Dhamma Donation - ဓမၼ ဒါန

11/07/2026

*အရိယာသူကြွယ် ကျင့်ကြံဖွယ် (074)*

ဒီနေ့…

အလောတကြီး
မဖြစ်ပါနဲ့။

အပွင့်တိုင်းမှာ
သူ့ရာသီရှိတယ်။

အသီးတိုင်းမှာ
သူ့အချိန်ရှိတယ်။

ကိုယ်လုပ်ရမှာက…

ယနေ့ လုပ်သင့်တာကို
သတိနဲ့ လုပ်ဖို့ပဲ။

အရိယာသူကြွယ် ဆိုတာ…

အမြန်ရချင်သူ
မဟုတ်ဘူး။

အချိန်တန်ရင်
ပွင့်မယ့်အရာကို

ယုံကြည်စွာ
ပြုစုပျိုးထောင်တတ်သူ
ဖြစ်တယ်။

အရိယာသူကြွယ်
*ပျော်သကွယ်*

23/05/2026

ဓာတ်ကြီးလေးပါးဖြင့်သမာဓိထူထောင်ရာတွင် (၁)

လွယ်ကူရာမှ စတင်ပါဆိုသည့်အတိုင်း ဓာတ်ကြီးလေးပါးတို့တွင် ဝါယောဓာတ်​၏တွန်းကန်မှုသဘောသည် ကျန်ဓာတ်များထက် ရှု၍လွယ်ကူမှုကြောင့် ဝါယောဓါတ်က စတင်လေ့လာကြသည်က အများစုဖြစ်ပါတယ်။

ဦးခေါင်း​၏အလယ်ဗဟိုလောက်တွင် ဘာဝနာစိတ်ကိုစိုက်ထားပါ။ အသက်ရှုသွင်းလိုက်သောအခါ တွန်းကန်နေသည့်သဘောကို ထိုနေရာ၌ ဉာဏ်ဖြင့်စိုက်၍ ရှုကြည့်ပါ။ အသက်ရှုသွင်းလိုက်တိုင်း အသက်ရှုထုတ်လိုက်တိုင်း တွန်းနေသည့်သဘောကို ဉာဏ်ဖြင့် စူးစူးစိုက်စိုက် ကြည့်ပါ။ လေကို မကြည့်ပါနှင့်။ စားစရာကိုထါးနေသောအခါ ပါးအတွင်း၌ တွန်းကန်နေသည့်ပုံစံမျိုးဖြစ်သည်။ တွန်းကန်မှုသဘောကို တွေ့ရှိသောအခါ ထိုတွန်းကန်မှုသဘော၌သာ ဘာဝနာစိတ်ကို ငြိမ်ဝပ်စွာ ကပ်ထားပါ။

ထို့သို့လုပ်ဆောင်ပါသော်လည်း အောင်မြင်မှုကို မရရှိပါက မိမိ ရရှိထားပြီးသည့် အာနာပါနစတုတ္ထဈာန်သမာဓိကို အလိုရှိပါက ဩဒါတကသိုဏ်း စတုတ္ထဈာန်သမာဓိကို တစ်ဖန်ပြန်၍ ထူထောင်ပါ။ သမာဓိ​၏စွမ်းအင်များ ပြည့်ဝလာသောအခါ၌ တွန်းကန်မှုသဘောကို အထက်ပါအတိုင်း တစ်ဖန်ပြန်၍ ရှုကြည့်ပါ။

အာနာပါနစတုတ္ထဈာန်သမာဓိ (သို့) ဩဒါတကသိုဏ်းစတုတ္ထဈာန်သမာဓိတို့မှာ ဝိပဿနာ​၏အခြေပါဒက အကြောင်းရင်းဈာန်ပင် ဖြစ်သည်။ ယင်းသမာဓိကိုစွမ်းအင်ပြည့်ဝလာအောင် လင်းရောင်ခြည် စွမ်းအင်များ အားကောင်းလာသည့်တိုင်အောင် ထူထောင်ပါ။ ဤသည်မှာ တရားထိုင်တိုင်း အခက်အခဲရှိတိုင်း လိုက်နာပြုကျင့်ရမည့် ဥပဒေသ တစ်ခုဖြစ်သည်။

တွန်းကန်မှုသဘောကို ဦးခေါင်းအတွင်း၌ ထင်ထင်ရှားရှားတွေ့မြင်သောအခါ ထိုတွန်းကန်မှု သဘောတရားအပေါ်၌ ဘာဝနာစိတ်ကို ငြိမ်ဝပ်စွာကပ်ထားပါ။ တွန်းကန်မှုသဘောတရားအပေါ်၌ ဘာဝနာစိတ်သည် ငြိမ်ဝပ်စွာကပ်၍တည်နေသောအခါ ယင်းတွန်းကန်မှုသဘောတရားသည်လည်း အလွန်ထင်ရှားလာမည်ဖြစ်သည်။ ထင်ရှားလာသောအခါ ဦးခေါင်း​၏အတွင်းပိုင်းမှသည် ဦးခေါင်း​၏အပြင်ဘက်သို့တိုင်အောင် တစ်စတစ်စ တဖြည်းဖြည်း တွန်းကန်မှုသဘောတရားကို ထင်ထင်ရှားရှားမြင်တွေ့အောင် ဉာဏ်ဖြင့်လိုက်ကြည့်ပါ။

အရိုးကြား၊ အသားကြား၊ အကြောကြား၊ အရေကြားသို့ ဉာဏ်တည်းဟူသောလက်ကို သွင်း၍ လိုက်ကြည့်ပါ။ ဦးခေါင်းတစ်ခုလုံး၌ တွန်းကန်မှုသဘောတရားကို ထင်ထင်ရှားရှားတွေ့မြင်သောအခါ လည်ပင်း၊ ရင်ဘတ်၊ ဝမ်းဗိုက်စသည် ခန္ဓာကိုယ်တစ်ခုလုံးသို့ ဉာဏ်ကိုစေလွှတ်၍ အရိုးကြား၊ အကြောကြား၊ အသားကြား၊ အရေကြားသို့ ဉာဏ်တည်းဟူသော လက်ကိုသွင်း၍ လိုက်ရှုပါ။ တစ်ကိုယ်လုံး၌ ခြေဆုံးခေါင်းဆုံး တွန်းကန်မှုသဘောတရားကို ထင်ထင်ရှားရှားတွေ့မြင်သောအခါ ဓာတ်သဘောတရားတစ်ခုကို ရှုပွားရာ၌ အောင်မြင်သွားပြီးဖြစ်သည်။

အကယ်၍ ဝင်လေ ထွက်လေ၌ တွန်းကန်မှုသဘောကို စိတ်စိုက်ရှုသော်လည်း ထင်ထင်ရှားရှားမတွေ့၍သော်လည်းကောင်း၊ ဝမ်းဗိုက်မှ စတင်၍ရှုရန် စိတ်ကပို၍ထက်သန်နေသော်လည်းကောင်း၊ ထိုအခါမျိုး၌လည်း ဝမ်းဗိုက်ဝယ် တွန်းကန်မှုထင်ရှားရာနေရာမှစ၍ တစ်ကိုယ်လုံး၌ တွန်းကန်မှုသဘောတရားကိုမြင်အောင် ဆက်ရှုနိုင်ပေသည်။

တွန်းကန်မှုသဘောတရားတစ်ခုကို ခန္ဓာအိမ်တစ်ခုလုံး၌ အနှံ့အပြား ထင်ထင်ရှားရှားတွေ့မြင်သောအခါ နည်းတူပင် မာမှုထင်ရှားသည့် တစ်နေရာက စ၍ အထူးသဖြင့် သွားနှစ်ခု ထိထားသည့်နေရာကစ၍ မာမှုသဘောတရားကို တစ်ကိုယ်လုံး အနှံ့အပြား မြင်အောင် ဆက်ရှုပါ။ ထင်ရှားလာသောအခါ တွန်းမှု မာမှု သဘောတရားနှစ်မျိုးကို ကြိမ်ဖန်များစွာ ထပ်ကာထပ်ကာ ရှုပါ။ ဣရိယာပုတ် လေးပါးလုံး၌ ကွေးရာ ဆန့်ရာ စသည့် ကိုယ်အမူအရာအားလုံးတို့၌လည်း ယင်း တွန်းမှု မာမှု ဓာတ်များကို ရှုနိုင်အောင် ကြိုးစားပါ။

