Noptesel ti yu'un sc'alil Sa'badoe ta Tzeltal

04/02/2023

Te invitamos a que asistas a la próxima reunión regional juvenil de la Iglesia de Dios en la localidad de Majosik, Tenejapa de la región San Cristóbal. Estarán presentes nuestros hermanos del ministerio Min. Arnulfo Crespo, Min Jesús Bernal y Diác. Daniel Salinas de la ciudad de México.

26/04/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 18. TE JTALEL TA YAN NAHETIC.
30 DE ABRIL DEL 2022.

SPISIL VERSÍCULO: Ma me ayuc mach'a ma xyich'at ta cuenta yu'un te jcolel winicat,a'beya yilic bin lec ta pasel te mach'atic ya sch'uhunic,a'beya yilic ta scuenta ac'op, atalel,sc'uxul awo'tan, sch'uhunel awo'tan soc te ma x'ana' slehel mulil.
1 TIMOTEO 4:12.

SC'AN C'OPONEL: GÉNESIS 1:20-23.

TSOBIL C'OP YU'UN TE BIN TSAHBIL.
Ha jun te bit'il ya caq'utic ta ilel te snich'anotic Dios ha te xa quiltic jun na. C'alal ya sc'oyotic ta jun na, lum bayal sc'oblalil te peq'uel cotantic,jch'uhunwanejotic,soc te ya caq'utic ta ilel te snich'anotic Dios. Te jnopohel Pablo ya yalbe a te Timoteo, te mayuc bayal ya'bilal to a pero ya sc'an te ya yac' ta ilel te lec stalel ta sit te yantique.quilohtiquix te spisil bin ya jpastic ha jich bit'il te bin sac ta spisil bantic ya xbohotic, pero te c'alal ya xbotic ta jun na ya xu ya caq'utic ta ilel te tojobteseltic ta scuenta Cristo, ta na ini ya xu ya sna'beyic sba te smelelil Dios soc xan te peq'uel co'tantic ma jch'aytes ta co'tantic te bin ya sc'an Dios yu'un ho'otic, ha jich: te ma ba jwe'tic spisil te bin ma lec sc'oblal, soc te ma ba jpastic te qu'inetic yu'un te bahlumilal, etc.
Ta spisil ora ya sc'an te junax co'tantic yu'un te bin jch'uhunejtique 2 TESALONICENSES 2:15. Ta spisil ora ya sc'an te ya jch'uhuntic te Dios.
Tut quermano: ha nix jich te ha'at ya sc'an te ca wac' ta ilel ta spisil lugar,te me ta jun na te ya sch'uhunic Dios o ta banti ma oc chican bin na te ca wil,ya sc'an te ca wac' ta ilel te peq'uel ha wo'tan soc te lec a talel yu'un jich ta wac'bel ta ilel te ta wich'bel ta muc' te cajwaltic Dios, soc jich ta walbel te scop Dios.

JOJC'OYELETIC.
1.¿bin ya sc'an ya jpastic c'alal xa quiltic ta sna te quermanotactique? LUCAS 10:5-6; ROMANOS 15:32.

2.¿ Bin ya sc'an ya jpastic c'alal xa quiltic jun na te ma sch'uhunejic Dios? ROMANOS 15:9; HECHOS 5:29; 1 PEDRO 2:12.

3.¿ Bin talelil ya sc'an ya quihquitaytic ta jun na?
1 TIMOTEO 4:12.

4.¿Mach'a a te ha ya sc'an te ya jt'untic?
FILIPENSES 3:14 y 1 CORINTIOS 11:1.

5.¿Bin ya xc'oht ta pasel te me ya jmuctic ta co'tantic o teme ya jna'betic sba te Dios?
MATEO 10:32-33.

LAMALUC ME Q'UINAL YAC AWA'IYIC.
PAZ A VOSOTROS.

26/04/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 18. TE JTALEL TA YAN NAHETIC.
30 DE ABRIL DEL 2022.

SPISIL VERSÍCULO: Ma me ayuc mach'a ma xyich'at ta cuenta yu'un te jcolel winicat,a'beya yilic bin lec ta pasel te mach'atic ya sch'uhunic,a'beya yilic ta scuenta ac'op, atalel,sc'uxul awo'tan, sch'uhunel awo'tan soc te ma x'ana' slehel mulil.
1 TIMOTEO 4:12.

