ဓမ္မဂုဏ်ရောင်မဟာစည်, Karya 9th Street, Mingalardon Township, Yangon (2026)

01/01/2026

နှစ်သစ်မှ စ၍ အစစအရာရာ
အဆင်ပြေကြပါစေ။
ဘေးရန်ဟူသမျှ ကင်းဝေးကြပါစေ။
ကွဲကွာနေကြသော မိသားစုများ
2026 မှာ ပြန်လည်ဆုံဆည်းနိုင်ကြပါစေ။

ဘေးကင်းကျန်းမာ စိတ်ချမ်းသာ
လိုရာဆန္ဒ အမြန် ပြည့်ဝကြပါစေ။

21/10/2025

လူမိုက်ကိုတွေ့မြင်ရတဲ့အခါ
မမြင်ချင်ယောင်
ဆောင်ထားလိုက်ပါ။
အကုသိုလ်ဖြစ်တာ
သက်သာပါတယ်။

လူမိုက်နဲ့ မလွဲမရှောင်သာ
ထိတွေ့ဆက်ဆံနေရတဲ့အခါ
အောင့်အီးပြီး သည်းခံပေးလိုက်ပါ။
သည်းခံခြင်းမှာ
အရှုံးဆိုတာ မရှိပါဘူး။

သူဆဲသလို ကိုယ်ကပြန်ဆဲနေရင်
ကိုယ်လည်း သူ့လို လူမိုက်စာရင်းဝင်
တစ်ယောက် ဖြစ်သွားဖို့ပဲ ရှိပါတယ်။

သူဆဲတာကို
ကိုယ်ကလက်မခံဘူးဆိုရင်
သူဆဲခြင်းသည်
သူပိုင် အကုသိုလ်သာ
ဖြစ်ပါတယ်။

သူ့သမိုင်းကို သူရေး
ကိုယ့်သမိုင်းကို ကိုယ်ရေးကြရမှာပဲ
ဖြစ်ပါတယ်။

#ဓမ္မဂုဏ်ရောင်ဆရာတော်

22/05/2025

လူတိုင်းရဲ့ ဘဝမှာ သင်ပြပေးတဲ့
ဆရာတွေ များစွာ ရှိကြပါတယ်။

"ပုဗ္ဗာစရိယ မိ နှင့် ဘ" ဆိုတဲ့စကားက
မိဘနှစ်ပါးသည် လူတိုင်းအတွက်
လက်ဦးဆရာ ပထမဆုံးဆရာ-လို့
ဆိုလိုပါတယ်။

ဘယ်လိုစား၊ ဘယ်လိုသွား၊
ဘယ်လိုပြော၊ ဘယ်လိုလုပ် စသည်ဖြင့်
လူမမည်သေး ကလေးဘဝမှာ ကတည်းက
သင်ပြပေးခဲ့ကြတာကို ဆိုလိုပါတယ်။

မိဘကျေးဇူး မြင့်မိုရ်ဦး-လို့
အမြင့်မားဆုံးသော ကျေးဇူးရှင်အဖြစ်
ဗုဒ္ဓကိုယ်တိုင်က သတ်မှတ်ပေးခဲ့ပါတယ်။

၄-နှစ် ၅-နှစ်သား အရွယ်လေး
ဖြစ်လာတော့ မူကြို မူလတန်း
စသည်ဖြင့် မိဘများက
စာသင်ကျောင်းကို ပို့ပေးခဲ့ကြလို့
ပထမဆုံး မိဘဆွေမျိုး မဟုတ်သူ
သူစိမ်းများနှင့် စတင် ထိတွေ့
ဆက်ဆံခဲ့ကြရပါတယ်။

အတူနေ သူငယ်ချင်းတွေက
သင်ပြပေးကြတယ်။
တစ်ချို့က ကောင်းတာတွေ
သင်ပြပေးကြတယ်။
တစ်ချို့က မကောင်းတာတွေ
သင်ပေးကြပါတယ်။