တွန်းမှု မာမှု သဘောတရားနှစ်ခုကို ထပ်ကာထပ်ကာရှုခဲ့သော် ကြမ်းတမ်းမှုသဘောကို ဉာဏ်ဖြင့် တွေ့မြင်လာတတ်သည်။ ခန္ဓာကိုယ်ကို သဲဖြင့် ပွတ်သပ်သကဲ့သို့ ကျန်းမှုသဘောကိုတွေ့မြင်တတ်သည်။ မတွေ့သော် ကျန်းမှု ထင်ရှားသည့် တစ်နေရာကစ၍ ကျန်းမှုသဘောကို မြင်အောင်ရှုပါ။ လက်ဖဝါးကို ပက်လက်လှန်၍ လက်ဖမိုးဖြင့် အဝတ်ကို ပွတ်ကြည့်ပါ။ အပေါ်အံ့သွားထိပ်ကို လျှာဖြင့် ပွတ်ကြည့်ပါ။ ကျန်းမှုသဘောကို ထင်ထင်ရှားရှားတွေ့နိုင်သည်။

ယင်းသို့ ထင်ရှားသည့်တစ်နေရာမှစ၍ တစ်ကိုယ်လုံး၌ ကျန်းမှုသဘောတရားကို မြင်အောင် ဆက်ရှုပါ။ အောင်မြင်မှု မရခဲ့သော် ထိုကျန်းမှု ထင်ရှားသည့်နေရာ၌ပင် တွန်းမှု - မာမှု - ကျန်းမှု သဘောတရားတို့ကို ပူးတွဲရှုကြည့်ပါ။ ဆင်ရိုင်းတစ်ကောင်ကို ယဉ်ကျေးသည့်ဆင်တစ်ကောင်ဖြင့် ချော့၍ မျှား၍ ဖမ်းယူသကဲ့သို့ မထင်ရှားသည့်ဓာတ်ကို တွေ့ရှိအောင် ထင်ရှားသည့်ဓာတ်ဖြင့် ပူးတွဲရှုခြင်းဖြစ်သည်။ အောင်မြင်မှုကို မရရှိသည့်အခါ မိမိရရှိထားပြီးသည့် ဈာန်သမာဓိများကို တစ်ဖန်ပြန်လည်၍ ထူထောင်ဖို့ လိုအပ်ပါသည်။

သမာဟိတော ယထာဘူတံ ဇာနာတိ ပဿတိ။

သမာဓိရှိသောပုဂ္ဂိုလ်သည် မဖောက်မပြန် ဟုတ်တိုင်းမှန်စွာသိ​၏ မြင်​၏ဟု ဘုရားရှင် ဟောကြားထားတော်မူသောကြောင့် သမာဓိကို စွမ်းအင်ပြည့်ဝလာအောင် တစ်ဖန်ပြန်၍ ထူထောင်ရခြင်းဖြစ်သည်။ သမာဓိ​၏အရှိန်အဝါ အားကောင်းလာသောအခါ တွန်းမှု မာမှု ကျန်းမှု သဘောတရားတို့ကို တစ်ဖန်ပြန်၍ ရှုကြည့်ပါ။

အောင်မြင်မှုကို ရရှိသောအခါ လေးမှုသဘောတရားတစ်ခုကို ခန္ဓာကိုယ်ဝယ် လေးမှု ထင်ရှားရာနေရာမှ စ၍ တစ်ကိုယ်လုံး၌ အနှံ့အပြားမြင်အောင် ရှုကြည့်ပါ။ မထင်ရှားပါက ထိုင်နေသည့်ကြမ်းပြင်ကို တင်ပါးဖြင့် အနည်းငယ်ဖိကြည့်ပါ (သို့) ပေါင်ပေါ်သို့တင်ထားသောလက်ကို အနည်းငယ် ဖိကြည့်ပါ။ အောင်မြင်မှုကို ရတတ်ပါသည်။ အောင်မြင်ခဲ့သော် တွန်းမှု မာမှု ကျန်းမှု လေးမှု သဘောတရားတို့ကို ကြိမ်ဖန်များစွာ ထပ်ကာထပ်ကာရှုပါ။ ဓာတ်သဘောတရားတစ်ခုကိုရှုသော်လည်း ဓာတ်သဘောတရားအားလုံးကိုပင် ပြိုင်တူလိုလို ဉာဏ်၌ထင်မြင်နေပါက ပို၍ကောင်းသည်သာ ဖြစ်သည်။

ထို့နောင် ထောက်ကန်မှုသဘောတရားကို ဆက်ရှုပါ။ ထောက်ကန်မှုဟူသည် ပြိုလဲတော့မည့်အိမ်တစ်အိမ်ကို ကျားခေါ်သည့် သစ်သားတစ်ချောင်းဖြင့် ထောက်ကန်ထားလိုက်သောအခါ မပြို မလဲတော့ဘဲ တည်ငြိမ်စွာ ရပ်တည်နေသကဲ့သို့ အလားတူပင် ဤခန္ဓာအိမ်ကြီး၌လည်း - သွားလျှင် သွားသည့်ဣရိယာပုတ်အတိုင်း တည်ရှိနေအောင် မပြိုမလဲရအောင်၊ ရပ်လျှင် ရပ်သည့်ဣရိယာပုတ်အတိုင်း တည်ရှိနေအောင် မပြိုမလဲရအောင်၊ ထိုင်လျှင် ထိုင်သည့်ဣရိယာပုတ်အတိုင်း တည်ရှိနေအောင် မပြိုမလဲရအောင်၊ အိပ်လျှင် အိပ်သည့်ဣရိယာပုတ်အတိုင်းတည်ရှိနေအောင် မပြိုမလဲရအောင် ထောက်ကန်ထားသည့် ထိန်းထားသည့် သဘောတရားတစ်ခုပင်ဖြစ်သည်။

ယင်းထောက်ကန်မှုသဘောတရားကို မာမှုသဘောတရားနှင့်တွဲရှုပါက ပို၍သဘောပေါက်မြန်တတ်ပါသည်။ အကယ်၍ မထင်ရှားပါက ခန္ဓာကိုယ်ကိုအနည်းငယ်လှုပ်ကြည့်ပါ။ မပြိုမလဲရအောင် ထိန်းထားသည့် ထောက်ကန်ထားသည့် ငြိမ်အောင် ထိန်းထားသည့်သဘောကို ဉာဏ်ဖြင့်မြင်အောင်ကြည့်ပါ။ အောင်မြင်မှု ရရှိတတ်ပါသည်။ အောင်မြင်မှုကို ရခဲ့သော် တစ်ကိုယ်လုံး၌ အနှံအပြားမြင်အောင် ဆက်ရှုပါ။

မာမှုသဘောနှင့် ကပ်၍ရှုပါက ခန္ဓာအိမ်ကို ထားမြဲတိုင်း တည်မြဲတိုင်းသော ဣရိယာပုတ်အတိုင်း မပြိုမလဲရအောင် တုတ်နှင့်လျှိုထားသကဲ့သို့ မတ်နေအောင် ထိန်းထားသည့် ထောက်ကန်မှုသဘောကို ပို၍ လျင်မြန်စွာ သဘောပေါက်တတ်သဖြင့် မာ-ကျန်း-လေးဟူသော ဂရုပထဝီဓာတ်တို့ကို ရှုပြီးမှ ထောက်ကန်မှု ဝါယောဓာတ်ကို ရှုခြင်းသည် အလွယ်မှ အခက်သို့ ကူးတတ်သည့်သဘောဖြစ်သည်။

အောင်မြင်မှုကို ရရှိသောအခါ တွန်း-မာ-ကျန်း-လေး-ထောက်ဟူသော ယင်းသဘောတရားငါးမျိုးကို ကြိမ်ဖန်များစွာ ထပ်ကာထပ်ကာရှုပါ။ သမာဓိတည်းဟူသော မြတ်သော ကျောက်ဖျာထက်၌ ဉာဏ်တည်းဟူသော သန်လျက်ကို မြမြထက်အောင် သွေးနေခြင်းဖြစ်သည်။

ကျေနပ်မှုကိုရရှိသောအခါ ပျော့မှုသဘောကိုဆက်ရှုပါ။ အောက်အတွင်းနှုတ်ခမ်းသားကို လျှာဖြင့် အသာအယာထိထားကြည့်ပါ။ ပျော့ပျောင်းသည့်သဘောကို အာရုံယူကြည့်ပါ။ နူးညံ့ပျော့ပျောင်းသည့်သဘောကို တွေ့ရှိနိုင်ပါသည်။ ယင်းပျော့ပျောင်းသည့်သဘောတရားအပေါ်၌ ဘာဝနာစိတ်ကို ငြိမ်ဝပ်စွာကပ်ထားပါ။ ထင်ရှားလာသောအခါ ခန္ဓာကိုယ်တစ်ခုလုံး၌ ခြေဆုံးခေါင်းဆုံး ပျော့မှုသဘောတရားကို မြင်အောင်ဆက်ရှုပါ။

