https://www.facebook.com/351827325473107/

New Light AG Church, No. 6, Maynagah Street, Tamwe Township, Yangon (2026)

22/05/2026

ချစ်လှစွာသော ဓမ္မမိတ်ဆွေအပေါင်းတို့ ခင်ဗျာ...❣️❣️

ကျန်းမာခြင်း အလုံးစုံကို ပေးသနားတော်မူသော ဘုရားသခင်၏ မေတ္တာတော်နှင့် ထိတွေ့ခွင့်ရမည့် Divine Healing Serviceကို New light အသင်းတော်မှ Rev. Thang Lian Mang ဦးဆောင်မှုဖြင့် ပြုလုပ်တော့မှာ ဖြစ်ပါတယ်။

ရက်စွဲ - [ - ဇွန်လ ၁၃ ရက်၊ ၂:၀၀ - ၄:၀၀ ညနေ
ဇွန်လ ၁၄ ရက်၊ ၁၀:၀၀ မနက် - ၃:၀၀ညနေ

နေရာ - [ တိုက်6၊မေဏ္ဍာကလမ်း၊အမှတ်(၅)မူကြိုကျောင်းနား၊ တာမွေမြို့နယ်။ ]

ကိုယ်ခန္ဓာနှင့် စိတ်ဝိညာဉ် ငြိမ်သက်ခြင်းကို ရှာဖွေနေသူတိုင်း၊ အနာရောဂါဝေဒနာ ခံစားနေရသူတိုင်း လာရောက်ပြီး ဘုရားသခင်၏ ကောင်းချီးကို အတူတကွ ခံယူကြပါရန် နွေးထွေးစွာ ဖိတ်ခေါ်အပ်ပါတယ်။

22/05/2026

ဒီတစ်ပတ် 🕊️Pentecost Sunday 🕊️ မှာ ဝိညာဉ်တော်ဘုရားရဲ့ တန်ခိုး၊ မေတ္တာနဲ့ ငြိမ်သက်ခြင်းတွေကို အတူတကွ ခံစားသိရှိဖို့ ဖိတ်ခေါ်ချင်ပါတယ်။ အားလုံးပဲ အတူတူ ဝတ်ပြုကိုးကွယ်ပြီး ခွန်အားယူကြရအောင်နော်။🙌🥰❤️😊

17/05/2026

Sunday Worship Service
Worship Leader - Sya Ngo Pi
MC - Syama Khin Khin
Sermon - Say Mang Pi

Sermon note
"၀န်ခံခြင်း အသက်တာ"
ခရစ်ယာန်အသက်တာတွင် ကျွန်ုပ်တို့၏ "နှုတ်ကပတ်" သည် အလွန်အရေးကြီးပါသည်။ ကျွန်ုပ်တို့ မည်သည့်အရာကို ဝန်ခံနေသနည်း? ဘုရားသခင်၏ ကတိတော်များကို ဝန်ခံခြင်းသည် ကျွန်ုပ်တို့၏ အသက်တာ၊ မိသားစုနှင့် သားသမီးများ၏ အနာဂတ်ကို ပြောင်းလဲစေနိုင်သော တန်ခိုးရှိပါသည်။

ရှင်မဿဲ ၁၀:၃၂-၃၃
ရောမ ၁၀:၁၁

ကျွန်ုပ်တို့သည် သခင်ယေရှုကို ကယ်တင်ရှင်အဖြစ် ရဲရဲဝံ့ဝံ့ ဝန်ခံရုံတင်မကဘဲ နေ့စဉ်အသက်တာ၌လည်း ဘုရားသခင်၏ ကောင်းမြတ်ခြင်းကို သက်သေခံ ဝန်ခံခြင်းသည် များစွာ ကောင်းကြီးဖြစ်စေပါသည်။

‭သုတ္တံ 16:1 JBMLE‬
စိတ်နှလုံးအကြံအစည်တို့သည် လူနှင့်ဆိုင်ကြ၏။ လျှာနှင့် ပြန်ပြောချက်ကိုကား၊ ထာဝရဘုရားပိုင်တော်မူ၏။

