Malaysia Mizo Community

30/04/2026

📢Tlangau 📣

1st May 2026 Labour Day niahte hian UNHCR, ACR leh MMC office-te chu ni dang ang bawkin tlawh luh theih a nih tur thu leh khar a nih dawn loh thu mipuite kan inhriattir a ni e.

Duhsakna nen:

20/04/2026

ACR-ah Heng a hnuaia mite hi a zir theih dawn
14 May 2026 aṭang hian ACR-Pudu Refugee Centre ah ṭawng (Language) leh k*t thiam thil hrang hrangte a zir theih leh dawn a. A hnuaia thlalakah hian zir theih turte leh a hun leh ni bakah zir mante pawh tar lan a ni. A enga pawh I rilru luh zawng a nia I zir duh a nih chuan ACR Office-ah kalin hming va pek vat mai tur a ni ang. Hre chiang duh tan 016-857 8522 ah mizo ṭawnga zawh fiah theih a ni ang.
Zir tur te:
1. Chinese-Mandarin (Speaking & Writing)
2. English (Speaking & Writing)
3. Nail Art (Kuttin rawng chei mawi)
4. Baking (Chhang siam)
5. Hairdressing (Sam siam)
Mitinte nitin hna tluang taka inthawh ṭheuh theih nan Lalpa malsawmna lo dawng zel turin leh man thei leh misual laka Lalpa’n min veng him ṭheuh rawh se.

Duhsakna nen

15/04/2026

ACR Office Khar Dawn

A hnuai thlaka tar lan tak ang hian nihnih chhung ACR Office Staff-te nihnih awh Out reach Activities neih a nih dawn avangin 17-18 April 2026 (Thursday & Saturday) te Office khar a ni dawn a. Mamawh leh pawimawh neite chuan heng tar lan tak niahte hian office a dawr theih dawn loh a ni tih kan inhriat tir a, hriat duh emaw zawh duh nei kan awm a nih chuan hotline number-ah zawh theih leh biak theih reng a ni e.