ပျော့ပျောင်းမှုသဘောတရားကို ကျေကျေနပ်နပ် တွေ့မြင်သောအခါ ချောမှုသဘောတရားကို ဆက်ရှုပါ။ ယင်းပျော့ပျောင်းနူးညံ့နေသည့် အတွင်းနှုတ်ခမ်းသား၌ လျှာကို တံတွေးရွှဲနေအောင် ဆွတ်၍ ခပ်ဖြည်းဖြည်း အသာအယာပွတ်ကြည့်ပါ။ ချောမွတ်နေသည့်သဘောတရားကို တွေ့ရှိနိုင်ပေသည်။ ယင်းချောမွတ်သည့် သဘောတရားအာရုံ၌ ဘာဝနာစိတ်ကို ငြိမ်ဝပ်စွာ ကပိထားပါ။ ထင်ရှားလာသောအခါ တစ်ကိုယ်လုံး၌ အနှံ့အပြားမြင်အောင် ဆက်ရှုပါ။ ခန္ဓာကိုယ်ကို ဆီဖြင့် လိမ်းသုတ်လျက် ပွတ်သပ်ကြည့်သောအခါ ချောမွတ်နေသည့် သဘောတရားကို တွေ့သကဲ့သို့ မြင်နေပါစေ။

ထိုသို့တွေ့မြင်သောအခါ ပေါ့မှုသဘောတရားကို ဆက်ရှုပါ။ ပျော့မှုနှင့် ချောမှုသဘောတရားကို ထပ်ကာထပ်ကာရှုနေပါက ပေါ့မှုသဘောတရားသည်လည်း ဉာဏ်၌ ထင်ရှားလာတတ်ပါသည်။ မထင်မရှားဖြစ်နေခဲ့သော် ဒူးပေါ်၌တင်ထားသော လက်မှ လက်ညှိုးတစ်ချောင်းကို အသာအယာ မ-ကြည့်ပါ။ ပေါ့မှုသဘောတရားသည် ထင်ရှားလာတတ်ပါသည်။ မထင်မရှားဖြစ်နေသေးပါက ခန္ဓာကိုယ်၌လေးလံမှုသဘောတရားကို ထင်ထင်ရှားရှားတွေ့မြင်သည့်အထိ ပြန်ရှုပါ။ တွေ့မြင်လာပါမှ ဒူးပေါ်၌တင်ထားသောလက်ညှိုးတစ်ချောင်းကို ဖြည်းညင်းစွာ အသာအယာ မ-ကြည့်ပါ။ ပေါ့မှုသဘောတရားကို စူးစူးစိုက်စိုက် ရှုကြည့်ပါ။ လေထဲမှာ လွင့်နေသော ဝါဂွမ်းစိုင်ကဲ့သို့ ပေါ့မှုသဘောကို ထင်ထင်ရှားရှားတွေ့နိုင်သည်။

Ref:- ဖားအောက်တောရ၊ နိဗ္ဗာန်ရောက်ကြောင်းကျင့်စဉ်(အကျဉ်းချုပ်)-အတွဲ(၃)၊ နှာ ၅-၁၄

SASANNA-VEPULLA
Hub of Theravada Meditation

ဓာတ်ကမ္မဌာန်းအပေါ်၌ဗောဇ္ဈင်ညီမျှအောင်ကျင့်ပုံ

၁။ ဓာတ်ကြီးလေးပါးတို့​၏ အသီးအသီးသော သဘာဝလက္ခဏာအာရုံကို အောက်မေ့အမှတ်ရနေသော အဖန်ဖန် အထပ်ထပ် သိမ်းဆည်းနေသော သတိကား သတိသမ္ဗောဇ္ဈင်၊

၂။ ဓာတ်ကြီးလေးပါးတို့​၏ သဘာဝလက္ခဏာ အသီးအသီးကိုသာ ထိုးထွင်းသိနေသော စူးစမ်းဆင်ခြင် သုံးသပ်နေသော ပညာကား ဓမ္မဝိစယသမ္ဗောဇ္ဈင်၊

၃။ ဓာတ်ကြီးလေးပါးတို့​၏ သဘာဝလက္ခဏာအာရုံ၌ ဓမ္မဝိစယ-ဝီရိယစသော ဗောဇ္ဈင်မြတ်တရားတို့ ထင်ရှားဖြစ်ပေါ်လာအောင် အထူးသဖြင့် ဓာတ်ကြီးလေးပါးအာရုံ၌ စိတ်ငြိမ်ဝပ်စွာ ကပ်၍ တည်နေမှု သမာဓိသမ္ဗောဇ္ဈင်ဖြစ်အောင် ကြိုးစားအားထုတ်နေသော ဝီရိယကား ဝီရိယသမ္ဗောဇ္ဈင်၊

၄။ ဓာတ်ကြီးလေးပါးတို့​၏ သဘာဝလက္ခဏာအာရုံ၌ ဘာဝနာစိတ်​၏ ကြည်ရွှင်ဝမ်းမြောက်နေခြင်း = ပီတိကား ပီတိသမ္ဗောဇ္ဈင်၊

၅။ ဓာတ်ကြီးလေးပါးတို့​၏ သဘာဝလက္ခဏာအာရုံ၌ ဘာဝနာ စိတ်စေတသိတ်တို့​၏ ငြိမ်းအေးနေခြင်း = ပဿဒ္ဓိကား ပဿဒ္ဓိသမ္ဗောဇ္ဈင်၊

၆။ ဓာတ်ကြီးလေးပါးတို့​၏ သဘာဝလက္ခဏာအာရုံ၌ ဘာဝနာစိတ်​၏ ငြိမ်ဝပ်စွာကပ်၍တည်နေမှု = သမာဓိကား သမာဓိသမ္ဗောဇ္ဈင်၊

၇။ ဓာတ်ကြီးလေးပါးတို့​၏ သဘာဝလက္ခဏာအာရုံ၌ ဘာဝနာစိတ်ကို
က) တက်ကြွခြင်း၊ ပျံ့လွင့်ခြင်း၊
ခ) တွန့်ဆုတ်ခြင်း ပျင်းရိခြင်း၊
ဤအဖို့အစုဘက်သို့ မရောက်အောင် သမ္ပယုတ်တရားတို့ကို အညီအမျှထားခြင်း = တတြမဇ္ဈတ္တတာကား ဥပေက္ခာသမ္ဗောဇ္ဈင်၊

ဤသည်တို့ကား ဓာတ်ကမ္မဌာန်းစခန်း၌ ဗောဇ္ဈင်(၇)ပါးတို့ဖြစ်သည်။

အလွန်လျော့လွန်းသော လုံ့လဝီရိယရှိနေခြင်း ဘာဝနာလုပ်ငန်းခွင်၌ သာယာမှုကင်းမဲ့နေခြင်း စသောအကြောင်းတရားတို့ကြောင့် ဘာဝနာစိတ်သည် ဓာတ်ကမ္မဌာန်းလုပ်ငန်းခွင်မှ တွန့်ဆုတ်နေ​၏ ပျင်းရိနေ​၏ ထိုအခါ၌ ပဿဒ္ဓိ-သမာဓိ-ဥပေက္ခာသမ္ဗောဇ္ဈင်တို့ကို မပွားများဘဲ ဓာတ်ကြီးလေးပါးအာရုံ၌ ပဿဒ္ဓိဖြစ်အောင် သမာဓိဖြစ်အောင် ဥပေက္ခာဖြစ်အောင် မကြိုးစားဘဲ ဓမ္မဝိစယ-ဝီရိယ-ပီတိသမ္ဗောဇ္ဈင်တို့ကို ပွားများပေးပါ။

ဓာတ်ကြီးလေးပါးတို့​၏သဘာဝလက္ခဏာ အသီးအသီးကို ထင်ထင်ရှားရှားသိအောင် စိတ်ဓာတ်တက်ကြွလာအောင် ပီတိဖြစ်အောင် ကြိုးစား၍ ကျဆင်းနေသောစိတ်ဓာတ်ကို မြှင့်တင်ပေးပါ။

