Ikpamkor daily devotion and inspiration.

Ikpamkor daily devotion and inspiration. This page is only mearnt to testify the Gospel of Jesus Christ and pronounce his resurrection n coming.

06/01/2024

SATI JANAWARI 6
BIBILO I ÔRON: ANZAAKAA 14:21
KURE IYANGE MAN U SE OR YE
“Or u nan lahan or u nan we ndor a nan yô, nan ngu eren kwaghbo, kpa or u mhôônum ma ker nan a mbaatsanev yô, ka nan lu a ahuraior kpishi.”

Ka Aôndo A ne ior ve lun sha kwagh u ve lu sha mi la ye. Alu de lahan or sha ci u mlu u nan ugban kera la ga. Ior mbagenev er kwagh la a ior anyom a karen ken jime keera nyian mba vaan afanyô man ian kar. Anyom a ken jime keera ior mbagenev lu sha ikev i ior man i hen er vea tsa afatyô u nyôron ape ior mbara ve lu ga. Mimi je yô hen zum la ve lu ken jime ica je. Kpa nyian ne er i lu Aôndo ka A na er Un soo la yô, ve kar ve hemba ior mba nyen ve lu ken jime la. Mba gen yô, ape uzegembaiorov mbanyen mbara vea nyôr nyian ve kpa vea fatyô u nyôron keng keng. Angbianev shie man mzehemen mba sha ikev i Aôndo tseegh. De lahan or u alu ku ku nyian la ga, kper u va vaa afanyô, we kpa ka Aôndo yange na u ye man Aôndo shon kpen ga, Una fatyô u nan orgen kpaa. Mo yô, uma wam ngu a mba mshi keregh kpa u tuhwan or sha mlu u nan u gban kera yô, m ngu ken ngula ga sam. Yange i mar u a mar a kwagh u ulu ami la ga, nahan ka pe orgen kpa a na nan vough je la. Yô we u ilu lahan we la washima ka shie ve, de zan akombo ga. Aôndo Una nau sha shie Na, jim je yô, we kpa u ngu a kwagh sha mlu wou. Zayol yô, ka er ior mba gen ve lu a mi kpa we u lu a mi ga la ilu za zayol ye, mbagen mba eren msen u ma ve lu er ka we nahan. Sarem er ma u fe mne u Aôndo nahan, shima i de vihin we sha ciu ior mba nyen u wase ve ve ve gema ve hungur a we la ga, akuma Aôndo, alu myer u sha hanset môm shin ma mhen u beeree nahan man u nenge u hingir ikyagh or je a cier yol. Tile vea Aôndo dedoo ka cii la. Akaa a ior ve venda u nan we la akuma Aôndo yô u zua a mi cica.

IVUR I UMBUR: MBAFILIPI 2:3B “…hanma or nana nengen er orgen hemba nan yô.”

BIBILO I ÔRON KEN INYOM IMÔM: GENESE 15-17; MATEU 5:27-48 “Tsô nengen a ikpelaior yô, A unde sha uwo; tem sha her yô, mbahenen Nav va her a Na

MSEN: Terem, gba ishima i dooshima ken amo, msôn ken iti i Yesu, Amen.