Duhsakna nen

09/04/2026

MEMBER-TE HNENA HRIATTIRNA
~~~~~~~~~~~~~~~~~~~~~~

Malaysia rama ral tlan zofate’n kan hriat tur pawimawh zual te:
Malaysia ram chhungah khawi kawng aṭang pawhin nise kan rawn lut ve rawih a, lehkhabu fel fai tak nen hna thawka kan awmte a nih ngawt loh chuan Community/Fellowship pakhat khat belhna chang hriain membership fee pek nachang hriat hi a finthlakin a him a, kan phur rit tak min chhawk zang khaitu a ni.
Malaysia-ah hian mahni chauhin emaw, chhungkaw bil chauhin emaw, unau, thiandun chauhin eng emaw chen chu kan lo khawsa thei pawh a ni ang. Inhumhimna document fel fai tak kan neih loh chuan eng lai pawha man tawk thei reng kan nih avangin dam loh mangan, man thawh palh pawha kan tana ding reng, min puituturte an nih vangin i bel tlat ang u.
Chutianga kan mangan ni a lo thlenin emaw, man kan tawh palh pawha tlangnel taka kan pangchan theih nan kan belh chhan community/fellowship member card kan siam ngei dawn a nia. Kan lawina community/fellowship member card ber pawh kan siam duh si loh chuan manganna tawp khawk kan thawhin inbuaipui a har ṭhin a ni tih kan hre bawk dawn nia.
MMC hi ACR Family member kan nih angin MMC member tawh phawt chuan ACR Card siam thei ila a duhawm hle a ni.

ACR active card vuante tana hamṭhatna te:
- Police, Immigration te’n an lo man palhin theih tawp chhuaha inbuaipui ṭhin a ni a, a buaipuitute transportation a hrana pek a ngai tawh lovang.
- UNHCR Card an hmuh/registration an nih theihnan ACR office aṭang theih tawp chhuaha email-lehkha thawnin inbuaipui ṭhin a ni.
- Dam lohna avanga damdawi inah kan riak lut a nih chuan bill kan sen zat aṭang he tiang hian a claim theih a ni: RM 5000 chin hnuai lam a nih chuan 20% a claim theih, RM 5000 chung lam kan seng a nih chuan RM 1500 a claim theih ang.
- Accident kan tawka kan k*t, ke or taksa b**g hrang a tliak emaw, hliam ṭhui ngai khawp a nih pawhin a chunga mi ang khian a claim theiha zan riak kher lo pawhin a claim theih a ni.
- A chhe berah chhiat tawh palh pawhin chhiat tawk chhungte hnenah RM 1000 pek an ni ang.
- A chunga kan ziah lan tak Claim ti turte chuan; mi thar tan card a siam aṭanga thlakhat hnuah chauh a claim thei ang a, mi hlui tan erawh thlakhat hun nghah kher a ngai lovang.
- Tun lai chhanah sum lak luh a harin a hlu tawh hle maia UN Card nei tawhte tan pawh dam loh palh, accident tawk thei vek kan nih avangin ACR Card siam hi a ṭha a ni.

ACR Card siam man:
- Card thar siam/renew: RM 100
- K*m 16 chin hnuai lam leh k*m 60 chin chung lam: RM 50
# ACR Card hi kan siam thla atanga chhiarin k*m khat tan zel a ni.

MMC member i nih chuan ACR card hi rawn siam ngei ngei la, ACR card nei tawhte pawhin renewal date kha han vang vang u la renew a hun a nih chuan a rang thei ang berin rawn renew vat rawh le…

MMC member zawng zawngte kan nitin hna thawhna kawng tinrengah Lalpa malsawmna dawngtu kan lo nih ṭheuh theih nan leh Lalpa venhimna kan lo chan ṭheuh theih nan duhsakna kan inhlan e…