ဝီရိယ လွန်ကဲနေခြင်း ဝေဖန်မှုတွေက များပြားနေခြင်းစသော အကြောင်းတရားတို့ကြောင့် ဘာဝနာစိတ်သည် ပျံ့လွင့်နေ​၏ ဓာတ်ကြီးလေးပါး​၏ သဘာဝလက္ခဏာအာရုံမှ ပြင်ပအာရုံသို့ အရောက်များနေ​၏ စိတ်ဓာတ်သည် တုန်လှုပ်တက်ကြွမှု များနေ​၏ ထိုအခါ၌ ဓမ္မဝိစယ- ဝီရိယ-ပီတိ-သမ္ဗောဇ္ဈင်တို့ကို မပွားများသေးဘဲ ပဿဒ္ဓိ-သမာဓိ- ဥပေက္ခာသမ္ဗောဇ္ဈင်တို့ကို ပွားများပေးပါ။ စူးစမ်းဆင်ခြင်မှု ဝေဖန်မှုတို့ကို လျော့ချပါ။

ဓာတ်ကြီးလေးပါးတို့​၏ သဘာဝလက္ခဏာ အသီးအသီးကို ထင်ထင်ရှားရှား အတင်း စူးစူးစိုက်စိုက်ရှုပွားနေမှု လုံ့လဝီရိယကိုလျော့ချပါ။ နှစ်သက် ဝမ်းမြောက်မှု၊ ကြည်ရွှင်ဝမ်းမြောက်မှုကို မပြုပါနှင့်၊ စိတ်စေတသိတ်တို့ ငြိမ်းအေးသွားအောင် ဓာတ်ကြီးလေးပါးတို့​၏ သဘာဝလက္ခဏာအသီးအသီးကို အညီအမျှ ရှုနိုင်အောင် ဓာတ်ကြီးလေးပါးတို့​၏ သဘာဝလက္ခဏာ အသီးအသီးဟူသော အာရုံ၌ ဘာဝနာစိတ်ကို ငြိမ်ဝပ်စွာကပ်၍ တည်နေအောင်သာ ကြိုးစားရပေမည်။

သို့မှသာ ဓာတ်ကြီးလေးပါးတို့​၏ အသီးအသီးသော သဘာဝလက္ခဏာအာရုံ၌ နှလုံးသွင်းရှုပွားနေသောပုဂ္ဂိုလ်​၏သန္တာန်ဝယ် သဒ္ဓါ ဝီရိယ သတိ သမာဓိ ပညာဟူသော ဣန္ဒြေငါးပါးတို့​၏ ညီမျှမှုကိုရရှိ၍ အလွန်စင်ကြယ် သန့်ရှင်းထက်မြက်စူးရှမှုတို့ဖြစ်လာကြသောအခါ မယုံကြည်ခြင်း အဿဒ္ဓိယ၊ ဘာဝနာအာရုံမှ တွန့်ဆုတ်နေခြင်း၊ လီန- ဓာတ်ကြီးလေးပါးအာရုံကို အမှတ်မရခြင်း၊ မေ့ပျောက်နေခြင်း၊ ပမာဒ- ဓာတ်ကြီးလေးပါးအာရုံမှ စိတ်ပျံ့လွင့်သွားခြင်း၊ ဥဒ္ဓစ္စ-ဓာတ်ကြီးလေးပါးတို့​၏ သဘာဝလက္ခဏာ အသီးအသီးကို ဟုတ်တိုင်းမှန်စွာ မသိခြင်း၊ မောဟစသော ကိလေသာအညစ်အကြေးတို့​၏ ဝေးကွာသွားသည့်အဖြစ်ကြောင့် ဗောဇ္ဈင်မြတ်တရား ခုနှစ်ပါးတို့သည် လွန်လွန်ကဲကဲပင်လျှင် ကြီးမားသောစွမ်းအားနှင့် ပြည့်စုံလာကုန်​၏

Ref:- ဖားအောက်တောရ၊ နိဗ္ဗာန်ရောက်ကြောင်းကျင့်စဉ်(အကျဉ်းချုပ်)-အတွဲ (၃)၊ နှာ ၃၆-၃၈

SASANNA-VEPULLA
Hub of Theravada Meditation

ဓာတ်ကမ္မဌာန်းအပေါ်၌ဣန္ဒြေညီမျှအောင်ကျင့်ပုံ

ဓာတ်ကမ္မဌာန်းဘာဝနာလုပ်ငန်းခွင်အပေါ်၌ ယုံကြည်မှုသည် သဒ္ဓိန္ဒြေဖြစ်ပြီး ဓာတ်ကြီးလေးပါးတို့​၏သဘာဝလက္ခဏာကိုသိအောင် ကြိုးစားအားထုတ်မှု၊ ဓာတ်ကြီးလေးပါးအာရုံ၌ ဘာဝနာစိတ်ကို ငြိမ်ဝပ်စွာကပ်၍တည်နေအောင် ကြိုးစားအားထုတ်မှုကား ဝိရိယန္ဒြေ၊ သိမ်းဆည်းတတ်၊ အမှတ်ရတတ်သောသတိကား သတိန္ဒြေဖြစ်သည်။

ဓာတ်ကြီးလေးပါးအာရုံ၌ ဘာဝနာစိတ်​၏ ငြိမ်ဝပ်စွာကပ်၍ တည်နေမှုသဘောကား သမာဓိန္ဒြေ၊ သဘာဝလက္ခဏာကို ထိုးထွင်းသိမြင်ခြင်းသဘောကား ပညိန္ဒြေ၊ ဤဣန္ဒြေငါးပါးကို ညီမျှအောင်ကျင့်ရမည်။

ဓာတုမနသိကာရဘာဝနာလုပ်ငန်း၌ ယုံကြည်ချက်သဒ္ဓါတရားက စွမ်းအင်ကြီးမားနေသဖြင့် ဓာတုမနသိကာရ ဘာဝနာလုပ်ငန်း၌ သက်ဝင်၍ဆုံးဖြတ်ခြင်း သဒ္ဓါဓိမောက္ခကိစ္စက အလွန်ထင်ရှားနေသောကြောင့်လည်းကောင်း၊ ဓာတ်ကြီးလေးပါးတို့​၏ သဘာဝလက္ခဏာကို ထိုးထွင်းသိမြင်နေသော ပညိန္ဒြေ (အသိဉာဏ်)က မသန့်ရှင်းသောကြောင့်လည်းကောင်း၊ ဝီရိယ-သတိ-သမာဓိ ဣန္ဒြေတို့က လျော့လျော့ရဲရဲရှိနေခြင်း၊ စသောအကြောင်းတရားကြောင့်လည်းကောင်း၊ သဒ္ဓိန္ဒြေသည် အလွန်အားကောင်းနေ​၏

ထိုအခါ ဝီရိယန္ဒြေသည် မိမိနှင့်ယှဉ်ဖက် သမ္ပယုတ်တရားတို့ကို ဓာတ်ကြီးလေးပါးအာရုံမှ လျှောကျမသွားအောင် ချီပင့်ထားခြင်း၊ ပဂ္ဂဟလုပ်ငန်းကိစ္စကို မရွက်ဆောင်နိုင်။ သတိန္ဒြေသည်လည်း ဓာတ်ကြီးလေးပါးတို့​၏ သဘာဝလက္ခဏာအသီးအသီးကို အသိဉာဏ်၌ ထင်ထင်ရှားရှားဖြစ်ပေါ်လာစေခြင်း ဥပဋ္ဌာနကိစ္စကို မရွက်ဆောင်နိုင်။

သမာဓိန္ဒြေသည်လည်း ဓာတ်ကြီးလေးပါးအာရုံမှ ပြင်ပအာရုံသို့ စိတ်ပျံ့လွင့် မသွားအောင် ရွက်ဆောင်ပေးခြင်း၊ အဝိက္ခေပကိစ္စကို မရွက်ဆောင်နိုင်။ ပညိန္ဒြေသည်လည်း ဓာတ်ကြီးလေးပါးတို့​၏ သဘာဝလက္ခဏာအသီးအသီးကို ထိုးထွင်းသိမြင်ခြင်း ဒဿနကိစ္စကို ပြုလုပ်အံ့သောဌာ မစွမ်းနိုင်။ အားကောင်းနေသော သဒ္ဓိန္ဒြေက လွှမ်းမိုးဖိစီးထားသောကြောင့် ဖြစ်​၏

