Purification, Perpetuation and Propagation of Buddha Sasanadaw

Home
Myanmar
Yangon
Purification, Perpetuation and Propagation of Buddha Sasanadaw

ထေရဝါဒ ဗုဒ္ဓသာသနာတော် သန့်ရှင်း တည်တံ့ ပြန့်ပွားရေး အဖွဲ့ (သန့်တည် ပွား)

ဤ page သည် ထေရဝါဒ ဗုဒ္ဓသာသနာတော် သန့်ရှင်း တည်တံ့ ပြန့်ပွားရေး အဖွဲ့ (သန့် တည် ပွား) ရဲ့ သာသနာရေးဆိုင်ရာ ဆောင်ရွက်ချက်များ၊ လုပ်ငန်းစဉ်များ၊ ခန္ဓာကိုယ်တွေ့တရားများ တင်ပြထားသည့် အဖွဲ့၏ တရားဝင် သတင်းအချက်များ ဖြန့်ချီရာ နေရာဖြစ်ပါသည်။ ထေရဝါဒ ဗုဒ္ဓသာသနာဝင်ထုများ မိမိတို့သာသာနာ နှင့်ပတ်သက်၍ မှန် တို ရှင်း သိရှိလေ့လာနိုင်စေရန်၊ စိတ်ဝင်စားသူများလည်း အဖွဲ့နှင့်အတူ ပူးပေါင်း ပါဝင်၍ သာသနာ့အကျိုးကို ရခဲလှတဲ

့ လူ့ဘ၀ တခဏမှာ အများသူငှာအတွက် သယ်ပိုးထမ်းရွက်ကြစေရန် အတွက်လဲ ရည်ရွယ်ပါသည်။ မိမိတို့၏ သာသနာတော် သန့်ရှင်း တည်တံ့ ပြန်ပွားရေးအတွက် သာသနာဝင်တိုင်း တာဝန်ရှိ တာဝန်သိကာ မိမိတို့တတ်အားသမျှ သယ်ပိုးထမ်းရွက်ကြပါစို့။

ရည်ရွယ်ချက် နှင့် အနှစ်သာရ
=================
- ဗုဒ္ဓသာသနာဝင်တိုင်း ထေရဝါဒ သာသနာတော်၏ “အခြေခံ အနှစ်သာရ” များကို မှန်ကန်စွာ နားလည် သဘောပေါက်လာနိုင်ရေး။

- ဗုဒ္ဓအဆုံးမ ပန်းတိုင်ဖြစ်သော မြတ်နိဗ္ဗာန်သို့ မျက်မှောက်ပြု နိုင်ရေး အတွက် ဗုဒ္ဓသာသနာဝင်တိုင်း “ဝိပဿနာ ဘာဝနာ” ကျင့်ကြံ အားထုတ် လာနိုင်ရေး။

- ထေရဝါဒ ဗုဒ္ဓသာသနာတော် အစဉ်ထာဝရ သန့်ရှင်း-တည်တံ့-ပြန့်ပွားရေး အတွက် “ဗုဒ္ဓသာသနာဝင်တိုင်း ပူးပေါင်း” ပါဝင် လာနိုင်ရေး။

ဆက်သွယ်ရန်
========
095 973241841
095 943202189
095 95058964

[email protected]
[email protected]

03/08/2025

သန့်တည်ပွား အဖွဲ့၏ မြင့်မြတ်အလင်း ရိပ်သာ (စစ်ကိုင်း) တွင် အပတ်စဥ်ဆောင်ရွက်လျက်ရှိသော စုပေါင်းတရားထိုင်ပွဲ မှတ်တမ်း

19/07/2025

သန့်တည်ပွား အဖွဲ့၏ ရိပ်သာခွဲတစ်ခုဖြစ်သည့် စစ်ကိုင်း မြင့်မြတ်အလင်း ရိပ်သာတွင် ဆောင်ရွက်ခဲ့သော သာသနာပြု မှတ်တမ်းတချို့

21/01/2025

⚜️ ဒုလ္လဘတရား ၅-ပါး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 ယနေ့ ပြာသိုလပြည့်ကျော် ၈-ရက်ဥပုသ်နေ့မှာ

▪️ "ဒုလ္လဘတရား ၅-ပါး"

နဲ့ ဓမ္မဒါန ပြုချင်ပါတယ်။

🙏 "ဒုလ္လဘ - ရတောင့် ရခဲ၊ ခဲခဲယဉ်းယဉ်း" လို့ အဓိပ္ပါယ် ရပါတယ်။

🙏 ဒုလ္လဘတရား ၅-ပါး ရှိပါတယ် —

1️⃣ ဗုဒ္ဓုပ္ပါဒ ဒုလ္လဘ - ဘုရားရှင်နဲ့ မှီဖို့ ခဲယဉ်းခြင်း၊ ဘုရားရှင်ရဲ့ သာသနာ‌တော်အတွင်း ကျရောက်ဖို့ ခဲယဉ်းခြင်း၊
[ဥပမာ - ကာဠာဒေဝီလ၊ အာဠာရနှင့် ဥဒက]

