ECCM

11/08/2024

Zefaniah 1:19
“Lawki mite bangin
biakinn sungah a lamte,
khemna le thahna tawh
a ngah uh vante tawh,
a t**a uh’ inn a dimsakte khempeuh,
tua ni mahin gim ka pia ding hi,”
a ci hi.
(Hih pen simdan a nuam ding leh a tel nop dingin gual kik leeng a nuai aa bang hi.
[[ “Lawki mite bangin biakinn sungah a lamte, tua ni mah in gim Ka pia ding hi.

khemna le thahna tawh a ngah uh vante tawh, a t**a uh’ inn a dimsakte khempeuh, tua ni mahin gim ka pia ding hi,”
a ci hi. ]]

En un hialai, khangno te biakinn ah hong laam ta! ci-in la kiphuak, thu ki hilh uh hi. Hih pen Pasian' muhdah te thapiakna ahi hi.

Lawki bangin biakinn sunga laam laam te a mudah T**a hi aa..
Mudah lo thamlo in, tha apia pen tuabang aa la a phuakte leh Biakna thuhilh te ahi hi.
(David laam hi ci mawkmawk uh hi, Biakinn sung aa laam laam te Ka mudah cibek hi, David pen Biakinn sungah laam laam cilo hi.!!)
Thamlo in Zeisu leh 12 te laamna kigelh lo, laam un cih thu hilhna kigelh lo hi!!!

Tua laphuak te leh biakinn sung aa laam laam te, laam na ding thu ahilh, tha a pia te zong T**a' muhdah te sazian ah kihel khin hi.
Biakinn sunga laam te Pasian phat aa laam hi ci mawkmawk kei ni. Zefaniah a buppi in sim ni. Tua sung aa a gen; "Biakinn sung aa laam laam te" zong Pasian bia mah aa laam uh ahi hi cih thu phawk ni.
LST mun tampi ah laam na a om hangin, Biakinn sungah laam na ding hilhna, Zeisu leh 12 te gamtat na ah laam na a omloh na leh Biakinn sung aa laam na thu a hoih lam in gen na mun khat beek omlo hi. A muhdah huai in gen zaw hi!.

06/10/2023

Biakna zahtakna Nam4
************************
1.A SUNGLAM LUNGSIM TAWH

A sunglam kici lungsim tawh biakna zahtakna cihna in.."Tua thute,tua gamtatna te,tuabang pauna te,tuabang lungngaihna te pen T**a Pasian in hoihsa loding hi.."ci-a kikep ding lungngaih theihna pen SUNGLAM KICI LUNGSIM tawh biakna zahtakna ahi hi.

2.A PUALAM KICI PUMPI TAWH

Lungsim sungah Pasian deih leh deihloh thu theitel aa pumpi in zong ahoih dingte ah gamtatzawh na'ding hanciamna pen A PUALAM KICI PUMPI TAWH biakna zahtakna ahi hi.

3.GAMDAIHNA KICI KHATGUAK CIAT A HIHNA TAWH

Ei ma ki-tangsapna khatpeuh pen midang te muhlohna mun ah ei guak in T**a mai ah khukdin in thungen aa thumna pen GAMMDAIHNA KICI KHATGUAK CIAT A HIHNA TAWH biakna zahtakna ahi hi.

4.PAWLPI KICI MIHONPI TAWH

Pawlpi mimal tawh kikhawm in T**a maipha zong a thungetna pen PAWLPI MIHONPI TAWH biakna zahtakna ahi hi.

Copy by..(ECC Pawlpi kalsuanzia laibu)

05/10/2023

SEP THAMAN(KHASUM)

1 KORIN 9:7
Kuamah in ama sum bei-in galkap na sem lo uh hi. Leenggui suan napi-in a leenggah a ne lo kuamah om lo hi. Tuu cing napi-in a tuunawi a ne lo kuamah om lo hi.
(( Lo nei te in nasem te' sep thaman a hilo, gim leh tawl man nek leh dawn a piak bangin, hong huh un cih nopna hi. Khasum hilo hi. Sep THAMAN pen Van ah om hi. Gim leh tawl man, nek theihna pen Leitung hi.))

