28/08/2025
SHAWARWARI GUDA 10 DA YA K**ATA A KIYAYE YAYIN GUDANAR DA MAULIDI.
1. A ninka ibada da salati ga Annabi (SAW):
Maulidi lokaci ne na tuna haihuwar Manzon Allah (SAW), don haka ya dace ku ƙara yawaita salati, karatun Qur’ani, da zikiri domin samun kusanci da Allah.
2. A tabbatar da tsari da ladabi:
Duk taron da za a gudanar ya kasance cikin ladabi da natsuwa, ba tare da hayaniya ko abubuwan da ba su dace ba.
3. A ilmantar da jama’a:
A cikin Maulidi, ku shirya wa’azi da karatun tarihin Annabi (SAW), domin mutane su koyi dabi’unsa, halayensa, da yadda za su yi koyi da shi a rayuwarsu ta yau da kullum.
4. A guji rigima ko sabani:
Lokacin Maulidi ya zama lokaci na haɗin kai da soyayya, ba na muhawara ko saɓani da wasu.
5. A kula da ɗabi’a da tarbiyya:
Ku yi amfani da wannan dama wajen karantar da matasa da yara muhimmancin koyi da Annabi (SAW), musamman kan gaskiya, tausayi, da kyakkyawar hulɗa.
6. A yi addu’a ga ƙasa da al’umma:
Ku yi addu’a domin samun zaman lafiya, cigaban ƙasa, da albarkar Allah a kan al’umma.
7. A guji ɓata kuɗi ko yin abinda bai da amfani:
Maulidi ya kasance na ibada da tunawa, ba wajen yin abubuwan da za su kawo ɓata lokaci ko zubar da kuɗi ba..
8: A guji cuɗanyar Maza da Mata: Maulidin d akeyi don Annabi to bai kamata a saɓawa koyarwarsa bah, domin babu masifa da takai haɗa Mata da maza waje ɗaya.
9: A dinga Sanarwa da Hukuma In za'ayi taro: Yana da kyau duk wani taro da za'ayi a sanar da hukuma domin tasan da zaman abun ta hanyar bada tsaro.
10: A guji yin wani abu don a musguna wa wanda baya Maulidi: Saɓanin fahimta ba saɓanin Addini bane, koda ba Addinin ku ɗaya da mutum bah, bai halasta kayi abunda zaka cutar dashi bah, domin Ma'aiki ya zauna da Christian Lafiya wanda har hakan tasa suke ganin Kyawun ɗabi'unshi yasa suyi sha'awar Addini ballanta musulmi ɗan uwanka.PROF.UMAR SANI FAGGE
