Hausa Quote

19/08/2026

22/07/2026

Ƙasar Austria Ta Mayar da Gidan da aka Haifi Adolf Hi**er Zuwa Ofishin 'Yan Sanda.

Gwamnatin Austria ta kaddamar da sabon ofishin 'yan sanda a gidan da aka haifi tsohon shugaban mulkin N**i, Adolf Hi**er, da nufin hana masu tsattauran ra'ayin N**i mayar da wurin wajen ziyara da girmamawa.

Ginin, wanda ke garin Braunau am Inn kusa da iyakar Jamus, an bude shi a hukumance a ranar Laraba bayan an shafe shekaru ana shirye-shiryen gyaransa. Gwamnatin Austria ta sayi gidan a shekarar 2017, sannan ta sanar da shirin mayar da shi ofishin gwamnati a shekarar 2019. An kashe kusan Yuro miliyan 20 wajen gyaran ginin.

A wajen bikin bude ofishin, Magajin Garin Braunau, Johannes Waidbacher, ya ce wannan mataki yana nuna yadda garin ke fuskantar tarihinsa tare da daukar alhakin abin da ya faru a baya. Ministan Harkokin Cikin Gida na Austria, Gerhard Karner, shi ma ya halarci bikin tare da jami'an 'yan sanda da sauran manyan jami'an gwamnati.

Ma'aikatar Harkokin Cikin Gida ta Austria ta bayyana cewa mayar da gidan ofishin 'yan sanda zai rage darajarsa a idon masu tsattsauran ra'ayi tare da hana su amfani da shi a matsayin wurin taruwa ko ziyara.

Sai dai wasu masana tarihi da masu fafutukar yaki da wariyar launin fata sun ce sauya amfanin ginin ba zai goge tarihinsa ba. Robert Eiter na Kwamitin Mauthausen ya ce duniya ba za ta manta cewa a wannan gida aka haifi Adolf Hi**er ba.

Wasu mazauna garin kuma sun bayyana rashin gamsuwarsu da sabon amfani da ginin, suna cewa sun fi son a mayar da shi cibiyar agaji ko wata cibiyar da za ta amfani al'umma.

Har yanzu akwai dutsen tunawa daga sansanin Mauthausen a gaban ginin, wanda aka rubuta a kansa kalmar "Kada a sake komawa mulkin k**a karya." An kuma sanya sabon allo mai nuna cewa ginin yanzu ofishin 'yan sanda ne.

Matakin na daga cikin kokarin gwamnatin Austria na tinkarar tarihinta na mulkin N**i tare da hana masu tsattsauran ra'ayi amfani da wurin wajen yada akidarsu.

22/07/2026

Tinubu Ya Amince da Kafa Sabon Bataliyar Sojoji a Jihar Kwara

Shugaban Ƙasa, Bola Ahmed Tinubu, ya amince da kafa sabon bataliyar Rundunar Sojojin Najeriya a garin Omu-Aran da ke ƙaramar hukumar Irepodun a Jihar Kwara, domin ƙarfafa tsaro da yaƙi da matsalolin rashin tsaro a jihar.

An bayyana hakan ne cikin wata sanarwa da Mataimakin Babban Sakataren Yaɗa Labarai na Gwamnan Jihar Kwara, Mashood AbdulRafiu Agboola, ya fitar.

Sanarwar ta ce sabon sansanin sojojin zai taimaka wajen ƙarfafa ayyukan tsaro musamman a yankunan da ke fama da hare-haren 'yan bindiga, masu garkuwa da mutane, da sauran miyagun laifuka.

Gwamnan Jihar Kwara, AbdulRahman AbdulRazaq, ya yabawa Shugaba Tinubu kan amincewa da wannan mataki, yana mai cewa hakan zai ƙara wa jami'an tsaro ƙarfi ta hanyar samar da ƙarin sojoji da kayan aiki.

Ya kuma gode wa Babban Hafsan Sojojin Najeriya, Laftanar Janar Waidi Shaibu, bisa saurin aiwatar da buƙatar jihar na ƙarin jami'an soji.

Gwamnan ya ce sabon bataliyar zai taimaka wajen ƙarfafa yaƙi da ta'addanci da satar mutane tare da inganta tsaron rayuka da dukiyoyin al'ummar jihar.

Haka kuma ya yaba da gudummawar Ofishin Mai Bai wa Shugaban Ƙasa Shawara kan Harkokin Tsaro (ONSA), Rundunar Sojojin Najeriya, Hukumar DSS, Rundunar 'Yan Sandan Najeriya da sauran hukumomin tsaro saboda haɗin gwiwar da suke yi wajen magance matsalolin tsaro.

Ya tabbatar da cewa gwamnatin jihar za ta ci gaba da ba jami'an tsaro cikakken goyon baya domin tabbatar da zaman lafiya da kare rayuka da dukiyoyin al'ummar Kwara.

22/07/2026

Hatsarin Kwale-kwale a Ruwan Kamaru Yayi Sanadin Mutuwar 'Yan Najeriya 20.

Akalla 'yan Najeriya 20 ne s**a rasa rayukansu bayan wani kwale-kwale da ya yi lodin da ya wuce kima ya kife a cikin ruwan ƙasar Kamaru.

Rahotanni sun ce kwale-kwalen ya taso ne daga Garoua zuwa Yola, Jihar Adamawa, dauke da fasinjoji sama da 50 tare da sandunan ƙarfe da sauran kayan gini da ake kai wa Dasin da ke Karamar Hukumar Fufore.

Mazauna yankin sun bayyana cewa an shawarci masu jirgin su jinkirta tafiyar har zuwa safiyar ranar Talata saboda haɗarin tafiya da dare, amma s**a yi watsi da wannan gargadi.

