01/10/2022
A-AVEN A MSEN U HÔRON KWAGHYAN KEN NKST, OKTOBA 4, 2022, HII 6:00 PEPE ZAN ZAN 2:00 ATETAN
6:00 - 7:00 pepe - Mnyer u ior
- Atsam man Ityogholov
7:05 - 7:45 pepe - A er adua ken Pas. 83
- A wa icam ikyenge.
1. Msen iaven i hii hii - 7:50 - 8:50 pepe
A ôr Pas. 86 - Orhemen una ôron ior cii vea
kimbir (Responsive reading).
Atôakyaa a Msen:
• Afanyô a vaan man zamber (a gure inya).
- A er mbamsen ken asema, hanmaor nana
pase asorabo a nan (orhemen la nana na
ior ian i vese sha er vea pase Aôndo
kwagh ve tsembelee yô).
- A bee yô, a za hemen nahan:
✓ Msen u zamber sha er Aôndo Una
rumun yô, A yange ubomba-angev
✓ Ter Una rumun yô, A yange mbaihomov
u nzughul a vese.
✓ Ter Una rumun yô, A lam a Government
a sôr zayol u numgban u atica a ken
University ne.
✓ Ter ma A ser akaa a a ne ve kwagh a lu
taver ishe yum ne iyol Na.
✓ Jijingi u tswam u a nyer ken agumaior
ase ne ma a dugh kera.
• Atôakyaa a gen a lu yô, a seer heen.
A wa gericam/icam ikyenge.
2. Msen iaven i sha uhar - 9.00 - 10.00 pepe.
Msen sha ci u mbakurantar man
mbahemenev mba nongo u Kristu.
A ôr Esera 6:10; Yer. 29:7; 1Tim. 2:1-5.
i. Mbakurantar ken vegher u pati: Hii sha
Kônsila u Ward zan zan President.
ii. Mbakurantar ken vegher u ityô: Hii sha
Mbaukpandev zan zan ar sha Tor-Tiv man
Ochi-Idoma
iii. Mbahemenev mba nongo u Kristu:
• President u CAN man ior nav;
• President u TEKAN vea ior nav;
• Chairman u CAN, Benue State man mba
dondon un;
• President u NKST/Komiti u Sinodi;
• Mbahemenev mba agbaatom, Uchiaman
mba sha Ukelase, Upastor, Mbatamen,
etc.
• Atôakyaa a gen a lu yô, a seer.
A tile sha a wa icam ikyenge.
AHUMBE: 10:00 - 10:30 PEPE
Atsam man Ityogholov: 10:30 - 11:30 pepe
3. Msen iaven i sha utar - 11:30 pepe - 12:30
atetan.
Msen sha mbamhen mba bov mba
mbaihomov sha a vese. A ôr Ukw. 5.
• Aôndo A yange mhen ve u ngeren Nigeria
iti ken mkohol u ityar i gberen icur inya
(OIC);
• U Fulani ngohol tar ne geman se hingir
ikpan ve la;
• U ngohol ikyav mbi tswamev hen ior
geman undun Fulani a ikyav mbi utyaav
er ve wua ior la;
• Ian i ve bugh Fulani ve nyer ken Nigeria
kpishi la Aôndo A er ivande sha u van a
kwagh u una num ve kera yô;
• Mver u ve ver ior vev sha aan a vesen sha
er hanma kwagh u ve soo yô, vea er a
zaiyol shio la, Ter A nzughul ve ijô;
• Aôndo A yange ifer i i lu van a mi ken mule
u tindi u sha kwagh u mngerem man
kpemnger (Water Resources Bill) la;
• U eren kwagh sha num-gban u atica a ken
University ga la, ka gbenda u yangen
kwaghhenen u kwaghfan u buter (Boko
Haram). Aôndo A yange mhen ve ne kpaa.
A tile sha a wa icam.
4. Msen iaven i sha unyiin - 12:30 - 1:30 atetan
A ôr Luka 1:32-33; Mpa. 11:15
Msen sha mlu u Pati hen ayange ne.
• U ormusulumi hungwan, shi geman hemen
nan ormusulumi la;
• U ormusulumi lun president shi tôôn
ormusulumi lun or u dondon ken a na la;
• Nigeria shi a anyom ahar tseegh u ngeren
iti ken mkohol u ityar i gberen icur inya.
Aluer orgberen icur inya ya ishangen yô,
Aôndo A bugh Mbakristu ashe u vendan
kwagh ne;
• Hemen u sha ikyôn ne u va se a atsan
kpishi nahan Aôndo A zungwe se A na se
hemen u dedoo;
• Aôndo A wase Mbakristu ve lu per, ve de
kpenen kwaghyan shin inyaregh ga;
• Ishangen i ngin Yesu Kristu A tema Tor sha
ikyôn ken Nigeria;
• Imôngo i teman vea ônov mba NKST mba
ve lu ken pati, ma i um atam.
Icam (a tile sha).
5. Msen iaven i sha utaan - 1:30 - 2:00 atetan.
- Ma kwaghôron u taver asema una lu yô
- Akaayôôn
- Msen u sha mkur
NB:
• Ne faityô u seer atôakaa a msen sha
atineakaa a msen ne aluer ian ngi yô.
Program ne ka di u tesen gbenda tsô.
• Nea rumun yô, vande veren nen ior sha u
hemen hanma msen.
• Wea zua a a-aven ne yô nôngo Kelase wou
cii a zua a min.
M sugh ne cii.
Rev E. M. Shir
NKST General Secretary
[email protected]
08169911934, 08055119519.