Ṭanpui ngaite tana ding
MMC

18/03/2026

MMC SPORT DAY-AH LO KAL VE NGEI RAWH AW!!

Pathian venhimna changin March thla kan lo chuangkai leh ta reng mai. Pathian zara kan dam chuan MMC pawn Sport Day nuam tak hmang turin kan inbuatsaih chho mek a ni. Member zawng zawngte, hlim tlang takin infiamho a intihlim turin kan insawm a, kim taka kal theih ngei kan tum dawn a nia.
Ni tin tuan zai relin kawla ni chhuak kan chhiar thina, K*m khata vawikhat chauh Sport Day kan neih ah hian i theihna rawn lantirin i vanglai tha rawn pho chhuak ve rawh le.

A hun : March 20.2026 (Zirtawpni)
A hmun : Arena Sukan KL. Stepak

SPORT ITEMS TURTE:

MIPA ITEMS...
1. FOOTBALL
2. VOLLEYBALL
3. INHRUIPAWH
4. INTLANSIAK
5. LUNG DEN
6. SAIIP CHHUNGA KE THUNA INTLANSIAK.
HMEICHHIA ITEMS...
1. FOOTBALL
2. INHRUIPAWH
3. THLENG KHUM
4. KHAWLLA THIL
5. HNANGKUAL THEH
6. INTLANSIAK
7. SAIIP CHHUNGA KE THUNA INTLANSIAK
NAUPANG ITEMS...
1. FOOTBALL
2. INTLANSIAK
3. BALLON THUTPUAH
4. HNANGKUAL THEH
5. INHRUIPAWH
6. SAIIP CHHUNGA KE THUNA INTKANSIAK.

GROUP LEADERS TURTE
1. Pu Thang Pum Khai
2. Pu Laltlanhlima
3. Pu Rotlinliana
4. Pu Lalthianghlima te an ni.

GROUP HMING LEH LEADERS-TE...
1. JEREMIAH ( Pu Thang Pum Khai )
2. OBADIA ( Pu Laltlanhlima )
3. HOSEA. ( Pu Rotlinliana )
4. MALAKIA ( Pu Lalthianghlima ).

ASSISTANT LEADERS TURTE...
1. JEREMIAH GROUP ( Pu Khaia )
a) Nl. Monica Sui En Par
b) Pi. C.Zonunvulite an ni.

2. OBADIA GROUP ( Pu Tlanhlima )
a) Nl. Elizabeth Lal Hnem Chin
b) Nl. Lalruatfelite an ni.

3. HOSEA GROUP ( Pu Tlinliana )
a) Nl. Amy Lalmuanawmi
b) Nl. Emily Lalnunmawiite an ni.

4. MALAKIA GROUP ( Pu Thianga )
a) Nl. Melody Lalhminghlui
b) Pi Lily Lalawmpuiite an ni.

FOOTBALL REFEREE TURTE..
1. Pu Lalbiakchhubga
2. Pu Lalpekmawia
3. Pu Lalnunmawia
4. Tv. Vanlalchamate an ni.

VOLLEYBALL JUDGE TURTE...
1. Pu Rinawma
2. Pu Rotlinliana
3. Pu Rofawnsanga
4. Pu Laltlanhlimate an ni.

LINESMAN MIN THAWHSAKTU TURTE...
1. Pu Peter Thang
2. Pu Laltlanpuia
3. Tv. Zosiamliana
4. Pu Vantharliana
5. Tv. Vanlalpeka ( Pektea ) te an ni.

# # He Sport Day-ah hian MMC Member chauh ni lo vin, Malaysia-a awm Mizo mipui zawng zawngte kan insawm nghal bawk a ni e. Hna i chawl thei anih phawt chuan rawn kal ve ngei ang che.

KAL CHHUAH HUN...
Zing dar 8:00 ah,Pudu Plaza hnunga China Sikul kawtah BUS Pahnih a rawn inhung leh luah ang a, a hun takah kan chhuak leh nal nal mai dawn a ni.

Lawmthu:
Sports banner mawi taka min design saktu Pu Vanlalnunpuia Hranleh chungah lawmthu kan sawi a, a k*t hnu mawi takte tana malsawmna thlentu a lo nih zel theih nan leh an chhunkua eizawnna kawngtinrengah Lalpa'an malsawm zel rawh se.

Duhsakna nen
MMC.

14/03/2026

UNHCR leh Community Hruaitute Townhall meeting (12-Mar-2026)

UNHCR lam atanga thu chhuah/report

