03/10/2026
ÌJỌ ÀPỌ́SÍTÉLÌ KRISTI
Naijiria àti Oke Okun
OMI IYE NAA, (January- December, 2026)
Ọjọ
Abamẹta (Saturday), October 3, 2026.
ÀKÒRÍ:
ILE IFOWOPAMỌ AGBAAYANU
AKỌSORI:
Ṣugbọn Ọlọrun mi yio pèse ni kikún fun gbogbo aini nyin, gẹgẹ bi ọrọ̀ rẹ̀ ninu ogo ninu Kristi Jesu (Filipi 4:19 )
KA:
Matiu 17:24-27
[24]. Nigbati nwọn de Kapernaumu, awọn ti ngbà owodè tọ̀ Peteru wá, wipe, olukọ nyin ki isan owodè?
[25]. O wipe, Bẹ̃ni. Nigbati o si wọ̀ ile, Jesu ṣiwaju rẹ̀, o bi i pe, Simoni, iwọ ti rò o si? lọwọ tali awọn ọba aiye ima gbà owodè? lọwọ awọn ọmọ wọn, tabi lọwọ awọn alejò?
[26]. Peteru wi fun u pe, Lọwọ awọn alejò. Jesu wi fun u pe, Njẹ awọn ọmọ bọ́.
[27]. Ṣugbọn ki a má bã bí wọn ninu, iwọ lọ si okun, ki o si sọ ìwọ si omi, ki o si mu ẹja ti o ba kọ́ fà soke; nigbati iwọ ba si yà a li ẹnu, iwọ o ri ṣekeli kan nibẹ̀: on ni ki o mu, ki o si fifun wọn fun temi ati tirẹ.
ITUPALẸ:
Gẹgẹ bi o ti wa ni igbaani, awọn iyanu Ọlọrun ṣi wa sibẹ t**i di oni. Awọn iṣẹ iyanu jẹ iṣẹlẹ atọrunwa ti o rekọja awọn ofin iṣẹda. Fun apẹẹrẹ, ko ti si eniyan kan nipa iṣẹda ti o tii ri tabi mu owo jade lati ẹnu ẹja. Ni iṣapẹẹrẹ, lati gba owo jade, a nilo lati lọ si ile ifowopamọ, a le lo ẹrọ ipọwó (ATM), tabi ki a lo ilana igbalode ti o ba tẹ wa lọrun julọ bii awọn ẹrọ POS. Ṣugbọn pẹlu aṣẹ Jesu,. Peteru ni iriri iṣẹ iyanu atọrunwa - o gba owo jade lati ẹnu ẹja. Eniyan le e beere pe, tani o fi owo si ẹnu ẹja naa? Bawo ni Peteru ṣe ṣe lati mu ẹja naa gan-an ti o gbe owo ha ẹnu? Alaye kanṣoṣo ni pe eyi jẹ iyanu, ki iṣe idan p**a. Itan yii ṣafihan abuda iyanu ti iṣẹda Ọlọrun, to n mu awọn ohun ti a ri jade lati inu ohun ti a ko fojuri. Jesu pese ọna àbáyọ si iṣẹlẹ ti o le mu itiju wa.
Jesu yii kan naa Ẹni ti o ṣe awọn iṣẹ iyanu nigba naa ko yipada --- Oun ni ọkan lana, ati ni oni, ati t**i lae. Halleluya! Gbẹkẹle E, Oun yoo si yanju awọn ipenija ti o n koju lọna iyanu. Iwọ ṣaa gbagbọ ninu ipese ati agbara Rẹ, nitori o ni agbara lati ba gbogbo awọn aini rẹ pade.
Awọn koko Adura
1. Jesu Oluwa, ro mi lagbara lati jẹ ki awọn ilẹkun iyanu, ibukun ati iranlọwọ ara ọtọ o ṣi fun mi.
2. Jesu Oluwa, ran mi lọwọ lati maa ni oye Rẹ ni awọn ọna ọtun ati lati le e ni iriri awọn iyanu Rẹ.
3. Gbadura ki Ọlọrun ro ile iṣẹ itẹwe 'ti ljọ Aposteli Kristi lagbara, alaga, awọn ọmọ igbimọ ati awọn oṣiṣẹ, lati gbe ile iṣẹ yíi de ebute giga, ni orukọ Jesu
Orin Ti A Dabaa Fun Oni:
C.A.CGHB: 855
ỌTALELẸGBẸRIN O DIN MARUN
14 14 14 10 & Ref
Beula: nitori inu Oluwa dùn si ọ. --- Isa. 62:4
1. Mo n gburo iji ti nja li ona jinjin rere
Mo si mo pe ese ndan ni wo ni aye yi
Iye meji at'eru ko le pami lara mo
Wonyi ko le mu mi kuna Beulah.
Mo ngbe ni ori oke, gbogbo 'danwo
si fo lo (yin Krist'),
Mo nmu n'ibi orisun ti ko le gbe t**i,
Mo nje ounje na t'ise Manna lati oke
orun waa
Nitori mo ngbe nile Beulah.
2. Mo jinna s'ibiti iyemeji ndamu aye,
Nibiti ota ngbogun ti omo eniyan;
Mo ngbe lailewu li ebute oro Olorun,
Ko s'ewu 'tori mo ngbe ni Beulah.
3. Bo ti wu ki iji le to, eru ko le ba mi,
Owo Olorun li abo to daju fun mi;
Nibe l'orun nran t**i, ko si ifoya fun mi
Ko s'ewu 'tori mo ngbe ni Beulah.
4. 'Gbati mo nwo 'se Olorun okan mi wariri
Mo ngb'ohun ife Re pe On lo nseto fun mi,
Emi Re nfihan mi pe igbala didun l'eyi
Uno fi ayo gbe ni ile Beulah.
Amin.
Afikun Ibi kika Fun Oni:
Mika 7, Nahumu 1-3