လောကကြီးတစ်ခုလုံးက
လူသားတို့ရဲ့ ဆရာသမားဖြစ်ပါတယ်။

သူတို့လေးတွေကလည်း ဆရာတွေပါပဲ။

လူ့သဘာဝအရ
ကောင်းတာတွေဆို သိတ်ပြီး
သဘောကျလေ့ မရှိဘူး။
မှတ်မိနေလေ့ မရှိကြဘူး။
တတ်ဖို့ မလွယ်သလို
လွယ်လွယ်နဲ့ မေ့သွားတတ်ကြပါတယ်။
မကောင်းတာတွေကျတော့
သင်လွယ် သိလွယ် တတ်လွယ်
သတိရနေတတ်ကြပါတယ်။

တစ်ချို့သော မကောင်းမှုတွေဆို
အထူးတလည် သင်ပြပေးနေစရာ မလို
မြင်ကာမျှ ကြားကာမျှလောက်နဲ့ပဲ
လွယ်ကူစွာ တတ်မြောက်သွားလေ့
ရှိကြပါတယ်။

ဒါ့ကြောင့်
အပျံသင်ခါစ ကလေးအရွယ်မှာ
ပတ်ဝန်းကျင်ကောင်းဖို့
အလွန် အရေးကြီးတယ်လို့ ဆိုကြပါတယ်။

ဒီလိုနဲ့
subject ဘာသာရပ်မျိုးစုံတွေ သင်ယူ
class အတန်းမျိုးစုံတွေ တက်ရင်း
အရွယ်ရောက်လာခဲ့ပြီ ဆိုကြပါစို့။

၁၈-နှစ်နောက်ပိုင်း
အရွယ်ရောက်လာချိန်မှာတော့
သူငယ်ချင်းမျိုးစုံ
လူမျိုးပေါင်းစုံနှင့်
အတော်အတန် တွေ့ဆုံ ပေါင်းသင်း
ဆက်ဆံခဲ့ကြဖူးပြီ ဖြစ်လို့
လူဆိုး လူကောင်း
ပေါင်းအပ် မပေါင်းအပ်
ကိုယ်ပေါင်း စိတ်ခွာ စသည်ဖြင့်
အတော်အသင့် ခွဲခြားတတ်စ
ပြုလာခဲ့ပြီ ဖြစ်ပါတယ်။

လူဖြစ်လာပြီလို့ ဆိုလိုပါတယ်။

ကိုယ်တိုင် ဆုံးဖြတ်ရမည့်အရွယ်
ရောက်လာခဲ့ပြီ ဖြစ်ပါတယ်။

ဘာအလုပ်ပဲ လုပ်လုပ်
ဆုံးဖြတ်ချက်တစ်ခု မှားသွားခဲ့ရင်
ဘဝတစ်ခုလုံး ရင်းရတော့မှာ
ဖြစ်ပါတယ်။
မှားသည် ဖြစ်စေ၊ မှန်သည် ဖြစ်စေ
ကောင်းကောင်းဆိုးဆိုး
ကိုယ်တိုင်ပဲ တွေ့ကြုံ
ခံစား စံစား ရတော့မှာ ဖြစ်ပါတယ်။

အမှား အမှန်၊ အကောင်း အဆိုး၊
အကြောင်း အကျိုး ခွဲခြားတတ်ဖို့
စာမျိုးစုံ ဖတ်ရမည့် အရွယ် ဖြစ်ပါတယ်။

မိမိထက် အတွေ့အကြုံ ရင့်ကျက်သည့်
လူကြီးသူမ ဆရာသမား အများထံမှ
အကြံဉာဏ်ကောင်းများ
တိုင်ပင် ရယူ လူပ်ရှား လုပ်ဆောင်ရမည့်
အရွယ် ရောက်လာခဲ့ပြီ ဖြစ်ပါတယ်။

အတိုချုပ်ပြီး ပြောရရင်
"Experience is the best teacher"
အတွေ့အကြုံသည် လူတိုင်းရဲ့ဘဝအတွက်
အကောင်းဆုံးသောဆရာ ဖြစ်ပါတယ်။

ခါးသီးတဲ့ ဘဝအတွေ့အကြုံ
ရင်နင့်စရာ ဘဝအတွေ့အကြုံမျိုးတွေ
မတွေ့ကြုံ မခံစား ရစေဖို့
သိစေလိုရင်းသာ ဖြစ်ပါတယ်။