SC'AN C'OPONEL: GÉNESIS 1:20-23.

TSOBIL C'OP YU'UN TE BIN TSAHBIL.
Ha jun te bit'il ya caq'utic ta ilel te snich'anotic Dios ha te xa quiltic jun na. C'alal ya sc'oyotic ta jun na, lum bayal sc'oblalil te peq'uel cotantic,jch'uhunwanejotic,soc te ya caq'utic ta ilel te snich'anotic Dios. Te jnopohel Pablo ya yalbe a te Timoteo, te mayuc bayal ya'bilal to a pero ya sc'an te ya yac' ta ilel te lec stalel ta sit te yantique.quilohtiquix te spisil bin ya jpastic ha jich bit'il te bin sac ta spisil bantic ya xbohotic, pero te c'alal ya xbotic ta jun na ya xu ya caq'utic ta ilel te tojobteseltic ta scuenta Cristo, ta na ini ya xu ya sna'beyic sba te smelelil Dios soc xan te peq'uel co'tantic ma jch'aytes ta co'tantic te bin ya sc'an Dios yu'un ho'otic, ha jich: te ma ba jwe'tic spisil te bin ma lec sc'oblal, soc te ma ba jpastic te qu'inetic yu'un te bahlumilal, etc.
Ta spisil ora ya sc'an te junax co'tantic yu'un te bin jch'uhunejtique 2 TESALONICENSES 2:15. Ta spisil ora ya sc'an te ya jch'uhuntic te Dios.
Tut quermano: ha nix jich te ha'at ya sc'an te ca wac' ta ilel ta spisil lugar,te me ta jun na te ya sch'uhunic Dios o ta banti ma oc chican bin na te ca wil,ya sc'an te ca wac' ta ilel te peq'uel ha wo'tan soc te lec a talel yu'un jich ta wac'bel ta ilel te ta wich'bel ta muc' te cajwaltic Dios, soc jich ta walbel te scop Dios.

JOJC'OYELETIC.
1.¿bin ya sc'an ya jpastic c'alal xa quiltic ta sna te quermanotactique? LUCAS 10:5-6; ROMANOS 15:32.

2.¿ Bin ya sc'an ya jpastic c'alal xa quiltic jun na te ma sch'uhunejic Dios? ROMANOS 15:9; HECHOS 5:29; 1 PEDRO 2:12.

3.¿ Bin talelil ya sc'an ya quihquitaytic ta jun na?
1 TIMOTEO 4:12.

4.¿Mach'a a te ha ya sc'an te ya jt'untic?
FILIPENSES 3:14 y 1 CORINTIOS 11:1.

5.¿Bin ya xc'oht ta pasel te me ya jmuctic ta co'tantic o teme ya jna'betic sba te Dios?
MATEO 10:32-33.

LAMALUC ME Q'UINAL YAC AWA'IYIC.
PAZ A VOSOTROS.

ÉSTE CUADERNO PERTENECE A LA IGLESIA DE DIOS AUTONOMA.
TEMA GENERAL:PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

14/03/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 12. TE SMUC'UL TE DIOS TA BANTI BIN PASTICLAMBIL.
19 DE MARZO DEL 2022.

SPISIL VERSÍCULO:"Toyahic mohel asitic, ilawilic: ¿Mach'a la schicnajtes lan spisil ini?...
ISAIAS 40:26.

SC'AN C'OPONEL:ISAIAS 40:12-17.