UNHCR chuan ram hrang hrang atang sum fai tanpuina a dawn thinte tun hma anga a dawn tawh loh avangin UN hna thawktu 65% thleng mai hna chawlh tir an ni tawh a. Nimahsela, tuna hna thawktu la awm chhunte hian Malaysia ram chhunga awm refugee mipuite himna leh nun khawsak zel dan turte chu a thawhpuite nen a ngaihtuah chhun zawm zel a ni.

DPP (Dok*men Pendaftaran Pelarian=Refugee Registration Document) chung changah UNHCR chuan information mumal tak la dawng lo mahse he mi chungchangah hian Malaysia sawrkar nen erawh inhnim hnai takin hna an thawk dun a ni tih an sawi.

Thuchhuah hrang hrang te:
- Mi thar (new registration): New Registration ti turin a hnuaia tar lan mite hi duh sak bik an ni:-
• Dam lo bechhe zual leh enkawl ngai zual bik te
• Kawl ram atanga an rawn tlan chhuah chhan leh him lo zual bik leh dinhmun derthawng bik te(Security concern)
• Malaysia thlenna rei zual deuh tawhte bakah 2019-2022 chhunga UNHCR Online registration apply-a nghak mekte
• Chhungkua inthun(family inclusion) tura hun rei tak lo nghak tawh te

- UNHCR New Registration an lo pek tawh dan te:
• Online registration application tihna rei tawh te
• UNHCR Hotline phone call atang te
• UNHCR nena thawk dun CBO office atanga lehkha (referral) an ziah sak atangtein registered a ni.

- UNHCR Online Registration Website: He program hi k*min 2026 k*m tawp atang tih tawp tum a ni a, chu mi hnua’n chuan mimal (individual) email atang Digital Gateway system hmanga inbiak pawh a ni tawh dawn a ni. Amaherawhchu CBO hruaitute’n member-te dinhmun chu thui tak hriatthiampuiin mimal email bakah community hruaitute’n an chhuih zui pui theih nan third party email dah phal sak turin an ngen ve a ni. (Noted: khawvel a changkang tawh ang bawkin digital hmang thei/thiam tura kan inzir chhoh ve zel a ngai tawh dawn a ni.)

- Inbiak pawh harsatna chung chang (miss communication)
• Mi thar-new registration ti turin UNHCR lam atanga mipuite phone call hmanga an rawn biak hian mipui lamah UNHCR phone call la thei/hman lo an tam em em a ni tih thu dawn a ni.
• Contact Number update; mi tute pawh UNHCR hnuaia awm kan ni emaw, chu mi beiseia awm kan nih chuan kan sim card a chhia/bo a nih vel eh a rang thei ang berin UNHCR website atanga Information Update tih nghal vat tur a ni ang.
(noted: eng tik lai pawhin phone call ngaih chan reng tur a ni a, UNHCR atang min rawn call-a kan lo la hman lo a nih chuan a rang thei ang berin Community Office atang call nawn leh turin Phone call reschedule dilna email thawn tir vat thin tur a ni)

- RSD/RST Interview Chung Chang:
RSD/RST Interview hi Malaysia kan awmna rei tawh vang emaw, UN card kan dawnna rei tawh vangin awmzia a nei tam lutk lo va, kan case/story a zirin min ko theitutur ramin a duh zawng nena inmil a nih a ngai a ni tih kan hriat a tha hle.

- Ram thumna (resettlement) chung chang:
• K*m 2026 chhung hian Australia, Canada leh New Zealand ram thumahte refugee thawn chhuah an ni a, chu’ng zingah chuan Malaysia atangin 1% chiah thawh chhuah an ni tawh a, k*min 2026 chhung hian refugee case 1000 (sang khat) chauhh resettlement-ram thumna an kal chhuak thei ang tih a ni bawk.
