Azzaitun Islamic foundation

07/08/2026

NASIHAR RANAR JUMA’A

RAYUWA, MUTUWA DA LAHIRA

Ya kai ɗan’uwa Musulmi, ka tuna cewa wannan duniya ba gidan zama na har abada ba ce. Mu baƙi ne a cikinta, kuma wata rana za mu bar ta, ko muna so ko ba ma so.

Mutum yana tarawa kamar zai dawwama, yana gina duniya kamar ba zai mutu ba, amma mutuwa ba ta tambayi shekaru, dukiya, matsayi ko shahara. Idan lokacinmu ya zo, babu abin da zai iya hana ta.

Allah Ya ce: “Duk mai rai zai ɗanɗani mutuwa.”
(Alƙur’ani 3:185)
Saboda haka, kafin ranar da za a ce maka: “Lokacinka ya ƙare,

ka gyara tsakaninka da Allah.
Ka yi sallah a kan lokaci.
Ka tuba daga zunubanka.
Ka nemi gafarar waɗanda ka zalunta.
Ka yafe wa waɗanda s**a cuce ka.
Ka taimaki mabukaci.
Ka kula da iyalinka.
Ka yawaita zikiri da salati ga Annabi ﷺ.

Kuma kada ka raina ƙaramin aikin alheri, domin watakila shi ne zai zama sanadin tsirarka ranar da ba dukiya ko matsayi zai amfane ka ba.
Ka sani: abin da za mu tafi da shi daga wannan duniya ba gidajenmu ba ne, ba motocinmu ba ne, ba kuɗinmu ba ne; aikin da muka aikata ne.

Ya Allah, kada Ka sanya duniya ita ce mafi girman damuwarmu. Ka kyautata ƙarshen rayuwarmu, Ka gafarta mana zunubanmu, Ka sa kabarinmu ya zama lambu daga cikin lambunan Aljanna, kuma Ka haɗa mu da Annabi Muhammad ﷺ a Aljannatul Firdausi.
Ya Allah Ka karɓi addu’armu.

JUMA’A MUBARAK!

07/08/2026

NASIHAR RANAR JUMA’A

Ya kai ɗan’uwa Musulmi, ranar Juma’a rana ce mai albarka. Ka yawaita salati ga Annabi Muhammad ﷺ, ka karanta Suratul Kahf, ka nemi gafarar Allah, kuma ka yawaita addu’a.
Kada ka bari damuwar duniya ta sa ka manta da Allah. Abin da ya wuce ya wuce, abin da yake gabanka kuma yana hannun Allah. Ka dogara gare Shi, ka kyautata zato gare Shi, domin Allah ba Ya tozarta wanda ya dogara gare Shi.
Ka yi ƙoƙarin yafiya ga waɗanda s**a cuce ka, ka kyautata wa waɗanda suke kusa da kai, ka taimaki mabukata, kuma ka kiyaye harshenka daga gulma da zagi.
Allah Ya sa wannan Juma’a ta zama sanadin gafarar zunubanmu, buɗewar alherinmu, warware damuwarmu, da karɓar addu’o’inmu. 🤲
Juma’a Mubarak! 🌹
Allah Ya yi wa Annabi Muhammad ﷺ da iyalansa da sahabbansa salati da aminci.

17/07/2026

SALLUU ALANABIYIL KARIM #

25/06/2026

TARBIYYAR YARA

Tarbiyyar yara wata babbar amana ce da Allah Ya ɗora wa iyaye da masu kula da yara, Yara su ne ginshiƙin al'umma, kuma yadda aka tarbiyantar da su tun suna ƙanana yana da tasiri sosai a rayuwarsu ta gaba,

Ya kamata iyaye su koyar da yaransu tsoron Allah, gaskiya, riƙon amana, ladabi da biyayya ga iyaye. Haka kuma su zama abin koyi gare su, domin yara suna koyo ne ta hanyar abin da suke gani fiye da abin da suke ji,

Allah Maɗaukakin Sarki Ya ce:
﴿يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا﴾
"Ya ku waɗanda kuka yi imani! Ku tsare kanku da iyalanku daga wuta." (Suratul Tahrim: 6)