TSOBIL C'OP YU'UN TE BIN TSAHBIL.
Te cajwaltic Dios la spas jun bahlumilal te c'ax t'uhbil yu'un te snich'nab, jich bit'il ta ch'ulchan ha nix jich ta lumq'uinal ya xu ya quiltic te bintic spaso soc te smuc'ul soc lec.ta nahilto c'alal la spas te spisil vin ya quiltic; la spas te ch'ul a'batetic,ta patil te ch'ulchan soc bahlumilal y spisil c'oht ta pasel bit'il ha ito: Ta jun c'ahc'al;jehch c'oht te sacal q'uinal, jehch c'oht te yihc'al q'uinale,( sacubel q'uinal soc ihc'ubel q'uinal ). Ta schebal c'ahc'al;la spas sjamalil te jehch la yac' te ha' te ay ta ye'tal te sjamalil,jehch la yac' te ha' te ay ta sba. Ta yoxebal c'ahc'al la yac'be sbihil lumq'uinal te q'uinal te taquijemixe soc te banti la stsob sba te ha'e, sbihilin maretic',la yac' coluc ta lumq'uinal yaxal ha'maletic soc te'etic te ya yac' sit. Ta schanebal c'ahc'al; la spas te bin yax tihl ta sjamalil ch'ulchan ( te c'ahc'al soc te uj ). Ta yo'ebal c'ahc'al la spas spisil bintic ya xcuxajic ta ha', soc spisil ta chahp mutetic. Ta swaquebal c'ahc'al la spas te chambahlametic yu'un lumq'uinal ta slajibal la yal:"ya jpastic ants-winic te ya jlop'tay jbahtic a,te hich yilel te bin ut'il ho'otique..."(GÉNESIS 1:26).

Ta shuquebal c'ahc'al la scux yo'tan yu'un spisil te ya'tele soc la yac'be bendición y la sch'ultes. Ta ch'ul bin ts'ihbabil ya yalbotic te cajwaltic Dios lec la yil te bin la spas.
Lum t'uhbil ta ilel te spisil bin lec te pasbil te tey ya xu ta ilel te ay jun Dios. Te bit'il pasbil spahmal te bahlumilal, ha yu'un ya sc'an te ya quich'tic ta cuenta soc ya jcanantaytic te bin spaso, ta spisil te bintic ya quiltic soc te ho'otiqu nix te pasbilotic te la slop'tay sba soc te jichotic te bit'il stuquele y te templohotic yu'une.

JOJC'OYELETIC.
1.¿Mach'a a te la spas te ants-winique?
GÉNESIS 1:26, JUAN 8:28.

2.¿Mach'a yu'un te la spas spisil ta jchahp a'teliletic ini ta bahlumilal ? ÉXODO 23:20, GÉNESIS 1:28.

3.¿Mach'atic a te ya yabeyic wocol te cajwaltic Dios? JOB 38:7, SALMOS 109:30, NEHEMIAS 9:6.

4.¿bin spaso te ants-winiquetic soc bintic pasbil ini? GÉNESIS 6:11, ISAIAS 24:4, LEVITICO 18:25.

5.¿Bin ya xa spas cajwaltic Dios soc te lumq'uinal? APOCALIPSIS 21:1, 2 PEDRO 3:13.

LAMALUC ME Q'UINAL YAC AWA'IYIC.
PAZ A VOSOTROS.

ÉSTE CUADERNO PERTENECE A LA IGLESIA DE DIOS AUTONOMA.
TEMA GENERAL:PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
NUM.01/2022.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

07/03/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 11. TE SPRIMER YA'TEL TE WINIC.
12 DE MARZO DEL 2022.

SPISIL VERSÍCULO:"Hich te adán la slehbe sbihil spisil ta chahp ha'mal chambahlametic, mutetic, soc alaq'uil chambahlametic ayic ta q'uinal "... GÉNESIS 2:20.

SC'AN C'OPONEL:GÉNESIS 2:18-20.