မိဘများ၏ နှုတ်ထွက်စကားသည် သားသမီးများ၏ အနာဂတ်အပေါ် သြဇာသက်ရောက်မှု ကြီးမားသည်။ ထို့ကြောင့် မိဘများသည် သားသမီးများ၏ ရှေ့ရေးအတွက် စိုးရိမ်ပူပန်သည့် စကားများ၊ ကျိန်ဆဲခြင်းစကားများကို မပြောဘဲ၊ ဘုရားသခင်၏ ကောင်းချီးမင်္ဂလာနှင့် ပြည့်စုံသော "ယုံကြည်ခြင်း ဝန်ခံချက်များ" ကို နေ့စဉ် ကြွေးကြော်ရပါမည်။

‭ဆာလံ 81:10 JBMLE‬
ငါသည်သင့်ကို အဲဂုတ္တုပြည်မှကယ်နုတ်ဆောင်ယူခဲ့ပြီးသော သင်၏ဘုရားသခင် ထာဝရဘုရားဖြစ်၏။ သင်၏နှုတ်ကို ကျယ်ကျယ်ဖွင့်လော့။ ဝပြောစွာကျွေးမည်။

ကျွန်ုပ်တို့က ယုံကြည်ခြင်းဖြင့် နှုတ်ကိုကျယ်ကျယ်ဖွင့်ကာ ဘုရားသခင်၏ ကတိတော်များကို ဝန်ခံတောင်းလျှောက်သောအခါ၊ ကိုယ်တော်သည် အနည်းငယ်မျှသာမကဘဲ ကျွန်ုပ်တို့ အသက်တာ ဝလင်ပြည့်စုံသွားသည်အထိ ကောင်းချီးမင်္ဂလာများနှင့် ဖြည့်ဆည်းပေးမည် ဖြစ်ပါသည်။

Saya Mang Pi

15/05/2026

သခင်ယေရှုခရစ်တော်၏ နာမတော်မြတ်၌ မင်္ဂလာပါခင်ဗျာ။

အသင်းတော်တိုင်းရှိ ယုံကြည်သူများ မိမိတို့ရှိသည့်နေရာ၊ ရောက်သည့်အရပ်၊ လုပ်ဆောင်သည့် လုပ်ငန်းအသီးသီးတွင် သခင်ဘုရား၏ အမှုတော်ကို ထိရောက်စွာ ဆောင်ရွက်နိုင်ရန် ရည်ရွယ်ပြီး
(ရက် ၄၀) တပည့်တော်ဖြစ်သင်တန်း ကို New Light အသင်းတော်က ဖွင့်လှစ်သွားတော့မည် ဖြစ်ပါသည်။

ရည်ရွယ်ချက် 🔥🔥🔥
ယုံကြည်သူတိုင်း သမ္မာတရား၌ လေ့ကျင့်ကာ ရှိသည့်နေရာ၊ ရောက်သည့်အရပ်၊ လုပ်သည့်လုပ်ငန်းအသီးသီးတွင် ဘုရားသခင်၏ အမှုတော်ဆောင်ရွက်နိုင်ရန်။

🤔🤔🤔ဘယ်သူတွေ တက်ရောက်သင့်လဲ?????
🔸အခြေအနေအမျိုးမျိုးကြောင့် သမ္မာကျမ်းစာကျောင်း မတက်ရောက်နိုင်သေးသော်လည်း ပျောက်ဆုံးဝိညာဉ်များအတွက် သာသနာပြုလိုသော စိတ်ဆန္ဒရှိသည့် အမှုတော်ဆောင်များ။

🔸မိမိအသင်းတော်တွင် ဘုရားသခင်၏ အသုံးတော်ခံ ဖြစ်လိုသူများနှင့် သမ္မာတရားကို စနစ်တကျ ပိုင်းခြားသိမြင်လိုသူများ။