2️⃣ သဒ္ဓမဿဝနအတိ ဒုလ္လဘ - သူတော်ကောင်းတရားများကို ကြားနာဖို့ နားထောင်နိုင်သော နားရှိဖို့ လွန်စွာ ခဲယဉ်းခြင်း၊

3️⃣ မနုဿတ္တဘာ‌ဝ ဒုလ္လဘ - မြင့်မြတ်သော (အကောင်းအဆိုး အကြောင်းအကျိုးကို သိမြင်နိုင်သော) လူသားဖြစ်ဖို့ ခဲယဉ်းခြင်း၊
[နခသိခသုတ်၊ ဆိဂ္ဂဠယုဂသုတ် (ကာဏကစ္ဆပသုတ်)]

4️⃣ သဒ္ဓါသမ္ပတ္တိ ဒုလ္လဘ - ယုံကြည်ထိုက်သော သစ္စာ ၄-ပါးတရားတို့ကို ယုံကြည်ဖို့ ခဲယဉ်းခြင်း၊ မယုံကြည်ထိုက်သော အဓမ္မတွေကို ယုံဖို့ လွယ်ကူခြင်း၊

5️⃣ ပဗ္ဗဇ္ဇိတဘာဝ ဒုလ္လဘ - ကိလေသာပယ်သတ်သော ရဟန်းအကျင့်ကို ကျင့်ဖို့ ခဲယဉ်းခြင်း

တို့ ဖြစ်ပါတယ်။

🙏 ယောဂီအပေါင်းတို့သည်

▪️ ယခုပစ္စုပ္ပန်အချိန်တွင် ဘုရားရှင်ရဲ့ သာသနာတွင်းမှာ ကျရောက်နေပြီး ဘုရားသာသနာ‌တော်နဲ့ မီနေကြပါပြီ၊

▪️ သူတော်ကောင်းတရား‌တွေကိုလည်း နာကြားနေကြတဲ့ မြင့်မြတ်‌သောလူသား ဖြစ်နေတဲ့အတွက် ဒုလ္လဘတရား ၃-ပါးနဲ့ ကြုံနေရပါပြီ၊

▪️ ဆက်လက်ပြီး ယုံကြည်ထိုက်တဲ့ တရားများကို ယုံကြည်ဖို့ ဆရာကောင်းရှာပြီး ကိလေသာပယ်သတ်သော ရဟန်းအကျင့်ကို ကြိုးစားကျင့်ဆောင်ကြပါ"

လို့ တိုက်တွန်းနိုးဆော်ရင်း ဓမ္မဒါနကို နိဂုံးချုပ်လိုက်ပါတယ်။

⚜️ ⚜️ ⚜️ ⚜️ ⚜️

#ဒုလ္လဘတရား၅ပါး
#သန့်တည်ပွါး

12/01/2025

⚜️ ဗြဟ္မစိုရ်တရား ၄-ပါး ⚜️

🙏 ကျေးဇူးရှင် မိဘ ဆွေမျိုး ယောဂီများ အားလုံး…မင်္ဂလာပါ။

🙏 ယနေ့ ပြာသိုလပြည့် ဥပုသ်နေ့မှာ လူမျိုး၊ ဘာသာတိုင်း လက်ကိုင်ကျင့်သုံးသင့်တဲ့

▪️ "ဗြဟ္မစိုရ်တရား ၄-ပါး"

ကို ဆွေးနွေးပေးပါမယ်။

🙏 ဗြဟ္မစိုရ်တရား ၄-ပါးကတော့

1️⃣ မတ်ေတာ၊
2️⃣ ကရုဏာ၊
3️⃣ မုဒိတာ၊
4️⃣ ဥပေက္ခာ

တို့ ဖြစ်ပါတယ်။

⚜️ မတ်ေတာ ⚜️

🙏 သတ္တဝါအားလုံး…

▪️ ကောင်းတာ အပြည့်၊
▪️ မကောင်းတာ မရှိစေချင်တဲ့ "စေတနာ"၊
▪️ သူတစ်ပါး အကျိုးကို လိုလားခြင်း

ဖြစ်ပါတယ်။

🙏 "သဗ္ဗသင်္ဂဟက - တပေါင်းတည်း မေတ္တာပို့သနည်း" ကတော့

▪️ "သတ္တဝါအားလုံး…အငြိမ်းဆုံး ကျင့်သုံး ပြန့်ပွါးနိုင်ပါစေ"

လို့ ခြုံငုံမေတ္တာ ပို့သခြင်းသည် မြန်ဆန် ထိရောက်ပါတယ်။

⚜️ ကရုဏာ ⚜️

▪️ မိမိအောက်နိမ့်တဲ့
▪️ ဉာဏ်နုံ့တဲ့

ပုဂ္ဂိုလ် သတ္တဝါများအပေါ် ဝဋ်ဒုက္ခအပေါင်းမှ လွတ်မြောက်စေလိုတဲ့ "စေတနာ" ဖြစ်ပါတယ်။

⚜️ မုဒိတာ ⚜️

🙏 လောကီ လောကုတ္တရာမှာ မိမိထက်

▪️ သာလွန်တဲ့
▪️ ကောင်းစားနေတဲ့

ပုဂ္ဂိုလ်များအပေါ် ဝမ်းမြောက်ခြင်း "စေတနာ" ဖြစ်ပါတယ်။

⚜️ ဥပေက္ခာ ⚜️

▪️ ကံ ကံ၏အကျိုးကို နားလည်ပြီး
▪️ ချစ်ခြင်း မုန်းခြင်း မရှိ
▪️ အညီအမျှ ဘက်မလိုက်ခြင်း