1 KORIN 9:9
Bang hang hiam cih leh Moses Thukham sungah, “Buh a cil bawngtal a muk na tuam kei in,” ci hi. Hih bang a gen ciangin Pasian’ lunghihmawh pen bawngtalte hi zenzen lo hi.
(Hong huh un cihna hi, bawng in a sep thaman nelo.Bawng nei a t**a in ne hizaw hi.)

1 TIMOTI 5:17
Pawlpi sungah ukna le makaihna siamin, thuhilh le thugen hahkat tawh a thuah upate pen thaman a zah nih piak dingin kilawm hi.
(Huhna a zahnih piak ding a genna.)

"Khasum zong gilpi mah ah a tung hi aa, letsong/ huhna zong gilpi mah ah tungveve hi. Bang kilam dang hiam? Gilpi ading tuak hi veve hi. Tua ahih manin Khasum i pia zongin khialhna omlo hi" ci-in ki telkhial thei hi.
Gilpi ah tung cih ziau ziau tawh thu sianglo hi. A thulu i et ding kisam hi.

A Thulu leh a tunna mun uh
(1) Khasum--Gilpi ah tung
(2) Huhna, Cit piak--Gilpi ah tung
(3) Guk-sum, tawh pia--Gilpi ah tung
(4) A sianglo sum te pia--Gilpi ah tung

