18/05/2026
DPP scheme nih Malaysia um ralzam hna cu zungzal umnak nawl a pe hna lai lo tiah ramchung vuanci nih a chim
Saifuddin
May 18 — Ralzaam min cazin (DPP) timhtuahnak nih ralzaam pawl cu ramchung ah zungzal in umter an si lai tinak a si lo, asinain an zohkhenhnak cu a d**ghnak ah thimnak pathum lakah pakhat ah a d**g lai: **
1.Ram ah kirternak,
2.Ramthumnak ah tthial tthannak
3.Asiloah Ramdang kuatnak hna an si lai.
Ramchung Vuanci Datuk Seri Saifuddin Nasution Ismail nih January 1 ah phungning tein a thawkmi timhtuahnak cu National Security Council (MKN) Directive No. 23 (Amendment of 2023) he aa tlak in a ttha deuhmi a si i DPP program cu minung sinak he timhtuahnak le tawlrelnak a si tiah a ti.
"Cucaah hi DPP program i a d**ghnak tinhmi cu phun thum a si. DPP ah min cazin khumh le rianngeitu he i ceihchah khonak lawng nih an (ralzaam) kong a dih cang i hika ah an um kho cang tinak a si lo.
A d**ghnak ah a chuakmi cu pathum lawng a si: ram kirter, ramthumnak ah thlen le ramdang kuat,” tiah minister nih a chim.
Nihin ah Bidor khua i Ralzaam le Dornak Kawlmi Special Detention Center (PPKPPS) ah field trip a tuah hnu ah thawngzamh tonnak ah a chimmi hi a si.
DPP program a voikhatnak (Phase 1) ah ram pumpi immigration detention center ah chiahmi ralzam (a tam deuh cu Kawlram in a rami Rohingya an si) hna caah Refugee Status Determination (RSD) kong ah a biapi in kan chiah lai tiah a chim.
Ministry of Home Affairs (KDN) nih a tu ah Malaysia Microelectronics Systems (MIMOS) nih a sermi system hmangin ramchung database a ser cuahmah lio a si i, Ministry of Defence le a dang cozah zung 20 nih an hruai hna.
“A hramthawk ahcun hi ralzaam pawl hi vawlei cung hmunkip in an ra nain a voikhatnak ahcun Kawlram in a rami Rohingya minung 4,010 kha biapi ah chiah an si.
Mah chungah Myanmar rammi 4,008, cun Sudan rammi pakhat le Syria rammi pakhat an i tel."
Cun, rian a ttuan khomi k*m 20 in k*m 40 kar ralzam hna cu Malaysia sipuazi lei rian ngan panga ah rian pek an si lai: thilri sernak, saknak, loram, Cinthlaknak le riantuannak lei ah riantuantu herhmi tlamtlinternak caah rian aa tlakmi timhtuahnak hman a si lai tiah theih a si**
Hihi Malaysia’s 13th Malaysia Plan (RMK13) policy he aa tlakmi a si i, ramchung rianngeitu hna herhmi he aa tlak, ramdangmi riantuantu hna cu ramchung riantuanmi dihlak 17 million chungin 10% tiang, asiloah a tam bik 1.7 million tiang lawng a si lai.
Minung 400 tlum khawhnak Bidor Special Detention Center (PPKPPS) kong he pehtlai in minister nih a chim ning ahcun Kawlram in a rami Rohingya pa 100 le nu pakhat, an dihlak in 101 an si i, cu chung ah DPP tangah 78 cu ralzam sinak pek an si cang tiah a chim.
DPP cu aa pehtlaimi himnak phunglam riantuan ningcang (SOPs) zohfel hnu ah hmai thla (June 1) hramthawk ah tling tein hman dingin timhtuahnak a um.
"Minung 4,010 (4,010) caah June 1 in thawk a si lai. January 1 in aa thawk hnu in, system cu hneksaknak le fehternak riantuannak kan tuah," tiah a chim.
(BERNAMA)