ဖြစ်ပါတယ်။

🙏 "ဗြဟ္မစိုရ်တရား ၄-ပါးကို

▪️ နားထောင်ကောင်းအောင်၊
▪️ သူများ ကြားကောင်းအောင်

ရွတ်ဆိုရုံ၊ ပါးစပ်ဖျားနဲ့ ပြောရုံမဟုတ်ဘဲ

▪️ စိတ်ရင်းစေတနာကောင်းတို့ ရှိမှသာ ကာယကံ၊ ဝစီကံက လုပ်ဆောင်နိုင်မှာ ဖြစ်တယ်"

လို့ ပြောကြားရင်း ယခုနှစ်သစ်မှစ၍ ဗြဟ္မစိုရ်တရား ၄-ပါးကို လက်ကိုင်ထားပြီး

▪️ "သံသရာ လွတ်မြောက်ကြောင်း ဝိပဿနာတရားကို ကြိုးစားပွါးများ အားထုတ်ကြပါ"

လို့ တိုက်တွန်းရင်း နိဂုံးချုပ်ပါတယ်။

⚜️ ⚜️ ⚜️ ⚜️ ⚜️

#ဗြဟ္မစိုရ်တရား၄ပါး
#သန့်တည်ပွါး

28/12/2024

⚜️ မီး ၁၁-ပါး၊ ကိလေသာ ၁၄-ပါး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 ယနေ့ နတ်တော်လကွယ် ဥပုသ်နေ့မှာ

▪️ "မီး ၁၁-ပါး၊ ကိလေသာ ၁၄-ပါး"

နဲ့ ဓမ္မဒါန ပြုပေးပါ့မယ်။

🙏 ယောဂီအားလုံးတို့ဟာ‌ နေ့စဉ်နဲ့အမျှ သတိမကပ်ရင် မကပ်သလို မီး ၁၁-ပါး၊ ကိလေသာ ၁၄-ပါး စသဖြင့် အကုသိုလ်စေတသိက်တွေဟာ လောင်မြိုက်နေကြပါတယ်။

🙏 မီး ၁၁-ပါးကို မှတ်သားရ လွယ်ကူအောင်

▪️ "လော၊ ဒေါ၊ မော၊ ဇာ၊ ဇ၊ မ၊ သော၊ ပ၊ ဒု၊ ဒေါ၊ ဥ"

လို့ အတိုကောက် မှတ်နိုင်ပါတယ်။

1️⃣ လော - လောဘ (လိုချင်တပ်မက်)၊
2️⃣ ဒေါ - ဒေါသ (အမျက်ထွက်)၊
3️⃣ မော - မောဟ (တွေဝေ၊ အမှားသိ)၊
4️⃣ ဇာ - ဇာတိ (ပဋိသန္ဓေနေ)၊

5️⃣ ဇ - ဇရာ (ရင့်ရော်၊ ဆုတ်ယုတ်လျော့ပါး)၊
6️⃣ မ - မရဏ (သေခြင်း)၊
7️⃣ သော - သောက (စိုးရိမ်ကြောင့်ကြ၊ ပူဆွေး)၊

8️⃣ ပ - ပရိဒေဝ (ငိုကြွေး)၊
9️⃣ ဒု - ဒုက္ခ (ကိုယ်ဆင်းရဲခြင်း)၊
🔟 ဒေါ - ဒေါမနဿ (စိတ်မသာယာ)၊
1️⃣1️⃣ ဥ - ဥပါယာသ (စိတ်ပင်ပန်း)။

🙏 ကိလေသာ ၁၄-ပါးကို မှတ်သားရ လွယ်ကူအောင်

▪️ "လော၊ ဒေါ၊ မော၊ မာ၊ ဒိ၊ ‌ဝိ၊ ထိ၊ ဥ၊ အ၊ အ၊ ဣ၊ မ၊ ကု၊ မိ"

လို့ အတိုကောက် မှတ်သားနိုင်ပါတယ်။

1️⃣ လော - လောဘ (လိုချင်တပ်မက်)၊
2️⃣ ဒေါ - ဒေါသ (အမျက်ထွက်‌)၊
3️⃣ မော - မောဟ (တွေဝေ၊ အမှားသိ)၊
4️⃣ မာ - မာန (ထောင်လွှား၊ အထင်လွှဲ)၊

5️⃣ ဒိ - မိစ္ဆာဒိဋ္ဌိ (အမှတ်မှား၊ အသိမှား၊ အယူမှား)၊
6️⃣ ဝိ - ဝိစိကိစ္ဆာ (ယုံမှားသံသယ)၊
7️⃣ ထိ - ထိန (စိတ်ထိုင်းမှိုင်း)၊

8️⃣ ဥ - ဥဒ္ဓစ္စ (စိတ်ပြန့်လွင့်)၊
9️⃣ အ - အဟိရိက (မကောင်းမှုကို မရှက်)၊
🔟 အ - အနောတ္တပ္ပ (မကောင်းမှုကို မကြောက်)၊