သင်တန်းအသေးစိတ် အချက်အလက်များ

🗓 သင်တန်းကာလ - ၂၀၂၆ ခုနှစ်၊ ဇွန်လ (၂၉) ရက်နေ့မှ သြဂုတ်လ (၇) ရက်နေ့အထိ။

💰 သင်တန်းကြေး - သင်တန်းကြေး၊ စားစရိတ် နှင့် အဆောင်ကြေး (လုံးဝ အခမဲ့)။

📋 သင်တန်းသတ်မှတ်ချက် - သင်တန်းပြီးဆုံးသည်အထိ အစအဆုံး တက်ရောက်နိုင်သူ ဖြစ်ရမည်။

🎒 ယူဆောင်လာရမည့်အရာများ -
မှတ်ပုံတင်၊ ရပ်ကွက်/ကျေးရွာ ထောက်ခံစာ နှင့် မိမိကိုယ်ရေးသုံးပစ္စည်းများ (အိပ်ရာလိပ်၊ စောင်၊ ခြင်ထောင် စသည်)။

⏰ စာရင်းပိတ်ရက် -
၂၀၂၆ ခုနှစ်၊ ဇွန်လ (၁၀) ရက်နေ့။

⚠️ မှတ်ချက် - လူဦးရေ ကန့်သတ်ထားပါသဖြင့် သတ်မှတ်ရက်မတိုင်မီ အချိန်မီ စာရင်းပေးသွင်းနိုင်ရန် နှိုးဆော်အပ်ပါသည်။

📞 ဆက်သွယ်စုံစမ်းရန် -
09 5403510, 09 980 273 722

အမှုတော်မြတ်၌
သိက္ခာတော်ရ ဒေါက်တာ ဂင်ခန့်တွာင်
(သင်းအုပ်ဆရာ၊ New Light အသင်းတော်)
ဖုန်း - +95 9 420 009 968

15/05/2026

✨မင်္ဂလာရှိသော တနင်္ဂနွေနေ့မှာ ဘုရားသခင်ကို အတူတူ ကိုးကွယ်ကြစို့ ✨

ချစ်လှစွာသော အသင်းတော် မိသားစုဝင်များနှင့် ဓမ္မမိတ်ဆွေများခင်ဗျာ...🧑‍🧑‍🧒🧑‍🧑‍🧒‍🧒

🌏ပင်ပန်းနွမ်းနယ်ခဲ့တဲ့ အပတ်စဉ်ရက်တွေကို ကျော်ဖြတ်ပြီးနောက်၊ ဝိညာဉ်ခွန်အားသစ်တွေ ရယူဖို့နဲ့ ကိုယ်တော့်ရှေ့မှောက်မှာ ငြိမ်သက်ခြင်းကို ခံစားဖို့ အချိန်ရောက်လာပြန်ပါပြီ။🌈🌞

Bible study - Sya Ezekiel Thawnpi
⏰ 9:00am

Main service
⏰ 10:00 am

⛅🗓️ဒီတစ်ပတ် တနင်္ဂနွေနေ့ New Light အသင်း‌တော်ရဲ့ ဝတ်ပြုခြင်းအစီအစဉ်မှာ အတူတကွ ပါဝင်ဖို့ အယောက်စီတိုင်းကို ဖိတ်ခေါ်ပါတယ်။ 🕊️🕊️🕊️

11/05/2026

Zo Hun
10 May, 2026
Worship - Sya Ngo Pi
MC - Sm Nuam Pi
Word of God - Ezekiel Thawnpi

11/05/2026

Mother's Day Service
Worship - Syama Mar Young
MC - Syama Nant Aye
Word of God - Dr. Ning Ngaih Lian

Sermon Note
ကမ္ဘာဦးကျမ်း ၂၁:၁၄-၂၁

တစ်ခါတစ်‌ေလတွင် မိခင်များပင်လျှင် ရှေ့ဆက်ရန် လမ်းစပျောက်ပြီး မျှော်လင့်ချက်မဲ့သည့် အခြေအနေများနှင့် ရင်ဆိုင်ရတတ်ပါသည်။ ဟာဂရ၏ အသက်တာကို ကြည့်ခြင်းအားဖြင့် ကျွန်ုပ်တို့၏ အခက်ခဲဆုံးအချိန်များတွင် ဘုရားသခင် မည်သို့ အလုပ်လုပ်သည်ကို ခွန်အားယူရအောင်။

ဟာဂရသည် တောကန္တာရထဲတွင် ရိက္ခာကုန်၊ ရေကုန်သွားသောအခါ သူမ၏သားလေး သေဆုံးတော့မည်ကို မကြည့်ရက်၍ အဝေးတွင်သွားကာ ငိုကြွေးခဲ့သည်။