TSOBIL C'OP YU'UN TE BIN TSAHBIL.
Te primer a'tel te la spas te winic ta lum q'uinal ha ayin ta scuenta te adán y ha te ya'beyel sbihil spisil te chambahlametic te cuxahtic, ¿bin wan ca cuy a? Lum wan a'teltiqu sbah! Yiq'uel soc jun sbihil ta jujun te bin pasbil, ¿ya bal ca na te cajwaltic Dios a'tej ehuc? ¡ha jich!, waqueb c'ahc'al a'tej c'alal la spas spisil te bin ay y la scux yo'tan ha' to ta shuquebal c'ahc'al (GÉNESIS 2:3). Ha yu'un te a'tel ta sit Dios ha jun muc'ul bendición, ha yu'un c'alal, yax a'tejotic ta chican bin spasel ya sc'an ya jpastic soc spisil co'tantic soc spasel bit'il yu'un ya yich' aq'ubeyel Dios. Te ca'teltic ya sc'an te ya xp'ohl, pero ma ha'uc nax te bin ya jtuquintic yu'un ya xcuxajotic a soc ha más lum bayel sc'oblalil te yax a'tejotic scuenta yu'un espíritu, c'alal lum lec ca pas te a'tel yu'un cajwaltic soc ya ca wich'bal jun t'uhbil lequil sit yu'un te lequil a'telil yu'un Dios.
Te sc'op Dios ya yal te lec ya yil te snich'an te yax a'tej, ma jichuc bit'il mach'atic max a'tejic, stuquel ha jun Dios te ya yich' ch'uhunel soc te yax tojawan soc te chican bin a'telil la jpastic. Ha yu'un tut quermano ta spisil ora ya sc'an te ya scoltaywanat yu'un te bintic ya yich' pasel ta ha na.

JOJC'OYELETIC.
1.¿ Bin scuentahil te primer ya'tel te adán?
SPRIMER PARRAFO YU'UN TE BIN TSAHBIL, GÉNESIS 2:20.

2.¿Bin ya yal te sc'op Dios scuenta yu'un te a'tel? COLOSENSES 3:23;ECLESIASTES 9:10;
GALATAS 6:4.

3.¿Bit'il ya yil Dios te mach'atic max a'tejic? HEBREOS 6:12, ROMANOS 12:11;
PROVERBIOS 6:9/13:14.

4.¿Bin ya yich' pasbeyel te mach'atic max a'tejic? 2 TESALONICENSES 3:10; PROVERBIOS 24:10.

5.¿Bit'il ya sc'an pasel te a'telil yu'un te cajwaltic? COLOSENSES 1:10; 2 PEDRO 1:8; MATEO 7:17.

LAMALUC ME Q'UINAL YAC AWA'IYIC.
PAZ A VOSOTROS.

ESTE CUADERNO PERTENECE A LA IGLESIA DE DIOS AUTONOMA.
TEMA GENERAL: PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
NUM.01/2022.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

05/02/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 07. JUN C'AHC'AL TE LUM BAYAL SC'OBLALIL.
12 DE FEBRERO DE 2022.

SPISIL VERSÍCULO:"La ya'be bendición te shuquebal c'ahc'al soc la sch'ultes, yu'un tey la scux yo'tan yu'un spisil te ya'tele. GÉNESIS 2:3.

SC'AN C'OPONEL: GÉNESIS 2:1-3.

TSOBIL C'OP YU'UN TE BIN TSAHBIL.
C'alal Dios la spas soc smuc'ul yu'el spisil te bin ay,soc lajemix ta pasel a te ch'ulchan soc te lumq'uinal, jich soc te bintic tey ay a ya xu ya quiltic ta sch'ul bin t'sihbabil te la scux yo'tan yu'un spisil te ya'tele.( EXODO 20:11 ).

Ta ju jun c'ahc'al te bin la spas Dios ma la yac'be sbihil,ha nax jich la sbihiltay jun c'ahc'al, schebal c'ahc'al, yoxebal c'ahc'al, schanebal c'ahc'al, yo'ebal c'ahc'al, swaquebal c'ahc'al soc shuquebal c'ahc'al ha te la scux yo'tan yu'un spisil te ya'tele. ( GÉNESIS 2:2 ).

Spisil te bin la spas Dios la yac'be bendición, soc xan,te shuquebal c'ahc'ale ma ja'uc nax la yac'be bendición,soc la sch'ultes, yu'un te ta c'ahc'al ini la scux yo'tan yu'un spisil te ya'tele. ( GÉNESIS 2:3 ).

Ta ora ini te winic la yac'ticlanbeyix sbihil te c'ahc'aletic,soc ta calendario ya xu ya quiltic te jun semana ya xcah ta c'ahc'al domingo soc ya xlaj soc te c'ahc'al sábado, ha jun c'ahc'al te ya sq'uej te snich'nab Dios te ma pajaluc soc te yantique.( ÉXODO 31:16-17 ).te c'ahc'al yu'un cux o'tan ha jun ch'ul c'ahc'al ta banti Dios la yac'botic yu'un cux-otan soc sc'ahc'alel ch'ul tsoblej.
( LEVITICO 23:3 ).