1️⃣1️⃣ ဣ - ဣဿာ (မနာလို)၊
1️⃣2️⃣ မ - မစ္ဆရိယ (ဝန်တို)၊
1️⃣3️⃣ ကု - ကုက္ကုစ္စ (နောင်တ တဖန်ပူပန်)၊
1️⃣4️⃣ မိ - မိဒ္ဓ (စေတသိက် ထိုင်းမှိုင်းခြင်း)

တို့‌ ဖြစ်ပါတယ်။

🙏 မီး ၁၁-ပါး၊ ကိလေသာ ၁၄-ပါးကို သိရှိပြီး နှစ်ဟောင်းက ပြုခဲ့သမျှ ဖြစ်ခဲ့သမျှ ကိစ္စများကို သံဝေဂယူပြီး လာမယ့် နှစ်သစ်မှ စပြီး

▪️ "ကိလေသာ၊ မီးများ မဝင်ရလေအောင် ဝိပဿနာသတိ၊ နေစဉ်သတိ ကပ်၍ ငြိမ်းသတ်ကြပါစို့"

လို့ တိုက်တွန်းရင်း နိဂုံးချုပ်ပါတယ်။

⚜️ ⚜️ ⚜️ ⚜️ ⚜️

#မီး၁၁ပါး
#ကိလေသာ၁၄ပါး
#သန့်တည်ပွါး

22/12/2024

⚜️ ပရိဘောဂ ၄-ပါး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 ယနေ့ နတ်တော် လပြည့်ကျော် ၈-ရက် ဥပုသ်နေ့မှာ ဓမ္မဒါန ပြုပေးလိုတဲ့ ခေါင်းစဉ်ကတော့

▪️ "ပရိဘောဂ ၄-ပါး"

ဖြစ်ပါတယ်။

🙏 ပရိဘောဂရဲ့ အဓိပ္ပါယ်ကတော့ မြန်မာလို အသုံးအဆောင်လို့ အဓိပ္ပါယ်ရပါတယ်။

1️⃣ ထေယျ ပရိဘောဂ၊
2️⃣ ဣဏ ပရိဘောဂ၊
3️⃣ ဒါယဇ္ဇ ပရိဘောဂ၊
4️⃣ သာမိ ပရိဘောဂ

တို့ပဲ ဖြစ်ပါတယ်။

🙏 ပရိဘောဂ ၄-ပါးကို တရားအားထုတ်ကြမယ့် ယောဂီများ၊ အဓိဋ္ဌာန်တရားစခန်း ဝင်ရောက်ကြမယ့် ယောဂီများ အထူးသိသင့်လှပါတယ်။

🙏 မှတ်သားရ လွယ်ကူအောင်

▪️ "ခိုး၊ ကြွေး၊ မွေ၊ ခင်"

လို့ အတိုကောက် မှတ်ကြပါစို့။

🙏 ပါဠိများကို မြန်မာလို အဓိပ္ပါယ်ဖွင့်ဆိုရမယ် ဆိုရင်တော့

1️⃣ ထေယျ ပရိဘောဂ — သီလမရှိဘဲ သီလမလုံခြုံဘဲ အလှူရှင် လှူဒါန်းသမျှတွေကို စားသောက် သုံးဆောင်နေမယ် ဆိုရင်တော့ ခိုးစားနေတာနဲ့ တူပါတယ်၊ (ခိုး)

2️⃣ ဣဏ ပရိဘောဂ — အလှူရှင်များ လှူဒါန်းထားတဲ့ အသုံးအဆောင် အစားအသောက်များကို ပစ္စဝေက္ခဏာ မဆင်ခြင်ဘဲ စားသုံးပါလျှင် ချေးငှားစားခြင်း၊ အကြွေးယူသကဲ့သို့ နောင်ဘဝ ပြန်ဆပ်ရပါလိမ့်မယ်၊ (ကြွေး)

3️⃣ ဒါယဇ္ဇ ပရိဘောဂ — ပစ္စဝေက္ခဏာ ဆင်ခြင်ပြီး သုံးဆောင်ပါက ဘုရားရှင်ရဲ့ အမွေကို ခံယူလိုက်တာနဲ့ တူပါတယ်၊ (မွေ)

4️⃣ သာမိ ပရိဘောဂ — အလှူရှင်များ လှူဒါန်းထား‌တဲ့ အသုံးအဆောင်ပစ္စည်းများကို ဓာတ်ကြီး ၄-ပါး မျှတစေရန်အတွက် လည်းကောင်း၊ တဏှာ့ကျွန်မှ လွတ်လို၍ လည်းကောင်း၊ သံသရာ ဝဋ်ဆင်းရဲအပေါင်းမှ လွတ်မြောက်လိုတဲ့ ဉာဏ်ကုသိုလ်စိတ်ဖြင့်သာ သုံးဆောင်မယ်ဆိုရင်တော့ သခင် သုံးဆောင်ခြင်း (ရဟန္တာကြီးများ သုံးဆောင်ခြင်း) ဖြစ်ပါတယ်။ (ခင်)