An ce cikin dare kwale-kwalen ya fada cikin wata guguwa mai ƙarfi, lamarin da ya sa ya kife. Ya zuwa yanzu an gano gawarwaki 18, inda aka yi musu jana'iza a Wuro Boki da ke Fufore, yayin da ake ci gaba da neman sauran waɗanda s**a ɓace.

Tawagogin ceto daga Najeriya da Kamaru na ci gaba da aikin bincike, yayin da waɗanda s**a tsira ke karɓar magani a asibitocin da ke garuruwan kan iyakar kasashen biyu.

Rundunar 'Yan Sandan Ruwa ta Jihar Adamawa ta bayyana cewa hatsarin ya faru ne a cikin ruwan Kamaru, ba a yankin ruwan Najeriya ba.

Wannan mummunan lamari ya sake jawo hankali kan haɗarin amfani da kwale-kwalen katako masu ɗaukar kaya da fasinjoji fiye da ƙa'ida a hanyoyin kasuwanci tsakanin Najeriya da Kamaru.
Haka kuma gwamnatin tarayya ta bukaci gwamnatocin jihohi su hana amfani da kwale-kwalen katako marasa ingantaccen tsaro domin kare rayukan al'umma.

22/07/2026

Ƙasar Amurka Za Ta Sanar da Yarjejeniyar Mak**ashin Nukiliya da Saudiyya.

Ana sa ran gwamnatin Amurka za ta sanar a yau Laraba wata muhimmiyar yarjejeniya ta haɗin gwiwa da Saudiyya kan samar da mak**ashin nukiliya domin amfanin farar hula.

Rahotanni sun ce gwamnatin Shugaba Donald Trump za ta rattaba hannu tare da hukumomin Saudiyya kan yarjejeniyar, wadda za ta bai wa ƙasar damar bunƙasa shirin mak**ashin nukiliya na farar hula tare da taimakon kamfanonin Amurka. Ana sa ran yarjejeniyar za ta samar wa masana'antar nukiliyar Amurka biliyoyin daloli.

A cewar rahotanni, yarjejeniyar wadda za ta yi aiki na tsawon shekaru 30 ta ƙunshi tanadin da zai bai wa kamfanonin Amurka damar gina cibiyar tace sinadarin uranium a Saudiyya, idan binciken haɗin gwiwa ya nuna akwai buƙatar hakan.

Sai dai wasu 'yan majalisar dokokin Amurka daga jam'iyyun biyu da kuma jami'an Isra'ila sun nuna adawa da shirin, saboda fargabar cewa fasahar za ta iya zama hanyar haɓaka mak**an nukiliya a nan gaba, duk da cewa an ce an yi ta ne domin amfanin farar hula.

Ana sa ran za a gabatar da yarjejeniyar ga Majalisar Dokokin Amurka nan da kwanaki masu zuwa, amma ba lallai ne majalisar ta amince da ita ba kafin ta fara aiki.

Wannan na zuwa ne a daidai lokacin da rikici ya sake ƙamari a Gabas ta Tsakiya. 'Yan tawayen Houthi masu samun goyon bayan Iran sun yi barazanar kakaba wa tashoshin jiragen ruwa na Saudiyya takunkumi, bayan sabon tashin hankalin da ya ɓarke tsakanin Amurka da Iran. Haka kuma, Saudiyya da Houthi sun sake musayar hare-hare a makon da ya gabata, lamarin da ke barazana ga tsagaita wutar yaƙin da aka cimma a shekarar 2022.

Jami'an Amurka sun ce yarjejeniyar na da nufin ƙarfafa haɗin gwiwar mak**ashi tsakanin ƙasashen biyu tare da bunƙasa masana'antar nukiliyar Amurka.

20/07/2026

Kungiyar Hamas ta sanar da nada Khalil Al-Hayya a matsayin sabon shugaban kungiyar baki daya, wanda zai maye gurbin Yahya Sinwar da aka kashe a wani artabu da sojojin Isra'ila a watan Oktoban 2024.

Al-Hayya, wanda shi ne babban mai shiga tattaunawar Hamas kuma daya daga cikin manyan jagororin kungiyar, ya kara zama fitaccen jagora bayan rasuwar Yahya Sinwar da kuma tsohon shugaban siyasar kungiyar, Ismail Haniyeh.

Masana harkokin siyasa sun bayyana cewa Al-Hayya na daga cikin shugabannin Hamas masu tsaurin ra'ayi. Sun ce nadin nasa na nuna cewa kungiyar ba ta da niyyar ajiye mak**anta, duk da matsin lambar da kasashen duniya ke yi kan hakan.

Nadin nasa na zuwa ne a lokacin da Hamas ke fuskantar manyan kalubale bayan kusan shekaru biyu na yaki da Isra'ila, wanda ya janyo mummunar barna a Zirin Gaza tare da jefa miliyoyin mutane cikin mawuyacin hali.

A gefe guda kuma, hare-haren Isra'ila na ci gaba da faruwa a wasu sassan Gaza. Rahotanni sun ce wani hari da aka kai a Khan Younis ya yi sanadin mutuwar akalla mutum uku, yayin da sojojin Isra'ila s**a ce sun kai harin ne kan wani dan kungiyar masu dauke da mak**ai.

Yunkurin masu shiga tsakani na kasa da kasa na samar da cikakken tsagaita bude wuta da warware rikicin bai kai ga cimma matsaya ba.

Ana sa ran nadin Khalil Al-Hayya zai taka muhimmiyar rawa wajen tsara makomar Hamas da kuma tattaunawar da ake yi kan rikicin Gaza da tsaron yankin Gabas ta Tsakiya.