• Resettlement-ram thumna chung chang hi Malaysia ram chhunga kan awm rei tawh vang emaw ni lovin kan case/story hian thu tam tak a sawi a ni tih kan hre theuh dawn nia.

A tawp ber atan – UNHCR ah lehkha kan thawnin community email atanga thawn theih hram a thain a him a ni tih kan inhriattir a, mimal atanga email thawn a lo tam ve avangin UN hna thawktute tan hna thawh a phirin a muan phah a ni tih hriat thiam hram kan tum dawn nia.

Duhsakna nen,

11/03/2026

OPERASI

Timesquare leh Lawyat Plaza ah Operasi/immigration an lut meka UN card nei lo chu an man nghal tih thu dawn a nih angin i fimkhur theuh ang u.

Mitinte Lalpa’n min venghim theuh rawh se.

MMC_info
11/3/2026:12:57pm

16/02/2026

ACR Office Holiday Hriattirna leh Chanchin Tha Ruaipui Chhim tura sawmna

February 17 (Chinese New Year) leh February 20 (Chin National Day) he mi ni hnih hi ACR Office khar a ni anga a bak ni dangahte chuan hun pangngai anga office dawr leh theih a ni dawn a ni tih mipuite kan inhriattir a ni e.

MMC/F Pudu, KL ah Evan. R.Lalthantluanga (Pu Tluangtea) kal tlangin Chanchin Tha Ruaipui hman tran mek a ni a, February 22 thleng hun hman a ni ang. Thlarau lam ruai threhho turin kan insawmin kan inhriat tir bawk a ni e.

He tiang hian hun hman a ni ang:
16-22 February 2026 Chhun thu zirna (1pm - 4pm) leh Zan lam Sermon inkhawm (8:30pm)a ni anga
23 Feb - 1st Mar 2026 zan lam chauh Follow-up Sermon hun hman thin a ni ang.

Kan vah vei, chhuk chhohna kawng tinrengah mitinte Lalpa'n min venghim threuh rawh se.

Duhsakna nen: MMC

12/08/2024

Kan hna thawhna hmunah harsatna kan tawh palha hriat tur pawimawhte

Mitute mai pawh hi Malaysia-ah hian dikna chanvo kan nei tlem hle mai a, kan thawh hlawh ngei ngei pawh pu(Boss) sual tak kan tawng fuh palh hlauh a nih chuan hlawh hmu lo e maw, chhan dang eng vang vak mah awm si loa hlawh hmu kim lo(pute'n pe kim duh lo)te leh a chhan leh avang awm chuang si lova hna aṭanga ban tir kan nih ringawtte hian puitu nei lo leh mangang takin kan awm ṭhin a nih kha. Chutihrualchuan thu lawmawm tlem te neih kan nei ve a ni tih erawh hria ila. Mahse ṭanpuina kan dil dawn a nih erawh chuan he'ngte hi kan hriat hmasak a pawimawh ve thung ang.

1. I hna thawhna hmun/dawr hming leh address kim chang
2. I hna thawhna pi/pu (Boss) hming leh contact number
3. I hna thawhna hmuna i hna thawh ṭan ni leh thla leh k*m
4. I la thawk chhun zawm zel em? Thawk tawh lo a nih chuan chhuah san ni leh thla leh k*m.
5. Eng hna ber nge i thawh?(Job position)
6. I hna thawh tlangpui
7. Thla khat/Part time-a i hlawh zat?
8. He hmunah hian i thawk ngei a ni tih finfiahna (e.g.= Company hming langa hlawh dawn tawh ṭhinna receipt, Punch card emaw a tlukpui)
9. Engtianga ṭanpuina nge i beisei?

heng a chunga kan han tarlan takte hi chiang tak leh fel fai taka hriaa ziah lan tur a ni.