🙏 ယောဂီများအနေနဲ့ ပရိဘောဂ ၄-ပါးရဲ့အဓိပ္ပါယ်များကို သိရှိပြီး

▪️ "မိမိတို့ ထိန်းနိုင်တဲ့ သီလတော်များကို မကျိုးမပေါက်၊ မပြောက်မကြားအောင် ထိန်းသိမ်းစောင့်ရှောက်ရင်း
▪️ ပစ္စည်း ၄-ပါး သုံး‌ဆောင်တိုင်း ပစ္စဝေက္ခဏာ ဆင်ခြင်ပြီးမှ သတိကပ် သုံးဆောင်ကြပါ"

လို့ တိုက်တွန်းနိုးဆော်ရင်း ဓမ္မဒါနကို နိဂုံးချုပ်လိုက်ပါတယ်။

⚜️ ⚜️ ⚜️ ⚜️ ⚜️

#ပရိဘောဂ၄ပါး
#သန့်တည်ပွါး

14/12/2024

ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များအားလုံး မဂ်လာပါ။🙏

⚜ယနေ့ နတ်တော်လပြည့် ဥပုသ်နေ့
မှာ ဓမ္မဒါနပြုပေးလိုတဲ့ခေါင်းစဉ်ကတော့.... မြတ်စွာဘုရားရှင် ဟောကြားထားတဲ့ အဂ်ုတ္တရနိကယ်၊ပဉ္စကနိပါတ်၊စတုတ္ထပဏ္ဏာသက အာဃာတဝဂ်၊
ပထမအာဃာတပဋိဝိနယသုတ်တော်မှာလာတဲ့ ရန်ငြိုးပယ်ဖျောက်ခြင်း အချက်(၅) ချက်နဲ့ ဓမ္မဒါနပြုပေးပါ့မယ်။🙏

သတ္တဝါ အားလုံးတို့သည် သံသရာ တစ်လျှောက် ရခဲ့သည့်ဘဝတိုင်းမှာ ပရိယေသန (ပျက်စီးမည့်တရားများကိုရှာ‌ဖွေရင်း) ဝမ်းစာရေးအတွက် ကျင်လည်ကျက်စားနေကြတဲ့အခါမှာ တစ်ဦးနဲ့တစ်ဦး အလိုမကျစရာတွေ၊စိတ်ဆိုးစရာတွေ၊ပြစ်မှားမိရာကစလို့ ဒေါသအရှိန်တွေနဲ့ ရန်ငြိုးတွေဖွဲ့ပြီး သံသရာချဲ့ခဲ့ကြပါတယ်။

ဘုရားရှင်မှ တန်ဖိုးရှိလှတဲ့လက်ကျန်အချိန်တွေကို အကုသိုလ်စိတ်တွေနဲ့မကုန်စေဖို့၊ ကုသိုလ်စိတ်တွေနဲ့မွမ်းထုံစေဖို့ ၊ ရန်ငြိုးများပယ်ဖျောက်နိုင်ပြီး သံသရာမှလွတ်ရန်အားကြီးသည့်အထောက်အပံ့ကိုဖြစ်စေနိုင်သော အောက်ပါ တရားတော်ကိုဟောကြားခဲ့ပါတယ်။

၁။ မေတ္တာပွါးပါ၊(အဒေါသ)
၂။ ကရုဏာထားပါ။
၃။ ဥပေက္ခာ ပြုပါ။
၄။ နှလုံးမသွင်းရ၊သတိမထားပါနဲ့။
၅။ ကံတရားကိုဆင်ခြင်ပါ။(ကံသာလျှင်အမွေခံ၊ ကံသာလျှင်မိမိဥစ္စာ၊ကံသာလျှင်အကြောင်း၊ကံသာလျှင်မှီခိုရာ)
စသဖြင့် ၎င်း(၅)ချက်ထဲမှ မိမိအားသန်ရာကို နှလုံးသွင်းဆင်ခြင်ခြင်းအားဖြင့် မိမိသန္တာန်တွင် ဖြစ်ပေါ်နေသော အာဃာတနှင့်တကွ ရန်ငြိုးများကို‌ ဖြေဖျောက်၊ပယ်ဖျက်ကြပါ။ ဒေါသ မှ သံဝေဂ သို့ကူးကာ သံဝေဂ ရစရာကို သံဝေဂယူပြီး အခါအားလျော်စွာ ဝိပဿနာ တရား ပွါးများကြပါလို့ မေတ္တာဖြင့်မျှဝေရင်းဓမ္မဒါနကိုနိဂုံးချုပ်လိုက်ပါတယ်။🙏

#ရန်ငြိုးပယ်ဖျောက်ခြင်းတရား

07/12/2024

⚜️ လေခသုတ် ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

ယနေ့ နတ်တော်လဆန်း(၈)ရက်ဥပုသ်နေ့မှာ အဂ်ုတ္တရနိကာယ်၊တိကနိပါတ်၊ တတိယပဏ္ဏာသက၊ ကုသိနာရဝဂ် မှာဘုရားရှင်ဟောကြားတော်မူခဲ့တဲ့" လေခ " သုတ်တော်နဲ့ဓမ္မဒါန ပြုပေးပါ့မယ်။🙏

