23/03/2026
ဝိဇ္ဇာ (၃) ပါး မှာ
(၁) ပုဗ္ဗေနိဝါသဉာဏ် (၂) ဒိဗ္ဗစက္ခုဉာဏ် (၃) အာသဝက္ခယဉာဏ်တို့ဖြစ်သည်။
၁။ ပုဗ္ဗေနိဝါသဉာဏ်-ရှေးဘဝမှ နေခဲ့သော ခန္ဓာအစဉ်ကို အောက်မေ့နိုင်သော ဉာဏ်။
၂။ ဒိဗ္ဗစက္ခုဉာဏ် - နတ်တို့၏ မျက်စိကဲ့သို့ အပိတ်အပင် အတားအဆီးမရှိ မြင်နိုင်သော ဉာဏ်။
၃။ အာသဝက္ခယဉာဏ် - အာသဝေါတရား လေးပါးကို ကုန်စင်အောင် ပြုတတ်သော အရဟတ္တမဂ်ဉာဏ်။
ဝိဇ္ဇာ (၈) ပါး မှာ
(၁) ဣဒ္ဓိဝိဓဉာဏ်၊(၂)ဒိဗ္ဗသောတဉာဏ်၊(၃) ပရစိတ္တဝိဇာနနဉာဏ်၊(၄) ဝိပဿနာဉာဏ်၊(၅) မနောမယိဒ္ဓိဉာဏ်၊ (၆)ပုဗ္ဗေနိဝါသာနုဿတိဉာဏ်၊(၇) ဒိဗ္ဗစက္ခုဉာဏ်၊(၈) အာသဝက္ခယဉာဏ်တို့ဖြစ်သည်။
၁။ ဣဒ္ဓိဝိဓဉာဏ် - တန်ခိုးအမျိုးမျိုး ဖန်ဆင်းနိုင်သောဉာဏ်။
၂။ဒိဗ္ဗသောတဉာဏ် - နတ်တို့၏ နားကဲ့သို့ ကြားနိုင်သောဉာဏ်။
၃။ ပရစိတ္တဝိဇာနနဉာဏ် - သူတပါး၏စိတ်ကိုပိုင်းခြား၍သိနိုင်သောဉာဏ်။
၄။ ဝိပဿနာဉာဏ် - ဖြစ်ပေါ်သမျှသော သင်္ခါရတရားတို့ကို လက္ခဏာသုံးပါးတင်၍ ရှုမြင်ဆင်ခြင်နိုင်သောဉာဏ်။
၅။ မနောမယိဒ္ဓိဉာဏ် - စိတ်သွားတိုင်း ကိုယ်ပါနိုင်သောဉာဏ်။
၆။ ပုဗ္ဗေနိဝါသာနုဿတိဉာဏ် - ရှေးရှေးသော ဘဝပေါင်းခြားများစွာက နေခဲ့ဘူးသော ခန္ဓာအစဉ်ကို အောက်မေ့နိုင်သောဉာဏ်။
၇။ ဒိဗ္ဗစက္ခုဉာဏ် - နတ်တို့၏မျက်စိကဲ့သို့ မြင်နိုင်သောဉာဏ်။
၈။ အာသဝက္ခယဉာဏ် - အာသဝေါတရားလေးပါးကို ကုန်စင်အောင်ပြုတတ်သော အရဟတ္တမဂ်ဉာဏ် တို့ဖြစ်သည်။