04/01/2024

TOMANYIIN JANAWARI 4
BIBILO I ÔRON: GEN 11:1-8
U ER MHEN U WA AÔNDO KEREGH GA KA GBILIN KWAGH

Or u nan venda awashima u Aôndo shin tar ne ve kure i doo môm môm kpa nan ngu ga. Hen ape se ôr nyian ne yange Aôndo ver shima er ônov mba iorov ve sambe sha tar kpa mban gema zua zwa u lun ijiir imôm maan gar u taven je za nyôrun ape Ter A lu la. Kwagh u a doo u se fa yô, ka hanma kwagh ikumior i zua sha mi cii i lun kwagh u dedoo ga. nôngo mhen wou alu sha awashima u Aôndo ga u yar kpa u wua ga. Nea maa atav nan nan kpa Ter a yôhol cica a haa kera. Alu shima kpa i de zan we yol sha mzough u mbaaferev sha we ga. Er i lu Aôndo A na ian ga je vea er nan nan kpa vea kule a doo ga. Aluer ka mhen u ken shima kpa er Aôndo A lu keregh ga je ka gbilin idyu.
Er u hii inyom i he ne nahan, u we Aôndo ken mba mhen ou je kpa? Er u pase ijende you shin u taver shima sha mkaanem ma Aôndo je maa bee? Alu u wa Aôndo ken u plan ou ga yô, u za u kule ve doo doo ga cii. Yô tile ase a shima nyian, nôngo mbamhen mba mzough wen man mba ken shima iyou cii ve lu sha awashima u TER tsô ne kule a doo. Ka nyi u we shima u eren nyian, ken lahadi ne, shin ken uwer ne shin ken inyom nee? U ker awashima u Aôndo sha mi kpa? Ka nyi Aôndo A lu ôron sha kwagh la ve i lu zuan we sha kwagh ga yumu? Umbur alu a engem nan nan kpa er Aôndo A lu keregh ga je ka gbilinkwagh. Alu Aôndo Una kaa er de yô, de je. Una kaa er lu heen yô, de bughun nguhar ga. Una kaa er we u na ma or iwasen yô, de cihin vendan kpaa ga. Una kaa er u de kwagh u ma or yô, shi de je ga u va vaa afanyô.

IVUR I UMBUR: YOHANE 15:5B “gadia a lu Mo ga yô, ne fatyô u eren ma kwagh ga”

BIBILO I ÔRON KEN INYOM IMÔM: GENESE 9-11; MATEU 4

MSEN: Terem, nam agee u paregh man paven a mbamzough mba nan iti you icivir ga ken iti i Yesu, Amen.

03/01/2024

TOMATAR JANAWARI 3
BIBILO I ÔRON: MBAKOLOSE 3:13
KWAGH Á NZUGHUL ORGEN A ORGEN YÔ I WAAN SHIMA

“Waan nen ishima a ayol a en, deen nen ayol a en kwaghbo aluer kwagh á nzughul orgen a orgen yô, er TER a de ne akaabo nahan, ne kpaa kape eren nen la.”

Ka an inyom i bee la nan er u kwaghbo u fatyô u den nan ga zan zan i nyôr ken inyom ne? Er se nyôr ken inyom ne nahan je kpa kwagh a fatyô u nzughul se a orgen, kpa se wan nen shima heregh. Dondo ka shima wan. Hen ato u ivese iyou la kpa waan nen shima. Nea zua sha mlu u tsombôr yô, waan nen shima. Hen ijir tom iyou, or u tôvon we a ican, or u eren we iyuhe. A lu de zendan iyongo ga u va gba angev. Kighir iyol washima, mbayev kasev nea lu hen ya yô, hen nen u wanshima sha er ne va er nom kpa ne kera hen a hen u wan shima gayô. Alu u due sha gbenda a kwagh hendan yô, wan shima, sha er u yima ibume or u nan lu van sha gbenda keera la. Kwagh u iyongo i angbian a angbian i been fele ga la doo ga. Alu or nana gba yô, saa u kighir nan keng ga, shi alu u vihi or shima keregh yô, de keren u shi tesen nan er ma nan lam awe ve ma i doo u la ga. Alu u wa shima ga, u va lam a or kpase kpase kwagh a va er nan a va yila u tsav yô i de vihin we ga.
Alu u washima ga u fatyô u eren tom môm u Aôndo A wa u sha ikev ga. shighe gen alu ior mba u lu wasen ve la je Satan una nyôr ve ken shima er ve hide ve tuhwa u ye. Alu de sendegh sha ishô iyou ga, hide a sanker wou wa ken var. De kwagh u ôron ikwa i i u de anngou a kwaghbo u nan la. Shima i wan ka ityamegh ki ken Jijingi, saa u gema shima man u fatyô u wan shima a or u wan ndor a we sha inja i nana va gema shima ye.

