Sunnah Hanyar Tsira

10/08/2026

29/07/2026

Tsokaci kan auran Mutu’a

Auren Mut’ah (auren da ake ɗaura shi na wani ƙayyadadden lokaci) mafi yawan malamai na Ahlus-Sunnah sun yi ittifāƙi cewa haramun ne, saboda an halatta shi na ɗan lokaci a farkon Musulunci, sannan Manzon Allah ﷺ ya haramta shi har zuwa Ranar Alƙiyama.

Daga cikin hujjojin haramcinsa akwai:

1. Hadisin Sahih Muslim, inda Annabi ﷺ ya ce:

“Na taɓa ba ku izinin yin auren mut’ah, amma yanzu Allah Ya haramta shi har zuwa Ranar Alƙiyama.”

2. Hadisin Ali ibn Abi Talib cewa:

“Manzon Allah ﷺ ya hana auren mut’ah a ranar Khaibar.”

Dalilan haramcinsa

* Ya saɓa da manufar aure a Musulunci wadda ta ginu kan zaman dindindin, soyayya, da gina iyali.
* Yana jawo rikice-rikice wajen nasaba, gado, da haƙƙoƙin ma’aurata.
* Ya buɗe ƙofar amfani da mata ta hanyar da ta yi k**a da lalata.

Lura: A fahimtar Ahlus-Sunnah, auren mut’ah ya kasance an halatta shi na ɗan lokaci ne, daga baya kuma aka soke wannan hukuncin, kuma ya kasance haramun har zuwa Ranar Alƙiyama.

28/07/2026

TUNATARWA !!!

AZUMIN FARAREN KWANAKI [Na watan SAFAR 1448H]

AYYAMUL BEED: Azumi ne wanda ake yin sa a kwana uku na ko wane wata, ana yin su ne daga sha uku ga wata zuwa sha biyar (13, 14, 15).

Manzon ALLAH (ﷺ) Ya ce: “Azumin kwanaki uku ako wane wata har zuwa Ramadan, Yana dai-dai da azumin shekara guda.” [Muslim: 1162]

GOBE TALATA 13 SAFAR, dai-dai da 28 JULY, AYYAMUL BEED Zai fara har zuwa Ranar ALHAMIS 15/SAFAR/1448. dai-dai da 30/JULY/2026.

ALLAH Ya bamu iko (Aameen)

27/07/2026

SHEIKH MAHMUD KHALILUL HUSRI (RH)