JOJC'OYELETIC.

1.¿Bin c'ahc'alil Dios la scux yo'tan yu'un spisil te ya'tele? ÉXODO 20:11; GÉNESIS 2:2; HEBREOS 4:4.

2.¿Bin la spas Dios soc te shuquebal c'ahc'al? GÉNESIS 2:3; DEUTERONOMIO 5:12.

3.¿Bin c'ahc'alil te lum bayal sc'oblalil yu'un Dios soc te snich'nab? ÉXODO 31:16-17;
EZEQUIEL 20:20.

4.¿Bin yu'un te sábado ha jun c'ahc'al te lum bayal sc'oblalil? ISAIAS 58:13-14; EZEQUIEL 20:12.

5.¿Bintic ya sc'an ca pas ta c'ahc'al sábado? ISAIAS 58:13-14,56:2; ÉXODO 20:8.

LAMALUC ME Q'UINAL YAC AWA'IYIC.
PAZ A VOSOTROS.

ÉSTE CUADERNO PERTENECE A LA IGLESIA DE DIOS AUTONOMA.
TEMA GENERAL: PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
NUM.01/2022.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

30/01/2022

24/01/2022

CUADERNO DE ESCUELA SABATICA INFANTIL TRADUCIDO DE DIALECTO TZELTAL CHIAPAS.

LECCIÓN 05: BINTIC YA XCUXAJIC TA HA' SOC MUTETIC TE YA XWIHLIC.
29 DE ENERO DEL 2022.

SPISIL VERSÍCULO:La yal te Diose: Ac'a chicnajuc bintic ya xcuxajic ta ha', soc mutetic te ya xwihlic ta sba te bahlumilal, ta yohlil te sjamalil te ch'ulchane, xchi. Hich c'oht yu'un. GÉNESIS 1:20.

SC'AN C'OPONEL: GÉNESIS 1:20-23.

TSOBIL C'OP YU'UN TE BIN TSAHBIL.
Tut quermano ¿ Ay bal ayinemat ta banti ya yich' aq'uel te bintic ya xcuxajic ta ha'? Hay bayal t'uhbil chayetic tey a. Soc xan ta muc'ul mar ay bayal xan,ma xu ya jnatic jayeb ay. Ay chayetic ta tut ta muc' soc bayal sch'ahlel,lum muc' jich bit'il te muc'ul chay te la sbic' soc la xehtay loq'uel ta lumq'uinal te jonas; soc te tutic bit'il te cristo Jesús la sp'ohltes jich la swe'tes te ants-winiquetique ( MATEO 15:36 ) ay bal ha jojc'obeyabah bin yu'un la spas spisil ha chambahlametic ini yu'un ha', bit'il soc bin ora la spas, ha wich'o jix jalbeyel bayal buelta te Dios lum muc' yu'el, te spisil ya xu yu'un soc ha spaso te bin ya xu ta ilel soc bin ma xu ta ilel ta sit te ants-winiquetique. Dios la yac'be scuxlejal spisil mutetic te ya xwihlic yu'un yax ayinic ta lumq'uinal soc ya xwihlic ta toyol soc la yac'be yu'un ac'a sp'ohlsbah ( GÉNESIS 1:21 ).¿ Bit'il ca cuy te c'ax c'alal Dios la spas spisil te mutetique? Ha jun bin ma xu ta pajaltayel la spas yu'un ya sp'ohltesbah ta lumq'uinal, yu'un ya xc'ayojinic ta yohlil sc'ab te te'etic soc ya xwihlic ta toyol ( SALMOS 104:12 ) Dios lec la yil te bin la spas ta yo'ebal c'ahc'al soc la yac'ticlambe bendición ( GÉNESIS 1:22-23 ).

JOJC'OYELETIC.
1.¿Banti la sp'ohltesbajic te chayetic soc te mutetique? SALMOS 8:8, GÉNESIS 1:20.

2.¿Mach'a a te la spas te bintic ya xcuxajic ta ha' soc te mutetic te ya xwihlic? GÉNESIS 1:21;
JOB 12:7-9.

