Datai Muji Tuhan

01/02/2014

Galatia 3:1-5
+
Kita orang Galatia amat beli! Sapa udah ngasuh kita beli? Kita udah dipadahka enggau terang pasal Jesus Kristus ke diregang. Awakka aku nanyaka tu ngagai kita: Kati kita nerima Roh Allah Taala laban kita ngasika Adat, tauka laban kita ninga lalu arapka utai ti didinga kita? Nama kebuah kita beli baka tu? Kita udah belabuh ngena Roh Allah Taala, kati kita diatu deka ngujungka nya ngena pengering mensia? Kati utai ti udah diasaika kita nya nadai reti magang ba kita? Enti utai nya amat nadai reti.Kati Allah Taala meri kita Roh Kudus lalu ngereja kereja ajih ba bala kita laban kita nitihka Adat, tauka laban kita arapka utai ti didinga kita?

26/12/2013

Bacha ari Injil ti ditulis St John ( 1:1-14)
Ba pun iya kelia, Jaku endang udah bisi. Jaku nya enggau Allah Taala, lalu Jaku nya endang Allah Taala. Iya endang enggau Allah Taala kenyau ari pun. Semua utai digaga ulih Iya; enti nadai Iya, nadai utai ti udah digaga ulih digaga. Dalam Iya bisi pengidup lalu pengidup nya meri penampak ngagai semua mensia. Penampak nya manchar dalam pemetang, lalu pemetang enda ulih ngalahka iya. Siku orang dikirumka Allah Taala. Nama iya John. John datai besaksika pasal penampak nya ngambika, ulih iya, semua orang tau arap. John empu ukai penampak, tang iya datai ngambika iya besaksika pasal penampak nya. Penampak ti bendar ti meri penampak ngagai genap iku mensia, bisi datai ngagai dunya. Iya bisi di dunya, lalu dunya digaga ulih Iya. Tang taja pia, dunya enda ngelala Iya. Iya datai ngagai menua Iya Empu, tang bansa Iya Empu enda nerima Iya. Tang semua orang ke nerima Iya, ke arapka nama Iya, diberi Iya kuasa nyadi anak Allah Taala, ke diadaka Allah Taala, ukai diadaka mensia, tauka ulih peneka mensia. Jaku nya nyadi mensia, lalu diau begulai enggau kitai, lalu kami udah meda mulia Iya, mulia Iya ke nyadi Anak Tunggal Apai, ke penuh laban pengasih enggau pemendar.
Tu Jako Allah Taala

09/12/2013

1 PETER 1:13-16
+
Nya alai awak ka runding ati kita besedia ngereja pengawa. Selalu bejaga lalu ngadang ka diri nyambut pengasih ti deka diberi ngagai kita leboh penatai Jesus Kristus. Diau baka anak ti ngasi, lalu anang ngasoh pendiau kita nitihka pengingin kita empu baka leboh kita apin nemu utai. Tang nyerah ka diri ka pendiau ti tuchi, baka Allah Taala ti ngangau kita endang tuchi. Ko Bup Kudus, " Awak ka kita kudus laban aku endang kudus."

07/12/2013

( MARK 11:25,26 )

02/12/2013

Beri puji ka Tuhan! Naka meh pemanah iya ti mandang ka pengerindu diringagai aku, lebuh aku dikelulong lalu di amok munsoh! Aku takut lalu berunding, ngumbai diri udah dibuai nuan. Tang nuan ninga kangau aku, leboh aku ngangau minta saup nuan. Rindu ka Tuhan, samoa anembiak iya ti tetap! Tuhan ngibun orang ti tetap, tang ngukum sida ti sumbong. Kering ka ati enggau pemerani kita, samoa kita ti arap ka Tuhan!
( MASMOR 31:21-24)

30/11/2013

SEMBIANG TAUN NGEREMBAIKA PENGARAP
+
Allah Taala ti penuh pengasih
ulih Anak nuan Jesus
nuan ngaga kami
nunda gamal nuan, sereta murih nuan
lelaki enggau indu
lalu ngasuh kami nyadi siti tubuh,
bebuah lebat sereta beranak betelesak,
ngambika kami nemu nuan
lalu nengah kami, orang bukai mega
nemu nuan Apai kami ti rinduka kami.

Ngena pengarap ti diidupka baru dalam pengidup enggau nuan
enggau dalam pengerindu nuan ti nadai sekat
dipandangka nengah Jesus Kristus, Anak nuan,
kami bebendar ngaga gerija nuan, pengantin iya
nyadi siti tanda pengasih nuan
enggau nyadi siti saksi pementas nuan.

Awakka Roh Kudus nyaup kami nanka pengudus kaul dalam tikah
ti nyadi tanda sempekat nuan enggau kami
lalu mai kami mansang nyadi siti gerija ti angkunka
ruang bilik nyadi siti tanda kami beserakup enggau nuan, sereta enggau diri sama diri.

Ulih Kristus Tuhan kami. Amin.

29/11/2013

Beri Terima Kasih ka Tuhan, laban iya endang badas; pengerindu iya meruan belama! Enggau aku meri puji ka Tuhan, samoa kita ti udah dilepas ka iya. Iya udah ngidup ka kita ari munsoh, lalu mai kita pulai ari menoa bukai, ari timor enggau barat, ari utara enggau selatan. Sekeda tepejoh di menoa puang ti nadai bebatang jalai, lalu enda nemu ngiga jalai nuju ngagai nengeri endor diau. Sida lapar sereta aus, lalu enda nemu daya agi. Leboh kena penusah sida ngangau ngadap Tuhan, lalu iya ngelepas ka sida ari penusah.

28/11/2013

JAKU ALLAH TAALA.

28/11/2013

26/11/2013

Masmur 1:1-6
+
Beberekat meh orang ti enda nitihka penemu orang ke jai, lalu enda nitihka teladan orang ke bedosa ti enda begulai enggau orang ke ngeleseka Allah Taala, tang gaga ati ke Adat TUHAN, lalu belematika Adat nya siang malam. Orang nya baka kayu ti ditanam ba tebing sungai, ti bebuah ninting musin lalu daun iya nadai kala layu. Iya mujur dalam semua utai ti dikereja iya. Tang orang ke jai enda baka nya. Iya baka rumput ti rangkai ti dikebuka ribut. Nya alai orang ke jai deka diukum Allah Taala lebuh sida diakim, lalu orang ke bedosa deka diseraraka ari orang ke lurus; laban TUHAN deka ngintu orang ke lurus, tang jalai pengidup orang ke jai deka dirusak..