Zatui(khamtheih guihtheih) zuakna, numei kizuakna, thauvui thau tang zuakna, a maan lo ngahna pan a kipia SUM om ngei khin aa, omlai hi.
A citak nuam te in, a sianglo sum te ne nuam ding hiam? Ne nuamlo ding hi. Tua ahih manin gilpi aa tum veve kibang hi cih thu a maan hiam!!
Gilpi aa tum veve ahih hangin a thu namtui mah ki ne nuam veve sam hi. Hong ki bum na an thei p**i in nelo ding hi hang.!!
Mi khat in, an ne in hong cih hangin neekngaihna a omlo sawlna zong a om thei hi. Mi innkuan ki tot lawh liangin hong kipia sum leh nek theih te zong i duh kei hi. Cidam huai lo i ci hi.
Bang nam te i ne thei ding hiam cih thu en ding hi hang.
I thalawh sa te, sum tawh i lei te leh cit na tawh hong kipia hong kihuh, a siangtho na te nek namtui hi.
Pasian' thu i zak cilna (Zeisu pan i ngah pen) pen i thalawh hilo ahih man in i neek ding omlo hi. I ngahna limlim a khawn khong hi zaw hi. A khawnkhong in i ngah pen, SUM i san leh SUM-MEET-BAWL cihna ahi hi. Zeisu' sisan sum-meet-bawlna suak hi.
T**a Zeisu in Sisan tawh hong lei THAMAN pen Pasian in min ngaih pen, Kumpi za pia hi. Sia te in a neek na ding un Sisan tawh hong lei lo uh hi.
Siate' THAMAN Van ah om hi. Leitung ah gim leh tawl na hangin neek pak ding thu om hi. ((Lo nei pa in lo nasem te nek leh dawn a piak tawh kibang hi. Gim leh tawl THAMAN hi napi in, sepna THAMAN PI TAKTAK a tuam in om lai hi.))
Tua ahih leh tuucing Sia te in bang ne ding, bang dawn ding hiam, Khasum lah sang lo mawk uh aa?
T**a Zeisu in bang ne ding, bang dawn ding lung himawh kei un, zentail mite in tua te lung hihmawh in a neih uh ahi hi na ci hi.
Lunghimawh kei leeng van pan hong kia ding ahi hiam?
Lung himawh kei un hong cih ngam leh, hong khap sa khat in hong zuih loh phamawh ahi hi. T**a Zeisu' in, "na kisap lamtak uh na PA un theikhin hi" ci hi. Vasa te a vaak Pasian in mihing te hong vaak lua hi. Ei' lung gimpih kul lo hi. Pasian in hong s*k ding hilo ahi hiam!!!!
Biakna Sia lah sem nuam, gilpi vai ah lung himawh nuam te in T**a Zeisu' kammal um ngam taktak lo, muang ngam taktak lo cih na a Gah in kimu thei pah hi. Mite' tung ah Zeisu' kammal um un, muang un ci in a gen lam sang siam pha mahmah napi, amau mahmah in umlo,muanglo pah ma-lam uh hi. Tua bang Sia te thu gen a up huai ding hiam!!!
Tua ahih leh Biakna Sia te in bang lungsim puakzia neih kul hiam?
Pasian in a nasem pa mangngilh lo ding hi. Vasa te a vaak Pasian in a nasempa hong vaak ding hi cih upna leh muanna kisam masa hi.
Pasian' nasem zong a hilo, zuu kham kham aa om papi khat in a zi a tate vaak lo lua kisa in ama gilpi zong mite ii vaak sa ahi hi. Tua zuu khampa ii zi leh ta te' neek ding kua in vaihawm hiam cih leh, Pasian in zuu kham pa' zi leh ta te a huh a vaak ding mi na sawl hi.
Zuu kham kham pa' zi leh tate Pasian in mihing te mah zangin KHASUM zong ahilo HUHNA/PANPIHNA tawh vaak ahih leh!!!!!!!!!!!!
Zuu tawh nungta hilo in Pasian' Kammal LST tawh a nungta mi, a nasempa ii zi leh ta te Pasian in ...koih khong in i um hiam!!!!!!
Hih a tung a gentehna i tel taktak leh, KHASUM cici nawn lo in ..PASIAN IN HONG SIKK DING HI cih ding ahi hi.
Khasum omlo in, zi leh ta bang tawh vaak ding na cih lai siah, T**a Zeisu' kammal laivuan bang hi lecin na kia khin hi!(ong lo cihna) KHASUM na mitsuan lai teng na lungsim sung ah mun hong luah pen ..Pasian' thu hilo in, "LEITUNG SUM" ahi hi.
Pasian' nasem te la ding pen Hymn labu 99. ah, "Leitung sum ke'n ka deih kei hi" na ci hi. SUM tawh buailo lua cihna hi.!!!
Paul in galkap, tuu khawi, bawng kam tuam thu te a gen ciangin, SUM tawh buai te mah in KHASUM sa kha pah pah uh hi.
Paul thu gen, a thu luanzia hi bang ahi hi. Sum thalawh nasep hong sem bang hi leng tua galkap te ngah zah nong piak ding uh hi. Ahi zongin SUM thalawh hilo ka hih na na tel na dingun, a beisa kong la kei, tu in zong kong la kei, mailam ah zong kong la kei ding hi na ci hi. ((Lo neipa in lo nasem te an a vak pen piak khong hi aa, SEP THAMAN a tuam in om hi. Tua mah bangin Paul ii SEP THAMAN van ah om hi. Paul in a nget pen, lo neipa in lo nasem te tung ah, a khong in a piak nek leh dawn pen tawh a paizia kibang hi.))
Note kha an hong vaak ka hih man in, hong huh ta peuh un a cihna hizaw hi. Huhna leh Khasum kibang lo hi.
Sawltak dang te mah bangin ke'n zong ka ngah ding kilawm hi a cih na mun pen zong KHASUM a gen hilo hi.
Sawltak dang te na huh mah bangun kei zong hong huh un a cihna ahi hi.

