowa ya koma gida lafiya.

Allah Ya sanya mu zama masu koyi da rahamar Annabi Muhammad (SAWA), Ya kawo wa Najeriya zaman lafiya, hadin kai da ci gaba.

07/09/2026

Maulidin Manzon rahma s a w.w. da saukan karatu Kenan Wanda ya gudana jiya Asabar 5-9-2026
A Makarantar Sumayya jaja Bauchi Wanda take karkashin Rasulul Aazam Foundation RAAF Wanda ya bada malamanmu da s**azo daga Kano da Malam cikin gariirinsu Malam yau dawdawu shugaban tsangayan alarammomi na jihar Bauchi da Malam kabiru Al arabi da sheikh Dan azumi Musa tafawa balewa da irinsu prof safiyudden shugaban qadriyiyya na jihar Bauchi da sarkin sharifai kuma wakilin mai martaba sarkin Bauchi da iyaye maza da Mata da sha iranmu Anyi Maulidi lafiya an tashi lafiya Allah ya saka kowa da Alherinsa ameen ya kaimu na badin badada...

05/09/2026

Hotuna daga dakin taron Mauludin Fiyayyen Halitta, Annabin Rahama (sawa) da yaye daliban Makarantan Sumayya dake Jaja Bauchi.

29/08/2026

Kai tsaye daga wajen maulidin Manzon Allah (sawa) wanda ya ke gudana yanzu haka a nan garin Daura jihar Katsina._

Wanda RAAF reshen Daura s**a gabatar a farfajiyar Surayya Blocks Industry, Daura._

Yau Asabar 29-08-2026 daidai da 16-03-1448.

_A ƙarshen jagorancin maulana Hujjatul Islam Wal Muslimin Sheikh Muhammad Nur Dass (h)._

Wakilin Shari'a Na Shahid Ayatullahil Uzma Sayyid Ali Al-kamna'i (Rahamatullahi ta'ala alaihi)._

28/08/2026

28/08/2026

https://www.facebook.com/share/v/1Ue###zgPc/