Haka kuma Manzon Allah ﷺ ya ce:
«كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ»
Kowannenku makiyayi ne, kuma kowannenku za a tambaye shi game da abin da aka ba shi kulawa.
(Bukhari da Muslim)

Saboda haka. tarbiyyar yara ba wai ciyarwa da suturta su kawai ba ce, a'a, tana haɗa da koyar da su addini, kyawawan ɗabi'u da shiryar da su zuwa ga abin da zai amfani su a duniya da lahira,

Allah Ya sa mu dace da tarbiyantar da 'ya'yanmu bisa tafarkin Alƙur'ani da Sunnah,

24/06/2026

Rokon Allah,

Rokon Allah ibada ce mai girma wadda take nuna ƙasƙantar bawa da buƙatarsa ga Ubangiji na,

Allah Maɗaukakin Sarki Ya umarci bayinsa da su roƙe Shi, kuma Ya yi musu alƙawarin amsa. Allah Ya ce:
﴿وَقَالَ رَبُّكُمُ ادْعُونِي أَسْتَجِبْ لَكُمْ﴾
Kuma Ubangijinku Ya ce: Ku roƙe Ni, Zan amsa muku." (Suratul Ghafir: 60)

Musulmi ya kamata ya yawaita roƙon Allah a cikin sauƙi da wahala, domin babu mai biyan buƙata sai Allah. Lokacin da bawa ya ɗaga hannayensa yana roƙon Ubangijinsa da zuciya mai tsarki, yana samun natsuwa, kwanciyar hankali, da kusanci ga Allah,

Manzon Allah ﷺ ya ce:
«الدُّعَاءُ هُوَ الْعِبَادَةُ»
Du'a ita ce ibada.

Saboda haka, mu yawaita roƙon Allah da neman gafararsa, rahamarsa, da shiriya a cikin dukkan al'amuran rayuwar mu,

Allah Ya sa mu kasance cikin masu yawaita addu'a.

kuma Ya amsa mana roƙonmu,

23/06/2026

ROƘON AMANA

Yan uwa musulmi, amana wata babbar ni'ima ce da Allah Ya ɗora wa bayin sa,

Duk wanda aka ba amana, wajibi ne ya kiyaye ta kamar yadda Allah da Manzonsa ﷺ s**a umara,

Allah Maɗaukakin Sarki Ya ce:

Lalle Allah yana umartarku da ku mayar da amanoni zuwa ga masu su." (Suratun Nisa'i: 58)

Domin amana ita ce ginshiƙin zaman lafiya da ci gaban al'umma,

Allah Ya sa mu kasance cikin masu gaskiya da masu riƙon amana, Ya nisantar da mu daga ha'inci da yaudara,

22/06/2026

KISHI TSAKANIN MATA,

musamman a cikin aure ko tsakanin kishiyoyi yana iya tasowa saboda dalilai da dama,

daga ciki akwai:
Soyayya da ƙauna ga miji,

Idan mace tana son mijinta sosai, tana iya jin kishi idan ta ga yana nuna kulawa ko ƙauna ga wata,

Tsoron rasa kulawa ko matsayi,

Wata macen na iya jin tsoron kada miji ya fi karkata ga wata ya rage mata kulawa.

Rashin adalci – Idan aka ga akwai bambanci a rabon lokaci, kuɗi, kyaututtuka, ko kulawa, hakan na iya haifar da kishi,

Halin ɗan Adam – Kishi wani abu ne da Allah Ya sanya a cikin ɗabi'ar mutane, musamman a tsakanin ma'aurata,

Kwatanta kai da wata – Idan mace tana yawan kwatanta kanta da kishiyarta, hakan kan ƙara mata kishi,

A Musulunci, an san cewa mata suna yin kishi. Har ma matan Annabi ﷺ sun yi kishi a tsakaninsu,

Amma abin da ake so shi ne a sarrafa kishin cikin hikima, a guji zalunci, cin mutunci, ko tada fitina.
An ruwaito cewa Annabi ﷺ ya ce game da Sayyida A'isha (RA):

"Lallai kishi ya same ta."

Wannan yana nuna cewa kishi abu ne na dabi'a, amma ya kamata a kiyaye iyakokin addini da adalci,

Allah ya san yaya zukatan mu, ya kuma bamu daman danne ta a lokacin da taso kubuce mana,

22/06/2026