04/09/2026
NIPI NAUTANG SAWMNI LEH THUMNA - A K*M [Ade:6-9-2026 Nipi Ni A Sim Ding]
Lai Siengtho Masa Ezekiel 33:79
Kamsang Ezekiel Laibu sung pan simna
T**a kammal in kei tungah ang tung zo hi. Mihing tapa ahi Ezekiel aw, keima in Israel minam te gal-vil-pa ding in nang kangkoi zo hi. Ka kamsung panin thu na zah popo ciengin keikung pan-a pa-tau-ko-na-te amahaw na hilh sawnding hi. Keima in migi lote kungah “migi lote aw nasi valon ding uhi ka ci a, tualeh alampi pan un migi lote ang kihei nadingin amate na galgih sih leh, amahaw khiel na sung uah migi lote siding a, ahi vangin nang kungah amahaw sisan kangphul dinghi. Hinanleh nang in alampi pan-un migi lote ang kiheikia nadingin nahil khol a, tualeh alampi pan-un amate ang ki hei nop sih uleh, akhiel nasung u ah migi lote siding a, ahi vangin nang nahileh na hinna nahun damzo ding hi.
Pasien kammal ahi hi.
T**a Pasien tungah i lungdam hi.
Lapite Dawngtawina Lapite 95:1-2, 6-7, 8-9 (8)
Dawngtawina:
Tuni-in ama aw ngai unlen, nohaw’n na lungsim uh khausah sih un.
1. Ang pei un, T**a phat vai; Eite kihotdamna
suongpi tungah lungdamin kiko vai! Ama
omna-ah lungdamkona tawh pei in; phatna late
tawh ama _ tungah lungdamin kiko vai!
2. Ang pei un, ama bie-in kun vai, eihaw ei bawl
T**a mai ah khupdin vai! Azieh pen ama in eihaw
Pasien hi a, eihaw pen ama cin mite ihi vua, a
khut sung a om tuute ihi uhi.
3. Tuni-in ama aw ngai un! Meribah mun a na
lungkhauh bang vuleh, Senel gam Massah mun a
na pu na pate un, kei ei ze-et in, ka nasepna mu
zo napi un, gamtatna tawh ka lah ding ei nget lai
hun bangin, nohaw’n na lungsim uh khausah sih
un.
Lai Siengtho Nina Rome-te 13:8-10
Rome-te tungah Misiengtho Paul Laihlah sung pan simna
Sanggamte aw: Khat leh khat ki-itna sim lo koima lei na kibasah sih un. Azieh pen aveng pa a it mi in thukham a kicingsah zo ahi hi. Angkawm sin, tuol that sin, mi nagu sin, ci thupiehte leh adang thupiehte pen Nangma na ki-it bangin na vengpa it in, ci thupiehna sungah kigawm sieng zo hi. Itna in aveng pa tungah sietna a bawl sih hi, tua ziehin itna in thukham kicinna ahi hi.
Pasien kammal ahi hi.
T**a Pasien tungah i lungdam hi.
Alleluia Corinth-te Nina 5:19 Alleluia, Alleluia.
Christu tung tawn in, Pasien in leitung leh ama kikaal kilem kiana a omsah a, tua kilem kiana
thu kohaw ei kemcing sah hi.
Alleluia, Alleluia.
Lungdamna Lai Siengtho Matthew 18:15-20
Misiengtho Matthew giel Lungdamna Lai Siengtho sung pan simna ahi hi.
T**a Pasien aw, na tungah minthanna om ta heh.
Na sanggampa na tung a ang khielh leh, a kungah pei inlen noma gelbeh na op sungun, a bawl khielhna hilh in, na thu angmanh leh na sanggampa a nga kia nahi hi. Na thu ang man sihleh teci nih ahi sihleh thum bang tawh thuzosie na kipsah nadingin midang khat ahi sihleh nihbang zawpi-in. Ama'n a thu gente uh azuihnop sihleh Pawlpi kungah tut inlen Pawlpi thugen na ngawn azuihnop sihleh na sanggampa pen thu um lote leh siehdongte bangin ngaihsun tan. A tahtah a kang ci-in, leitung a na khih zosie uh van-ah zong kikhih ding a, leitung a nasuut zosie uh van ah zong kisuut ding hi. Khatvei kang genkia in, leitungah mi ni kilungtuoh a thu a ngetton uleh, van a om ka Pa-in anget na uh a sangding hi. Azieh pen mi ni ahi a, thum ahi zongin Keima min suong-a a kikhopna mun ah, amahaw lahah Keima zong ka om hi, a ci hi.
T**a Lungdamna Lai Siengtho ahi hi.
Christu T**a aw, nang tungah phatna om ta heh.
![NIPI NAUTANG SAWMNI LEH THUMNA - A K*M [Ade:6-9-2026 Nipi Ni A Sim Ding]Lai Siengtho Masa Ezekiel 33:79 Kamsang Ezekiel ...](https://img5.prayers1.com/815/878/122269081808158784.jpg)