ထို့ကြောင့် ပရမတ္ထဓမ္မသဘာဝ - အထူးသဖြင့် ဓာတ်ကြီးလေးပါးတို့​၏ ကိုယ်ပိုင်သဘာဝလက္ခဏာ အသီးအသီးကို ပရမတ်သို့ဆိုက်အောင် ထိုးထိုးထွင်းထွင်းသိအောင် ဆင်ခြင်ခြင်းဖြင့်လည်းကောင်း၊ သဒ္ဓိန္ဒြေအားကောင်းလောက်အောင် ဓာတ်ကမ္မဌာန်းအာရုံကို နှလုံးမသွင်းခြင်းဖြင့်လည်းကောင်း၊ သဒ္ဓိန္ဒြေကို ယုတ်လျော့စေရ​၏ အကယ်၍ ဓာတ်ကြီးလေးပါးကိုသိအောင် ဓာတ်ကြီးလေးပါးအာရုံ၌ ဘာဝနာစိတ် ငြိမ်နေအောင် ကြိုးစားအားထုတ်မှု လုံ့လဝီရိယက အားကောင်းနေပြန်လျှင်လည်း သဒ္ဓိန္ဒြေက အဓိမောက္ခကိစ္စ၊ သတိန္ဒြေက ဥပဋ္ဌာနကိစ္စ၊ သမာဓိန္ဒြေက အဝိက္ခေပကိစ္စ၊ ပညိန္ဒြေက ဒဿနကိစ္စဟူသော မိမိတို့​၏ ဆိုင်ရာဆိုင်ရာကိစ္စ အသီးအသီးကို မရွက်ဆောင်နိုင်တော့ပေ။

လွန်ကဲနေသော ဝီရိယသည် စိတ်ပျံ့လွင့်မှု ဥဒ္ဓစ္စ​၏ အသင်းအပင်း ဘက်တော်သားဖြစ်နေသဖြင့် ဓာတ်ကြီးလေးပါးအာရုံမှ ပြင်ပအာရုံသို့ စိတ်ပျံ့လွင့်မှု များနေသောကြောင့် ဖြစ်​၏ ထို့ကြောင့် ပဿဒ္ဓိသမ္ဗောဇ္ဈင် သမာဓိသမ္ဗောဇ္ဈင် ဥပေက္ခာသမ္ဗောဇ္ဈင်တို့ကို ပွားများခြင်းဖြင့် လွန်ကဲနေသော ဝီရိယကို ယုတ်လျော့စေရ​၏

အထူးသဖြင့် သဒ္ဓါနှင့်ပညာ၊ ဝီရိယနှင့်သမာဓိ၊ ညီမျှမှုကို အရိယာသူတော်ကောင်းတို့က ချီးမွမ်းမြှောက်စားတော်မူကြ​၏ ဓာတ်ကမ္မဌာန်းလမ်းစဉ်၌ ယုံကြည်မှုသဒ္ဓါတရားက အားကောင်း၍ ဓာတ်ကြီးလေးပါးတို့​၏ ကိုယ်ပိုင်သဘာဝလက္ခဏာ အသီးအသီးကို ထိုးထိုးထွင်းထွင်း သိမြင်တတ်သော ပညိန္ဒြေက နုံ့နေပြန်လျှင် ဓာတ်ကြီးလေးပါးတို့​၏ ကိုယ်ပိုင်သဘာဝလက္ခဏာ အသီးအသီးကို ရှင်းလင်း ထင်ရှား ပြတ်သားစွာမသိဘဲ ဝိုးတိုးဝါးတား မထင်မရှားသိနေပြန်လျှင် သဒ္ဓါနှင့်ပညာတို့မှာ ညီမျှမှု မရှိ ဖြစ်နေပြန်​၏

မပြောပလောက်သော ကမ္မဌာန်းအတွေ့အကြုံ၌ အထင်ကြီးနေတတ်​၏ ဓာတ်ကြီးလေးပါးတို့​၏ ကိုယ်ပိုင်သဘာဝလက္ခဏာ အသီးအသီးကိုကား လွယ်လွယ်ကူကူဖြင့် ရှုရနေ​၏ ထိုးထွင်း ရှင်းလင်းသိနေ​၏ သို့သော် ဓာတ်ကမ္မဌာန်းလမ်းစဉ်၌ ယုံကြည်ချက်သဒ္ဓါတရားမှာ အားပျော့နေပြန်​၏

ဓာတ်ကမ္မဌာန်းကိုစနစ်တကျရှုနိုင်ပါမှ ရုပ်ကလာပ်များကို တွေ့မြင်နိုင်သည်ဟူသောအချက်၊ ယင်းရုပ်ကလာပ်တစ်ခုတစ်ခုအတွင်း၌ တည်ရှိသောဓာတ်ကြီးလေးပါးကို သာဝကတို့လည်း ရှု၍ရနိုင်သည်။ သိမ်းဆည်း၍ ရနိုင်သည်ဟူသောအချက် -ဤအချက်တို့နှင့်ပတ်သက်၍ မယုံတစ်ဝက် ယုံတစ်ဝက်ဖြစ်နေ​၏

တစ်ခါတစ်ရံ "ဒီရုပ် ဒီနာမ်တွေကို" သဗ္ဗညုသမ္မာသမ္ဗုဒ္ဓဘုရားရှင်ဘက်သို့ တွန်းပို့နေတတ်​၏ ဘုရားရှင်ကိုပင် မိမိတို့​၏သက်သေအရာ၌ တည်အောင်ထားနေတတ်​၏ ဝေဖန်ရေးသမား လုပ်နေတတ်​၏ မိမိကိုယ်မိမိ ဉာဏ်ပညာထက်မြက်သူ ပညာရှိသူတော်ကောင်းတစ်ဦးဟု ခံယူချက်ရှိနေသဖြင့် ဘုရားဟောထားသည့် ပရမတ္ထရုပ်နာမ်တို့ကိုသာ ဝိပဿနာရှုကောင်းပါစည်ဟု ပြောဆိုလာသူကို မျက်လုံးကိုထောင့်ကပ်လျက် မျက်နှာချိုသွေးကာ အထင်သေးသော စိတ်ထားဖြင့် ကြည့်နေတတ်ပြန်​၏
ဘာဝနာလုပ်ငန်းခွင်ကို ညွှန်ကြားပြသနေသောဘုရားရှင်​၏တရားတော်များအပေါ်၌ ယုံကြည်ချက် စွမ်းအင်များ လျော့ပါးနေခြင်းဖြစ်​၏

ပရိယတ္တိဗဟုသုတ၊ ပဋိပတ္ထိဗဟုသုတဟူသော အကြားအမြင်ဗဟုသုတပညာက အားကောင်း၍ သဒ္ဓါတရားက အားပျော့ပြန်လျှင်လည်း ကောက်ကျစ်စဉ်းလဲသည့်ဘက်သို့ ယိုင်လဲသွားတတ်​၏ ဆေးကြောင့်ဖြစ်သော အနာရောဂါသည် အကုရခက်သကဲ့သို့ ထိုပုဂ္ဂိုလ်မျိုးကို ဘုရားရှင်​၏တရားစစ် တရားမှန်တည်းဟူသော ဆေးကို တိုက်ကျွေးလျက် မှားယွင်းစွာလက်ခံထားသော ပရိယတ္တိဗဟုသုတ ပဋိပတ္ထိဗဟုသုတပညာကြောင့် ဖြစ်ပေါ်လာသော မမှန်မကန် ကျင့်သုံးနေသည့် အနာရောဂါဆိုးကို ပျောက်ကင်းအောင် ကုသပေးဖို့ရန်မှာလည်း အလွန်ခက်ခဲလှပေသည်။

ဗဟုသုတပညာများသလောက် မေးခွန်းပေါင်းစုံဖြင့် ဆင်ခြေပေးကာ ဝေ့လည်ကြောင်ပတ် လုပ်နေတတ်​၏ သစ္စကပရိဗိုဇ်ကဲ့သို့သော ပုဂ္ဂိုလ်များပင်ဖြစ်သည်။ ထိုပုဂ္ဂိုလ်မျိုးသည်လည်း ဘာဝနာလုပ်ငန်းခွင်၌ အောင်မြင်ဖို့ရရှိရန် ခက်ခဲတတ်​၏ ထို့ကြောင့် သဒ္ဓါနှင့်ပညာ၊ နှစ်ပါးတို့​၏ ညီမျှမှုရှိဖို့လည်း လိုအပ်ပေသည်။

