Fityanul Islam Kwarbai A Zaria

24/05/2026

18/05/2026

Muhadhara da ta gabata yau, a Masallacin Kofar gidan Hoda, Makama dodo.

Malami :Sheikh Dr. Ibrahim Umar Kuspa
Maudhu'i; Falalar goman farko ta Zulhijjah

20/02/2026

Kwamitin rabon tallafin SPEAKER IYAN ZAZZAU,
na kiran komitin masallatai na Zaria,a kofar fadan sarki yau, su amshi tallafin azumi

09/07/2024

Assalamu Alaikum

Muna amfani da wannan dama domin taya Al'ummar musilmi musamman RH. SPEAKER ABBAS TAJUDDEEEN (Iyan zazzau), murnar sabuwar shekarar musulinci.

Ayyukan jinkai da kayi a Shekara da ta gabata Allah yasa somin tabi ne.
Tun dawowan dimkradiya ba a sami zababben da ya tuna nauyin da ke kan limaman masallatai ba ya basu tallafi se kai.
Kai ne GWARZON FITYANU Kwarbai A ward na Shekara.💪✊

28/01/2024

H.E SEN. UBA SANI ya ba ma Fityanul Islam Of Nigeria KYUTAN FILI da zata gina jami'a

Jiya a taron ta na cika Shekara 60 da kafa ta, yace ya kamata ace yanzu tana da wata hanya da zata dogara da kanta domin cigaba da ayyukan Addini.

Sannan yayi alkawarin karasa ginin gidan marayu da Fityanu ta fara, da kudin aljihunsa.
Taron ya Sami halartan manyan Shugabanni da sarakuna da Malamai.

Shugaban FITYANU NA KASA yace ba yau ne Gov. Uba sani ya fara temaka ma Kungiyar ba ya dade yana yi.

Gov. Uba Sani yayi maganganu masu dadi da ya shafi mutanen Tudun biri ( Tudun-Maulidi), matsalar tsaro, talauci da rashin tsari da kishi na mutanen Arewa.
Allah ya saka ma gobna da alheri yayi Masa jagora, ameen.

27/01/2024

TARON FITYANU (SHUGABANNI) NA KASA, A JIHAR KADUNA.

Kungiyar Fityanu, reshan Kwarbai A, ta Sami halartan taron Shugabanni da Yan Kwamitin Shirye-shirye na fityanul Islam Najeriya. Allah yasa a kammala taro lafiya, Baki daga jihohi 36 da sukazo, Allah ya koma da su gida lafiya Albarkacin Annabi SAW.

Allah ya kai ma musilmai agajinsa a duk inda suke fuskantar zalinci a Najeriya da sauran kasashe. Allah ya sa adalci te nasara gaskiya te nasara ya rusa zalinci da karya.

Rahoto: Fityanu Media Kwarbai A

14/01/2024

Bikin yayen dalibai kenan ke gudana a daya daga cikin makarantun Islamiyyu na Kwarbai "A"
MADRASATUL IRSHADUL ADFAL, Amaru, Gangaren Antu.
Taron ya samu halartan Na'ibin Zazzau, Sarkin Kasuwan Zazzau, Malamai da daliban Islamiyyu da sauran al'umma.
Wadannan dalibai kafin su cancanci yayen dalibai, se da aka turasu Islamiyyu domin gabatar da koyon koyarwa wato (Teaching Practice). Wannan na daga cikin tsare- tsaren da KUNGIYAR FITYANUL ISLAM KWARBAI A ta fito da shi, domin temakama Islamiyyu wajen magance karancin Malamai Yan sa Kai( volunteers) da Islamiyyu ke fama da shi.
Wadannan dalibai zasu cigaba da karban horo da Kuma karatu a wani lokaci na daban kafin a turasu Islamiyyu da ke bukatuwa. Lallai sashin Islamiyyu se an wanke kifi da ruwanta.

Allah ya sa abinda aka koyar ya ciyar da Addinin muslinci gaba.

~Fityanu Media

01/01/2024

Ranar farko ta Daura(seminar) aka shirya na hadin gwiwa tsakanin fityanul Islam Kwarbai A da ATTA'AWUN UMMA FOUNDATION.

@ LEA ANG. KAHU ZARIA

zaa cigaba gobe in Sha Allah 9:00am
Cikin littafin imam Ghazali"ayyuhal walad.

27/12/2023

MAULID MAULID MAULID

Kungiyar Maj'ma'u Ahbabu Rasulullah s.a.w da ke Anguwan Amaru Zaria, tana gayyatar masoya Manzon Allah zuwa gagarumin maulid da ta shirya:

Rana :29/12/2023
Wuri: Masallaci Malam Yakubu Amaru
Lokaci : 4:00 pm zuwa wayewan gari.

Allah ya bada ikon halarta Ameen
Sanarwa: Asst Sec. Fityanul Islam Kwarbai A Zaria.

17/12/2023

13th December, 2023.

TAKARDAN GODIYA GA ME GIRMA IYAN ZAZZAU.

Assalamu Alaikum Warahmatullah

Da farko muna yiwa Allah godiya bisa rayuwa da Imani da yayi mana baiwarsa, tsira da aminci Kuma su Kara tabbata ga Annabi Muhammad S.A.W da alayensa da sahabbansa da sauran muminai.

Bayan haka muna mika godiya ga RT Hon. Abbas Tajuddeen Iyan Zazzau Kuma speaker na majalisan tarayya ta kasa a madadin limanan masallatanmu da sauran Al'ummar mu na zaria bisa raba tallafin shinkafa domin rage radadin halin da ake ciki.

Kungiyar Fityanun Islam Gundumar Kwarbai A da aka daura wa alhakin tattaro sunayen masallatan Kwarbai A bangaren Darika, tayi yi iya kokarinta Kuma wadanda sunansu ya fito a jadawalin sunayen da aka bata duk ta Mika musu hannu da hannu tare da sa hannu na shedar karba.

Masallatai 95 ne aka bamu a jadawali za aga Me Alfarma Sarkin Zazzau Malam Ahmad Nuhu Bamalli na mika jadawalin a hoto da na sanya. Duk da cewa Wadannan Masallatai ba su kenan ba a Kwarbai A, amma hausawa na cewa duk kirkinka baka iya kewaye kasuwa da gaisuwa. Amma mun mika korafinmu ga Wakilan Me girma iyan Zazzau na masallatan da rabon tallafin be riskesu ba, Kuma muna da tabbaci za a dubasu in Sha Allah.

Godiya ta musamman ga Hon Engr. Jamil Deputy Chief of staff, Hon. Ilyasu Balarabe Jagaban Iyan Zazzau bisa jagorantar raba wannan tallafi a gurare daban-daban bisa umarnin megirma Speaker. Muna Addua yadda kuka isar da amana, Allah ya amintar da ku daga duk wata sharri.

Muna Mika godiya ta musamman ga Shugabanmu, Chairman Fityanul Islam Zaria, manbobi na wannan Kungiya ta Fityanu, Yan agaji da sauran jami'an tsaro da S**a temakemu wannan tallafi ya isa hannun masu shi ba tare da wata matsala ba.

Muna Addua, Allah ya kare mana Me girma Speaker, ye Masa jagora. Ya Kare mana Zazzau Kaduna da najeriya daga duk wata fitina, ameen ya rabbal alameen.
Mallam Yahuza Sani
Chairman Fityanu,
. Gundumar Kwarbai A Zaria