02/10/2023

Tuuno' Laibu pi leh SuangKaang"
+++++++++++++++++++++++++

Mikhempeuh a mau' gamtatna tawh kizui in thu hong khen ding hi. Tua pen Tuuno' laibu sung ah ki ciamteh hi. I gen nop na ah Tuuno' laibu pen bukhat bek hi zenzen lo hi. Mikhempeuh a gamtatna te a ki ciaptehna zong Tuuno' laibu mah hi aa, Hell lut ding te zong Tuuno' laibu te lak pan a mun dang khat ah kigelh hi. A dang khat ah Gupngah te kiciamteh hi. A dang khat ah Zeisu a nial te leh a nungtolh kik te ki ciam teh hi.
Zeisu' khut sung pan kua mah in a suh kik zawh loh a cih pen, min kigelh khempeuh hi zenzen lo hi. Gtn, Zudah Siakazoh( Judas Iskariot) bang pen Zeisu' khut sung ah omlo, Satan' khut sung ah om hi.
Zudah Siakazoh lo siah nungzui 12 te Zeisu' khut sung pan kuamah in sut zolo hi. Bang hangin Zeisu' khut sung pan kuamah in sut zolo hiam cih leh, amau te KST tawh kidim uh hi. Eite zong KST tawh kidim zo hi le hang kuamah in hong sut zolo ding hi.
A kisut zo te kua te hiam cih leh sapna ngahnapi, Zeisu' khutsung pan a vak khia Zudah Siakazoh dan te pawl ahi hi. Kha thu ah vak hat, upna, zuihna kician a neilo, Upna khat peuhpeuh a ci ziau ziau, Sia khat peuh peuh a ci ziau ziau te ahi hi.
Mi khat in Zeisu honpa in a san ma, a min Tuuno' laibupi lak pan Zeisu a sanglo te ki ciaptehna ah om aa, Zeisu a san phet in ama min Tuuno' laibupi lak pan Gupngah te ki ciapteh na ah kigelh pah hi. Tua min pen kuamah in phiat kik theilo ci bek hi. Ahi zongin a gelhpa in phiat kik thei ahih na Mate 7:21-23 ah kimu thei hi. A min kigelh lua kisa in KST vaangliatna te ngah khin uh hi. Ahih hangin Zeisu in tua KST vaangliatna a ngah mite hemkhia ding hi.(min kigelhsa hemkhia cihna)
Min kigelhsa a kihemkhia nawnlo ding namkhat bek om hi.
Maangmuhna 2:17. Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.
Hih mun sim lehang Tuuno' laibu hilo hi. Suangkang thu ahi hi. Tua suangkang tung ah a minthak a kigelh te bek Van gamnuam lut peelmawh ding hi. Mi khat in Zeisu a san khit phet in Gupngah min ciaptehna Tuuno' laibupi ah ki ciamteh pah hi. Tua mipa,mi nu asih ciangin, mawh baanglo ahih leh a sih khit nung, thawhkik ni ciangin suangkaang min kigelhna kipia ding hi. Theih ding: tua suangkaang min kigelhna pen a piapa leh angahpa bek in thei ding hi ci in LST ah kigelh hi.
Vantung ah min hong sap lai tak ci in i sak zeel labu, a kigelh hiam ka min ci aa i sak zeel labu ii a deihna taktak pen Mangmuhna 2:17 sung ah, "suangkang tung ah a minthak a kigelh te" vantung ah min hong sam ding hi. Tua thu labu nambat 348 ah, Tua ciang a Pa Pasian' mai ah ka min hong sam ding aa na ci leu leu hi.
A Pa Pasian' mai ah min hong sap ding te, Gupngah min kigelh te cih hilo in, suangkaang tung ah min kigelh te na hizaw hi.

Gupngah min kigelh te ahih leh vangamnuam lut theiding..Dingding acih ciangin lut peelmawh cihna hi nailo hi. Lut thei, lut khalo thei hilai hi. Mate7:21-23 min kigelh sa ki hemkhia ahih man in lut khalo pawl ahi uh hi.
Tuuno' laibu cih thu i tel na ding, Gupngah te kiciaptehna bu, Hell lut ding te kiciaptehna bu, mimal i gamtatna kiciaptehna bu, Pelhlo in Vangamnuam lut hamtang ding te Suangkang tung ah a min kigelh hi cih thu te leh ciaptehna thu tawh kisai te, vangamnuam lut ding te leh lut lo ding te' thu ..

Mangmuhna a lian 2 buppi, a lian 3 buppi, a lian 5 buppi, a lian 6 buppi, a lian 7 buppi, 13:8; 13:17-18; 14:1-11; 17:3-8; 20:11-15; 21:7-8; 21:27; 22:3-4; 22:14-15

06/02/2023

04/02/2023

CHURCH OF CHRIST( ECCM )

A 41 veina kumcin khawmpi ( Saturday,Feb 4,2023,Kawlpi)zingsang biak kikhopna T**a'n nuamtak in ongzawhpih ahihman in T**a tung lungdamna lianpi ihko hi.