တစ်ဖန် ဓာတ်ကြီးလေးပါးအာရုံ၌ ငြိမ်ဝပ်စွာကပ်၍တည်နေသော သမာဓိကား အားကောင်းလျက် ရှိ​၏ ဓာတ်ကြီးလေးပါးတို့​၏သဘာဝလက္ခဏာ အသီးအသီးကို ထင်ထင်ရှားရှားသိအောင် ကြိုးစားအားထုတ်မှု၊ ယင်းဓာတ်ကြီးလေးပါးအာရုံ၌ ဘာဝနာစိတ်ကို ငြိမ်ဝပ်စွာကပ်၍ တည်နေအောင် ကြိုးစားအားထုတ်မှု လုံ့လဝီရိယကား အားပျော့လျက် ရှိနေပြန်​၏

ထိုအခါ သမာဓိလုပ်ငန်းခွင်၌ ပျင်းရိခြင်း ကောသဇ္ဇ​၏ဘက်တော်သားဖြစ်ခြင်းကြောင့် လွန်ကဲသော သမာဓိရှိသော နုံ့သော ဝီရိယရှိသောသူကို ပျင်းရိခြင်း ကောသဇ္ဇတရားက လွှမ်းမိုးဖိစီး နှိပ်စက်တတ်​၏ ဓာတ်ကြီးလေးပါးတို့​၏သဘာဝလက္ခဏာ အသီးအသီးကို အာရုံယူ၍ သမာဓိထူထောင်နေခိုက်၌ ဘာဝနာစိတ်သည်ငြိမ်ဝပ်စွာကပ်၍ တည်နေသောအခါ ဘာဝနာစိတ်ကို အသာအယာမှေးမထားပါနှင့်၊ စိတ်ကိုလျော့ချ၍ သက်သက်သာသာ မှေးစိုက်ထားခြင်းမှာ လုံ့လဝီရိယလျော့ခြင်း​၏အမှတ်အသားဖြစ်​၏

ထိုကဲ့သို့ စိတ်ကို သက်သက်သာသာမှေးထားပါက ဘဝင်လည်းအကျများလာတတ်၍ ဓာတ်ကြီးလေးပါးတို့​၏ သဘာဝလက္ခဏာ အသီးအသီးမှာလည်း တဖြည်းဖြည်း မထင်မရှား ဖြစ်လာတတ်​၏ ဘာဝနာလုပ်ငန်းခွင်မှ လျှောကျသွားခြင်းပင်ဖြစ်သည်။ ထိုအခါမျိုး၌ ဓာတ်ကြီးလေးပါးတို့​၏ သဘာဝလက္ခဏာ အသီးအသီးကို ထင်ထင်ရှားရှားသိအောင် ယင်းအာရုံ၌ စိတ်ငြိမ်ဝပ်စွာကပ်၍ တည်နေအောင်ကြိုးစားအားထုတ်ခြင်း လုံ့လဝီရိယကို မြှင့်တင်ပေးပါ။

တစ်ဖန် ဝီရိယသည် စိတ်ပျံ့လွင့်မှု ဥဒ္ဓစ္စ​၏ဘက်တော်သားဖြစ်ခြင်းကြောင့် ဝီရိယကလွန်ကဲ၍ သမာဓိက နုံ့နေပြန်လျှင်လည်း ဓာတ်ကြီးလေးပါးကို ထင်ထင်ရှားရှားသိအောင် ဘာဝနာစိတ်ကိုဓာတ်ကြီးတေအပေါ်၌ ငြိမ်ဝပ်စွာကပ်၍တည်နေအောင် လွန်လွန်ကဲကဲကြိုးစားအားထုတ်ခြင်း၊ လုံ့လဝီရိယရှိသော နုံ့သောသမာဓိရှိသောသူကို ပြင်ပအာရုံအမျိုးမျိုးပေါ်သို့ စိတ်ပျံ့လွင့်နေမှု ဥဒ္ဓစ္စတရားက လွှမ်းမိုးဖိစီးတတ်ပြန်​၏

ဓာတ်ကြီးလေးပါးအာရုံ၌ ငြိမ်ဝပ်စွာကပ်၍တည်နေသောသမာဓိကို ဓာတ်ကြီးလေးပါးတို့​၏ သဘာဝလက္ခဏာ အသီးအသီးကို ထင်ထင်ရှားရှားသိအောင် ကြိုးစားအားထုတ်မှု၊ ဘာဝနာစိတ်ကိုကပ်၍တည်နေအောင် ကြိုးစားအားထုတ်မှု၊ လုံ့လဝီရိယနှင့်ညီမျှအောင် ယှဉ်စပ်ပေးလိုက်ပါက ဘာဝနာစိတ်သည် ပျင်းရိခြင်း ကောသဇ္ဇအဖို့အစု၌ ကျရောက်ဖို့ရန် အခွင့်ကို မရနိုင်လေရာ။

ဓာတ်ကြီးလေးပါးတို့​၏သဘာဝလက္ခဏာ အသီးအသီးကိုသိအောင် ယင်းအာရုံ၌စိတ်ငြိမ်ဝပ်စွာကပ်၍တည်နေအောင်၊ ကြိုးစားအားထုတ်မှု လုံ့လဝီရိယကိုလည်း သမာဓိနှင့်ညီမျှအောင် ယှဉ်စပ်ပေးနိုင်ခဲ့သော် စိတ်သည် စိတ်ပျံ့လွင့်မှု ဥဒ္ဓစ္စအဖို့အစု၌ ကျရောက်ဖို့ရန် အခွင့်ကို မရရှိနိုင်လေရာ။ ထို့ကြောင့် သမာဓိနှင့်ဝီရိယနှစ်ပါးစုံကိုလည်း ညီမျှအောင်ပြုကျင့်ပါ။

သဒ္ဓါနှင့်ပညာ၊ ဝီရိယနှင့်သမာဓိ၊ ဤနှစ်စုံလုံးညီမျှမှသာလျှင် ဥပစာရသမာဓိတည်းဟူသော အပ္ပနာသည် ဖြစ်ပေါ်လာနိုငိပေသည်။ ဓာတ်ကြီးလေးပါးတို့​၏သဘာဝလက္ခဏာ အသီးအသီးကို သိမ်းဆည်းတတ်သော သတိ = အောက်မေ့အမှတ်ရနေသောသတိကား အခါခပ်သိမ်းလိုအပ်နေပေသည်သာ ဖြစ်ပေသည်။

Ref:- ဖားအောက်တောရ၊ နိဗ္ဗာန်ရောက်ကြောင်းကျင့်စဉ်(အကျဉ်းချုပ်)- အတွဲ(၃)၊ နှာ ၃၁-၃၆
ဝိသုဒ္ဓိ၊၁၊ ၁၂၅-၁၂၆

SASANNA-VEPULLA
Hub of Theravada Meditation

ပရမတ္ထသစ္စာနယ်သို့သွားလိုပါသလား

ဗဟိဒ်ဓါ ဝိက်ခပေ ဟိ သတိ ကမ်မဋ်ဌာန ပရိဟာယတိ ပရိဓံသတိ (မဟာဋီ၊၁၊၄၃၄)

တင်းကြပ်စွာလိုက်နာရမည့်စည်းကမ်းတစ်ခုဖြစ်​၏ ဓာတ်ကြီးလေးပါးတို့​၏ သဘာဝလက္ခဏာ အသီးအသီးကို အာရုံယူ၍ သမာဓိထူထောင်ခိုက်ဝယ် ဓာတ်ကြီးလေးပါးမှ အခြားတစ်ပါးသောပရမတ်အာရုံ ပညတ်အာရုံအမျိုးမျိုးကို လိုက်ရှုနေပါက စတုဓာတုဝဝတ္ထာန်အမည်ရသော ဓာတ်ကြီးလေးပါးတို့​၏ကိုယ်ပိုင် သဘာဝလက္ခဏာ အသီးအသီးကို ဉာဏ်ဖြင့်ပိုင်းခြားယူတတ်သော ဓာတ်ကမ္မဌာန်းမဟုတ်တော့သည်ကိုကား သတိပြုသင့်​၏

ဓာတ်ကြီးလေးပါးကိုရှုပါမှသာလျှင် စတုဓာတုဝဝတ္ထာန် ဓာတ်ကမ္မဌာန်းဟုခေါ်ဆိုနိုင်၍ အထူးသဖြင့် ဓာတ်ကြီးလေးပါးဖြင့် သမာဓိကိုထူထောင်ခိုက်ဝယ် ဓာတ်ကြီးလေးပါးမှတစ်ပါးသော ပြင်ပအာရုံ အမျိုးမျိုးကို လိုက်ရှုနေပါက ဓာတ်ကမ္မဌာန်းဟု မခေါ်ဆိုနိုင်သည်ကို သဘောကျသင့်လှပေသည်။