IVUR I UMBUR: ORPASENKWAGH 7:8B “… orwanshima hemba doon a orimangeregh”

BIBILO I ÔRON KEN INYOM IMÔM: GENESE 6-8; MATEU 3

MSEN: Aôndo wam, er i taver nahan kpaa, suem u wan shima heregh, m son ken iti i Yesu, Amen.

16/12/2023

SATI DISEMBA 16
BIBILO I ORON:MK 10:46-52
DE RUMUN MAKWAGH MOM AYANGEN WE U VAN HEN YESU GA

Bartimeu,inja na yô, ka wan u timeu,yange lu orpirashe u zamber hen kpe gbenda ken Yeriko. Er a ungwa er Yesu u Nasareti ngu Karen yo a genger imo genger genger er Yesu wan Davidi zungwem mhoonom. kwagh ne tese er shin er alu orapirashe nahan kpa a fa er Yesu a lu mesiya yô . Ngun nahan se kaa ser a hemba mbayuda mba ve kaan er mba nengen kpa ve fa er Yesu alu mesiya ga la.kwagh ugen yô,hen shie ne iwaan mbaapirashe iko yum ga shin er atindi a Mose tese er ide nzughul ave ga nahan kpaa. Ashie kpishi yô u van hen ikpiraior kpa i yange ve, er ve lu aseeraior yum yô.ka nahan ve shin er orapirashe ne lu genger imo yilan Yesu nahan kpaa ior lu yangen un u van ikua ye. Kpa orti yange ayange je a hemba genger imo taver taver.Yesu tile kaa er, i yila un,nahan orti kar ayem je a gema riga na ta kera kpaa.Yesu pine un isharen na,nahan a kaa er man mnenge.Yesu ma bugh un ashe.
M zua a tyesen mer mayange me vor u yilan Terem Yesu ga. Angbian u doon ken Yesu kristu,u ngu kpenen aeren a ior, mcivir u Aôndo wou ngu ndohol nahan u fa?
IVUR I UMBUR: YESAIA 59:2; kpa ka aferakaa a en je a pav ne a Aôndo wen, shi ka asorabo a en kpaa a cir ne ishigh nagh, er Un ungwa ga ye.
BIBILO KEN INYOM IMOM: OBADIAH; MPASE 8

MSEN Mngu zamber we terem zungwem mhoonom ken iti Yesu.Amen

09/12/2023

SATI DISEMBA 9
BIBILO I ORON: YOHANE 12:20-22
WE KPA VA A IOR HEN YESU
Filibu va va kaa Anderia, man Anderia vea Filibu ve va kaa Yesu (ivur22)

1 M nenge a kwagh u doon mo ken uma u ango wase ken Ter, Anderia. M nenge ken Yohane 1:40-42 yo, Anderia kua a or va a nan hen Yesu, m shi m nenge ken Yohane 6:8-9 yo, Anderia shi kua a wanye ugen za a na hen Yesu, shi hen ape se or nyian ne, kpa Anderia ngula shi a kua a mbayuda mba ve soo u nengen a Yesu a za ave hen a Na la. Kwagh u m soo ape oron yo, hanma jiir ken takerada u Yohane ape u nenge a Anderia cii, ngu a lu kuan a or van a nan hen Yesu keng .Yesu wa se tom er se za pase ior kwagh u myom nahan ve gema asema kpa kwagh u alan shima kpishi yo, ior kpishi mba geman zenda a zenda ior sha ishigh ki Aondo kera. Jim je yo, ka or u alu a kwagh ngu a na kera ye. Nahan we u zua a kristu ne ve? U lun a myohom sha ishima shie u or nan lu eren isholibo la je kpa? Anderia va a ior hen Yesu, we kpa Aondo wa u tom u himen ior a na. cii man u za a or sha ishigh ki orgen yo, saa u vande doon a nan. We kpa sor mlu wou vea Aondo nahan u fatyo u zan a ior hen a na.
IVUR I UMBUR: YOHANE 1:40; Anderia anngo u Shimon Petru lu mom ken mba uhar mba ve ungwa kwagh oron u Yahane man ve dondo un kpaa la.
BIBILO KEN INYOM IMOM: HOSEA 5-8; MPASE 1

MSEN Terem nam m lu or u zan a ior man tesen ve we sha kwaghoron man ieren yam cii, m son ken iti Yesu, Amen.