Hidan hunciang in nuam mahmah in ki khalum mahmah aa,nuam kisa Tek mah napi Ong ki helzo nawnlo khalam ah an ongvak uh ahi ih Sia te..
Rev.Sia En Za Khup (Sun,July 11,2021)
Rev.Sia Hau Khan Khual( Mon,July 26,2021)
Rev.Sia Do Za Kap (Sat,Nov 5,2022)
amau te ihphawk mahmah hi.

Ong dampih Lai Ih Sia te ih Upa te zong T**a'n Ong cidam sak hen!

26/07/2021

"Leitung ci leh sa hihna tawh dahna pulakna"
😢😢😢😢😢😢😢😢😢😢😢😢😢😢😢

ECCM gambuk bawlpi in ihmuan leh ih zahtaak mahmah ahi in (11,7,2021)ni in leitung ci le sa hihna tawh a It mahmah a innkuanpih te leh a vei mahmah a pawlpi mi khempeuh ong nusiat ihdahna zong veng nailo in Tuni(26,7,2021) in in a tenna Leilum pan in Leitung ci le sa hihna tawh ana asepsak PA kiang ah ongciah san leuleu ahih man in nakpi tak in ihdah mahmah hi.

"Na nasemding mithupi ongpian khiat nading a kituh khaici ong hisak in T**a aw🙏🏻🙏🏻"

29/06/2021

Ei Zomi Biakna sia atam zaw ii gengen 1/10 pen ei Zomi te genloh khempeuh inzong nekkhuan omlo aa minam sungpan suan mite bek in nek khuan om...Tuhun pen hehpihna hun hita aa aanaa tawh kalsuan hun hi nawnlo hi.

Note:nekkhuan omlo pi nanek leh kuakua kisai lo siding hi.

Vd

19/05/2021

LAI SIANGTHO Min Leh A Gelh Te
📝📝📝📝📝📝📝📝📝📝📝📝📝
Laibu min a gelh te
Piancilna - Moses
Paikhaitna - Moses
Siampi laibu - Moses
Gamlak vakna - Moses
Thu hilhkikna - Moses
Joshua - Joshua
Thukhente - Samuel
Ruth - Samuel
Samuel masa - Samuel
Samuelnihna - Samuel
Kumpi te masa - kumpi tuamtuam
Kumpi te nihna - kumpi tuamtuam
Khang tangthu masa- kumpi (tuam)2
Khang tangthu nihna-kumpi( tuam)2
Ezra - Ezra
Nehemiah - Nehemiah
Esther - Mordekai
Job - Job
Late - David & mi pawlkhat
Paunak -, Solomon
Thuhilhna - Solomon
Solomon la - Solomon
Isaiah - Isaiah
Jeremiah - Jeremiah
Kahla - Jeremiah
Ezekiel - Ezekiel
Daniel - Daniel
Hosea - Hosea
Joel - Joel
Amos - Amos
Obadiah - Obadiah
Jonah - Jonah
Mikah - Mikah
Nahum - Nahum
Habakkuk - Habakkuk
Zefeniah - Zefeniah
Haggai - Haggai
Zekhariah - Zekhariah
Malakhi - Malakhi

Matthai - Matthai
Marka - Marka
Luka - Luka
Johan - Johan
Sawltak tangthu - Luka
Rom - Paul
Korin masa - Paul
Korin nihna - Paul
Galati - Paul
Efesa - Paul
Filippi - Paul
Kolose - Paul
Thesalonika masa -Paul
Thesalonika nihna -Paul
Timoti masa - Paul
Timoti nihna - Paul
Titus - Paul
Filemon - Paul
Hebru - Paul & Apollo
James - James ( Jesuh nau )
Peter Masa - Peter
Peter Nihna - Peter
Johan masa - Johan (nungzuipa)
Johan nihna - Johan (nungzuipa)
Johan thumna - johan( nungzuipa)
Jude - Jude ( Jesuh naupa)
Mangmuhna - Johan( nungzuipa)