လေခ ဆိုတဲ့အဓိပ္ပါယ်ကတော့=ကမ္ဗည်းထိုးခြင်း၊ရေးမှတ်ခြင်းလို့ အဓိပ္ပါယ်ရပါတယ်။

အတိုကောက်မှတ်သားရလွယ်ကူအောင် "ကျောက်၊မြေ၊ရေ" လို့မှတ်သားနိုင်ပါတယ်။

ယောဂီအများစုဟာ ကုသိုလ်တွေ မြောက်များစွာ ပြုလုပ်ဆောင်ရွက်‌နေကြသော်လည်း စိတ်အလိုမကျ‌စေတဲ့ အကုသိုလ်‌ ဒေါသ အနည်းငယ်ကြုံတွေ့လာကြတဲ့အခါ အဲဒီအကုသိုလ်ဒေါသတွေကို အာဃာတ အဖြစ်ကြီးထွားစေပြီး....စိတ်ထဲမှာတေးမှတ်၊ ရေးမှတ်လေ့ရှိကြပါတယ်။✍️

မြတ်စွာဘုရားရှင်မှ ...

1️⃣ကျောက် (ကျောက်ထွင်း) = အချို့ပုဂ္ဂိုလ်တွေကမိမိရဲ့ အမျက်ဒေါသ အာဃာတတွေကို ... ကျောက်မှာ စာထွင်းထား၊ကမ္ဗည်းထိုးထားသကဲ့သို့ နေ့၊ညဉ့် အစဉ်မပြတ်အမျက်ထွက်လျက်မကျေနပ်ချက်တွေကို စိတ်ထဲမှာ ကြာကြာတည်ထားလေ့ရှိကြပါတယ်။

2️⃣ မြေ (မြေခြစ်) = အချို့ပုဂ္ဂိုလ်တွေကျတော့မိမိရဲ့အမျက်ဒေါသ အာဃာတတွေကို နေ့ညဉ့် ရှည်စွာ ကြာရှည်မကိန်းပဲ မြေကြီးမှာ စာရေးသကဲ့သို့ ဖြစ်လွယ် ပျောက်လွယ်သဘောမျိုးနဲ့ ကြာကြာတည်လေ့မရှိကြပါဘူး။

3️⃣ ရေ (ရေပေါ်ရေး) = အချို့ပုဂ္ဂိုလ်တွေကျတော့ မိမိတို့ရဲ့အမျက်ဒေါသ အာဃာတတွေကို ရေပေါ်မှာစာရေးလျှင် လျင်မြန်စွာပျက်သွားသလို အတွင်းအဇ္ဈတ္တ မှာပင် သတိကပ်လျက် ဒေါသဟာ ပူတယ်လို့သိပြီး ဖြစ်လိုက်တာနဲ့ ပျက်သွားတာကို မိမိစိတ်သန္တာန်မှာဘာမှမကျန်အောင် ၊ လျင်စွာကင်းပျောက်အောင် နှလုံးသွင်းမှန်တဲ့ပုဂ္ဂိုလ်။ (ရုန့်ရင်းသောစကား၊ကြမ်းကြုတ်‌ သောစကား၊မနှစ်သက်ဖွယ်သောစကားတို့ကို ပြောလာသည်ရှိ‌သော်)

ယောဂီအပေါင်းတို့လည်းမိမိတို့ရဲ့ဘဝတလျောက်လုံးမှာ အကုသိုလ်ဖြစ်စေမယ့် (‌အမျက်ဒေါသ၊အာဃာတ) ရှိနေခဲ့ပါလျှင် သူ့ရဲ့ ကောင်းကွက်ကလေးတွေကိုကြံဖန်ရှာပြီး ရေပေါ်မှာစာရေးသလို အမျက်ဒေါသတွေကိုဖြေဖျောက်ကြပါ။🙏

✍️ကာယကံ၊ဝစီကံ၊မနောကံ ကုသိုလ်များလုပ်၍ နှလုံးသားမှာ ကျောက်ထက်အက္ခရာတင်သလို ကုသိုလ်ကမ္ဗည်းများထိုး၍
သမထဘာဝနာ ဝိပဿနာဘာဝနာကိုကျင့်ကြံကြိုးကုတ် အားထုတ်ရင်း နိဗ္ဗာန်သို့ မျက်‌မှောက်ပြုရန် ကြိုးစားကြပါလို့ တိုက်တွန်းရင်း လေခသုတ်တော်ကိုနိဂုံးချုပ်လိုက်ပါပြီ။🙏

#လေခသုတ်

29/11/2024

⚜️ ဆရာကောင်းအင်္ဂါ ၇-ပါး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 ယနေ့ တန်ဆောင်မုန်းလကွယ် ဥပုသ်နေ့မှာ ဓမ္မဒါန ပြုပေးမယ့် ခေါင်းစဉ်ကတော့

▪️ အင်္ဂုတ္တရနိကာယ်၊
▪️ သတ္တကနိပါတ်၊
▪️ တတိယပဏ္ဏာသက၊
▪️ ဒေဝတာဝဂ်၊
▪️ ဒုတိယမိတ္တသုတ်

မှာ လာရှိတဲ့

▪️ "ဆရာကောင်းအင်္ဂါ ၇-ပါး"