မိမိလုပ်ငန်းခွင်နှင့်ပတ်သက်ပြီးလုံး၀သိထားရန်လိုအပ်‌သောအချက်လက်များ
# # # # # # # # # # # # # # # # # # # # # # # # # # # # # # # # # # # # # # # # # # # # # # # #

မလေးရှားတွင် ဒုက္ခသည် နှင့် ယာယီခိုလုံသူများအနေဖြင့် အလုပ်ခွင်အတွင်း မိမိအလုပ်ရှင်များမှအနိုင်ကျင့်၊ ခြိမ်းခြောက်ခြင်းနှင့်လစာမပေးခြင်းများအဖြစ်များသည်ကိုတွေ့ရတတ်ပါသည်။

ထို့ကြောင့်အလုပ်စ၀င်တော့မည်ဆိုပါကမိမိလုံခြုံ‌ရေးအတွက်မိမိလုပ်ငန်းနှင့်ပတ်သက်ပြီးလုံး၀သိထားရမည့်အရေးကြီးအချက်လက်များမှာ -

၁။ လုပ်ငန်း( ကုမ္ပဏီ) အမည်
၂။ လုပ်ငန်း (ကုမ္ပဏီ) လိပ်စာအတိကျ
၃။ အလုပ်ရှင်သူဌေး အမည်
၄။ အလုပ်ရှင်သူဌေး ဖုန်းနံပါတ်
၅။ မိမိအလုပ်စ၀င်သည့် ရက်၊လ၊ခုနှစ်
၆။ မိမိအလုပ်ထွက်သည့် ရက်၊လ၊ခုနှစ်

မိမိ၌ရှိထားရမည့်လိုအပ်‌သောသက်သေများ -

၁။ စာချုပ် (သို့)
၂။ ကုမ္ပဏီ အမည်ပါ လစာပေးသည့် ပြေစာ (သို့)
၃။ အလုပ်အ၀င်အဆင်းထိုးသည့် ကဒ် ( punch card) (သို့)
၄။ လုပ်ငန်းခွင်အတွင်းရိုက်ထားသည့်ပုံများ

အထက်ပါအချက်လက်များသည်မိမိလုပ်ငန်းခွင်အတွင်းပြဿနာတက်သည်ဖြစ်စေ၊မတက်သည်ဖြစ်စေ မိမိမှာလုံး၀သိထားရန်လိုအပ်‌သောအချက်လက်များဖြစ်ပါသည်။

ACR info

31/07/2024

SERAMBAN STATE POLICE OFFICER LEH ACR & CRC MEETING

Hman deuh lawk khan Seremban lama cheng tlangmi mi pakhat chuan Police Officer pakhat chu sign mawi lo tak a lo va show zeuh avangin Operasi an luta mi an man chiam mai a, Refugee School-ahte hial lutin zirtirtute leh ei siamtute thlengin an man fai vek a nih kha. Kha thil thleng avang khan July 27, 2024 Inrinni khan Malaysia Seremban State Police Officer ASP Sufian leh ACR & CRC Hruaitulute inhmu khawmin Chin mipuite nen Public Meeting neih a ni a, Malaysia ram chhunga awm kan nih angin zawm tur dante leh awm dan mawite a hnuaia mi ang hian sawihona neih a ni.
1. Kan ram sawrkar that loh avangin Malaysia ram chhungah inhumhimna zawngin dan lo anga kan tlan lut hum hum mai hi anni chuan min lo khawngaih viau mahse an ram chhunga awm kan nih angin kan bul hnaia awm a ram mite nun phung tibuai lo leh nung chang mawi taka awm turin min duh.
2. Public area leh kawng sir velah a huhova zu ina thawm ri beng chheng siam hi a tha lovin tih loh hram tur a ni.
3. Zu rui chungin kawt laia vak kuala kawng sira car ding lai lo va zun khum emaw, mi dawr kawtahte leh mi in kawt laia zun tur tur ang chi te hi a tha lo tak zeta chin tam loh a tha.
4. Kuhva tui sen ngei nguai duh duhna hmuna kan han p*k sen ter tuarte leh sahdah/khaini hmuam dak hnu duh duh lam hawia kan han pen darh chuai thinte hi a ti ve lo kan bul hnaia awmte tan a tenawmin a tawp tak zeta chin tawh loh tur a ni.
5. Community/Fellowship hruaitute chuan mahni member-te theih tawp chhuahin nungchang mawi leh khawsak dan tha zirtir hi kan tih makmawh a ni.
6. Chutiang bawkin Mipuite pawhin Community/Fellowship hruaitute thu tha taka zawm fo tur a ni a, UNHCR kan neih avanga huang tau tak leh fel lo taka khawsak loh hram kan tum dawn nia.
7. Burma ram chhunga ral buai dante leh mahni mihringpuite rawng taka an inthah dan nungchangte chu School naupangte leh in lama kan fa/naupangte'n an lo zir (copy) ve theih tura en tir emaw, an hmuha en loh hram kan tum bawk dawn nia.
