27/05/2026
𝗣𝗔𝗧𝗘 𝗟𝗛𝗔𝗛𝗦𝗔𝗠 𝗡𝗔 𝗝𝗘𝗛 𝗔 𝗜𝗡𝗦𝗨𝗡𝗚 𝗕𝗢𝗜𝗡𝗔 𝗝𝗔𝗧-𝟲 𝗛𝗢:
(𝑭𝒂𝒕𝒉𝒆𝒓'𝒔 𝒅𝒂𝒚 𝑷𝒓𝒆𝒔𝒆𝒏𝒕𝒂𝒕𝒊𝒐𝒏)
By, Rev. Lun Neo
𝟭. 𝗜𝗡𝗦𝗨𝗡𝗚𝗔 𝗔𝗪 𝗡𝗘𝗠 𝗞𝗛𝗔𝗟𝗢𝗨:
Phat tina lungsou jing, Kamdam- onema aji achate toh ki houlim khalou. Insunga Phatnom mangkhom khalou, Phone - game lhakhalou mipa.
𝟮. 𝗠𝗜𝗣𝗔 𝗖𝗛𝗜𝗣𝗦𝗘 𝗧𝗔𝗛:
Phat tina sumlepai chena kholjing kei, Ahivanga ama'n adudu aneh thei, adeidei akichoh thei. Aji-acha chunga sumlut-sumpot khol gunkei. Mipa khat hina jala sumlepai phate keicha kholthem ding (saving bolding) ahinai. Ahinla Insunga ding, jile chunga dinga sumsel behseh lou ding ahi. (Uicha le chapang in abolpha pha angailu'n ahi)
𝟯. 𝗔𝗝𝗜 𝗦𝗔𝗡𝗚𝗔 𝗠𝗜𝗗𝗔𝗡𝗚 𝗧𝗛𝗨 𝗟𝗔𝗝𝗢:
Insunga boina, Lungkim louna kholaiya lhut jing kei. Anulepa, Sopiteho thusei lajinga ajithu lanomlou mipa jong aum in hichehi Pathen-Bible thuhil toh akitoh poi. Najichu natahsa/natipum ahitan ngailu inlang jabolin akitiy.
𝟰. 𝗔𝗝𝗜𝗡𝗨-𝗜𝗡𝗡𝗘𝗜𝗣𝗜 𝗡𝗔𝗧𝗡𝗔 𝗛𝗘𝗧𝗛𝗘𝗠 𝗟𝗢𝗨:
Numeihi Bible in Belkeh bai atitoh kilhon'a, Lhase bai, Lungneo bai, Kingaiset na neijing ahi. Hijeh chun ajihi Agolpha pen banga akivoppia, Lungel seikhoma, nuikhompi dinga nuten adei ahi. Akipanao le alhasetnao, alung hanna hou seidoh theilouva ahinkoi koi ji tengule ngailutna alhasam jita'n Boina sangtah asohthei jie.
𝟱. 𝗞𝗜𝗡𝗘𝗢𝗦𝗔𝗛 𝗧𝗛𝗘𝗜𝗟𝗢𝗨 𝗠𝗜𝗣𝗔:
Phat tin'a them kichan jing jeng, Kalhasam'e titheilou kiseipha jing mipa chu lolhing louhel ding ahi. Abang kom leh Chate kipana ding, Iji lungsung natna damna ding le kihetthem tona dinga imonalou hijong le mipa ten "I'm sorry" kei themmo ahi. "Nei ngaidam in" ti jonghi seitheiji angaiye. Themmo kichan theilou mipa chu achangin hung cheng vah tei jinte.
𝟲. 𝗛𝗘𝗧𝗧𝗛𝗘𝗠𝗡𝗔 𝗨𝗠𝗟𝗢𝗨:
Insung tampi hi hahsatna leh Boina toh lhonkhom cheh ahi. Hinlah kilainat tona le kingaidamto na in apui galkai ham-ham ji ahi. Dammo veiset, gilkel dangchah nikhoa kidontolou. Kihou behseh talou insung chu Tuinoiya lhalhum koncha ahijitai.
