02/07/2026
A BIAPI MI THAWNGTHANH NAK
📢
Special Warning ‼️
Malaysia ram pumpi um nu le pa, u le nau nan dihlak nan k*t kan tlaih hna.
Tulio ah Immigration, Police (PDRM) le aa pehtlaimi himnak bu hna nih Malaysia ram pumpi ah chunzan in biatak tein rian an ttuan cuahmah lio a si.
A bik in Myanmar rammi tampi umnak le riantuannak hmun, Kuala Lumpur (KL), Selangor, Johor, le Penang tibantuk ah, lam tonnak, market, workshop, le condo/inn saknak hmun hna ah hmunhma zohfelnak an tuah.
Cucaah, na himnak caah a tanglei thil hna hi philh lo tein zulh dingin kan in forh hna -
⚠️ 1. Na ca pawl kha i ken zungzal
：Passport, Leng na chuah tik paoh ah na Permit, UN Card asiloah MAE ID tibantuk phungning tein na hmanmi ca pawl kha i ken zungzal.
A hramthawk tein na ngeih lo ahcun, na phone ah scan tuahmi copy asiloah cauk copy kha timhcia tein chiah zungzal.
⚠️ 2. Na cawlcanghnak kha tlawmter
A herh lomi lengchuah le mibu in umnak hna kha a si khawh chungin hrial.
Rian kalnak le kirnak ti lo ahcun, cun a hlei in zanlei sang ah leng chuah hrial.
⚠️ 3. Na phone chung i thawngpang kha ralring tein hmang
Phone pawl cu checknak hmun ah an zoh tawn hna caah, zuudinnak apps (e.g. 4D lottery, online games), fehter lomi thawngpang, le phungninglo khualtlawnnak caah na telnak phu pawl kha hlonh hrimhrim hna.
⚠️ 4. Mawttaw mawngtu/Motor mawngtu hna caah a hlei in zohkhenhnak
A hmanmi license le lam ngunkhuai tel loin mawtaw mawng hlah.
Lam nganpi ah zeitik caan paoh ah lam khamnak a um kho, cucaah ralrin tein mawngh.
⚠️ 5. Riantuannak hmun le inn himnak
Na riantuannak hmun le na umnak/inn chung ah a lutmi le a chuakmi theihhngalh lomi hna kha zoh hna. Leng in na kir tikah innka kha khar hrimhrim.
Tlaihkhihnak thawngpang caah social media kha pehzulh tein zohfel law ralring tein um.
"Nangmah le nangmah i hngalh cu a tha bikmi i vennak a si."
Nu le pa, u le nau vialte ttihnung vialte chungin him tein um cio hna seh law, Malaysia ram ah nuam deuh tein rian ttuan le khua sa kho cio hna seh ti hi upatnak he kan in theihter hna, kan i lawm🙏
Cd.MCCC Page