အကယ်၍ မိမိသည် သုဒ္ဓဝိပဿနာယာနိကပုဂ္ဂိုလ်ဖြစ်ပါက ပို၍ပို၍ သတိပြုသင့်လှသော အချက်လည်း ဖြစ်​၏ အကြောင်းမူ - သုဒ္ဓဝိပဿနာယာနိကပုဂ္ဂိုလ်တို့သည် ယေဘုယျအားဖြင့် ရုပ်ကမ္မဌာန်းကစ၍ ဒိဋ္ဌိဝိသုဒ္ဓိစခန်းသို့ ကူးရာ၌ ဓာတ်ကြီးလေးပါးကိုပင် အကျဉ်းနည်း အကျယ်နည်း နှစ်နည်းတို့တွင် တစ်နည်းနည်းဖြင့် စတင်၍ ပွားများအားထုတ်ရသောကြောင့် ဖြစ်​၏ (ဝိသုဒ္ဓိ၊၂၊၂၂၂)

ဓာတ်ကိုကား ရှု​၏ သို့သော် ဓာတ်ကြီးလေးပါး​၏ပြင်ပ၌တည်ရှိသော ပြင်ပအာရုံအမျိုးမျိုးကိုလည်း လိုက်၍ရှုနေပါက ကျီးလည်းမမည်- ကြက်လည်းမဟုတ်သဖြင့် သပိတ်ကွဲ ကိုယ်ကြေသာ ရှိချေမည်။

ဓာတ်ကြီးလေးပါးကိုသော်လည်းကောင်း၊ ဓာတ်ကြီးလေးပါး​၏ပြင်ပအာရုံ အမျိုးမျိုးကိုသော်လည်းကောင်း၊ ရှုချင်သလို ရှုချင်တိုင်းလိုက်၍ ရှုနေခြင်းတည်းဟူသောအကြောင်းကြောင့် ပရမာဏုမြူထက် အဆပေါင်းများစွာ သေးငယ်သောရုပ်ကလာပ်အမှုန်များကို မြင်-မမြင်ကိုလည်းကောင်း၊ မြင်လျှင်လည်း ယင်းရုပ်ကလာပ်တစ်ခုတစ်ခု အတွင်း၌တည်ရှိသော ဓာတ်ကြီးလေးပါးကို သိမ်းဆည်းနိုင်၊ မသိမ်းဆည်းနိုင်၊ ဉာဏ်ဖြင့် ပိုင်းခြားယူနိုင်၊ မယူနိုင်ကို မိမိကိုယ်မိမိ ဆန်းစစ်ကြည့်ပါ။

အကယ်၍ ရုပ်ကလာပ်များကို မမြင်ဟုလည်းကောင်း၊ မြင်သော်လည်း ရုပ်ကလာပ်တစ်ခု တစ်ခု​၏အတွင်း၌တည်ရှိသော ဓာတ်ကြီးလေးပါးကို မသိမ်းဆည်းနိုင် ဉာဏ်ဖြင့် ပိုင်းခြားမယူနိုင်ဟု အဖြေထွက်ခဲ့လျှင် ဓာတ်ကမ္မဌာန်းဖြင့် သမာဓိကို ထူထောင်ခိုက် ဓာတ်ကြီးလေးပါး​၏ ပြင်ပအာရုံ အမျိုးမျိုးကို လိုက်မရှုရဟူသော စည်းမျဉ်းဥပဒေသကို လိုက်နာသင့်ပေသည်။

အကြောင်းကား ရုပ်ကလာပ်တစ်ခု တစ်ခု​၏အတွင်း၌ တည်ရှိသော ဓာတ်ကြီးလေးပါးကို သိမ်းဆည်းနိုင်ပါမှ ပရမတ္ထသစ္စာနယ်သို့ စတင် ဆိုက်ရောက်သောကြောင့် ဖြစ်ပေသည်။ တရားကိုကြိုးစားရာတွင် အာရုံအမျိုးမျိုးကို လိုက်နေမည်ဆိုပါက အောက်ပါဥပမာအတိုင်းပင် ဖြစ်ပေလိမ့်မည်။

ဥပမာ- ချောင်းတစ်ခု (သို့) မြစ်တစ်ခု (သို့) ချောက်ကမ်းပါးတစ်ခုကို ဖြတ်ကျော်ရန် တံတားတစ်ခုကို တည်ဆောက်ထားရာ ထိုတံတားပေါ်၌ ခြေတစ်ဖဝါးစာ သွားနိုင်ရုံမျှ ပျဉ်တစ်ချပ်ကိုခင်းထား​၏ ထိုပျဉ်တစ်ချပ်သာခင်းထားသောခြေတစ်ဖဝါးစာမျှသာ သွားလမ်းရှိသော လမ်းခရီးကိုသွားနေသောယောက်ျားသည် ဘေးပတ်ဝန်းကျင် အာရုံအမျိုးမျိုးကို ငေးမောကြည့်လျက် ထိုတံတားပေါ်သို့ လျှောက်နေခဲ့သော် ထိုမှာဘက်ကမ်းသို့ မရောက်နိုင်ဘဲ ချောင်းအတွင်း (သို့) မြစ်အတွင်း (သို့) ချောက်ကမ်းပါးအတွင်းသို့ ကျသွားဖွယ်ရာ ရှိ​၏

Ref:- ဖားအောက်တောရ၊ နိဗ္ဗာန်ရောက်ကြောင်းကျင့်စဉ်(အကျဉ်းချုပ်)-အတွဲ (၃)၊ နှာ ၂၅-၂၆

SASANNA-VEPULLA
Hub of Theravada Meditation

ဓာတ်ကမ္မဌာန်းရှုပွားသူများလိုက်နာရမည့်စည်းကမ်းဥပဒေသ

ခန္ဓာအိမ်တစ်ခုလုံးကို ခြုံငုံ၍ ယင်းခန္ဓာအိမ်၌တည်ရှိသော မာ-ကျန်း-လေး-ပျော့-ချော-ပေါ့ (ပထဝီသဘောတရား)၊ ယိုစီး - ဖွဲ့စည်း (အာပေါသဘောတရား)၊ ပူ -အေး (တေဇောသဘောတရား)၊ ထောက်ကန် - တွန်းကန် (ဝါယောသဘောတရား)များကို ကြိမ်ဖန်များစွာရှုနေပြီး ထိုဓာတ်ကြီးလေးပါးအာရုံ၌ ဘာဝနာစိတ်ကို ငြိမ်ဝပ်စွာ တည်နေအောင် ကပ်ထားပါ။

ထိုသို့ ကြိုးပမ်းအားထုတ်ရာ၌ လိုက်နာရမည့်စည်းကမ်းများမှာ-

(၁) အနုပုဗ္ဗတော = အစဉ်အတိုင်း ရှုပါ။
ဓာတ်ကမ္မဌာန်းကိုနှလုံးသွင်းနေသောပုဂ္ဂိုလ်သည် ဘုရားရှင်ဟောကြားထားတော်မူသည့်အတိုင်း ဆရာသမားများထံမှ သင်ယူထားသည့်အတိုင်း "ပထဝီဓာတ် အာပေါဓာတ် တေဇောဓာတ် ဝါယောဓာတ်" ဟု အစဉ်အတိုင်းသာ ရှုပါ။

(၂) နာတိသီဃတော = မမြန်လွန်းစေရ။
ဓာတ်ကြီးလေးပါးကို ဘုရားဟောဒေသနာစဉ်အတိုင်း နှလုံးသွင်းသောပုဂ္ဂိုလ်သည်လည်း အလွန်လျင်လျင်မြန်မြန် နှလုံးမသွင်းပါနှင့်။
အကြောင်းကား - ဓာတ်ကြီးလေးပါးကို အလွန် လျင်လျင်မြန်မြန် နှလုံးသွင်းနေသောပုဂ္ဂိုလ်​၏ သန္တာန်၌ တပြောင်းပြန်ပြန် ဓာတ်ကမ္မဌာန်းကို နှလုံးသွင်းခြင်း မနသိကာရသည် အဆက်မပြတ်ဖြစ်နေသည်ကားမှန်​၏ သို့သော် ကမ္မဌာန်းဟုခေါ်ဆိုအပ်သည့် ဓာတ်ကြီးလေးပါးတို့​၏ သဘောတရားအာရုံသည် မထင်မရှား ဖြစ်နေတတ်​၏