07/12/2023

TOMANYIIN DISEMBA 7
BIBILO I ORON: MATEU 24:35
AKAA CII NGA VA KAREN KERA

1 Hanma kwagh u ashe a nenge a mi cii ngu va karen kera. Kpa kwagh u Yesu yo una tile her gbem. Akondo, umato, uyaav man hanma mlu u se lu keregh cii kpa ngu va karen sha kpa Yesu yo una tile her. Hen tar ne, ulu a va bee yol ga tso alaghga u va hungur. Ior mbagenev nyen la i ungwan a ve dedoo kpa shin er ve lu a kpe ga nahan kpa i hungur a ve,ka tar je la.Yange nom, kwase, mbayev man ahuraior ase a va kar kera,kenger sha ve nyian nenge er ve doo nahan kpa mba va karen kera,pine mbagenev ve or ne er yange mbadoon ve mbara ve yem ving kwagh eren lu ga la.
Nahan yo, se hide hen Aondo, un yo una lu gbem sha won. Nahan yo, de kera sendegh nen sha akaa a tar ne ga. Shi de rumun wer a too ian i Aondo ken uma asev ga. I kor disemba ve,ior kpishi ikyaa i akaa a tar ne vea hii shima nyian ken uya vev hegen,mba me ya nyi me zer nyi man ior av di a na ve nyi? Er ilu nahan u za ape i lu iin or ve? U hen wer ka i fii akaa a nan la shin uwar i ii nan ami?
IVUR I UMBUR: 1YOHANE 2:17 �Man tar yo, ngu karen kera kua isharen i u kpaa; kpa u nan eren shima i Aondo yo, nan ngu lun gbem sha won.�
BIBILO KEN INYOM IMOM: DANIEL 11-12; 3 YOHANE

MSEN Nam u lun kpenen sha isharen i akaa a tar ne Terem, m son ken iti i Yesu, Amen.

05/12/2023

TOMAHAR DISEMBA 5
BIBILO I ORON: AER. 20:35
U NAN A NA KWAGH HEMBE SAAN YOL A NGOHOL A NGOHOL

Hen orkristu yô, u nan a na kwagh hemba saan yol a u ngohol a ngohol. Kpa nyian ne, ior kpishi soo u lun ior mba ngohol a ngohol. Ior mbagen wa bo cier yol, kpa ka i lu ve yô , ve kenger kwagh gbem saa a na ve, nyume nan kwagh nana ôr kwagh la gbem.
We u nan a na kwagh mayange u banen a mi ga. Yô de kera nan or kwagh a myohom shima ga, u kur a shima i ken ityev u loho angbian ruam ga. Wea nan a tuhwan we kpa nan her seer a seer je. Ka an ken ven,we u fa nan u nan lu a kwagh ga sha ci u nan ne nagh yumu? Man ka an u nenge nan hembe inyaregh man icivir sha ci u nan ne kwagh ga yumu? Mba nan kwagh sha civir i Aôndo mba banen a mi u shi nan ga. Kpa alu de za gban injo we u va er a or dedoo ga. shi u na ior kwagh yô, er msen sha mi,ime ngee hegen gande,alaghga tsô u va kpera kwagh sha erdoo u eren la.
Mbagen nyôr ken ican I vaan sha apera er a va fa er ve mba a kwagh.
IVUR I UMBUR: LUKA 6:38A "Na nen, nahan ne kpaa a na ne."
BIBILO KEN INYOM IMOM: DANIEL 7-8; 1 YOHANE 5

MSEN Terem, nam shima i naan ior kwagh, m son ken iti i Yesu, Amen.

