25/11/2025
Illolin auren ɗan bid'a ga mace Ahlus-Sunnah.
Tabbas wannan maudhu'i ne mai muhimmanci da kyawun gaske da ya kamata malamai ko ɗaliban ilmi masu bincike su yi rubutu a kansa, musamman a wannan zamanin da farautar imani ta zama ruwan dare, zamanin da mutum zai iya yini a salihi ya wayi gari a ɗalihi, zamanin da ba wani a cikin masu daraja da ake shayin daɓawa maganar da aka ga dama.
Mace halitta ce mai rauni komai kafuwarta a Sunnah dole ko ba-daɗe ko ba-jima -in dai har da soyayya- sai ta bi mijinta a cikin Aƙida da fahimtar addini. Don haka dole iyaye suna buƙatarsu kula sosai da wanda za su baiwa aure, domin su kuɓutar da ƴaƴan da AlLah Ya basu amana.
Za mu ɗauki wannan maudhu'i da Ummu Ammara ta ɗauko mu yi masa abin da ya dace da yardar AlLah.
Dalilin shine ita ta kalli maudhu'i ne ta ɓangarenta na wahabiyanci, da na bi littafin na samu laƙabi Ahlus-Sunnah tana nufin ƴan ɓangarenta ne banda sauran Musulmi. Mu za mu bi maudhu'in da adalci irin na ɗaliban ilmi ba masu taimako ko aiki ga fahimtarsu ta addini.
Ustaziya Ummu muna godiya da kika jawo hankula mu zuwa wannan maudhu'i mai muhimmanci.
__Abdullah Dumus