ကမ္မဌာန်းအာရုံသည် မထင်မရှားဖြစ်နေခဲ့သော် ဥပစာရသမာဓိ စသော အဆင့်မြင့်မားနေသော တရားထူး တရားမြတ်ကို ယင်းဘာဝနာမနသိကာရတရားက ရွက်ဆောင်မပေးနိုင်တော့ပေ။ ထို့ကြောင့် အလွန် လျင်လျင်မြန်မြန် နှလုံးမသွင်းပါနှင့်။

(၃) နာတိသဏိကတော = မနှေးလွန်းစေရ။
အလွန် နှေးနှေးကွေးကွေးလည်း နှလုံးမသွင်းပါနှင့်။
အကြောင်းကား - အလွန် ဖြည်းဖြည်းဆေးဆေး နှေးနှေးကွေးကွေး ဓာတ်ကြီးလေးပါးကို နှလုံးသွင်းနေသောပုဂ္ဂိုလ်​၏သန္တာန်၌ ဓာတ်ကမ္မဌာန်းသည် ပြီးဆုံးခြင်းသို့ မရောက်နိုင်။ ဝိပဿနာဉာဏ် မဂ်ဉာဏ် ဖိုလ်ဉာဏ်စသော တရားထူး တရားမြတ်ကို ရခြင်း​၏အကြောင်းတရား မဖြစ်နိုင်ပေ။

(၄) ဝိက္ခေပပဋိဗာဟနတော = အပြင်အာရုံသို့ စိတ်ပျံ့လွင့်မှုကို တားမြစ်ရမည်။
ဓာတ်ကြီးလေးပါးတည်းဟူသော ကမ္မဌာန်းအာရုံကို စွန့်လွှတ်လိုက်၍ ဓာတ်ကြီးလေးပါးတို့​၏ပြင်ပ၌ တည်ရှိကုန်ကြသော ပရမတ်အာရုံ ပညတ်အာရုံအမျိုးမျိုး၌ စိတ်ပျံ့လွင့်မှုကို တားမြစ်ပေးပါ။
အကြောင်းကား - ဓာတ်ကြီးလေးပါး​၏ပြင်ပ၌ တည်ရှိသော ဓာတ်ကြီးလေးပါးမှ အခြားတစ်ပါးသော ပရမတ်အာရုံ ပညတ်အာရုံ အမျိုးမျိုး၌ စိတ်ပျံ့လွင့်မှုရှိခဲ့သော် ကမ္မဌာန်းအာရုံမှ ဆုတ်ယုတ်တတ်​၏ ပျက်စီးတတ်​၏

(၅) ပဏ္ဏတ္တိသမတိက္ကမနတော = အမည်ပညတ်၌ သောင်တင် မနေပါစေနှင့်။
ပထဝီဓာတ်ဟူသော အမည်နာမပညတ်ပေါ်၌ ဘာဝနာစိတ်ကို မထားဘဲ မာ-ကျန်း-လေး-ပျော့-ချော-ပေါ့ ဟူသော ပထဝီဓာတ်​၏သဘောတရားအပေါ်၌သာ ဘာဝနာစိတ်ကို ထားရမည်။ အာပေါဓာတ်ဟူသော အမည်နာမပညတ်အပေါ်၌ ဘာဝနာစိတ်ကိုမထားဘဲ ယိုစီးမှု- ဖွဲ့စည်းမှုဟူသော အာပေါဓာတ်​၏သဘောတရားအပေါ်၌သာ ဘာဝနာစိတ်ကို ထားရမည်။

တေဇောဓာတ်ဟူသော အမည်နာမပညတ်အပေါ်၌ ဘာဝနာစိတ်ကိုမထားဘဲ ပူမှုသဘော၊ အေးမှုသဘောဟူသော တေဇောဓာတ်​၏သဘောတရားအပေါ်၌သာ ဘာဝနာစိတ်ကို ထားရမည်။ ဝါယောဓာတ်ဟူသော အမည်နာမပညတ်ပေါ်၌ ဘာဝနာစိတ်ကို မထားဘဲ ထောက်ကန်မှုသဘော၊ တွန်းကန်မှုသဘောဟူသော ဝါယောဓာတ်​၏သဘောတရားအပေါ်၌သာ ဘာဝနာစိတ်ကို ထားရမည်။ အမည်နာမပညတ်အပေါ်၌ ဘာဝနာစိတ်ကို သောင်တင်မနေစေဘဲ ဓာတ်ကြီးလေးပါးတို့

21/05/2026

https://youtube.com/shorts/uuKiQT7gigA?is=vDvr5Evn217qn6_F

12/05/2026

12/05/2026

အေးချမ်းကြပါစေ။ လိုရာပြည့်ကြပါစေ။

12/05/2026

12/05/2026

✨ Quantum Field ထဲမှ Manifestation အနုပညာဖြင့် သင့်အိမ်မက်များကို ပုံဖော်ပါ ✨
​သင်လိုချင်တဲ့ ပန်းတိုင်တွေ (Goal Setting) ကို လက်တွေ့ဖြစ်လာအောင် ဘယ်လိုဖန်တီးရမလဲဆိုတာ သိချင်ပါသလား?
​တစ်ခါတလေမှာ ကျွန်တော်/ ကျွန်မတို့ဟာ အိမ်မက်တွေဆီ လျှောက်လှမ်းတဲ့အခါ လမ်းပျောက်နေသလို၊ တစ်ယောက်တည်း ရုန်းကန်နေရသလို ခံစားရတတ်ပါတယ်။ အမှန်တော့... အဖြေက သင့်ရဲ့ နက်ရှိုင်းတဲ့ Deep Trance (စိတ်အခြေအနေ) ထဲမှာ ရှိနေတာပါ။
​🌌 ဘာကြောင့် InnerHarmony ရဲ့ Session ကို ရွေးချယ်သင့်သလဲ?
​Quantum Field Connection: ဖြစ်နိုင်ခြေပေါင်းများစွာ ရှိနေတဲ့ Quantum Field ထဲသို့ စိတ်အာရုံဖြင့် ချိတ်ဆက်ခြင်း။
​5 Senses Visualization: သင်ဖြစ်ချင်တဲ့ ပန်းတိုင်ကို အာရုံငါးပါး (အမြင်၊ အကြား၊ အနံ့၊ အရသာ၊ အတွေ့အထိ) နဲ့ ထိတွေ့ခံစားပြီး စိတ်ထဲမှာ အခိုင်အမာ ပုံဖော်ခြင်း။
​Deep Trance State: ဆိတ်ငြိမ်ပြီး တည်ငြိမ်တဲ့ စိတ်အခြေအနေထဲမှာ သင့်ရဲ့ Subconscious Mind (မသိစိတ်) ကို ပန်းတိုင်ဆီသို့ ဦးတည်စေခြင်း။
​"သင်တစ်ယောက်တည်း မဟုတ်ပါဘူး။ သင့်ရဲ့ စိတ်စွမ်းအားတွေကို မှန်ကန်တဲ့ လမ်းကြောင်းပေါ်ရောက်အောင် လမ်းညွှန်ပေးမယ့် ဆရာလေး ရှိနေပါတယ်ရှင်။"
​📞 ဆက်သွယ်ရန်နှင့် ရက်ချိန်းယူရန်
​သင့်ဘဝရဲ့ အချိုးအကွေ့တစ်ခုကို အခုပဲ စတင်လိုက်ပါ။
​ဖုန်းဖြင့် ဆက်သွယ်ရန်: * 09-767288835
​09-420282842
​09-740021014
​Messenger: Page Inbox မှတစ်ဆင့် တိုက်ရိုက်မေးမြန်း စုံစမ်းနိုင်ပါသည်။
​ဝန်ဆောင်မှုပုံစံများ:
💻 Online Session: Zoom မှတစ်ဆင့် တစ်ဦးချင်း ဆွေးနွေးနိုင်ပါသည်။
🤝 In-person Session: လူကိုယ်တိုင် တွေ့ဆုံကုထုံးယူလိုပါက (၁) ရက်ကြိုတင်၍ ရက်ချိန်း (Appointment) ရယူပေးပါရန် မေတ္တာရပ်ခံအပ်ပါသည်။
​InnerHarmony Enlightened - သင့်စိတ်ကမ္ဘာ ငြိမ်းချမ်းခြင်းမှသည် အောင်မြင်မှု့ဆီသို့။