02/02/2026
JIYA SHEKARU 12 DA K@SAN SHEIKH MUHAMMAD AUWAL ADAM ALBANIY (Rahimahullah) 😭🕊️
A rana mai k**a da ta jiya, 1 ga watan Fabrairu, 2014, wasu ’yan bindiga s**a bi motar Sheikh Muhammad Auwal Adam Albaniy (Rahimahullah) a Zariya, a lokacin yana tare da matarsa da ɗansa, inda s**a buɗe musu wuta ba tare da tausayi ba.
Wannan mummunan lamari ya faru ne bayan kammala karatun Sahihul Buhari da Sheikh yake gabatarwa a Makarantar Markaz, Unguwar Tudun Wada, Zariya.
Rasuwar Sheikh Albaniy ta girgiza zukatan al’ummar Musulmi a Najeriya da ma sassan duniya, domin an yi rashin babban malami, mai gaskiya, mai kishin addini da al’umma.
Wannan rasuwa ta zo ne shekara 7 bayan k@san gilla da aka yi wa abokinsa kuma babban malamin Musulunci, Sheikh Ja’afar Mahmud Adam (Rahimahullah), wanda aka buɗe masa wuta a lokacin yana limamin Sallar Asuba a masallacin gidansa da ke Unguwar Dorayi, Kano.
A tsawon rayuwarsa, Sheikh Muhammad Auwal Adam Albaniy ya taka muhimmiyar rawa wajen wayar da kan Musulmi, musamman matasa, game da muhimmancin:
neman ilimin addini da na boko 📚
kaiwa matakin ƙwarewa a cikinsu
rungumar kyawawan ɗabi’u domin ci gaban al’umma 🤍
Ya kasance mutum mai faɗin gaskiya ba tare da tsoro ba, kuma ya shahara wajen koyar da ibada a aikace, tare da gyara kura-kurai da ake aikatawa bisa hujja daga Al-Qur’ani da Sunnah.
Marigayi Sheikh Albaniy ya zama abin koyi a fadin Najeriya wajen gabatar da karatuttuka ta bidiyo, musamman yadda ake aikata ibada a zahiri. Haka kuma ya yi cikakken tsarin daukar sauti domin amfanin al’umma.
Karatuttukansa irin su:
Sifatu Salatin Nabiy (SAW)
Ahkāmul Janā’iz
da sauransu, sun taimaka matuƙa, inda aka rika sakawa a masallatai domin jama’a su koya su kuma gyara ibadarsu.
Kafin rasuwarsa, Sheikh Albaniy ya kasance yana yawan kira zuwa haɗin kan Musulmi. Kuma mutuwarsa ta nuna an amsa wannan kira, domin a jana’izarsa babu rarrabuwar bangare – kowa ya zama ɗaya 🤝🕋
Ya Allah Ka jikansa da rahama, Ka gafarta masa, Ka sanya Aljanna ce makomarsa 🤲🏽
Ka karɓi shahadarsa, Ka haɗa mu da shi a Aljannatul Firdaus 🌙✨