8. Burma ram sual sipaite’n rawng tak taka mipuite an suasamnate do let tura mipui sipaite kan theih ang anga kan tanpui hi min hrethiam viau mahse ualau tak leh intithei ni awm fahranin kawrah emaw, puanah emaw Logo hrang hrang bela kan phusa huai huai erawh kan chenna ram mipuite leh thuneitute lo hmuh atan a mawi lo thei hle awm e. A chhan chu Burma sual sipaite hi an thil tih chu rapthlak hle mahse tunah rih chuan khawvel hriatah sawrkarna vuantu ang an lo nih tlat avang leh chumi do lettu kan hmangaih kan mipui sipaite chu sawrkar do dal tu 'hel’ anga ngaih an la nih tlat avangin Malaysia ram hruaitute leh mipuite ngaihah helho tanpuitu anga ngaih kan ni thei tlat mai a. Chuvang chuan Malaysia ram neitu mipuite tan him lo riau anga inngaihna an neih phah avangin fimkhur taka kan intawiawm thiam a ngai dawn a ni.
Noted: Mi ramah dan lo anga awm leh hriatthiamna nen chauha awm kan nih hi inhria ila, a ram mipuite leh thenawmte tana mi hnawksak ni lova thenawm tha kan nih theuh theih nan leh mitinte kan lo him zel theih nan nungchang mawi I zir hram hram ang u.

24/07/2024

BUMA KAN AWM LOH NAN I FIMKHUR ANG U
----------------------------------------------------

Tun lai hian UNHCR-a hna thawk anga insawiin tuna kan han tar lan tak phone number 0321411769/ 0392128206 aṭangte hian mi bum nan UN Appointment pein mi an lo tih der tih thu hriat chhuah a ni a. UN Office-ah appointment ka nei alawm tiin intithei tawkin an va show ve ngeia mahse an hming a lo awm loh avanga zak tak leh lungchhe taka haw tir leh an awm ta fo mai a ni. UNHCR atang chuan a tam zawk chu he mi number 03 2118 4800 aṭang chauh hian appointment an ko ṭhin a ni. Buma kan awm loh nan i fimkhur ang u.
Tin, a hnuaia number-te pawh hi kan phone-ah khan dah ṭhat a sual lo viau awm e.

UNHCR: 03 2118 4800
RSC : 03 9212 8117
IOM: 03 9235 5400

Inhna thawh kawng tinrengah LALPAN veng him cheuin malsawm zel che u rawh se.




https://www.facebook.com/share/p/tYCgHiNusdbBWZ8C/

Scam Call သတိပြုရန်
***********************
အခုတစ်လောတွင် ဖုန်းနံပါတ် 0321411769/ 0392128206 နှင့် ယူအင်ရုံးကပါဟု ဖုန်းခေါ်ဆိုပြီး ယူအင်ရက်ချိန်းများပေးကာ ယူအင်ရုံး ရောက်တော့ ဂိတ်စောင့်များမှ နာမည်စာရင်းစစ်ဆေးရာတွင် စာရင်းထဲမှ ကိုယ့် နာမည်မပါရှိပါသဖြင့် စိတ်ပျက်လက်ပျက်​​ခြင်းတွေ ကြုံတွေ့နေ
​ကြ ပါတယ်။

အထက်ဖော်ပြပါ ဖုန်းနံပါတ်များသည်UNHCR၏ ရုံးဖုန်း မဟုတ်သောကြောင့် မိမိသည် မသမာသူများ၏ လိမ်လည်လှည့်ဖြားခြင်း ခံရခြင်းသာ ဖြစ်ပါသည်။

ထို့ကြောင့်မိမိတို့အနေဖြင့် သတိထားရမည်မှာ UNHCR မှရက်ချိန်ပေးရာတွင်
အသုံးပြုခေါ်ဆိုသော ဖုန်းနံပါတ်သည်၊ ယခုဖော်ပြပါ
03-2118 4800 ကိုသာ အသုံးပြုလေ့ရှိသည်ကို သတိထားသင့်ပါသည်။

ဤ ဖုန်းနံပါတ်သည် မိမိတို့ကိုင်ဆောင်ထားသော ယူအင်ကဒ်၏ အနောက်ကျောတွင်လည်း ရေးသား ဖော်ပြထားပါသည်။

အောက်တွင်ဖော်ပြထားသော ဌာနဆိုင်ရာ ဖုန်းနံပါတ်များကိုလည်း မှတ်သားစေလိုပါသည်။

UNHCR: 03 2118 4800
RSC : 03 9212 8117
IOM: 03 9235 5400

ဘေးရန်ကင်းပြီး လိုရာဆန္ဒ ပြည့်ဝပါစေ။

ACR info