Ma'ahadur Rasul Al-Akram - Nigeria

29/07/2026

JARABAWAR ƘARSHEN ZANGON KARATU NA FARKO (FIRST SEMESTER)

A ranar Alhamis, 23 ga Yuli, 2026, makarantar Ma’ahadur Rasul Al-Akram (S) Kudan ta fara gudanar da jarabawar ƙarshen zangon karatu na farko (First Semester Examination).

An gudanar da jarabawar cikin tsari na tsawon kwanaki huɗu, wato Alhamis, Juma’a, Asabar da Lahadi.

A ranar Lahadi, 26 ga Yuli, 2026, aka kammala rubuta jarabawar cikin nasara da tsari. Bayan kammalawar jarabawar ne kuma aka sallami ɗalibai domin tafiya hutun ƙarshen zangon karatu.

Muna roƙon Allah Maɗaukakin Sarki Ya ba wa dukkan ɗalibanmu sa’a, dacewa da nasara a sakamakon wannan jarabawa, Ya kuma ƙara musu ilimi mai amfani da albarka. Amin.

19/07/2026

ZAMAN MUHADARA

A yau Lahadi 19/7/2026 yadda aka gudanar da zaman muhadara a Makarantar Ma'ahadur Rasul Al-Akram (S) Kudan. Kamar yadda aka saba gabatarwa a dukkan ranar Lahadi a ƙarshen mako. A wannan satin, Dalibi Aliyu Zainul-abideen Umar shi ne ya gabatar da Muhadara a wannan satin.

Ɗalibi Aliyu Zainul-abideen Umar ya gudanar da Muhadara akan Maudu'i ( سوءالخلق ) ya yi jawabi akan munanen ɗabi'u. Irin su giba da kuma ƙarya ya yi ya kawo wasu Ayoyin Alqur'ani, tare da kuma Hadisi wanda suke magana akan giba da kuma munanen ɗabi'u.

Muhadarar tana kasan cewa cikin harshen larabci ake gabatar da ita bisa ƙa'ida da kuma tsarin Makaranta.

Ana gabatar da zaman Muhadara ne a makarantar a dukkan ƙarshen mako. Malam Auwal Aqil Dabai shi ne ya jagoranta, A wannan satin

Ma'ahadur Rasul Al-Akram - Nigeria
19/7/2026

18/07/2026

INNAH LILLAHI WA INNAH ILAIHI RAJI'UN

INNAH LILLAHI WA INNAH ILAHI RAJI’UN

A madadin Hukumar gudanarwa da Malamai da Ɗaliban makarantar Ma'ahadur Rasul Al-Akram - Nigeria muna miƙa saƙon ta'aziyarmu ga iyayen Ɗalibin wannan makaranta Haidar Mas'ud Kano bisa rasuwarshi.

Haidar Mas'ud dalibi ne a Al-Akram Islamic Academy Kudan dake ƙarƙashin Rasool Al-Akram Institute - Nigeria, wanda kuma ya kasance mai hazaka da natsuwa a loƙacin da yake wannan makaranta, kimanin sati biyu kenan da tafiyar shi gida bayan anyi hutun karshen zangon karatu na Third Term kwatsam sai muka ji labarin rasuwar shi bayan gajeruwar rashin lafiya.

Muna roƙon Allah ya jiƙanshi yayi mashi gafara ya sanya Aljannah ta zamo makoma a gareshi ya hadashi da ceton Rasul Al-Akram (SAWW) ya kuma bama Iyayenshi da mu haƙurin jure wannan rashin.

Rasool Al-Akram Institute - Nigeria
18 July 2026

17/07/2026

AKHLAQ 17/07/2026

A yau juma'a, yadda aka gudanar da zaman Akhlaq a wannan satin ma an gabatar da zaman Alkhla ga daliban makarantar Ma’ahad Rasul Al-Akram(S) Kudan, wanda ake gabatarwa a kowace ranar Juma’a, Ta ƙarshen sati.

Malam Zaharadeen shi ne ya gabatar da a Akhlaq a wannan satin inda ya yi magana akan yadda ya kamata mutum ya san irin haƙƙin da ya hau kansa, Tare da sanin cewa yanzu ya kamata kasan wani abu wanda ya hau kanka a rayuwa tare da sanin cewa yanzu wannan nauyin karatu ne yake a kaina ya kamata na sauke. Mutum ya kamata ya san irin haƙƙin al'umma da ya hau kansa.

