Iglesia Santísima Trinidad

22/04/2026

29/03/2026

Gloria a Dios en las alturas

15/03/2026

Primera lectura de hoy. Dios mira el corazón del hombre

1 Samuel 16:1-7
[1] Li Muc'ul Diose jech laj yalbe li Samuele: —¿Baq'uin to ch-ech' at-o'nton chava'ay ta sventa li Saule? Yu'un li vu'une mu xa jc'an ti ja' ajvalil o yu'un li achi'iltaque. Ja' lec nojeso batel ta aceite li acachue; batan ta sna Isaí te ta Belén, yu'un jt'ujojbe xa jun xnich'on sventa ch-och ta ajvalilal —xut.
[2] Itac'ov li Samuele: —¿C'u x'elan xu' chibat? Yu'un me cha'ay li Saule ta xismilun —xut. Itac'ov li Muc'ul Diose: —Ic'o batel jcotuc unin tsebal vacax; albo ti ja' chbat amilbun ta sventa jmotone.
[3] C'alal chamilbun jmotone, ic'o li Isaie; te chacalbot c'usi tsc'an chapas. Li boch'o chacalbot ti ja' t'ujbil cu'une, malbo aceite ta sjol sventa ch-och ta ajvalilal —xut.
[4] Li Samuele la spas c'usi i'albat yu'un li Muc'ul Diose. C'alal ic'ot ta Belene, te ital nupatuc ta be yu'un li moletic te ta lume, pero ta xi'el italic. Jech la sjac'beic: —¿Me tal apatbun co'ntoncutic? —xutic.
[5] Itac'ov li Samuele: —Tal, yu'un tal jmilbe smoton Muc'ul Dios. Lecubtaso abaic, bat chi'inicun ta smilbel smoton li Muc'ul Diose —xut. Li Samuele te lic slecubtas li Isaí xchi'uc xnich'nabe; laj yalbe ti ac'o bat chi'inatuc ta smilbel smoton Muc'ul Diose. [6] C'alal ic'otic xchi'uc xnich'nab li Isaie, li Samuele laj yil li Eliabe, jech la snop: “Ta melel ja' t'ujbil yu'un Muc'ul Dios ch-och ta ajvalilal li vinic le'e”, xi.
[7] Pero li Muc'ul Diose jech laj yalbe li Samuele: “Mu me ta sbauc no'ox xaq'uel c'u x'elan, xchi'uc mu me ta snatiluc xaq'uel. Le'e ma'uc t'ujbil cu'un, yu'un li vu'une mu ja'uc jech ta jq'uel jech chac c'u cha'al chaq'uelique. Yu'un li cristianoetique ja' no'ox tsq'uel ti bu lec chilique, pero li vu'une ja' ta jq'uelbe c'u x'elan yut yo'nton”, xut.

27/02/2026

Descanse en paz nuestro hmno Antonio Meza mas conocido como el Lic.