3.¿Bin ora la spas Dios te bintic ya scuxajic ta ha' soc te mutetic te ya xwihlic? GÉNESIS 1:21 Y 23.SALMOS 50:11.

4.¿Bin la spas Dios soc ha t'uhbil bin pasbil ini? GÉNESIS 1:22; JOB 39:26-29.

5.¿Bin yu'un pasot te bintic ya xcuxajic ta ha' soc te mutetic te ya xwihlic? GÉNESIS 1:22;
JEREMÍAS 8:7,8.

LAMALUC ME Q'UINAL YAC AWA'IYIC.
PAZ A VOSOTROS.
ESTE CUADERNO PERTENECE A LA IGLESIA DE DIOS AUTONOMA.
TEMA GENERAL: PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
NUM.01/2022.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

16/01/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 04. TE CH'ULCHAN CH'ALOT YU'UN DIOS.
22 DE ENERO DEL 2022.

SPISIL VERSÍCULO:"Ha ya yal te jayeb eq'uetic ay,ta jujun ya yic'ticlan ta sbihil". SALMOS 147:4.

SC'AN C'OPONEL:GÉNESIS 1:20-23.

TSOBIL C'OP YU'UN TE BIN TSAHBIL.
Ta spatilal te la yil te st'uhbilal te lumq'uinal ( GÉNESIS 1:12 ), la snop yu'un ya, sch'al equ te ch'ulchan te spaso, la yal:" Ac'a chicnajuc bintic yaxtihl sc'ahc'al soc eq'uetic ta sjamalil ch'ulchan ". Ha jich te bit'il Dios la spas te bintic ya xtihl sc'ahc'al, ha te muc'ul c'ahc' te ya scuentahin te c'ahc'alel, soc te tut c'ahc' te ya scuentahin te ahc'abal, soc la spas te eq'uetique.

Ha bintic ya xtihlic, ma ba ja'uqunax ya sacubtes q'uinal ta lumq'uinal, soc ya yac' ta parte te c'ahc'alel soc parte ya xc'oht te ahc'abal, te ha señahiletic ya xc'oht yu'un te ya sjel sba te q'uinal, soc te jujun c'ahc'al, soc te jujun ha'biletic,ujetiqu,soc xan te tiempo yu'un ts'unbahel soc tsobeyel sit te ts'unub awalil,te tiempo yu'un a'tel, soc te cux o'tan.

Te sacal q'uinal soc te sq'uixinal te c'ahc'al lum bayal sc'oblalil yu'un te bintic ay ta bahlumilal ini,ma ba jauqunax yu'un te winic, soc xan equ yu'un te chambahlametic soc ha'maletic, yu'un jich ya xu ya xcol soc ya sp'ohlsbah a. Yu'un jich ch'uhuntaybeyel te bin yaloh Dios.

Ta biblia ya xu ya quiltic te c'ahc'al ya shahch,ya smahl,ya st'un sbeh ta ch'ulchan ( SALMOS 19:4-6; ECLESIASTES 1:5 ).

Jich bit'il la wil tut quermano, te bintic ya xtihlic ja jun te bin spaso Dios te lum tsam y bayal sc'oblalil.

JOJC'OYELETIC.
1.¿Bin yu'un la spas Dios te eq'uetique? GÉNESIS 1:15,16; SALMOS 136:8.9; JEREMÍAS 31:35.

2.¿Ya bal ya xu ya quich'tic ta muc' te c'ahc'al o te eq'uetique? DEUTERONOMIO 4:19; 17:2,3; JEREMÍAS 10:2.

3.¿Bin ya spasic te c'ahc'al soc te eq'uetique ta stojol Dios? NEHEMIAS 9:6, SALMOS 148:3-6.

4.¿Mach'a a te la sch'al te ch'ulchan?
SALMOS 136:4-9; ISAIAS 40:26; 45:11,12.

5.¿Bit'il la spas Dios te bintic ya xtihlic?
SALMOS 33:6;SALMOS 136:5; PROVERBIOS 3:19.

