Gereja Methodist Iban Sungai Setulai

14/02/2024

Sembiang Ari Tiga Abus, Rh. Ronnie Ugat, Sungai Setulai

13/02/2023

Selamat Ari Pengerindu,Tuhan merekat ke kitai semua🙏

09/02/2023

29/01/2023

Puji Tuhan
Sembiang Minggu & Aum Gereja Menua diketuai Rev.Limbai Banyang udah mujur diatur ba GMI,Sungai Setulai
#29.01.23

26/01/2023

Puji enggau terima kasih diberi ke Nuan Tuhan ti Allah Taala kami tegal berekat Nuan kami ulih dani pagitu. Ampun penyalah kami Tuhan lalu saup kami sama ngampun pangan diri lalu rindu ke pangan diri baka Tuhan rindu ke kami. Terima kasih ke jaku Nuan Tuhan ke ngingat ke kami semua utai ke nyadi endang udah diletak Allah Taala. Nya alai saup kami nangi ke Allah Taala lalu enda temegah ke pemisi, penau, pemandai enggau utai bukai ke dikemisi kami. Saup kami diau baruh ati, liat ati lalu tetap dalam pengarap ba Nuan siku aja. Tuhan Nuan nemu nama utai ke nyadi ba menua kami ba timpuh tu. Keadaan nya agi sama lalu asai makin membebankan rakyat taja kami seruran besampi minta Nuan ngerai ke menua kami. Tang taja piak awak ke semuanya enda ngelemi ke pengarap kami laban kami bisi Nuan ti Tuhan enggau raja pengelepas kami. Kami besampi minta Nuan meri ke kami ati ti ka berubah ukai semina minta pengubah. Ngambi ke kami ulih idup ba chara ke baru ke ulih nagang pengingin ati kami lalu bela meransang pangan diri lalu diau dalam pengelurus Nuan. Awak ke mulia Nuan mengkang dalam pengidup kami lalu ulih dipeda nengah kami. Terima kasih Tuhan. Awak ke pengasih Nuan meruan ngintu sereta nyaga kami saritu laban kami sigi beserah ba Nuan ti raja ke bempu pengidup kami. Kami nyerah ke sampitu dalam nama Jesus Kristus ti ngajar kami besampi, Sampi Tuhan Jesus .Amin

19/01/2023

Puji Tuhan! Terima kasih Tuhan tegal ngenani ke kami pagitu. Tuhan! Mulia ke Nuan Tuhan ti pengelepas enggau pengadang kami. Tuhan! Kami ngaku Penyai ti dikereja jari, jaku enggau pikir runding kami udah nyeraraka kami ari Allah Taala. Dosa tu mega udah ngelalai ke mua Nuan ari kami lalu nyempal pending kami ninga jaku Nuan. Kami minta pengasih Nuan ngampun kami lalu ingat kami ngelengka ke semua penyalah nya ba kaki regang Jesus Kristus. Tuhan kami percaya Nuan ninga ke kangau sampi kami enda bengal lalu pengering Nuan ulih ngelepas ke kami ari dipekuh dosa. Terima kasih Tuhan. Tuhan tetap ke kami nyembah, ngasi, nangi sereta bebasa ke Allah Taala ke Tuhan kami awak ke kami enda dirusak laban Allah Taala kitai api ti tau ngerusak .
Hebrew 12:29. Tuhan kami besampi ke semua orang ti arap bela mansang dalam perintah Nuan, enti kami mantul peransang kami, enti kami rebah angkat ke kami.
Iring kami nitihka pesan Nuan, lalu asuh ati kami inginka adat Nuan, ukai inginka pengaya dunya aja. O TUHAN, selamatka kami munyi ti udah disemaya Nuan;
Masmur 119:41 Terima kasih Tuhan. Kami besampi nyerah ke sida ti sakit enggau nunga penusah sereta kusut runding ngagai Nuan. Tuhan ba timpuh ke bakatu kami mensia mudah lemi dalam pengarap ke ngujung ke ati kami bisi ragu ragu ke hadirat Tuhan. Sekali agi ampun kami. Nya alai penuh ke kami enggau roh kudus Nuan awak ke kami ngasai ke dikemaruka sereta dikeringka lebuh nunga utai ke bakanya lebih sida ti sakit. Tuhan ayan ke kuasa ajih Nuan atas pengidup sida lalu kemujur sereta berekat ke semua macam jalai sida diperubat awak ke sida tau digeraika. Tuhan kena sida nyadi saksi Nuan ti idup. Terima kasih Tuhan. Kami nyerah mega sida ti ngintu sereta merubat sida enda milih nya pekerja perubat tauka sebilik sida. Tuhan penuh ke sida tu enggau buah roh kudus Nuan awak ke sida ti sakit ngasai ke pengasih Nuan dalam sida nempuh masa ti mar sereta pedis. Kami nyerah ke sida ngagai jari Nuan Tuhan enggau pengambis ati. Awak ke pengasih enggau pengerindu Allah Taala ngiring sereta ngintu pengidup kami saritu datai ke belama ya. Kami nyerah ke sampitu dalam nama Jesus Kristus ti ngajar kami besampi "sampi Tuhan Jesus " Amen

