六壬神法张法坤（馬來西亞分壇）

24/05/2026

16/02/2026

丙午年大年初一日头注香，祝大家马到功成，龙马精神，一马当先，万马奔腾，马运亨通，马上发财，运气加马😜😜😜

27/11/2025

每個禡期還神既善信，都代表左師公既大能又再次大顯威靈！今次兩位國內善信都係不約而同答謝師公保佑BB順利岀世，希望BB快高長大，健健康康！
#仲要係雙胞胎
#孩子係社會未來嘅棟樑
#每次有關孩子都特別感動

24/10/2025

20/10/2025

圖中所見，係我地送走嬰靈嘅法事，點解咁多份？因為事主有好多嬰靈.......

今次分享一個嬰靈嘅個案🕵️
（週末精選，篇幅較長）

女事主求助，因為長時間都有不同嘅病痛纏繞，精神不振，所以相約我哋到舘中睇下所為何事。

事主一到舘，我哋已經感覺到佢身上嘅陰氣不斷散發，情況就如帶咗個榴槤入屋，企得愈近事主，感覺就愈強烈！事主裝完香後已經覺得四肢發軟，想嘔又嘔唔出，不斷吐出胃氣。我吩咐徒弟為善信請僮睇睇。但徒弟一番努力後，靜雞雞走嚟同我講：「唔掂呀師父🥵入面好多呀！」

眼見徒弟面有難色，我亦知道事情並唔簡單了。
馬上心諗：😩救命呀，我最怕做陰邪附體嘅case！
因為體力需求好高，我年紀大啦嘛😂但冇辦法啦，救人要緊！

善信稍為安頓， 事不宜遲，打鐵趁熱！幾位徒弟攙扶著善信，然後一個徒弟喺側邊攞住膠袋準備接住事主嘔吐物🤮，兩個徒弟前後請僮，將入面嘅野逼出嚟！徒弟同善信經過一輪搏鬥
🤭，事主體內嘅陰氣不斷呼出，猶如剛剛入嚟舘係一個榴槤嘅效果，而家係有十個呀！我忍唔住去壇枱上面攞我哋六壬法器 - - - - 清風扇， 撥走舘內嘅陰氣...... 企喺度指導嘅我都覺得辛苦，真係要多謝一班嘅徒弟！

中場休息時，事主同徒弟都幾乎筋疲力盡，不過事主感覺好好多，個人清醒返，問返請過僮嘅徒弟都不約而同話見到：小朋友、幾個、好多個、死都唔走，有位徒弟話最奇怪嘅係，雖然知道體內仲未清得曬，但僮身好似唔想再去清咁樣。

🤔以我嘅經驗所知，唔會無原無故咁多個小朋友都會集中喺一個人嘅體內，而且又死纏爛打，至於僮身最後唔想去清，當然唔係因為僮身懶啦，係有啲因果報應嘅事，情況屬於天理。所以我就叫女徒弟私底下問事主，係唔係曾經落過小朋友，係咪落過好多個。

答案不出我所料，事主係曾經放棄過小朋友，但最大問題係唔係一次兩次，係好多次！無論小朋友係出於冤念又好，想跟隨媽媽又好，都係無可厚非，難怪師公最後唔想再清，因為有因有果，何況咁多條生命呀！😢

知道來龍去脈後，我同事主解釋，其實佢體內係有好多個嬰靈，導致到佢有唔舒服嘅情況。事主亦表示，除咗平時有病痛，平日亦係經常頭痛頭暈，瞓得好差，而且子宮有毛病，得知自己嘅骨肉原來多年來都未安息，事主頓時泣不成聲！

我哋同佢解釋，而家對嬰靈最好嘅路，就係讓小朋友跟觀音娘娘走，去學佛做童子，他日學有所成，有人求子嘅時候，娘娘就會送返呢啲童子出去，俾佢哋重新做人，所以點解會有求子觀音就係咁解！但前題係我哋要應承娘娘做功德，例如齋戒、茹素、捐米等等。
事主二話不說：「我全部都做！」
見到事主懺悔嘅心，我都有啲感動🥺

事主跪喺娘娘面前擲杯，一擲就勝！相信娘娘除左感覺到事主嘅誠心誠意，亦係非常憐憫呢一班嘅小朋友🙏🏻🙏🏻😢

既然娘娘肯接收小朋友，現在就簡單得多。我叫善信繼續跪喺娘娘跟前。請僮將事主體內嘅嬰靈一一帶出嚟，全部都好合作好乖，好快就完成。事主亦話即時全身鬆哂，精神過以前。

一個魂苦等至少一百幾廿年才排到去投胎，但奈何種種因素凡人選擇墮胎。做嬰靈比做鬼更慘，因為佢哋年紀細，好易俾其他鬼欺負，好多時父母都冇拜祭，可以話冇衫可穿，冇飯可食，淪落街頭，其冤氣可想而知！

所以希望大家千祈唔好犯下殺孽，種下惡因就會得惡果，雖然今次事主問題解決咗，但殺孽已在天錄中記載，到九泉之下審判時，閻王也會一一清算。