04/12/2023

HIITOM DISEMBA 4
BIBILO I ÔRON : LUKA 19:30
SHIE WOU A KUMA TSÔ WE KPA U DUE ITI

Kwagh er heen u a doo u se hen kwagh sha mi yô , yange i zer wan jaki, ujaki mbagenev ve lu ningir, kpa un yô i zer un, lu a ian na yol na ga. kwagh yan kpa lu u i ne un la lu yan ye. Kpa a washima, a tondo hen kor sha ga.
Kpa er shie va kom yô, i va sagh un sha icivir, Yesu jimin cii henda wan jaki ne, shi i na i civir kpaa, i zende sha akondo a ior kpaa.
Angbianev, nyian ne, se kpa i zer se ken Yesu, se mba sha ian yase ga, yange kwagh una gba Ter sha vese una yem a vese u ze eren civir. Tar u de kera saren we u tondon yemen za kohol u ga. Mbagenev tondo yem huan. Wa shima lu her, shie wou a kuma tsô Ter Una na u icivir you. Mayange de kera tomon mzehemen u mbaaferev mba ve yem ve za kohol tar la ga. Bibilo kaa er mkur u kwagh hemba mhii. Mbaaferev vea va kure a doo ga. Wea due iti nyian ga kpa shighe wou a kuma tsô we kpa u due iti.
IVUR I UMBUR: 1PETERU 5:6 "Hide nen a ayol a en jime er uwegh ku Aondo ku ageegh ku lu sha a ven nahan, sha er shighe a va kuma vough yo Una kende ne sha"
BIBILO KEN INYOM IMOM: DANIEL 5-6; 1 YOHANE 4

MSEN Nam shimawan u keghen ishie i u u ser u verem sha u nan mo icivir yo, m son ken iti i Yesu, Amen.

03/12/2023

LAHADI DISEMBA 3
BIBILO I ORON : AER. 20:19
ER TOM U TER A MLIAM ASHE

1 Ne mba ne lu eren tom u Ter a mliam ashe ne, taver nen asema, ka ihen hen we ga. Er nan u pase tom u kende nya? Paulu yo, er tom u Ter a mliam ashe.
Ne mba ne lu eren tom, ior ve gema ve lu zuan zwa sha we, tuhwan we, man yoon er perapera wou ngee yum yo, taver shima heregh wan u Aondo. We yo atuhwan we yo nan iveren. De sendegh sha isho you ga, a venda u nan we isho kpa de woo iyol iyou ga. Taver shima, Ter una ese u mliam ashe. Ne mbagenev icombor i Aondo A na ian i mar ne heregh shin ne er noov shin kasev her la i taver jimjim;ka zege tom Ter A wa u sha ikev ye,er u a mliam ashe,ior vea wuese ga kpa Ter u tom ne yo fa. Waan shima a ve,u kur a shima i ken ityev u loho angbian ruam ga.
IVUR I UMBUR: HEB. 5:7A �Sha ayange a Yesu lu ken mlu u or la yo, A eren mbamsen man uzamber sha imo i genger genger man shi a mliam ashe kpaa�
BIBILO KEN INYOM IMOM: DANIEL 3-4; 1 YOHANE 3

MSEN Terem nam shimawan kua shima taver sha u eren we tom sha er aluer ka nan nan kpaa me hide jime ga yo, m son ken iti i Yesu, Amen.

02/12/2023

SATI DISEMBA 2
BIBILO I ORON: ACTS 20:18
NONGU I FA I INJA I MLU WOU

Ior mbagenev inja ve tile gir gir ga, mba geman er ka hum nahan. I fa inja ve jighlii ga. U yila ve wer mbakristu mape ior vea uva awer. Paulu yô , er a ta nguhar keghen man keghen ga je i fa inja i mlu na. Nongo we kpa i fa inja iyou. Nongo i na u jighjigh. Ka a fa u sha inja imom i hemba doon, a fa u sha anza ahar nahan doo ga. Mbagenev u tindi ve kasua yô , yange la cii kasua la a lu u doon ga.
Mbagen yô , u na ve injo yô , kwagh bee. De eren ikpamashe ga, nongo i fa inja iyou. De keren u lun kwagh u u lu ga la ga. Mba yeren inja ga, u er nan kpa a va fa keng. A lu ior mba ve lu ikua awe vea na u jighjigh ga yô iyou bee. Ne mba nyen i kera na ne jighjigh ga la sôr nen mlu enev,aluer wea sôr kpa shi i na u jighjigh ga yô,hungur a ve,or ngu Aôndo ga.
IVUR I UMBUR: YAKOBU 1:6-7 "Imbaor la yô, nana de kera henen er nana zua a ma kwagh hen Ter ga, ka or u asema ahar, nan ngu ta ta ta sha igbenda i nan cii"
BIBILO KEN INYOM IMOM: DANIEL 1-2; 1 YOHANE 2