18/01/2023

Allah Taala Apai, Allah Taala Anak enggau roh kudus. Gaga ati kami datai ngemulia sereta ngemesai ke nama Nuan Tuhan laban Nuan Raja ke bekuasa atas semua utai di dunya tu, ke ngatur tauka ngaga plan pengidup semua utai ti idup di dunyatu. Terima kasih Tuhan! Tang kedulu kami sigi minta Nuan ngampun kami lalu nuchi penyalah kami ngena darah anak domba ke besembur ba kayu regang. Awak ke kami ulih tama perintah Nuan ti kudus. Terima kasih ke jaku Nuan Tuhan. Semua utai ke nyadi ba menua kami baru magang bagi kami mensia tang ba Nuan enda Tuhan. Tuhan udah dulu nemu semua utai laban pengidup kami udah diplan Nuan.
Pagitu kami besampi kedulu kami besampi ke semua raban gerija Nuan awak ke seruran deka datai muji nyembah sereta berandau Nuan nengah puji sembah, sembiang enggau sampi kami awak ke kami meruan bisi kaul enggau Nuan ti Tuhan kami. Tuhan taja Nuan bisi plan ba pengidup kami sereta Nuan nemu nama utai ti ka nyadi tang beguna ba kami besampi minta enggau terima kasih. Anang ngasuh kami leju besampi, ingat ke kami cerita Jesus pasal sempama indu balu ke minta tolong hakim ba Luke 18:1‭-‬8 .
Besampi mega ke semua gerempung gerija enda milih denomination awak ke rajin begempuru besampi tauka bisi group besampi ba setiap gerempung gerija ngambi ke bisi ngangat ke api pengidup roh ba tiap gerempung.
Besampi ke sida ti nadai daya tegal pengelemi tubuh nemu ke nyau tuai umur, sakit, timpang pendiau, enggau ke bukai . Tuhan ingat ke sida seruran besampi berandau enggau Nuan awak ke sida bulih pengaga kelimpah utai ti diasai sida lalu pengasih Nuan deka nyaut sampi sida. Kami ngasai nadai daya tang kami bisi pengandal enggau pengadang ba Nuan ti Tuhan ke selalu menyertai lalu ngelindung kami.
Terima kasih Tuhan. Kami tetap bepanggai ba Nuan nya alai dinga ke sampi kami lalu sambut nunda ke peneka Nuan. Semua tu kami nyerah ngagai Jesus Kristus ti pengelepas kami ke ngajar kami besampi, Sampi Tuhan Jesus. Amin.

12/01/2023

Luke 4:8

10/01/2023

Shalom.
Menyadi dalam Kristus.
Beberekat mih kita ti meruan arap.

"Nya alai bediri kita, lalu tanchangka pemendar nyadika belulang ba punggung kita, enggau pengelurus nyadika terabai dada kita, enggau ati ti seruran sedia deka nusui Berita Manah pasal pemaik, nyadika kasut kita"

Epesus 6:14-15

Terima kasih TUHAN.
Haleluya. Amin.

09/01/2023

1 korint 13:13