လူ့စွမ်းဆောင်ရည် ကုန်ဆုံးသွားသည့်နေရာသည် ဘုရားသခင်၏ တန်ခိုးတော် စတင်ပြသရာနေရာ ဖြစ်သည်။

မိခင်တစ်ဦး၏ ငိုကြွေးသံကို နားညောင်းသော ဘုရား

ဘုရားသခင်၏ ကတိတော် -"မကြောက်နှင့်၊ သူငယ်၏အသံကို ဘုရားသခင် ကြားတော်မူပြီ" (ငယ်-၁၇)။

မိခင်များ၏ သားသမီးအတွက် တိတ်တဆိတ် ငိုကြွေးဆုတောင်းသံများကို ဘုရားသခင်သည် ဘယ်သောအခါမှ လျစ်လျူမရှုတတ်ပါ။ မိခင်တစ်ယောက်၏ မျက်ရည်သည် ဘုရားသခင်၏ ကရုဏာတော်ကို ဖိတ်ခေါ်သော အသံဖြစ်သည်။

ယနေ့ မိခင်များနေ့တွင် ဟာဂရကဲ့သို့ ပင်ပန်းနွမ်းနယ်နေသူများ ရှိပါသလား။ ဘုရားသခင်သည် အချိန်မီ ရောက်ရှိလာသော ဘုရားဖြစ်သည်။ ကိုယ်တော်သည် -
1. သင့်မျက်ရည်ကို မြင်သည်။
2. သင့်ဆုတောင်းသံကို ကြားသည်။
3. သင့်အတွက် "ရေတွင်း" (လမ်းစ) ကို ပြင်ဆင်ပေးနေသည်။

By Dr. Ning Ngaih Lian

sermon Note

08/05/2026

မင်္ဂလာပါ။
လာမယ့် တနင်္ဂနွေနေ့မှာ ကျရောက်မယ့် 'အမေများနေ့' (Mother’s Day) ဝတ်ပြုကိုးကွယ်ခြင်း အစီအစဉ်ကို မိသားစုဝင်အားလုံး အတူတကွ တက်ရောက်ကြဖို့ မေတ္တာဖြင့် ဖိတ်ခေါ်အပ်ပါတယ်။
🥰🥰🥰

မိခင်တွေရဲ့ မေတ္တာတရားကို ဂုဏ်ပြုရင်း ဘုရားသခင်ရဲ့ ကျေးဇူးတော်ကို ချီးမွမ်းဖို့ အသင်းတော်မှ နွေးထွေးစွာ ကြိုဆိုနေပါတယ်ခင်ဗျာ။
🤰🤱🤱🧑‍🧑‍🧒

03/05/2026

Sunday Worship Service
Worship leader - Sm Khin Khin
MC - Rev. Dim Khan Nuam
Sermon - Rev. Dr. Kam Deih Khen

Sermon Note
၁။ ရေ၌နစ်ခြင်း (Baptism of Water)
မဿဲ ၃:၁၆၊ ရောမ ၆:၄
💧ရေ၌နစ်ခြင်းသည် မိမိ၏အပြစ်ဟောင်းများကို သင်္ဂြိုဟ်လိုက်ပြီး ခရစ်တော်နှင့်အတူ ပြန်လည်ရှင်သန်ခြင်းကို ပုံဆောင်ပါသည်။

💧 ဇာတိလူဟောင်းအဖြစ်မှ နုတ်ထွက်၍ "အသစ်သောအသက်တာ" ၌ လျှောက်လှမ်းရန် ဖြစ်သည်။

၂။ ဝိညာဉ်တော်၌နစ်ခြင်း
(Baptism of the Holy Spirit)

⭕သန့်ရှင်းသောဝိညာဉ်တော် ဆင်းကြွကျိန်းဝပ်ခြင်း ဖြစ်သည်။
ဟေရှာယ ၆၁:၁-၂ ဖတ်ရန်။

၃။ ချစ်ခြင်းမေတ္တာ၌နစ်ခြင်း (Baptism of Love)
မဿဲ ၃:၁၇
အဘဘုရားသခင်၏ "ခြွင်းချက်မရှိသော ချစ်ခြင်း" ထဲတွင် နစ်ဝင်ခြင်းဖြစ်သည်။