MSEN Terem nam agee u tilen ijiir imom ken jighjigh wam u nan, m son ken iti i Yesu, Amen.

01/12/2023

TOMATAAN DISEMBA 1

BIBILO I ORON: YOBU 1:21-22

DE EREN ISHOLIBO KEN ICAN IYOU GA.



1 Ijiir imom kpa Aondo tondo zwa a vese er se lu sha tor zan zan ga, kpa A tondo zwa er una undu se ga. Hanma shie u se nyor ken ican yo, satan ngu a tuur se er se er isholibo. U eren isholibo ken ican yo, ka u nan Aondo ibo, shin keren gbenda u ifer sha u nongon u keren mkpeyol wou la. Ior kpishi nyor kwagh sonon u heen iti i Aondo, mbagen yo, ka u teen ayolave. Ape se or ne, Yobu yo , er ma isholibo ken i can i tser un la ga. Nahan i wuese un. Mayange de kera vihin shima a Aondo ga, ka un a var u ye, de a kaha sha shima na. Kure nyian wer u kera vaa ican ga. Se mbakristu je yo ka sea vaan ican tar u sen se er Aondo wase kera ngu a agee a wasen se ga shini?
IVUR I UMBUR: ROM. 8:28B �Shi se fa mba Aondo A doo ve ishima yo, akaa cii nga eren sha u i lu ve a inja yo, ka ve mba i yer ve sha awashima Na la�
BIBILO KEN INYOM IMOM: EZEKIEL 47-48; 1 YOHANE 1

MSEN Terem suem shi yangem u eren we isholibo ken atsan a tseren mo, m son ken iti i Yesu, Amen.

30/11/2023

TOMANYIIN NOVEMBA 30
BIBILO I ORON: ICAM I HEMBAN 2:15
KOR NEN ATSONGO A KIRIKI LA!

1 Ape se or ne, orgeren takerada ne kaa er i kor atsongo a kiriki ga yo ka a je alu vihin sule u wain jimin je. Satan de akaa cii, hide ngu koron ior ken nongo u kristu sha akaa a kiriki. Orgen undu nongo ukristu er i na un tom yum, ior gbidye un iwer ga yum. Mbagenev kua a mbayev sha u yaav vev, i yam ve uzege mba akondov ve vesen u va kohol a kohol ikondo ve la. Ka i na ve mtom ma ishuuv tseegh, ka vea za fan er ve yo mba ye ityough ki ishuuv tseegh yo, shi a songon ikyegh yo, i kera na ve ga. Alu u kor ityough ga, a kaa a u hen wer ka a kiriki la, ka a je a va vihi uma u kristu ye. Hanma or nana kor anchongo u nan ga yo, una va hungur we.
IVUR I UMBUR: 1YOHANE 3:7 Mbayev av, ma or nana de tsumen a ven ga. Or u nan eren perapera yo, nan ngu u perapera je er Un A lu perapera nahan.
BIBILO KEN INYOM IMOM: EZEKIEL 45-46; 2 PETERU 3

MSEN Terem wasem m dugh akaa a kiriki a va yem a uma wam ken mtim u tsoron la kera, mson ken iti i Yesu, Amen.

Address

Gboko
406

Telephone

+2348133864554

Website

Alerts

Be the first to know and let us send you an email when Ikpamkor daily devotion and inspiration. posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Ikpamkor daily devotion and inspiration.:

Shortcuts

Share