Haka zalika inda ya ƙarayin magana akan mutum tunkafin ya zo wannan duniya, Tun yana cikin mahaifa har ya zo wannan duniya. To daga loƙacin da mutum ya ta so yana yaro har ya fara zama mutum ya za ma matashi wanda zai san cewa zai iya yi wani, daga wannan loƙacin mutum zai taso dawani haƙki da ya haukansa a rayuwa.

Ga kaɗan daga cikin hotunan.

– Ma'ahadur Rasul Al-Akram - Nigeria
17/7/2026

16/07/2026

DU’A’UL KHUMAIL

Ɗaliban makarantar Ma'ahadur Rasul Al-Akram Kudan ɓangaren masu kwana (Boarding) sun gabatar da Du'a'ul Kumail wacce ake karantawa a duk daren Juma'a a Husainiyyar Rasul Al-Akram dake Kudan.

Malam Saminu Salisu shi ne ya jagoranci zaman addu'an a wannan satin. Ga kaɗan daga cikin hotuna.

Ma'ahadur Rasul Al-Akram - Nigeria
16/7/2026

13/07/2026

VEDIO FITA TA BIYU : Paper presentation na yayen ɗaliban Makarantar Al-akram Islamic Academy Kudan Wanda ya gudana a ranar Talata 7/7/2026.

12/07/2026

ZAMAN MUHADARA 12//7/2026

Yadda aka gudanar da zaman muhadara a Makarantar Ma'ahadur Rasul Al-Akram (S) Kudan. Kamar yadda aka saba gabatarwa a dukkan ranar Lahadi a ƙarshen mako. A wannan satin, Dalibi Hassan Aliyu Ɗanja shi ne ya gabatar da Muhadara a wannan satin.

Ɗalibi Hassan Aliyu shi ne ya gabatar da Muhadara akan Maudu'i: ( الخوف و الخشية ) Ɗalibin ya yi magana ne akan yadda ya kamata mutum ya kasance mai jin tsoron Allah. Ya kawo akhawal da zan tuka na Hadisai da kuma yar Alqur'ani ya yi ƙarin bayani sosai.

Muhadarar tana kasan cewa cikin harshen larabci ake gabatar da ita bisa ƙa'ida da kuma tsarin Makaranta.

Ana gabatar da zaman Muhadara ne a makarantar a dukkan ƙarshen mako. Malam Auwal Aqil Dabai shi ne ya jagoranta, A wannan satin

Ma'ahadur Rasul Al-Akram - Nigeria
12/7/2026

12/07/2026

VEDIO FITA TA FARKO: Paper presentation na yayen ɗaliban Makarantar Al-akram Islamic Academy Kudan Wanda ya gudana a ranar Talata 7/7/2026. Wannan shi ne karo na farko da makarantar ta fara yaye ɗalibai a ɓangaren Boko.

Al-Akram Islamic Academy Kudan
7/7/2025

11/07/2026

AKHLAQ

Yadda aka gabatar da zaman Akhlaq a jiya juma'a, a wannan satin ma an gabatar da zaman Alkhla ga daliban makarantar Ma’ahad Rasul Al-Akram(S) Kudan, wanda ake gabatarwa a kowace ranar Juma’a, Ta ƙarshen sati.

Malam Saminu salisu, shi ne ya gabatar da Akhalaq a wannan satin inda ya yi magana akan ( Mahimmanci neman Ilimi), yadda ya kamata dalibai su kasance wajan neman Ilimi da tsayawa ƙyam wajan neman Ilimi. A ƙarshe ya yi jan hankali sosai tare da ankarar da Ɗalibai cewa su sani babu abin da ya fi Ilimi mahimmanci a wannan rayuwa.

Ga kaɗan daga cikin hotunan.

– Ma'ahadur Rasul Al-Akram - Nigeria
10/7/2026

08/07/2026

YADDA AKA GABATAR DA BIKIN YAYE ƊALIBAN AL-AKRAM ISLAMIC ACADEMY KUDAN KARO NA FARKO

A ranar Talata, 7 ga Yuli, 2026, makarantar Al-Akram Islamic Academy Kudan ta gudanar da bikin yaye ɗalibanta karo na farko a ɓangaren Junior Secondary School (JSS 3). Bikin ya gudana cikin tsari da armashi, tare da halartar iyayen ɗalibai, malamai, baƙi da sauran masu ruwa da tsaki a harkar ilimi.

An fara taron ne da addu’a, sannan aka gabatar da karatun Alƙur’ani Mai Girma. Bayan haka aka shiga kai tsaye cikin shirye-shiryen da s**a haɗa taron.