စာ များများ ဖတ်ပါ။
အတွေ့အကြုံ ရင့်ကျက်သူများနှင့်
တိုင်ပင်ပြီး လုပ်ဆောင်ပါ။

#ဓမ္မဂုဏ်ရောင်ဆရာတော်

share ပေးကြရန်။

အပန်းမကြီးရင်
မန့်လေးတွေလည်း ရေးပေးခဲ့ကြပါ။

21/05/2025

နှိမ့်ချပြီးတော့ နေပါ။
နှိမ့်ချပြီးနေလို့
နိမ့်ကျသွားတဲ့ ဘဝရယ်လို့
မရှိပါဘူး။

မောက်မာနေရင်
ရောက်ရာဘဝ အဆင်မပြေနိုင်ဘူး။

ကိုယ်လုပ်ပြီးခဲ့သမျှကို
အမြဲတမ်း ပြန်ပြီးဆန်းစစ်ပါ။
အမှားဆိုတာ ဘယ်သူမှ မကင်းပါဘူး။
ကိုယ့်အမှားကို လက်ခံပါ။
အမှားကို လက်ခံပြီး
သင်ခန်းစာယူတတ်ဖို့က
ပိုပြီးတော့ အရေးကြီးပါတယ်။

ပြီးပြည့်စုံမှုဆိုတာ
လက်တွေ့ကမ္ဘာမှာ မရှိပါဘူး။
ဘယ်သူမှ အားလုံး မမှန်နိုင်ပါဘူး။
အသစ်အသစ်သောအရာများကို
အမြဲမပြတ် လေ့လာပြီး နေပါ။
အခြားသူများရဲ့ ပြောစကားတွေကို
စိတ်ရှည်ရှည်ထား နားထောင်ပါ။
ထိုသို့ ပြုလုပ်ပေးခြင်းက
သင်ဖြတ်သန်းနေသော
နေ့ရက်တိုင်းနှင့် သင့်ဘဝကို
ပိုမို နီးကပ်လာစေပါတယ်။

အချိန်နာရီရဲ့ လက်တံကို
ဘယ်သူကမှ နောက်ပြန်လှည့်လို့
မရနိုင်သလို
ပညာကျမ်းစာတွေကို
လူတစ်ဦးတစ်ယောက်တည်းက
ဆုပ်ကိုင်ထားလို့ မရနိုင်ပါဘူး။

ရေကို ခွက်အပြည့်အလျှံကြီး
ခပ်ယူပြီး လောင်းတဲ့အခါ
ဘေးကို ဖိတ်စဉ် လျှံကျကုန်မှာပါ။
ဦးနှောက်ကို လွှာပြီးတော့ သုံးပါ။
အခက်အခဲတွေများလေ
ဦးနှောက်ကို များများ သုံးရလေပါပဲ။

ဘဝမှာ လူတိုင်းက မင်းကို
သင်ပေးစရာတစ်ခုစီ ရှိနေကြပါတယ်။
မင်းရဲ့အတ္တခွက်ကို
ဗလာကျင်းထားပြီး၊
ပြောင်စင်အောင် ဆေးကြောထားပြီး
ဘယ်အချိန်မှာ ဘယ်လောက်အထိ
ခံယူနိုင်မလဲဆိုတာ လေ့လာသင်ယူပါ။

နောင်တ ဆိုတာ
ဘာ့ကြောင့်ပဲရရ မကောင်းပါဘူး။
မလုပ်ခင်ကတည်းက
အားရပါးရ ကျကျနန
စဉ်းစား ဆုံးဖြတ်ပြီးမှ
အလုပ် စလုပ်ပါ။

#ဓမ္မဂုဏ်ရောင်ဆရာတော်

share ပေးကြရန်

Address

Karya 9th Street, Mingalardon Township
Yangon
11021

Telephone

+959250169741

Website

https://dhammagoneyaung.com/

Alerts

Be the first to know and let us send you an email when ဓမ္မဂုဏ်ရောင်မဟာစည် posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to ဓမ္မဂုဏ်ရောင်မဟာစည်:

ဓမ္မဂုဏ်ရောင်မဟာစည်