နဲ့ ဓမ္မဒါန ပြုလိုပါတယ်။

ဆရာကောင်းအင်္ဂါ ၇-ပါးကို အတိုမှတ်သားရ လွယ်ကူလေအောင်

▪️ "ချစ်၊ လေး၊ ပွါး၊ ဆုံး၊ ခံ၊ ဟော၊ ကျိုး"

လို့ မှတ်သားနိုင်ပါတယ်။

1️⃣ ချစ် — လူသူအများ ချစ်ခင်ထိုက်တဲ့ ပုဂ္ဂိုလ်၊
2️⃣ လေး — လူသူအများ အလေးအမြတ် ရိုသေထိုက်တဲ့ ပုဂ္ဂိုလ်၊
3️⃣ ပွါး — လူသူအများရဲ့ နှလုံးကို ပွါးစေ ပျော်မွေ့စေအောင် ချီးမွမ်းတတ်တဲ့ ပုဂ္ဂိုလ်၊

4️⃣ ဆုံး — တပည့်များရဲ့ လွဲမှား မိုက်မဲမှုများကို ဆုံးမတတ်သူ၊
5️⃣ ခံ — တစ်ပါးသူရဲ့ ဆုံးမခြင်းကိုလည်း ခံယူတတ်သူ၊
(‌မေးသမျှ ဖြေဆိုနိုင်သူ)

6️⃣ ဟော — နက်နဲတဲ့ တ‌ရားတော်များကို ဟောပြောနိုင် ရှင်းပြနိုင်သူ၊
(ခန္ဓာ၊ အာယတန၊ ဓာတ်၊ သစ္စာ၊ ပဋိစ္စသမုပ္ပါဒ်)

7️⃣ ကျိုး — အကျိုးများတဲ့ အလုပ်ကိုသာ ညွှန်ပြတတ်သူ။
(သူတစ်ပါးအပေါ် အကျိုးစီးပွါးကိုသာ အလိုရှိပြီး အစဉ်သနားတတ်သူ)

🙏 အထက်ပါ အချက်များနဲ့ ကိုက်ညီတဲ့

▪️ အဆွေခင်ပွန်း၊
▪️ ရဟန်း‌ကောင်း၊
▪️ ဆရာကောင်း

တို့နဲ့ တွေ့ဆုံပါက ၎င်းတို့က နှင်ထုတ်သော်လည်း

▪️ မှီဝဲ ဆည်းကပ် ခစားပါ၊
▪️ လက်မလွှတ်တမ်း ဆုပ်ကိုင်ထားလိုက်ပါ။

🙏 မိမိတို့ ကိုယ်တိုင်လည်း

▪️ "ဆရာကောင်းအင်္ဂါ ၇-ပါးနဲ့အညီ ကျင့်ကြံကြိုးကုတ် အားထုတ်ကြပါရန်"

တိုက်တွန်း နိုးဆော်ရင်း ဓမ္မဒါနကို နိဂုံးချုပ်လိုက်ပါတယ်။

⚜️ ⚜️ ⚜️ ⚜️ ⚜️

#ဆရာကောင်းအင်္ဂါ၇ပါး
#သန့်တည်ပွါး

23/11/2024

⚜️ ထာဝရအပြုံး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 ယနေ့ တန်ဆောင်မုန်း လပြည့်ကျော် ၈-ရက် ဥပုသ်နေ့မှာ လူအများ ထာဝရပြုံးနိုင်ဖို့အတွက်

▪️ "ထာဝရအပြုံး"

ခေါင်းစဉ်နဲ့ ဓမ္မဒါန ပြုပေးပါမယ်။

🙏 ယောဂီအပေါင်းတို့အား

▪️ "များများပြုံးပါရန်"

တိုက်တွန်းချင်ပါတယ်။

🙏 ကုသိုလ်စိတ်ဖြင့် "ပြုံးပန်းတစ်ထောင်"
အပြုံးများစွာ ထာဝရ ပြုံးနေကြမယ်ဆိုရင်

1️⃣ M — Smiling may improve your mood.

ပြုံးနေခြင်းသည် စိတ်နေစိတ်ထားကို အရင်ကထက် ပိုမိုတိုးတက် ကောင်းမွန်စေပါတယ်။

2️⃣ S - Slash Stress.

ပြုံးနေခြင်းသည် စိတ်ဖိစီးမှုကို လျှော့ချစေပါတယ်။

3️⃣ I — Boost your immune system.

ပြုံးနေခြင်းသည် ကိုယ်ခံအား 'Resistance' ခံနိုင်ဝန်ကို မြင့်တက်စေပါတယ်။

4️⃣ P — Lower blood pressure.