➡️သခင်ယေရှုသည် မည်သည့်အမှုတော်ကိုမျှ မစတင်ရသေးမီ (ဘာအလုပ်မှ မလုပ်ပေးရသေးမီ) ကတည်းက အဘဘုရားသခင်က "ဤသူကား ငါနှစ်သက်မြတ်နိုးရာ၊ ငါ၏ချစ်သားပေတည်း" ဟု မိန့်တော်မူခဲ့သည်။

➡️ဘုရားသခင်သည် ကျွန်ုပ်တို့၏ "လုပ်ဆောင်ချက်" ကြောင့် ချစ်သည်မဟုတ်ဘဲ၊ ကျွန်ုပ်တို့၏ "ဖြစ်တည်မှု"ကြောင့်သာ ချစ်ခြင်းဖြစ်သည်။

စာတန်သည် သခင်ယေရှုကို စုံစမ်းသောအခါ "ဘုရားသခင်၏သားမှန်လျှင်..." ဟုဆိုကာ သူ၏ Identity (မည်သူမည်ဝါဖြစ်ကြောင်း) ကို စတင်တိုက်ခိုက်ခဲ့သည်။ ထို့ကြောင့် ကျွန်ုပ်တို့သည် ဘုရားသခင်၏ မေတ္တာတော်နှင့် သားအဖြစ်အရာ၌ ခိုင်မာစွာ အမြစ်တွယ်နေဖို့ လိုအပ်သည်။

By Rev. Dr. Kam Deih Khen

03/05/2026

ယနေ့ (၃ မေလ၊ ၂၀၂၆) မှာ ယေရှုကို ယုံကြည်လက်ခံတဲ့သူတွေကို သင်းအုပ်ဆရာကိုယ်တိုင် နှစ်ခြင်းမင်္ဂလာ ပေးခဲ့ပါတယ်။

ဘုရားသခင်ရဲ့ ကျေးဇူးတော်ကြောင့် မှောင်မိုက်ထဲကနေ အလင်းထဲသို့ ကူးမြောက်လာကြသူများအတွက် အလွန်ဝမ်းမြောက်မိပါတယ်။ အသစ်သော အသက်တာ၌ ဘုရားသခင် ကောင်းချီးပေးပါစေ။

01/05/2026

🙌🙌🙌
Hello... Shalom
"မင်္ဂလာရှိသော တနင်္ဂနွေနေ့မှာ ကိုယ်တော်ရှင်ရဲ့ မေတ္တာတော်ကို အတူတကွ ခံစားရယူဖို့ ဖိတ်ခေါ်ပါတယ်။👏👏

🥰 ဒီအပတ် တနင်္ဂနွေနေ့ဟာ ကျွန်တော်တို့အတွက် အင်မတန် ထူးခြားတဲ့နေ့တစ်နေ့ ဖြစ်ပါတယ်။ ဘုရားသခင်ရဲ့ ကျေးဇူးတော်ကြောင့် "အသစ်သော ယုံကြည်သူညီအစ်ကို မောင်နှမများရဲ့ ရေနှစ်ခြင်းမင်္ဂလာ" ကို ဂုဏ်ပြုကျင်းပသွားမှာ ဖြစ်သလို၊ အတူတကွ ပါဝင်ဆက်ကပ်ကြမယ့် "သခင်ဘုရား၏ ပွဲတော်မင်္ဂလာ" အစီအစဉ်လည်း ရှိပါတယ်။
🪴🪴🪴

ဒီမင်္ဂလာရှိတဲ့ အစီအစဉ်တွေမှာ လူကိုယ်တိုင် လာရောက်ပါဝင်ပြီး ကောင်းကြီးခံစားကြဖို့ နွေးထွေးစွာ ဖိတ်ခေါ်အပ်ပါတယ်။
🕊️🕊️🕊️🕊️🕊️

New Light AG Church

22/05/2026

22/05/2026

17/05/2026

15/05/2026

15/05/2026

11/05/2026

11/05/2026

08/05/2026

03/05/2026

03/05/2026

01/05/2026

Address

Telephone

Website

Alerts

Contact The Place Of Worship

Shortcuts

Share

Category