LAMALUC ME Q'UINAL YAC AWA'IYIC.
PAZ A VOSOTROS.
ESTE CUADERNO PERTENECE A LA IGLESIA DE DIOS AUTONOMA.
TEMA GENERAL: PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
NUM. 01/2022.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

10/01/2022

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 03. TA LUM Q'UINAL YA SCOL TE'ETIC SOC HA'MALETIC.
15 DE ENERO DEL 2022.

SPISIL VERSÍCULO:"La yal te Diose:Ac'a coluc ta lum q'uinal yaxal ha'maletic,ha te bic'tal ha'maletic te ya yac' sbac' soc te'etic te ya yac' sit,chican bin yilel sit ya yac' te jujuchahpe,xchi".GÉNESIS 1:11.

SC'AN C'OPONEL:GÉNESIS 1:11-13.

TSOBIL C'OP YU'UN TE BIN TSAHBIL.
Dios la yac'botic jun t'uhbil bahlumilal yu'un ac'a lec ya quiljbahtic soc te mach'atic ay cu'untic soc xan ehuc te chambahlametic,la sch'al soc t'uhbil sch'ahlel te ay yu'unic te te'etic soc ha'maletic, ( CANTARES 4:13 ),Soc la yac'botic sit te'etic, itajetic,yu'un we'el,( GÉNESIS 1:29 ) te smuc'ul sc'uxul yo'tan Dios te ya yich' te winic ya xu ta ilel soc te jujun chahp te bintic spaso.

Te parte taquin yu'un te bahlumilal la yac'be sbihilin lumq'uinal,ja hich hahchtalel te continentehetic,te ti'ti'maretic,te muc'ul-ha'etic,te witsetic soc te uc'umetic.ta sc'op nax te lum q'uinal ch'alot ta spisil nichimetic,ha'maletic soc te'etic te ya yac' sitic, la st'uhbiltay te uc'umetic soc witsetic soc bayal ta chahp nichimetic,ha'maletic, soc te'etic.

Spisil la spas yu'un jich ya scoltay te winic yu'un ya yac' te lequil iq'u soc ya yich' ta iq'u.te sc'uxul yo'tan te tatil la yac'be muc'ul t'uhbilal te bahlumilal te la spas .soc y bayal xan, te cajwaltic Dios ha te mach'a ya yich' halbeyel yutsil ta muc', spisil te bintic ya'tel lum muc' soc yutsil y ho'otic ya sc'an te ya canantaytic ha t'uhbil bahlumilal te sbihil lum q'uinal ini,soc haito lec ya yil te jtatic soc ya yabotic xan ha t'uhbil bendicionetic ta jujun c'ahc'al.
Tut quermano; ayuc me smuc'ul awo'tan soc canantaya te ha'maletic chican banti ayat.

JOJC'OYELETIC.
1.¿Bin a te ya yac' ta pasel Dios ta bahlumilal?
ECLESIASTES 2:5,6; SALMOS 65:9; GÉNESIS 2:15.

2.¿Bin ya sc'oht ta pasel yu'un te mach'a ya sjinic te bahlumilale? APOCALIPSIS 11:18; GÉNESIS 6:13.

3.¿Soc te st'uhbilal te te'etic soc ha'maletic bin yan la yac'botic Dios? DEUTERONOMIO 33:13-15,
2 SAMUEL 17:28.

4.¿Bit'il la yal Dios te yah canantaytic te bintic spaso? DEUTERONOMIO 20:19; 22:6,7; PROVERBIOS 24:27.

5.¿Bin yu'un te mar ma ba ya stsobsba soc te lumq'uinal? JOB 38:8-11; 26:10; SALMOS 33:6-9.

LAMALUC ME Q'UINAL YAC AWA'IYIC.
PAZ A VOSOTROS.

ÉSTE CUADERNO PERTENECE A LA IGLESIA DE DIOS AUTONOMA.
TEMA GENERAL: PERSEVERANDO EN LA PERFECCIÓN DE DIOS.
1 SEMESTRE DE LA LECCIÓN.
NUM.01/2022.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.

19/12/2021

CUADERNO DE ESCUELA SABATICA INFANTIL TRADUCIDO EN DIALECTO TZELTAL CHIAPAS.

LECCIÓN 26. CUENTAHINEL SBAHTEL Q'UINAL.
25 DE DICIEMBRE 2021.

