11/02/2023
Amah in eite pen ama aβ ihihna ciaptehna eite tungah hong bawl a, ama aβ ihihna le eite tungah a hong piak ding na khempeuh a hong pia takpi ding ahihna a kitel nadingin eiteβ lungsim sungah Kha Siangtho a hong mapiak hi.
2 KORIN 1:22
Piangthak te pen Khazih in asepsa Gupna a um ngiungeu mite hi a,Khazih sungpan asuakkik mite hi in, Khazih tawh pumkhat ahite ahi hi. Hih Khazih tawh pumkhat ahite Pasian in a Kha Siangtho tawh hong ciamteh hi.Pasian in a tate ciamteh hi. Melcik hi. Bangβ hang hiam cih leh
A tate Ama a' ahi hi. PASIAN in Ama a' ahi te bek ciamteh hi.
Tua hi a, Ei piangthak te pen bang hang in Pasian in a Kha Siangtho tawh hong ciamteh hiam cih leh
1.Ama a' ihhihna hang leh
2.Ama a' ihhihna hangin hong ciamsa thupha te ngak takpi ding ihhihna lahna kipsakna in hong ciamteh ahi hi.tua hi a, Kha Siangtho' ciapteh mite apiangthak te hi a,Kha Siangtho in aciapteh loh mite apiangthak lo te ahi hi.
Tua Kha Siangtho pen Khazih tawh ih kibat HUN hong tundong hong kiciamtehna ahi hi.tua Kha Siangtho in eite thuman lampi hong hilh a, mawhna hong phawksak in, Pasian' itna eite' lungtangah hong sungsuk a, eite piangthak ihhihlam hong telsak a,teci hong panpih hi, tua Kha Siangtho in eite hong makaih a, ih sunglam pan nate hong hilh in, hong pilsak hong lungdam sak in, Pasian' deih bang hong nungtanuam sak den hi.
Piangthak te in Khamuanna lungdamna cihte aneihna hang taktak pen Kha Siangtho' ciaptehna angahna hang ahi hi.
Tua Kha Siangtho' gah in: Itna, lungdamna, ki lemna, lungduaina, Mi hehpihna,Gitna,Diktatna,Lungnemna,
Pumpi' deihnate Khamna cihte hi a, Ei piangthakte Kha Siangtho in hi bang hoihnate hong gahkhia sak hi.
Tua hi a, ei piangthak te pen ih sungah Kha Siangtho teng ngiat aihmanin tuahangin Pasian' biakinn, Pasian' teenna innpi ihsuak hi.
Ni khat Ni cangin zong ih sung aa om Kha Siangtho mah in a tenna Innpi athak tawh hong laihsak dinga, hong phongto hi.
Tua hi a, Ih piangthakna pen amuanhuai mahmh ahi hi. Bang hang hiam cih ciaptehna angah ngiatte ihhi hi.
Tua ahihmanin ute naute Nang, Kha Siangtho in hong ciamtehnai hiam?na piangthak nai hiam?
Zeisu um in kitelna Khat nanei nai hiam?Khamuanna khat nanei nai hiam? Lungdam ngaungauna Khat nanei nai hiam?Kha Siangtho' gahte namkhat beek tawh na gah nai hiam?
Piangthak khin mi hi in Kha Siangtho' ciaptehna angah khin mi ihhih leh zong nisim in ih sunga om Kha Siangtho' deihna bang bek in nungta ni,Cilehsa' deihna nial ni, nisim ih singlamteh pua ni,Nisim ahing biakpiakna lui den ni.Kha Siangtho, eite' nuntakna ahihban ah hong Huh Pa zong hi a, Amah eite tawh hong om khawm gige den hi.
Kha Siangtho tawh ciapteh te hi khinta ihhihmanin Pasian a' taktak, Khazih a' taktak ih hi a,Pasian in piak dingin hong kamciam khempeuhzong angah takpi ding te ihhi hi.
Hallelujah7
Lyakhup (IRbJC)
Joh 3:16,6:47
11Feb 2023(Sat)