Gabatar da Takardun Bincike (Paper Presentations)

Ɗaya daga cikin abubuwan da s**a fi jan hankali a wannan biki shi ne gabatar da takardun bincike (Paper Presentations) da ɗaliban da aka yaye s**a shirya.

Jimillar ɗalibai 17 ne aka yaye, kuma kusan kowannensu ya gabatar da bincikensa a gaban mahalarta taron cikin ƙwarewa da jajircewa.

Takardun da ɗaliban s**a gabatar sun taɓo fannoni daban-daban na rayuwa, ilimi, fasaha da ci gaban al’umma. Daga cikin batutuwan da aka gabatar akwai:

* Cyber Safety and Digital Footprint Awareness – Khadija Sulaiman
* The Importance of Educating the Girl Child – Mubaraka Halilu
* Mental Health Awareness – Fatima Ibrahim
* Social Media and Mental Health – Sadiya Bashir
* Vocational Skills vs University Degree – Khadija Umar
* How Technology is Used in Modern Classrooms – Fatima I. Junaidu
* Climate Change and Local Actions – Khadija Isiya
* Critical Thinking – Muhammad Hamisu
* The Rise of Artificial Intelligence (AI) – Hammad Hamisu
* Time Management in the Age of Distractions – Ali Abdulƙadir
* Financial Literacy – Muhsin Khalid
* Modern Agriculture – Husaini Nuhu
* Modern Leadership – Sa’adatu Hasan

Kowane ɗalibi ya gabatar da nasa binciken tare da cikakken bayani da hujjoji, inda s**a bayyana muhimmancin batutuwan ga rayuwar al’umma da ci gaban ilimi.

Domin sauƙaƙa fahimta ga mahalarta taron, Malama A’isha Aliyu ta kasance tana fassara bayanan da aka gabatar zuwa harshen Hausa.

Hakika, ɗaliban sun nuna ƙwazo, jajircewa da ƙwarewa wajen gabatar da takardunsu, abin da ya samu yabo daga mahalarta taron.

Gasar Muhawara (Debate Competition)

Bayan kammala gabatar da takardun bincike, aka shiga kashi na biyu na shirin, wato Gasar Muhawara (Debate Competition) tsakanin Senior Section da Junior Section.

An gudanar da gasar cikin natsuwa da gogayya mai armashi, inda kowane ɓangare ya nuna ƙwarewa, basira da hazaka wajen kare hujjojinsa.

Bayan kammala gasar da alƙalai s**a tantance sakamakon, an bayyana cewa:

* Junior Section – Maki 310
* Senior Section – Maki 285

Saboda haka, Junior Section ne ya lashe gasar da tazarar maki 25.

Wannan nasara ta nuna irin ƙoƙarin da ɗaliban Junior Section s**a yi wajen shiri da kuma nuna hazakarsu. Haka kuma, ta zama abin ƙarfafawa ga Senior Section domin su ƙara ƙaimi da himma a shirye-shiryen da za su biyo baya.

Wakilan Junior Section da s**a lashe gasar

Waɗanda s**a wakilci Junior Section a gasar su ne:

* Abu-ɗalib Ishaq
* Safinatu Auwal
* Amina Yunusa

Muna taya su murna tare da addu’ar Allah Ya ƙara musu ilimi, basira da nasara a rayuwarsu.

Godiya da Jinjina

Makarantar Al-Akram Islamic Academy Kudan tana miƙa godiya ga iyayen ɗalibai, baƙi, malamai da dukkan waɗanda s**a halarci wannan gagarumin biki.

Haka kuma, muna jinjina ga malamai da s**a yi aiki ba dare ba rana wajen tarbiyya da koyar da ɗalibai har s**a kai wannan matsayi.

Ba za a manta da ɓangaren Media na makarantar ba, waɗanda s**a taka muhimmiyar rawa wajen yaɗa bayanai da ɗaukar dukkan abubuwan da s**a gudana. Allah Ya saka musu da alheri.

A ƙarshe, muna taya dukkan ɗaliban da aka yaye murna, tare da yi musu fatan Allah Ya sa wannan ya zama mafarin samun manyan nasarori a rayuwarsu. Allah Ya ci gaba da ɗaukaka makarantar Al-Akram Islamic Academy Kudan, Ya albarkaci malamanta, ɗalibanta da iyayensu. Amin.

Ma'ahadur Rasul Al-Akram - Nigeria
9/7/2026