SPISIL VERSÍCULO: La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to,soc mayuquix mar. APOCALIPSIS 21:1.

SC'AN C'OPONEL: APOCALIPSIS 21:1-5.

TSOBIL C'OP YU'UN TE BIN TSAHBIL.
Tut quermano,ta in slajibal bin tsahbil ini ya calbaticon scuentahil te yoxebal etapa te cuentahinel yu'un Dios, ha te scuentahinel sbahtel q'uinal. Ha cuentahinel ini ya sc'oht ta pasel ta spatilal c'alal lajemix a te cuentahinel lajun winic yoxbahc' yu'un cristo, soc yich'o stojolic ta tuhlutuhl chican bin spaso soc abilix a te bahlumilal bit'il nahilto, ayin yach'il ch'ulchan soc yach'il bahlumilal ( APOCALIPSIS 21:1 ).

C'alal ya slah te cuentahinel yu'un cristo, te pucuj ya yich' coltayel xuht' tiempo yu'un ya scha slo'loy te mach'atic ayic ta bahlumilal soc ya stsob yu'un ya scontrahin te snich'nab yu'un Dios;ha nix jich ,te cajwaltic ya slajin te pucuj soc te spisil shoyotac ( mach'atic mayuc sch'uhunel yo'tanic ) ya yich'ic lajinel sbahtel q'uinal, ya sch'ojotic ochel ta banti yac ta tihlel pamal c'ahc' soc azufre te ja te sche'bal buelta lajel. ( APOCALIPSIS 20:7-10 ).
Te sc'op Dios ya yal te ta ch'ulchan ya scohtal te yach'il Jerusalén, te ch'ul pueblo, ya xnahin Dios ta yohlil te ants-winiquetic ta ach' bahlumilal ta Jerusalén yu'un Dios yax ayin soc te mach'atic ac'bilic ta libre ( libre ayic yu'un mulil ) yu'un ya scuxinic sbahtel q'uinal, te pueblo ha la jich lum bayal yutsil soc calle yu'un oro chahpambil soc t'uhbil tonetic, haito yu'un ya yich' na'el te yutsilal soc yu'el te cuentahinel sbahtel q'uinal yu'un Dios. ( APOCALIPSIS 21:2-4 ).

Te etapa ini te cuentahinel yu'un Dios spisil te mach'atic jun yo'tanic la yaq'uic ta smandamiento yu'un Dios soc la spas spisil te bin lec yu'un lequil c'op,t'unel ta spisil ora te lequil beh yu'un cristo soc spasel te bin lec ta sit Dios ( MATEO 5:8 ). Jich bit'il alal queremat ya sc'an te ca wich' jalbeyel yotic nix yu'un te bintic ca pastiqu lan ha sit te ch'ultesel y ca wich' te premio yu'un te cuxajel sbahtel q'uinal soc yax ayinat soc Dios te ta scuentahinel sbahtel q'uinal.

JOJC'OYELETIC.
1.¿Bin ora ya sjahch tal te cuentahinel sbahtel q'uinal yu'un Dios? 1 CORINTIOS 15:24 y PRIMER PARRAFO YU'UN TE BIN TSAHBIL.

2.¿Bit'il yax ja'lot te cuentahinel sbahtel q'uinal?
APOCALIPSIS 21:1-2,23.

3.Ha la cha ox p'ahl bit'il a te cuentahinel sbahtel q'uinal. APOCALIPSIS 22:5.

4.¿Bit'il ya yich' lajinel te pucuj soc te shoyotac? ¿Mach'a ya spas? APOCALIPSIS 20:7-10.

5.¿Mach'atic yax ayinic soc Dios ta scuentahinel yu'un sbahtel q'uinal? APOCALIPSIS 21:3,27.

PAZ A VOSOTROS.
LAMALUC ME Q'UINAL YAC AWA'IYIC.

ÉSTE CUADERNO PERTENECE A LA IGLESIA DE DIOS AUTONOMA.
TEMA GENERAL:LA SANA DOCTRINA.
2 SEMESTRE DE LA LECCIÓN.
NUM.02/2021.
TRADUCTOR DE DIALECTO TZELTAL.
OBRERO VOLUMTARIO DE LA IGLESIA DE DIOS.