ပြုံးနေခြင်းသည် သွေးဖိအားကို ကောင်းစေပါတယ်။

▪️ "So, smile the day always - ဒါကြောင့် အမြဲပြုံးပါ"

🙏 မိမိတို့သည် အထက်ပါ အကျိုးတရားများလည်း ရရှိပြီး သူတစ်ပါး နှလုံးသားကို အေးမြစေဖို့ အချိန်တိုင်းမှာ

▪️ "နှစ်လိုဖွယ်အပြုံး"
▪️ "lnnocent - ဖြူစင်တဲ့ အပြုံး"

များဖြင့် နှုတ်ဆက်ကြပြီး

▪️ "ထာဝရအပြုံး ပိုင်ရှင်များ"

ဖြစ်အောင် ကြိုးစားကြပါလို့ တိုက်တွန်းရင်း နိဂုံးချုပ်ပါတယ်။

⚜️ ⚜️ ⚜️ ⚜️ ⚜️

#ထာဝရအပြုံး
#သန့်တည်ပွါး

15/11/2024

⚜️ ဗြဟ္မစိုရ်တရား ၄-ပါး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 တန်ဆောင်မုန်းလပြည့် ဥပုသ်နေ့မှာ

▪️ "ဗြဟ္မစိုရ်တရား ၄-ပါး"

တရားခေါင်းစဉ်နဲ့ ဓမ္မဒါန ပြုပေးပါမယ်။

08/11/2024

⚜️ မိတ်ဆွေကောင်းအင်္ဂါ ၇-ပါး ⚜️

🙏 ကျေးဇူးရှင် မိဘ ဆရာသမားများ ဆွေတော်မျိုးတော်များနှင့် ယောဂီသူတော်စင်များ အားလုံး…မင်္ဂလာပါ။

🙏 ယနေ့ တန်ဆောင်မုန်းလဆန်း ၈-ရက် ဥပုသ်နေ့မှာ

▪️ "ပထမမိတ္တသုတ်"

ကို ဓမ္မဒါန ပြုလိုပါတယ်။

🙏 ဒီသုတ်‌တော်ကို

▪️ ပိဋကတ်မြန်မာပြန်၊
▪️ အင်္ဂုတ္တရနိကာယ်၊
▪️ သတ္တကနိပါတ်၊
▪️ တတိယပဏ္ဏာသက၊
▪️ ဒေဝတာဝဂ်

မှာ အကျယ် ဖတ်ရှုနိုင်ပါတယ်။

🙏 အဆွေခင်ပွန်းကောင်း မိတ်ဆွေကောင်း ဖြစ်ရန် အောက်ပါအချက် ၇-ချက်နဲ့ ပြည့်စုံရပါမယ်။

🙏 အတိုကောက် မှတ်သားရ လွယ်ကူအောင်

▪️ "ပေး၊ ပြု၊ ခံ၊ ထင်၊ ဝှက်၊ ထီ၊ စွန့်"

လို့ မှတ်ကြပါစို့။

1️⃣ ပေး — သူတစ်ပါး ပေးနိုင်ရန် ခက်ခဲသော အရာဝတ္ထုကို ပေးနိုင်သူ၊
2️⃣ ပြု — သူတစ်ပါး ပြုလုပ်ပေးရန် ခက်ခဲသော အမှုကိစ္စကို ပြုပေးနိုင်သူ၊
3️⃣ ခံ — သူတစ်ပါး သည်းခံနိုင်ဖို့ ခက်ခဲသောအရာကို သည်းခံနိုင်သူ၊

4️⃣ ထင် — မိမိ၏ လျှို့ဝှက်အပ်သော အရာကို ထိုအဆွေခင်ပွန်းအား ထင်စွာပြုသူ၊
5️⃣ ဝှက် — ထိုအဆွေခင်ပွန်း၏ လျှို့ဝှက်အပ်သော အရာကို မည်သူ့ကိုမျှ မပြောဘဲ လျှို့ဝှက်ပေးသူ၊

6️⃣ ထီ — မိမိ၏ ပစ္စည်းဥစ္စာ ကုန်ဆုံးပျက်စီး၍ နိမ့်ပါးသွားသော အခါ၌ မထီမဲ့မြင် မပြုသူ၊
7️⃣ စွန့် — မိမိမှာ ဘေးအန္တရာယ် အသက်ဘေးရန် ကြုံပါက မစွန့်ခွာဘဲ ကူညီသူ

တို့ ဖြစ်ပါတယ်။

🙏 ယောဂီအပေါင်းတို့လည်း မြတ်စွာဘုရားရှင် ဟောကြားဆုံးမခဲ့တဲ့ "ပထမမိတ္တသုတ်" လာ တရားတော်နဲ့အညီ

▪️ "အဆွေခင်ပွန်းကောင်း မိတ်ဆွေကောင်းများကို မှီဝဲဆည်းကပ်ကြပြီးလျှင်
▪️ မိမိကိုယ်တိုင်လည်း "မိတ်ဆွေကောင်းအင်္ဂါ ၇-ပါး" နဲ့ ကိုက်ညီအောင် ကြိုးစားကျင့်ဆောင်ကြပါ"

လို့ တိုက်တွန်း သတိပေးနှိုးဆော်ရင်း ဓမ္မဒါနကို နိဂုံးချုပ်လိုက်ပါတယ်။

⚜️ ⚜️ ⚜️ ⚜️ ⚜️

#မိတ်ဆွေကောင်းအင်္ဂါ၇ပါး
#သန့်တည်ပွါး

Address

Ngar Su Taung, 5 Ward
Yangon

Telephone

+959765580315

Website

https://www.3p-ttp.org/

Alerts

Be the first to know and let us send you an email when Purification, Perpetuation and Propagation of Buddha Sasanadaw posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Purification, Perpetuation and Propagation of Buddha Sasanadaw:

Shortcuts

Address
Telephone
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in Yangon?